محَبوبتي اليوم بـ درابين المدينة
تمشي وتدور علية شگد حَنينة ،
اليوم داست عَ التراب الـ چنت أدوسة
اليوم أگض طين الفرع كِله وأبوسة ..

كون يمي وكون أضمَك
كون تتسمى الليالي الحَلوة بأسمك .

فجأة حَسيته تغير
ونمت خايف من كلامه !
وكلت يمكن يبتعد
وانا أول ماغفيت تحلمت
بأيدي زرعته وغيري يشلع بالورد
شورطاني بهاي كُلها ؟
كون أرد الأول رسالة
وما أرد .

ناس تحب خراب
وكُل طشاش ثنين
يحسدون
الگصيبة
شلون ملمومه
وبس انتَ العزلتك
بين هاي الناس"
ورممتك وانا
بيوت أهلي
مهجومة أمس روحي
أشتهت واحد مزاعلها
وحَنت والمحنة
ما تطيحلها أمس
جثة اهنود الروح
تالي الليل گبال أعيون أهلها
تحترك كُلها أمس حَطيتهن
مرسال يم مرسال وعانيت
الردودك ما أستاهلها .

أنا تمنيت لو يوم مَ حبيت .

چَنه حَبايب وأگرب ثنين
أشو حَتى مِن تُمر مَ تصير عين بـ عين .

أريدك تصفن شوية ؟
وتراجع أفعالك
الـ سويتهن بية !
شنو تشوف
البرود الـ بيك قوه ؟
لو من أزعل وما
تهتملي حَلوة ؟
هذا أسلوبك يغيرني وﷲ
وجاي يحول الحنيه قسوة .

‏﴿ وَاصْبِرْ فَإِنَّ اللَّهَ لَا يُضِيعُ أَجْرَ الْمُحْسِنِينَ ﴾