‏جبت مجموع عالي.. جبت متوسط حتى لو جبت مجموع متواضع ، مع انك كنت بتذاكر وعارف نفسك ذاكرت وتعبت، يبقى ماتزعلش نفسك لأن زعلك مش هيجيبلك الكلية اللي انت عايزها ولا هيرجع الزمن بيك، الدنيا ابسط من كدا

ماتزعلش على حاجة طالما تعبت واجتهدت لان الرزق دا من عند ربنا في النهاية وله حكمه في توزيع الأرزاق ومابيختارش لينا حاجه وحشة سواء جبت مجموع عالي أو متواضع.. ارضى وقول الحمد لله وصدقني عوض ربنا هينسيك تعب المذاكرة وسهر الليالي وكل لحظه فيها تعب سواء في شغلانه، في رزق كبير بعدين في وظيفه كبيره
العوض أجمل بكتير ?

Telegram

بنك المعرفة المصري - Egyptian Knowledge Bank

هدف القناة تحقيق أكبر قدر من الإستفادة لطلاب دفعة التابلت

الشيخ علاء حامد كان قاعد في درس من الدروس وكان بيقول للناس الموجودين يلا يا جماعة هدعي وأنتم تأمنوا..

اللهم احشرنا مع المغنيين ف كله سكت
قال الله! يا جماعه مش بتقولوا آمين ليه

قال اللهم أمتنا على سماع الأغاني ف كله سكت برضه
قالهم ايه يا جماعه ما تقولوا آمين

بعدها قال اللهم احشرنا مع الصالحين.. كله قال آمين
وقال اللهم أمتنا على سماع القرآن.. كله قال آمين

ف بصلهم وقالهم ده اقوى دليل على تحريم الأغاني والموسيقى
انتم كنتم حكم انفسكم.

Telegram

بنك المعرفة المصري - Egyptian Knowledge Bank

هدف القناة تحقيق أكبر قدر من الإستفادة لطلاب دفعة التابلت

الشهادة اللي انت رامي دينك عشان تاخدها دي.. ممكن تموت قبل ما تكسب قرش من وراها، فين عبادتك اللي هتدخل بيها القَبر ؟

د.حازم شومان

Telegram

بنك المعرفة المصري - Egyptian Knowledge Bank

هدف القناة تحقيق أكبر قدر من الإستفادة لطلاب دفعة التابلت

بخصوص اول امتحان ثانوية عاملة داخل في المجموع وأي امتحان بعد كدا

١- اول مادة اساسية هتلاقي الدنيا زحمة وفيه توهان واجهزة تفتيش وتعليمات من كل حتة
ماتخافش من حاجة انت اسد، حاول تروح بدري عشان تخش بدري وماتتوترش

٢- وانت داخل المدرسة هتلاقي اصحابك او اي مجموعة واقفة تراجع مع بعضها ومعاهم ملازم وحاجات جامدة كدا وبيقولوا معلومات غريبة سيبك منهم وماتراجعش معاهم وماتراجعش مع حد الا لو حد بيحضر معاك كل الدروس من اول السنة وعارفه كويس البيست بتاعك يعني وسيب ١٠ دقايق قبل الامتحان ماتراجعش فيهم حاجة خالص ، اشرب مياه وخش الحمام دا مهم جدا

٣- الامتحان هيبدأ هتلاقي ناس بتحاول تغش وتعمل دوشة وناس تانية بتعيط وناس تانية بتتخانق مع المراقبين ومحاضر غش
ماتركزش غير في امتحانك وبس كأنك قاعد لوحدك وامسك اعصابك مهما حصل ومهما كان شكل الامتحان لأنك عامل اللي عليك وزيادة

٤- لو اتيحت ليك فرصة غش
انا بقولك اهو ماتغشش وسيبها على ربنا هيكافئك على دا اوي اوي والله، اقرا السؤال كويس مرتين وبعدين حل وبعدين اقرأه مرة كمان بالحل بتاعه

٥- هتخرج من اللجنة هتلاقي شوية عيال بتراجع واصحابك جايين يراجعوا معاك
ماتراجعش مع حد نهائي وانسى اللي حصل وفكر في المادة الجاية

٦- بعد الامتحان هتلاقي عيال على السوشيال بتقول دا اسهل امتحان في الدنيا ياعم ازاي تغلط فيه، وناس تانية بتقولك كدا احلامنا ضاعت ومش هنلحق حاجة
سيبك من اي كلام لأن الاتنين بيكدبوا وماتفتحش سوشيال بعد الامتحان خالص ولا تكتب بوستات صياح نهائي

٧ - ماتقولش رأيك في الامتحان خالص لأنك ممكن تحبط حد تاني مهما كان رأيك، وفره لنفسك.. منه راحة بال وتوفير وقت ليك كدا كدا رأيك مش هيغير حاجة

٨ - نماذج الاجابة هتنزل الاول من المدرسين وبعدين من النموذج الاصلي بتاع الكنترول
ماتراجعش معاهم نهائي وانسى لأنك كدا كدا مش هتقدر تغير حاجة انت عملت اللي عليك وخلاص

٩- مهما كان اللي عملته في الامتحان انساه خالص انت تعبت وماكانش في ايدك تعمل اكتر من كدا، هتقعد تحسب درجات وربنا هيكرمك بدرجات تانية خالص والله ثق فيه بس واتعب للمادة الجاية عشان ربنا يكرمك فيها

حبيبي كلنا مقدرين مجهودك وتعبك والظروف اللي مريت بيها خلال السنة وفرحانين بيك والله، عملت ايه وهتعمل ايه في الامتحان دي حاجة مش فإيدك ف ماتخافش منها، انت عملت اللي عليك وزيادة، ثق فربنا اكتر، هيكرمك ماتقلقش ❤️

-Dr. Kareem Sayed

Telegram

بنك المعرفة المصري - Egyptian Knowledge Bank

هدف القناة تحقيق أكبر قدر من الإستفادة لطلاب دفعة التابلت

الغريب ان اهل السفينة عاشوا وماتوا مايعرفوش ان سيدنا الخضر لما خرق السفينة كان بينقذهم من ملك ظالم ويمكن اهل الغلام فضلوا طول عمرهم بيدعوا على اللي قتل ابنهم

حكاية سيدنا الخضر مع سيدنا موسى مش بس بتقول ان فيه حكمة إلهية في كل ابتلاء.. لا كمان بتقول ان مش لازم اهل الابتلاء يعرفوا الحكمة منه وده الاختبار الاصعب
مش لازم ربنا يقولك انا عملت كده ليه
مش لازم تعرف الرواية التانية للحكاية
عشان كده الصبر مش مجرد صفة محمودة الصبر بيقصقص جناحات الانسانية اللي بترفض التسليم بأمور ماتعرفش الهدف منها
"الصبر معجزة"

Telegram

بنك المعرفة المصري - Egyptian Knowledge Bank

هدف القناة تحقيق أكبر قدر من الإستفادة لطلاب دفعة التابلت

رسالة موجزة إلى الأصدقاء اللي هيبدأوا امتحانات الثانوية:

(1) ماتأجلش تحت أي مبرر، خش باللي عندك واخلص من السنة المقرفة دي.
مافيش حد أعرفه أجّل وكان وضعه العلمي أو النفسي أفضل، بل الأمر في الغالب بيزداد سوءًا.
والموضوع كله أهون من إنك تضخمّه فتضيع فيه سنة زيادة في هذا الضغط النفسي الحقير.

(2) أي ابتزازات عاطفية من الأهل من قبيل: عايزينك بقى تعمل وتسوي، لازم تجيب كذا، إوعى ماتجبش كذا، إنت أملنا الوحيد، إنت اللي هتشرفنا، إنت اللي هترفع راسنا، إنت اللي هتسعدنا وتخرجنا من كل هذا النكد والتعاسة = كل الهراء ده تحطه في كيس بلاستيك وتولّع فيه، وترمي الرماد في الزبالة وتاخد صندوق الزبالة ترميه من فوق جبل شاهق، وتبتسم لهم وتقول إن شاء الله خير.
إنت مش أمل حد.

(3) إنت مش في سباق مع حد مهما أوهموك بعكس ذلك.
فبطل جلد ذات ومقارنات ساذجة مالهاش لازمة، للأسف أحيانا من كتر ترديد تلك المقارنات في الصغر = بيتحول هذا الصوت البغيض إلى صوتنا الداخلي في الكِبر، فخليك واعي بده، وسكّت الصوت العقيم ده، واسع باللي تقدر عليه، وافهم إن كل واحد في الدنيا له امتحان خاص بيه، وإجابة نموذجية خاصة به هو فقط، وهي دي اللي هيتحاسب عليها، مافيش ميزان دنيوي موحّد على الجميع، ورُبّ درهم سبق ألف درهم.

(4) آه تعليمنا اللطيف مش أهم حاجة، بل هو مسرحية كبيرة في الحقيقة مش هكدب عليك يعني عشان مايتهمونيش إني بثبّطك ومش وقته واسطوانة كل سنة دي،
ولكن العقل بيقول إيه؟
حاليا في الغالب إنت مش عارف إنت عايز إيه، مستقبلك ضبابي جدا، وبالتالي إنت حاليا في لعبة ماريو، مرحلة (تجميع النقاط)، فبتحاول تجمّع أكبر نقاط قوّة ممكنة، وتطلع بأكبر منفعة وأقل خسائر ممكنة، لأنك مش عارف ممكن النقطة دي تفيدك إمتى وإزاي.

والشهادة النظامية للأسف مهمة برضه مش هكدب عليك، وأحيانا مهمة جدا، لاعتبارات مختلفة اجتماعية وثقافية وأحيانا مهنية، وفي هذا تفصيل يطول..
فاعمل اللي تقدر عليه عشان على الأقل يبقى عندك رفاهية الاختيار، وماتضطرش تقضي كام سنة في مكان مش حابّه، وإن كان مسألة الحب أيضًا تحتاج لتفصيل يطول.

(5) صحتك النفسية والبدنية أهم من مليون ثانوية.. خليك فاكر ده كويس جدا.

(6) عشان ماطوّلش عليك، اللي أنصحك تعمل به الآتي:
- ماتسهرش، بحيث تصحى على الفجر، تصلي وتقول أذكارك، والشاي بلبن الجميل أو أي مشروب تحبّه.
- لا يُفضل إنك تراجع إلا للضرورة القصوى، عشان هتوترك وتوهمك إنك ناسي كل حاجة، ابعد وريلاكس خالص.
- انزل قبل الميعاد بوقت كافٍ جدا بحيث ماتضطرش تبص في الساعة خالص.
- لما توصل للجان ماتقفش مع صحابك، اسمع مني، ابعد وحط هاند فري في ودنك واسمع حبّة قرآن أو تواشيح أو حاجة تهدّيك.
- لما تخلص، اطلع من المدرسة بأسرع ما يُمكن، وماتكلمش حد خالص.
- إياك ثم إياك ثم إياك تتابع أي مراجعة للإجابات بعد أي امتحان... إياك!
- لما تخلّص، أهلك هيسألوا = الحمد لله زي الفل، وارمي وراك، وخد بريك حلو، وخش في اللي بعده.
- ماتّابعش أي أخبار، كلها محفوظة ومُكررة كل سنة بانهياراتها واعتراضاتها حد الملل يعني.

(7) وابحث واسأل واستشير أهل العلم والخبرة، وخش الكلية اللي (يغلب على ظنك) إنك بتحبها أو على الأقل مش كارهها، (وفقًا لمعطياتك الحالية)، مع الأخذ في الاعتبار إن ممكن جدا جدا مع التجربة، المشاعر والمعطيات تتغير وتكتشف إن اختيارك مكنش صح، فكلما قدرت تكتشف ده في وقت أسرع وأبكر = لا تتردد في إنك تغيره فورًا، حتى لا تستهلك عمرك ونفسك في مكان لا يناسبك، مهما كانت رغبة اللي حواليك، وكلما تأخرت في اتخاذ القرار بالنزول من القطار الخاطئ = ستزداد كُلفة العودة.

(8) وإياك ثم إياك ثم إياك تدخل حاجة لمجرد إنك تفرح حد، أو تحقق أحلام حد، أو استخسار مجموع، أو اتباعًا لهوى شلّة الصحاب، أو اتباعا لبعض أوهام نسجتها السينما في خيالك عن بعض المهن أو المجالات، والتي لا تمت للواقع بصلة.

وفي النهاية، سل الله التوفيق والسداد والعون والتسير، وكن على يقين أنه لن يأتيك إلا ما قد كُتب لك في الأزل، وما يصيبك لم يكن ليخطئك وما يخطئك لم يكن ليصيبك، رُفعت الأقلام وجفّت الصُحف.
طمأن الله قلبك يا صديقي ووفقك لما يحبه ويرضاه.

Telegram

بنك المعرفة المصري - Egyptian Knowledge Bank

هدف القناة تحقيق أكبر قدر من الإستفادة لطلاب دفعة التابلت

الثانويه العامه مش نهاية العالم
ايا كانت النتيجة.. انت عملت اللي عليك، دا جهدك ودي قدراتك ودي طاقتك
كل اللي مطلوب منك تعمل اللي عليك وتشد حيلك على آخر حاجه
ماتضغطش نفسك، بلاش تدوس على نفسك نفسيآ، بلاش تمسع لكلام حد ايا كانت من مقارنات او ضغط او انك تحسبها حتى بينك وبين نفسك

ربنا عارف انت تعبت قد ايه وعارف كل لحظه انهارت وجيبت قاع فيها وصدقني هو مش شايلك غير الخير وبس، صدقني انت لسه قدامك الطريق، حتى لو فشلت في الثانويه العامه هتنجح في ١٠٠ الف مجال.. شغل دماغك بس
هانت ياجميل احنا جمبك وبندعمك ومستنيينك تفرحنا. ❤️

Telegram

بنك المعرفة المصري - Egyptian Knowledge Bank

هدف القناة تحقيق أكبر قدر من الإستفادة لطلاب دفعة التابلت

أنت هتموت في يوم من الأيام، ف خد الأمور ببساطة، ركز على الحاجات المهمة، ماتنساش إنك في امتحان والورقة بتاعتك ممكن تتسحب في أي لحظة، ف خليك جاهز وركز على الأسئلة الإجباري وخلي لها الأولوية.
البوصلة بتاعتنا أحياناً بتبوظ بسبب الزحمة اللي حوالينا،
لازم كل فترة تقعد وتظبط بوصلتك.

Telegram

بنك المعرفة المصري - Egyptian Knowledge Bank

هدف القناة تحقيق أكبر قدر من الإستفادة لطلاب دفعة التابلت

تخيل ان ربنا استجاب دعوة ابليس لما قال لربنا "انظرني إلى يوم يبعثون"
ربنا اجاب دعوته على الفور "قال فإنك من المنظرين إلى يوم الوقت المعلوم"
وانت بتفكر يا ترى ربنا هيستجيب دعوتك ولا لأ!

شوف كدا سيدنا النبي ﷺ بيقول ايه؟
قال المصطفي ﷺ "ما من مسلم يدعو بدعوة ليس فيها اثم ولا قطيعة رحم الا وله بها احدي ثلاث: إما ان يعجل الله له دعوته، وإما أن يدخرها الله له في الاخره، وإما ان يصرف عنه من السوء مثلها"

اما ان يعجل له دعوته
يعني ربك يستجيب على الفور ليك زي ما وعدك في قرآن يُتلى إلى يوم الدين "وقال ربكم ادعوني استجب لكم"

اما ان يدخرها لك في الاخره
يُؤتى بالعبد يوم القيامه ف يقول الله له اتذكر يوم دعوت كذا واستجبت لك يقول
نعم يارب ف يقول له اتذكر يوم دعوة كذا ولم استجب لك فيقول نعم يارب فيقول انظر فينظر العبد فيجد ما يجعله يتمنى ان لو كان غير مستجاب الدعوه من نعيم
ما رأى

ان يصرف عنه من السوء مثلها
يعني تدعي ربنا كدا.. تقول يارب انا عايز مليون جنيه ف ربك ما يعطيكش المليون جنيه ولكن يبعد عنك حادث او مرض كان
ممكن يحصلك ويكلفك المليون جنيه دا

ومسك الختام بقى سيدنا عمر بن الخطاب بيقول: "كل عمل بين الرفض والقبول الا الدعاء الذي يسبقه صلاة على الرسول وآخره صلاة على الرسول لان الله اكرم من ان يقبل صلاتين على الرسول ويرد ما بينهما وهو دعاءك" ❤️

Telegram

بنك المعرفة المصري - Egyptian Knowledge Bank

هدف القناة تحقيق أكبر قدر من الإستفادة لطلاب دفعة التابلت