**Вайн Шайх Вахьид Балий сийсара Делан динан гӀуллакхера шен цӀа вогӀуш вен гӀоьртина новкъахь дуьхьала бевлла, уьрсаца вортана чов а еш!

Коьрта чу а ца тарло, я ала дош а ца карадо, амма АллахӀе-м балхор бу вай зуламхой!

АллахӀа массо зенах, зуламах, мекарлонах, ямартлонах ларвойла хьо тхан хьоме Шайх, Далла тӀе боьду некъ тхуна бовзийтина волу, суннатан некъ тхуна къагийна волу, нийсо тхуна хьехна волу, Делан дине эзарнашкахь нах балийна волу, цу динера эзарнашна Ӏилма хьехна волу тхан Шайх, АллахӀа дуккха а хан яхйойла хьан Шена муьтӀахь хиларехь сов а воккхуш!**
https://t.me/Shayh_Vahid_Baliy

⏩Пайхамарца (саллаллахIу IалайхIи ва саллам) зIе хоттар!⏪

?Ӏашураъ дийнах лаьцна хьадис ду, цу Ӏашураъ дийнахь бен ца дуьйцуш, и хьадис дуьйцур ду вай тахана, Дала мукъ лахь, цIера хенаца 14:00.

?Эфир кху чохь? https://t.me/Darsash_Live хир ю. Цу эфирехь ла мел доьгIначунна Пайхамарца (саллаллахIу IалайхIи ва саллам) зIе хотталуш ижазат а хир ю. ЛадогӀа бакъо ю, воккхачуьнан, жимачуьнан, стеган, зудчуьнан, массеран а, ворхIара мел ваьллачунна ижазат а хир ю.

Шена хетарг

Шайх Мухьаммад Хьасса‌на (АллахIа Iалашвойла иза) боху:

«Суна цхьана хетарг ду нийса дерг олу, шена хетарг АллахӀера доссийна Къуръан долуш санна. ХӀай сан ваша, хьан кхетам Делера хаам ма бац! Къуръанах, хьадисах болу сан кхетам а Делера хаам ма бац, хьо а иштта кхета веза цунах аьлла ас хьуна тӀедожадаллал! Ткъа Къуръанах, хьадисах болчу кхетамехь сан кхетам хьайчух тера ца беънера аьлла ас сайн дин доьхкина ахь муха эр ду?! Сонталла ма ю хӀара!

[Видео: Мата‌ бакан-набиййу]
https://t.me/Shayh_Muhammad_Hassan

Элчанан меттиг цахаар!

Шайх Мухьаммад Хьасса‌на (АллахIа Iалашвойла иза) боху:

«КӀоршамалла хета суна, шарчохь цхьазза АллахӀан Элча (саллаллахӀу ӀалайхӀи ва саллам) вазвеш де хаьржина лелар! Цхьаверг цецвер ву ас иштта аьлча, ас юха а боху-кх, кӀоршамалла ю-кх, хаа ма-беззара АллахӀан Элчанан (саллаллахӀу ӀалайхӀи ва саллам) меттиг цахаар а ду-кх, АллахӀан Элча (саллаллахӀу ӀалайхӀи ва саллам) вазвеш шарчохь цхьа де хаьржина Ӏар! ХӀай сан ваша, бусалба стагана гергахь АллахӀан Элчанан (саллаллахӀу ӀалайхӀи ва саллам) меттиг, шен дахарехь ша доьӀуш долчу синан барамехь иза вазвар хила дезаш ма ду, хӀунда аьлча иза жоьжахатих хьалхавалар бахьана и Элча долан дела! Ткъа вайна девзуш долу, наха лелош долчу кепара Элча винчу денца вазвар АллахӀана гергавуьгуш хӀума делхьара, АллахӀан Элчанна дезаш хӀума и делхьара, уггар цу хӀуманна хьакъ болчу наха, цу Элчанна уггар уллера хиллачу наха, АллахӀан Элчанна уггар дукхабезаш хиллачу наха лелийна хир ма дара иза, асхьабаш бу-кх уьш!».

[Шархь усу‌лус-сала‌сахӀ, дарс: 7]
https://t.me/Shayh_Muhammad_Hassan