http://ayman202021.sarhne.com

دخلت مره في جنينه أشم ريحة الزهور وأهني نفسي الحزينه وأسمع نشيد الطيور?****

أنا عمري ما هبقى تقيل لو حبيت وعمري ما اقتنعت بفكرة إنك لو بتحب حد تديله مشاعر بالقطاره عشان يفضل دايمًا موجود وحاسس إنه مش مالكني وإني ممكن في أي لحظه أسيبه وأمشي ف يمسك فيا...أنا يا بحبك ف هديك كل حاجه جوايا يا مش هحبك وساعتها ‏هدور وشي لو شوفتك...اللي في النص ما بينهم دا مش حب دا هرتله وأنا مليش فيها...

بس لو ألاقي اللي أحبه
واللي قلبي يروح لقلبه
واللي ترتاح روحي جنبه
يومها عمري ما أبقى خايف?****

ولو مرت سنين أكيد راجع?****

كل يوم حزني بيزيد أكتر وبكرهني أكتر ونظرتي للحياه بتقل بطريقه مرعبه أو بمعنى أصح مفيش نظره للحياه خالص تجاه أي شئ...

ساعات بتبقى الحاجات اللي بتفضل تهرب منها طول الوقت هيا اللي بتفضل مطارداك ومبتبقاش واخد بالك إنها الحاجه اللي مناسبه ليك إلا بعد فوات الأوان...

‏حاسس إن جوايا شخص قاعد بيعيط وبيتكلم بصوت عالي وأنا قاعد برا ولا داري باللي بيحصل جوا...

أنا جوايا كلام كتير اوي...حاجات كتير مضايقاني جدًا بس تقريبا من كتر ما أنا بقيت بشيل جوايا ومش بواجه الأشخاص اللي هما سبب في حزني تأقلمت مع الوضع وبقيت باكل في نفسي وخلاص...معتش عندي القدره إني أعبر عن اللي جوايا أو أقول اي اللي مضايقني...معتش بعرف أواجه حد دايمًا ساكت وببتسم وخلاص...

‏صباح الخير...أنا جوايا كلام كتير عايز أطلعه بس مش عارف ولا قادر أترجم اللي جوايا من مشاعر على هيئة كلمات...أنا بنام وبصحى على أمل إني أصحى كويس بس بصحى مدمر من اليوم اللي قبله...أنا غرقان في أحزاني لوحدي ومفيش ملجأ واحد أروح ليه...