Boshqacharoq boʻlarmidi balki dunyo
Bu odamzod oʻz nafsiga qul boʻlmasa
Jonin tikib toʻplarmidi molu dunyo
Bu dunyoda eng muhimi pul boʻlmasa

Kimdir deydi eng muhimi ishq muhabbat
Kimdir deydi koʻngli toza boʻlsin faqat
Buzilmasdi oʻrtamizda hech oqibat
Bu dunyoda eng muhimi pul boʻlmasa

Koʻrkamliging suluvlarni etolmas rom
Goʻzallar ham gʻariblarga qilmas xirom
Nima bilan farqlanadi izzat ikrom
Bu dunyoda eng muhimi pul boʻlmasa

Kim sotardi pul uchun oʻz badanini
Kim sotardi pul uchun oʻz vatanini
Olsa yetar asli besh gaz kafanini
Bu dunyoda eng muhimi pul boʻlmasa

Ne deb inson bir biriga qilar nayrang
Ne talashib nima uchun qiladi jang
Qolarmidi oʻgʻir damda holimiz tang
Bu dunyoda eng muhimi pul boʻlmasa

Soʻzlarimdan pir boʻlmasin hafsalangiz
Aytmang faqat menga eski falsafangiz
Oʻzingizni aldayvering hohlasangiz
Bu dunyoda eng muhimi pul boʻlmasa

Tishim izi toʻlmas edi yoqalarga
Majburmasdim chidashga qurbaqalarga
Sotmas edim umrim sariq chaqalarga
Bu dunyoda eng muhimi pul boʻlmasa

✍ Nodir Muxammadzokir sheri

https://t.me/nodirmuxammadzokir

Devonaman boshga birov urganday
Oʻz oʻzimga oʻzim soʻylab yuribman
Koʻzim yumib sahnalarda turganday
Oʻz sherimni oʻzim kuylab yuribman

Gohi ishdan goh tashvishdan bezganda
Togʻday boʻlib muammolar ezganda
Hech kimsa yoʻq dalalarni kezganda
Oʻz dardimni oʻzim kuylab yuribman

Kuylaymanda men oʻzimni ovutgani
Yonayotgan yuragimni sovutgani
Hofizmasman olqishlaru gul kutgani
Men shunchaki oʻzim aldab yuribman

Ichay desam rizqimni ham ichdi akam
Chekay desam yetarlidir chekkani gʻam
Bir xudo bor bir sirdoshim qogʻoz qalam
Oʻz dardimni oʻzim toʻkib yuribman

Garchi yulduz boʻlmasamda samoda
Tilaklarim qolib ketmas havoda
Nolalarim yetsa boʻldi xudoga
Himmatidan umid qilib yuribman

✍ Nodir Muxammadzokir sheri

https://t.me/nodirmuxammadzokir

BUGUN OYLIK OLAMIZ😊😊😊

Qachon yetar ekanman
Bekam-u boylikkacha
Arang yetib boryapman
Oylikdan oylikkacha

Tongdan tun qadar chopib
Bir ikki soʻm pul topib
Qarzlar olib qarz yopib
Oylikdan oylikkacha

Bilmam bazi odamlar
Pulini qanday jamlar
Yigʻilib turar kamlar
Oylikdan oylikkacha

Qish gʻami koʻmir oʻtin
Shamollash birin ketin
Kasal boʻlmay tur xotin
Oylikdan oylikkacha

Kimdan avval yo keyin
Kimga yengil yo qiyin
Shukr ishim bor tayin
Oylikdan oylikkacha

Qilib shukr va toqat
Qilaversak harakat
Ollox berar barokat
Oylikdan oylikkacha

Koʻpayib ketar pulim
Ollox desa ol qulim
Bir qadam boʻlar yoʻlim
Oylikdan boylikkacha

✍ Nodir Muxammadzokir sheri

https://t.me/nodirmuxammadzokir

Xudoyimga tavakkal

✍ Nodir Muxammadzokir sheri

? Nodir Muxammadzokir ijro qildi

https://t.me/nodirmuxammadzokir

Yoʻl yoʻlakay hirgoya qildik

https://t.me/nodirmuxammadzokir

LOLAQIZGʻALDOQ
✍ Muhammad Yusuf sheri

? Nodir Muxammadzokir ijro qildi

https://t.me/nodirmuxammadzokir

SENSIZLIK

Bepayon keng deb bilardim dunyoni
Nahot bizga boʻldi toru ensizlik
Topdim deya quvongandim Layloni
Peshonamga bitilganmi sensizlik

Tushlarimda koʻrgan goʻzal sen eding
Bedor boʻlib bitgan gʻazal sen eding
Koʻnglimdagi ishqi azal sen eding
Peshonamga bitilganmi sensizlik

Sen tayyorsan ishqimizning vidosiga
Balki senga yaxshidirda mensizlik
Qachon yetgan oʻzi Majnun Laylosiga
Peshonamga bitilganmi sensizlik

Buncha oson xayr deysan sevmaganday
Seni qanday sevishimni bilmaganday
Oʻchsa edi xotiram sen boʻlmaganday
Peshonamga bitilganmi sensizlik

Boʻlsa senday boʻlgandirda oʻsha Laylo
Boʻlsa menday boʻlgandirda Majnun shaydo
Koʻngillar bir yoʻllarimiz boʻlib ayro
Peshonamga bitilganmi sensizlik

Ming yugurib visolingga yetolmadim
Yuz oʻgirib ammo sendan ketolmadim
Hijronlarda baxtdan sherlar bitolmadim
Peshonamga bitilganmi sensizlik

✍ Nodir Muxammadzokir

https://t.me/nodirmuxammadzokir

Assalomu alaykum
Azizlar
Baxtiyor Gʻoziyev ijodimizdan birini qoʻshiq qildi.
Eshitib baxo berasizlar
Xudo hohlasa yangiliklar koʻp
Asta sekin chiqaramiz
Qoʻllab quvvatlab, yaqinlarga joʻnatib turinglar

ODAMLAR | #new #music

#uzbek   #BaxtiyorGoziyev

(Nodir Muxammadzokir so’zi)

(Talab istaklarga binoan yozildi)

?Musiqa topuvchi Bot
@TaronaBot

? Sayt: Xitmuzon.net
➫ Xit qo'shiqlar olami?
https://t.me/BaxtiyorGoziyev

https://t.me/nodirmuxammadzokir