مطلوب شقة اجار طويل تلاتة غرف

للتواصل @nazaroh

عايزين تتزوجو ?

يا جماعة عيشو حياتكم بره من قيود المجتمع عموما وبره قيود المجتمع السوداني خصوصا.

السودان دولة عالم ثالث، ودولة مواردها كتيرة وشعبها فقير، واعراقو كتيرة ويحارب في التنوع، واول الشعوب ممارسة للثورة ومتخلف سياسيا، وناسو سود و عنصريين ، ده ما نظام مجتمعي يوريك انت المفروض تعمل شنو والما تعملو شنو، اي ممارسة خارج إطار تفكير هذا الشعب فهي تقريبا ممارسة صحيحة.

بحب السودان نعم ، وبحب شعبو ايوة ، لكن ما بسلمو طريقة تفكيري ولا حعرف حياتي بكيف المجتمع حيشوفا.

لو كان المجتمع السوداني شمس، فاي ضوء حيسلطو عليك حيطلع منك ما ضل، لكن نقد، حيعكسك كلك كده كنقد يمشي على قدمين، فتحرر ياخي، لانو صراحة سئمت وانا كل مرة بشوف ناس مبدعين دافنهم الخوف من نظرة المجتمع يسألو نحن نعمل شنو عشان نقدر نعمل العايزنو!!

بطلو تخافو من المجتمع واشتغل بس.

غالبا حيسموكم مبدعين بعد كم سنة كده.

#هش #كو

#لسست_زعيط_ومعيط_للقنوات_المحافظة

?ذات النقاب ?

?المكتبة الاسلامية ?

?زول بشخبط✏️

?ارث سوداني ??‍♂??

?مما اعجبني ?

للاتشراك في اللستة #مختل_عاطفيا

بنوت زمان قدوة ومثل
زي اللبن فوق العسل
الواحدة من الليل دخل
من بيتا ما حامت حصل

بنوت زمان كانن اصال
العزبة والفي بيت حلال
الواحدة بفوق الرجال
حفانة تمشي بلا نعال

بنوت زمان كانن بساط
فيهن كمان سمح المشاط
مرتبطة مافي وارتباط
إلا العقد يوم الرباط

- أنت لسة قاعد؟
- يازول مالك
ـ قوووووم سريع
ـ اقوم وين؟
ـ تقوم وين كيفن؟
ـ يازول مالك في شنو!
ـ انت شكلك ما عارف اي شئ ولا متابع المسجدات!
ـ يازول ما تجنني كدي براحة كدة فهمني الحاصل شنو؟
ـ الحاصل يا سيدي انو الحكومة اطلقت مبادرة اسمها القومة للسودان للتبرع من اجل النهوض بالسودان واعماره وفتحت التبرع لكل سوداني.
ـ وطيب لو عايز اقوم واتبرع للسودانا الغالي. اتبرع كيف؟
ـ بكل سهولة ويسر عن طريف تلفونك لو كان شريحتك سوداني ولا زين او ام تي ان ما عليك إلا تضغط نجمة() واحد تسعة ثم سلم(#) وترسل الطلب بتجيك خيارات التبرع من الرقم 1 الي الرقم 8 اقل تبرع 3 جنيه سوداني واقصى تبرع 200جنيه سوداني لو عايز تتبرع 3 جنيه رد بالرقم 1 ولو عايز تتبرع ب5 جنيه رد بالرقم 2 ولو عايز تتبرع 10 جنيه رد بالرقم 3 لو عايز تتبرع ب20 جنيه رد بالرقم 4 ولو عايز تتبرع ب50 رد بالرقم 5 ولو عايز تتبرع ب100جنيه رد بالرقم 6 ولو عايز تتبرع ب200جنيه سوداني رد بالرقم 7
ـ 19# 5 تم
ـ اها اتبرعت؟
ـ ايوة اتبرعت
ـ يلا نكلم التانييين ونخليهم يتبرعوا

وانتو كمان ماتنسو تتبرعو

#القومة_للسودان

#زول_بشخبط
نزار عثمان هاشم

طرائف حبوبات
حبوبة قالت
_ "الشعرة الما بتعرف الواجب ، تقوم في الرقبة وتخلي الحاجب?"
_"حظ الكيشة لو وقع من السماء بلقى الأرض مافيشه..?"
_" العندو واسطة في بيت البكا بياكل باسطة?"..

من اقوال اهلنا الكبار
عز الخيل لجم
وعز الحريم وليان
وعز الرأس دهن
وعز الجلد قطران

‏ حبوبه قالت :ـ ما ضروري تعرفي اي حاجة في الدنيا لأنو مرات الضي الزايد بيعمي"
?
وقالت كمان إنو رب الخير كان عدلا زول بعوجا مافي .
?
وانو حيلك كان كمل فرحمة ربك ما بتكمل ..
?
والدمعه غالبيها بالصنقيع ، بس دنقري واجبريها تنزل لما تشحدي فرج الكريم.
?
والدنيا لو كترت عليك صارعيها بالرضى واعرفي انو الشي المقسوم ليك ما بختاك و الصبر طيب بس حلاتو فى نارو والداير طعم العسل ما يخاف النحل .
?
واعرفي اقيفي مع ناسك فى ساعة الحزن عشان فرحك يجيك وانتي بتلاوى الضيق و الحزن .
?
حبوبة قالت : القروش رايحة والسماحة مع العمر بتروح إختاري القلب والروح وأمسكي بالعشرة وخليك لينة في العشرة .
?
وقالت كمان البيوت بتتجير والقلوب بتتغير
ومافي داعي للفكي عشان الله في.
?

وقالت السر لو شالوا أكتر من نفرين مابيبقي سر .
?
وقالت حق الناس إن بقى شجرة ماتشيل منو صفقة..
?
وقالت البعزك جد بخاف من نفسه عليك وبشيلك في عيونه .
?
وقالت يابتي الريدة الحقيقية في السند في الزول البشيل همك ويقسم معاك وجعك..
?
والريدة بتظهر ليك في الفعل وكتر الكلام لا بودي ولا بجيب..
?
وقالت الغيرةملح الريدة كان اختفت بتبقي مسيييخة.
?
وقالت الدايرك لي قدام مابرضي ليك بمس الهندام
?
وقالت زولك كان عسل ماتلحسو كلو
?
وسلام تعظيم لحبوبات الزمن الجميل

انا لاني شيوعي ولا شعبي ولا عندي دوافع جهوية
لا حتى ديمقراطي ولا نفسي تسمحلي برتبة سياسية
لا شيعي ولا انصار سنة لا ببرا الطرق الصوفية
لا بهوى الموتمر الوطني لا عندي مصالح شخصية

انا زول سوداني وزي جدي سوداني الجد بالجنسية
من حقي اعبر عن رأيي وانا من عشاق الحرية
انا بكره كل البظلمني من حقي بيركب عربية
لكن الكُره الفي قلبي ما بيكتل(يقتل) فيني الوطنية

مشكلتي الشعب الما عارف عايش بأبسط عقلية
فاكر الأنوار الفي الشارع من حق حكومة حرامية
مفتكر البص حق الوالي والوالي بيقلع زندية
طيب نتكلم بالمنطق من وين للوالي الملكية!

في العالم مافي حكم بيصدر على شخص بمشكلة وهمية
لا كل مرافقنا العامة من ملك حكومة نظامية
لا الوالي بيملك تعريفة في اي مؤسسة مبنية
ماننفخ كلنا في قربة مقدودة واصلا مرمية

في اي نظام حاكم ظالم برضو في ناس واعية ودقرية
المشكلة مافي مين حاكم المشكلة ماعندنا وطنية
لو مات فنان ساكت موت الله نقوم ونهيج نحرق دورية
هوووي يا عالم ماتصحو الدنيا قدر ما إيدية

كل الدول السبقتنا محت اول حاجة الامية
في عرفها مثلا لو جينا في اي مظاهرة شعبية
مافي مواطن بتجرأ يكسرلو قزازة طبلية
عارفين ممتلكات الدولة حقوق لمواطن اساسية

لو درنا نعبر عن رأينا بكل سلام واريحية
نمرق بالصوت البشبهنا في اي مسيرة جماعية
القصر الجمهوري الواقف باننو رجال في التركية
لا حق الحاكم لا ناسو وارثنو من اصل المهدية

لو كان الحاكم اتورط في حرب ابادة جماعية
نمرقو ونشنقو في الشارع ويتحاكم محكمة عدلية
كل الاحزاب الحكمتنا من زمن الازهري مادية
كانت عينيها على الكرسي ماغرست فينا الوطنية

العقل اصلا ما واعي مشغول بمشكلة قبلية
من زمن المدرسة والوسطى في اي جامعة وكلية
وطنية الطالب مهزوزة معدومة نهائي ومنسية
الجهل مسيطر والواقع كابوس وضلام وضبابية

الذوق السوداني الحائر مهووس بعولمة غربية
والشاب السوداني القاصر بتحركو اجندية مخفية
والكل مستاء من الحاصل قايدانا عناصر مشرية
تحويلك انها عاد تخدم والمبدأ اصولة الدينية
لكن الحاصل في الواقع بالحقد مليانة ومكسية

ان شاءالله وعننا ما ناكل ننعم بدولة حقيقية
ولا بنقول معمار في الفاضي لو حتى مؤسسة صحية
خلو رصيد الظلط الكبري يكون في توعية بشرية
انت بتبني عشان نسكن في دوحة جميلة وسحرية
لكن مافائدة بنيانك لزول بتنفسسسسس امية

اساسية اي حكم وطنيتو من غيرو الدولة خيالية
ماتسمع انو ح تتصفى لو رأيك قلتو علانية
مافي بشر بموت غير يومو طول مافي حصانة إلهية
رأيك ما رأيك هو تقولو لو دوشكا في راسك متكية

اغنية للفنان بابكر البركل