لا تروحين مَن اديني
وخاف ازعلچ
خاف أأذي گلبج الچنة فراشة
تحَمليني
انتِ حلوة
واني تَعبان مَن اجيتچ
ناسي واهلي متعَبيني
وخاف اجي تَعبان يَمچ
حطي ادينچ فوگ جَرحي وطَيبيني
امي كالت دينك يكمل بالزواج
وانتِ ديني

گتلك گضاني المرض
حط أيدك على الوُجع خَاطر تطيبني
تسحگ برجّلك گمت
وين اليتعبني؟
ويٕاك طاير جنت
ومأمن تحبني
شمدريني من سَابع سّمه
من نوصّل تذبني

‏وين جنتي ؟
‏ولِيش متأخرة عليّ كل هَل سنين ؟
‏ولِيش ما طِيفج إجه وفزز صفنتِي ؟

بَعدك
ما بنيت لغيرك أحلام
و لا لعيونهم مَشيت الأيام
وگف ميلي برحيلك
صارلة أعوام
و يُلوموني
و أنا بيا حَال و أنلام

وأنتِظرتك
بين صُفنات ألليّالي
وجرَح دخَان الجكاير
وبين لچمَاتي وحَسرتي
وَحيرتي وكَسرة خاطري
وبين مَدري؟
وين صُاير؟
وأنتِظرتك
هَلبت تمُر بية طُيف
يضَمضم دموعِي أعِلى باچر .

بَس بالليّل!
يلتم كِل عَتب روحّي
وأغنيّلك
أغنِي و عَيني تبچيّلك
أغنِي و شوگي ياخَذني
بچَدم حَافي لمُواويلّك.

دمِعتكّ بارَدة يگولون ما تِشتاگ
وانا خيالي الحِنين يثگِل بجدمّة
والكاهُم فراغ مَنن ما أحِط شوگ
الأحبهُم مو نهارّ گلوبهُم ظلمّة
اليضُم عِندي هوىٰ ما
اسَولفة لمَخنوگ
اليجي بوَكته دَمع بعيوني ما أضمه
واهس ليل جَرحي شگد سوالف بي
عَلي كل ذكره مَـرة تنحسب لچمه .

الفطن گام وشمرها وعالج الچويات
والفاهي گضاها يعاتب الجمرة.

يجي دخان شوكك يترس العين
وادمع ذكرياتي وشوك عطاب
تبرت كلها مني ووحدي ضليت
بس موادعك ضل لازم الباب !
ركض طيفك بعيني وفحط الليل
شمعه ونفس منك ليلي ماجاب
حسرتي وياك جوت خد الغيوم
هواك اختنك بيها ونزلت شهاب
نشف واهس عيوني بكل الوجوة !