بيتنا قرب يشتي والجو صاير شتوي وحلو والصباحيات صايرة شتوية وأخر ايام ال Iced coffee وراح نبلش نشرب ال Hot coffee ونلبس جاكيتات وقماصل بعد كم يوم ونحضر واجباتنة گدام الصوبة ونقرا لأمتحان وفجأةً تمطر وينطوهة عطلة ويتأجل الأمتحان ونطلع ويا أهلنا بالليل بالبرد والصبح بالمدرسة نضل نهفي بأيدنا لأن باردة وتمطر بالمدرسة ونركض جوة المطر ويا صديقاتنة?.

يوم الخميس الونيس احلى طلعة ويَّ ماما??‍♀️

يوم لطيف البارحة چنت غايبة لأن مريضة واليوم شوي تحسّنت الحَمدُ لله داومت وشفت صديقاتي وبنات الصف اجوي كلهم حضنوني ويسألون عن صحتي وگالوا حتى الصف البارحة كئيب بدونج ? + وشفت البزون النمري انطيتة أكل ووكلتة ولعبت وياه وشكلي لطيف جنت مسوية تسريحة كيندال وماعندي هواي واجبات وام الرياضيات مدحت دفتري صدگ يوم حلو اقيمة 8/10 ???.

عزة ليش صاير نص محتواي بزازين

اكو بزون صغير لونة نمري وضعيف حيل توة جاي للدنيا ف هو طاب للطرمة مالتنا بدون مندري بيه واحنىٰ حاطين أكل بزونتنة بصف الطرمة وهو أكل شوي من أكلها وراح ومرة طلعت للطرمة هم لگيتة يباوع على مشمش وفجأة طلعت وبس شافني راح واليوم الصبح هم لگيناه برة لعبت ويا شويّ واحنىٰ ودنطلع للدوام ف مشمش جنة شايليها ويانة وهو اجة يباوع عليها وراح واحس كيوتي + اذا لگيتة باجر هم برة اصورة الكم ??

احب شخصيتي بالمدرسة وكل يوم كشخة جديدة وتسريحة جديدة ?