ژیان هیچ بەهایەكی ڕاستە قینەی نیە ، تەنیا بە هۆی حەزە سێكسیە كان و خەیاڵی پوچەوە بەردەوامە

شۆپنهاوەر

""نازانم چۆن کارمەندی سەرژمێری تێبگەیەنم من و تۆ یەک کەسین نەک دوان""

""بەکارمەندی سەرژمێریەکەم وت تۆمارم مەکە تا یار ئەبێتە سەرۆک خێزانم ""

""بە کارمەندی سەرژمێریەکەم وت بنوسە سینگڵی کاتی ، لەداهاتوو من و ئەو وسەرخڕەکەمان""

""کارمەندی سەر ژمێریەکە وتی لەکوێ نیشتەجێی ، وتم لە دڵی ئەو""

کارمەندی سەرژمێری : تخوا بەجدی ، دە لاکەوە کارتی نیشتمانیەکەتمان بەرێ و سەرمان مە ئێشێنە

Haloy Mam Xaled 🖤

ئەم قسەیەتان بیستوە کە دەڵێ کەسی باش نەماوە ؟؟

پێش چەن ڕۆژێک بە قەدەری خوا سەیارەکەم کێشای بە سەیارەیەکدا ، زیانی زیاتر بەر ئەوکەوت
خەتاکە لەمن بو ، پاش دابەزین سلامعلیکم براکەم باشیت؟ ئەویش جوابی سڵاوی دایەوەو وتی جەنابتان سەلامەتن عەزێتان پێنەگەشتوە ، هەرلەویا ژمارکەم لێ وەرگرت وتم پاشان قسەکەین لەخزمەتام ، هەرچەند دواتر زۆر هەوڵمدا سەیارەکەی بۆ بژمێرم ، وتی هەر ئەوەی هێندە پیاوانە هاتویتە بەردەم ماڵم سەیارەکەش بەقوربانت بێ
ڕەنگە من سبەینێ لە کەسێک بدەم گرنگ ئەوەیە سەلامەتین ، بیرم کردەوە باشە خەڵکی هەر دەڵێن مرۆڤی باش نەماوە

تۆ ئەزانیت دەیان و سەدان سەرمایەدار هەیە دەستیان بە فەقیر و بێ هاوژین و هەتیوی ئەم وڵاتەیە
دەیان گەنجی خۆبەخشمان هەیە بەزانستەکەی ڤیدۆی نەشیاوی هەڵەی گەنجەکان ئەسڕنەوە ژیانی خەڵک دە پارێزن ، چەندین دکتۆری بەڕێز و بە ویژدان کێشەی دەرونی و جەستەیی خەڵک چارە دەکەن بێ بەرامبەر
ماندو نە ناسانە ، خانم هەیە بە دیار هیچ و پوچێکەوە دانیشتوە کە سور ئەزانێ بەسەر ئەمەوە فەسادی ئەکات ، سۆزی بۆیان نیە ، پیاوی بەڕێزی وامان هەیە
ژنەکەی چەندین ساڵە لەسەر جێیە ، بە میهرەبانیەوە مەردایەتی خۆی نواندوە ،
هێشتا خوشک و دایکانێک ماون بە شەرەفەوە
تەحەمولی دونیای بێ بەزەیی ئەمڕۆ دەکەن

گەرەکمە بێژم پێت هێشتا ئەم نیشتیمانە پڕیەتی لە مرۆڤانێکی باش کە نابیندرێن ، ناڵێم بێ هۆکار مرۆڤێکی باشبە ، باشی زۆرینە لەبەر خودایە

بس کێ وتوێتی ناچارین لە بەر چەند هەرچی و پەرچیەک و ئیعلامی سەقەتی وڵاتەکەمان کە پوچەکانمان بۆ گەورە ئەکات بەچاوێکی کەم سەیری ئەم کەسە باشانە بکەین؟

ناوی هیچ کام لەو کەسانەم نەهێنا کە بەڕاستی مرۆڤانێکن هەقە لە شوێن پێکانیان گوڵ بڕوێت
بەڵام هەقی خۆیەتی بڵێم ئەم نوسینە پێشکەشە بەوانەی نابیندرێن ،پێشکەشی کەن بەوانەی ئەهلی چاکە و خێرخوازین با لەیادمان بن تا
باڵی کەسە خراپەکان مۆڵگەی مێش و مەگەزیان لەناخما نەچێنن
وابزانین کەسی باش نەماوە ...

بمێنن بەخێر ، خوا پاداشتی ئەوانە بداتەوە کە وتم
شوێن پێکانیان هەقە گوڵ بگرێت ...

Haloy Mam Xaled 🖤

هەرشتێک جارێ پێی هەڵخەڵەتای جاری دووەم نیشانەی گەمژەیەتیتە ..

هەنێ کچ هەیە هەر بۆ ئەوەی بڵێ داواکارم زۆرە هەر قۆنەرەیەک بڵێ بۆ زەواج قسەو لەگەڵەکەم یەکسەر بڕوا ئەکا ماوەیەک دەسی پێ گەرمەکاتەوەو دوایی دەسی لێبەرەیا ،  ئینجا خۆی ئەمە جگە لە سووکێتی کوڕ ئەقڵ سووکی ژنیش پیشان ئەیا کە بۆ هەموو کوڕێک درگای لەسەرپشتە بەشێکیشی خۆشباوەڕی و خەیاڵاتە بەڵام بەشەزۆرەکەی بۆ ئەو تڕە شانازیە بێمانایەیی ناوخەڵکێتی بۆئەوەی باسی کات کە داواکاری زۆرە نازانێت شتی بێنرخ ویستی زۆرتر لەسەرە ..  شتی گران  (لەکوڕ و کچا)  هەر لە دوورەوە کڕیار ئەزانێ لەقیاسی ئەمانییە و پێی هەڵناسوڕێ بەڕێی خۆیا ئەڕوا ،  بەس شتی بێنرخ وەک پەڕۆ وایە چوارپێنجێک ئەکڕن بۆ بەردەست ..

#51

کۆکراوەیەک لەو وتانەی نوسەرەکانیان نازانم کێن :

1-ئەگەر ئامۆژگاری خەڵکت کرد خۆتت بیر نەچێت

2-ئەوانەی ئەزانن بێدەنگن ئەوانەی نازانن زۆر قسە ئەکەن

3-یان لەپەنجەوە ئەتخەنە پێکەنین یان ئەتخنکێنن

4-دەنگ لەشتی بەتاڵە وە زیاتر دێت تا پڕ

5-خەڵک هەموی شێتی پارەیە کەچی شێتیش بێ پارەیە

6-شوشەی پەنجەرەکە چاک کرایەوە بەس ئەو کەسەنا کە ئێواران لەوێوە دەیڕوانی

7-ڕاکردنت لەو شتانەی ئازارت ئەدات زیاتر ئازارت ئەدات ،ئازارەکەی بچێژە زوتر باش ئەبیت

8-پارە و پێیە ئەمرکە ، پارەو پێ نیە دەنگ مەکە

9-ژیان بەو شێوەیه ناڕوات کە ئێمە چاوەڕوانی ئەکەین

10-ئەگەر وەک دوێنێ بیربکەیتەوە ئەوا بۆ سبەینێ ئەگەی بە ئەمڕۆ

11-قسەکانیان دەریایەکەو کردەوەکانیان پەرداخێک پڕ ناکات

12-ئەمڕۆش خۆت مەکوژە ڕەنگە بەیانی خۆت بمریت تۆزێ گەشبین بە

13-لەسەرچی لەگەڵ خودا شەڕتان بوە وا نوێژ ناکەیت؟

14-دایکم بەو نەخوێندەواریەی خۆیەوە شتانێکی فێرکردوم ئێوە بەو هەموکتێبەوە بۆتان ناوترێ

15-هەیە ئەسپێکی جوانی هەیە کەچی هەر چاوی لەسەر کەرێکی شەلە

16-ئاگاداربە نەکەویت ، بکەویت خەڵکی ئێستا دەستت ناگرن ڕەسمت ئەگرن

17-شکات لای کێ بکەم ؟ دزەکە پۆلیسە ...!

18- خەمی بچوک هاوارت پێ ئەکات ، خەم ئەگەر گەورەبوو لاڵ ئەبیت

یان وتەیەکمان بۆ جێبهێڵە یان ناوی نوسەرێکی وتەکانمان پێبڵێ با پێی ئاشنا بین ?

کۆکردنەوەی : Haloy Mam Xaled

https://t.me/qawaxanayklture/938517