Ce Mıdofia Nozirati sistem ada 143 milyon mánot ixtilosi hax ada mahkama otırkárde natija ada oško bıa ki mavotban, budja vasoiton dızdiye ı báxša kárde ro maxsusiya mexánizm heste. A ıstırukturun ki ba nozirati tábe in, hamina mexánizmi asos ada harakat kárdedan.

Im mexánizimi hax ada ce Mıdofia Nozirati Moliya ı Budja ro Saidora kána rais, generál-máyor, Nizámi Mammadovi márti 14 ada Boku Harbiya Mahkama ada gapıž ža. Cay votayon asos, harbiya hissa iyan jo gıla orgánon ada šaxsiya heyati ášmárdi asos ada smeta tartib kárda beda, iyan "alova xárjon pardoxt kárde" nomi na budja ku vasoiton jo kárda bedan. Sor ada i kara taftiš ı osa kárde hangoma, mıayyan bedabe ki mablaq heste ki tayinoti asos ada xárj kárda bedani. Hamina mablaqi 50 foizi ba nozirati rosoniye ro ba taftiši bárda odami dodabin. Hamina 50 foizi 20 foiz ba moliya, 30 foiz ba taftiša šeban rasedabe.

"Lašqar soxta bey ku žıqo - 1993 mina sori ku žıqona qáyda tayin bıa. Faqat cımı vaxt ada ne, mı ku banáv, rais, Námig Poládovi vaxt ada an ım qáyda hestıbe.", - generál, N. Mammadovi ıšta ifoda ada votaše.

Av lašgari Talim ı Tadrisa Mərkazi Moliya Xidmati sobiga rais, polkovnik-leytenánt, Rašád Malikzoda mahkama ada šohid taki ifodaš doa. N. Mammadovi ıštan an habs ada ye, alon Boku Harbiya Mahkama ada cay mıhokima davom kárdeda.

Mıdofia Nozirati sistem ada 143 milyon manot ixtilosi goroš a šaxson ki avoni ba jinoyata koy ro ba masuliyat jalbıšon kárda, cavon masala bo cánd gıla hissa jo kárda bıa. Cavon mahkaman jo-jo davordona bedan. Ca xuna ıšta mahkama ada taqsirina šaxs jo kasi mahkama ada bana šohidi gap žayda

De “Ábzás Media” ko ángıl okárda bıa jinoyata kosa habs kárda bıa žurnáliston-cı našri dırextur Ulvi Hasanli iyan saredáktor Sevinj Ábbásovi (Vágifgızı) hax ada silista dovri ro vıžna bıa qati habsa tadbiri mıddat dıroz kárda bıa.

Taqsirkor zına bıa žurnáliston ıštanan bacavon vayna bıa nionia molahváta ittihomi soxta be, “Ábzás Media” ada ba korrupsiya otırini gora jazodoa be votedan. Avon ımiyan votašone ki, mahkama ku obyektiva iyan adolatina qaror caš kárdanimon.

Ba Sevinj Vágifgızi ko dia kárde ada day hokim Rafáel Sádıxovi árada mıbohisa bıa. Žurnálist de siyosia siforiši hokimat ada korrupsiya fáš kárde gora jazo doa be vote ada hokim acay sıxáni bırniyaše. Bım ada Sevinj Vágifgızi ba hokimi votaše:

“Tı cımı sıxáni bırniye azınıš. Nain ki tı, batı amr doa kason an nibaznen. Tı ku farqin, áz ozod gıla odamim”.

Ce Ávropa Párlámenti ba Ermanistoni Áİ uzvati nomizati státusi doy qatnoma de xayli sado qabul bıa. Ba qatnoma leh 504, ba aleyh 4 sado doašone. 31 deputát betaraf mánda.

Qatnom ada Ávropa İttifoqi, Ávropa Komissiya i Ávropa İttifoqi Šurá sado kárdan ki de Áİ amakdošati hıvuž kárde ro ba Ermanistoni dástak bıbun. Im an qeyd kárda bıa ki ıyo sıxán igla iqtisodi ku šeda ni, ham an siyosi diálog, bexatoati, odamon i jo kišvaron árada miža sferán ku šeda.

Malumot ada vota beda ki ım qatnoma ce Ávropa Párlámenti jo qatnoman taki ijro kárde ro ijbori nıbu an, ım hodisa Yereváni ba Ávropa xıyzuni hani an nez be niyati Ávropa ku imina reáksiyaye.

Davárda sor İroni bexatarati ágentati 300-sa ve zanani de siyosi iyan ideoloži sababon ogataše, kámi na ku 100 zanan de mıxtalifa ittihomon habs kárda babe.

Imi “Hengáw” odama haxon soxtemoni votaše.

Davomi ro: https://avasor.tv/2024/03/11/davarda-sor-ironi-bexatarati-agentati-300-sa-ve-zanani-de-siyosi-iyan-ideolozi-sababon-ogatase/

Huquqšınos, Alasgar Mammadli i Ruslán İzzatli haxada 4 mánga habsa qaror doa bıa.

Im ruž, 9 márt ada ce "Toplum TV"i hamtasisaka, mediá ekspert Alasgar Mammadli i ce III Respublika Plátforma ofaya heyati uzv Ruslán İzzatli haxada de habs tadbiri vıžniye ángıl ce istintoqa orgáni edáštnoma diakárda bıa.

Xatái Rayoni Mahkama ada hákim de Sulhána Hájıyeva sadrati davordoniya bıa proses ada qaror qabul bıa. Ba qarori asos Alasgar Mammadli haxada ba 4 máng mıddati habsa qatimkon tadbir vıžniya bıa.

Avon ce Jinoyata Majalla 206.3.2 (návbanáv i dásta šaxson taraf o qácaqamolahvotati kárde) mádda ittihom bedan. Hár dı kas ittihomi qabul kárdani.

Márta mángi 8-ada Ozobižoni Feminista Harakoti "8 Márš–Tov nušo dodamon” piketi davordına bıa.Xuršidbánu Nátaváni heykali va ada gırda bıa faolon piket de polison mıšoiati ba sa oma.

Davomi ro: https://avasor.tv/2024/03/08/feminista-harakoti-8-mars-tov-nuso-dodamon-piketi-davordina-bia/

Vota beda ki márti 6 ada "Topluma VS" koaka, Farid İsmoyili ka ada otırın bıa, iyan ay dástgir kárdašone.

Im haxada cay neza odamon malumotıšon doa. Cavon votay asos, otırın bárda vaxti kay ku 3 hazo 100 ávro pegatašone. Otırın ada vakili ištirok bıa ni.

Puli ki "Topluma VS" koaka, Farid İsmoyili kay ku paydo kárdašone, vota beda ki ba cay áid ni.

Im borada cay neza odamon votašone: "Faridi votıše ki "a pul cımı ni, cımı pul bıaban, ıšta qárzon adam."

Cay neza odamon votayon asos av ham an votaše ki cay sahhat bevaj e.

Im malumoti hala ki de Dılantuna Koon Nozirati na dagig kárde mımkun bıa ni.

Ce Toplum TV-i ofis ada otır sa bıa, ofis básta bıa.

Dılantona Kon Názirati ku votašone ki polisi cošánba ruži ce Toplum TV interneta kánáli ofis ada i "ziyoda jo vıron ada" amaliyota otıron kárdaše.

Cı Toplum TV-i tasisaka Alasgar Mammadli votaše ki ba Toplum TV-i vırabavıra bıa arozi "hic kasi háštanin".

"De ıšta ávtomobili ayo šedabim, ro básta babe. Polisi voteše ki ıyo amaliyot šeda nibabe daše", Alasgar Mammadli votaše.

Ay votaše ki esa ba Toplum TV-i amakdošon ku hic kasi záng rasayda ni.

“Kišvari sayvoni šaraf iyan layoqati noqo doa qánun ko kárdani, ama há ruž mıxtalifa informásiya šabakon ada prezident iyan bacay xıyzoni aleyh sistemina hıjumon šohid bedamon.Cı xalqi mıdofia iyan bexatarati noqo doa Silohina Qıvvon Áli Sa Komándani vayna informasiya teror iyan šar-behton kámpániya bárda beda”.

Imi Millia Majlisi İnsona hıquqon komita sadr Záhid Oruj cı párlámenti ımružna ijlos ada votaše.

Davomi ro: https://avasor.tv/2024/03/06/ci-prezidenti-saraf-iyan-layoqati-noqo-doy-ro-mahkama-natija-dodanibusa-bav-ada-tahgira-laboratoriya-legitim-hadafon-qazina-ha-jura-anazaral-karda-banine/

Ozobižon ada “Álternátiva xıdmati hax ada”Qánuni hozı be iyan qabul kárda be taklif kárda beda.

Šahrvándon aqida ba haqiqi harbia xıdmati davárde zidbu agam, de qánuni mıayyan kárda bıa holon ada haqiqia harbia xıdmati de álternátiva xıdmati avaz kárde ro doa beda.

Qeyd kárda bıaon ba naza sa ba
Ombudsmán “Álternátiva xıdmati hax ada” Qánuni hozı kárde iyan qabul kárde ba maqsadi mıvofiq hisob kárda.