Эксперты прапануюць прызначыць амбудсмена (народнага адваката)

КАНФЕРЭНЦЫЯ Ў ЕЎРАПАРЛАМЕНЦЕ
ПАЗІТЫЎНАЯ АЛЬТЭРНАТЫВА ДЛЯ НОВАЙ БЕЛАРУСІ

Пад час прэзентацыі ў Еўрапарламенце праекта закона “Аб упаўнаважаным па правах чалавека” было шмат цікавых мікрадыскусій, вынікі якіх стануць матэрыялам для працы працоўнай групы.

Але некалькі фрагментаў мы б хацелі ўжо зараз вынесці на абмеркаванне нашым падпісчыкам.

📍Назва праекта закона. Была агучана прапанова - “Аб народным адвакаце”, так называецца ўпаўнаважаны па правах чалавека ў Малдове. Прадстаўнікі працоўнай групы паабяцалі, што пытанне вынясуць на абмеркаванне і галасаванне на анлайнпляцоўку Паўла Лібера.

📍таксама была зафіксавана прапанова прызначыць (абраць) амбудсмена (народнага адваката) ўжо зараз. Калі ён стане часткай міжнароднай сеткі амбудсменаў, а гэта значыць, атрымае суб’ектнасць, то, па першае, будзе напрацаваны актуальны досвед. А па другое, магчыма, атрымаецца зменшыць колькасць праблемаў з якімі сутыкаюцца беларусы, як ў замежжы, так і ў самой Беларусі.
Прапанова ўжо перададзена ў офіс Святланы Ціханоўскай. Нам яна падаецца слушнай і цікавай! Будзем трымаць вас у курсе.

Далучайся да нас - робім разам перамены 🤝https://t.me/European_Dialog

Анатоль Лябедзька: трэба больш дапамогі і салідарнасці!

Пад час канферэнцыі высокага ўзроўня ў Брусэлі, зноў узнікла дыскусія па праблеме палітвязняў - трэба больш ці меньш санкцый і ціску?!
Падаецца ў гэтым пінг-понгу з’явіўся новы трэк, які агучыў у Брусэлі Анатоль Лябедзька, дырэктар Цэнтра “Еўрапейскі Дыялог” і палітвязень са стажам.

Ён слушна заўважае, што “праблема рэпрэсій і палітвязняў узнікла не ў 2020 годзе. Канвеер працуе дзесяцігоддзі. Змяніўся толькі маштаб праблемы, яна стала не кропкавай, а агульнабеларускай і нават еўрапейскай”.

Лябедзька, ў актыве якога больш за 60 судовых працэсаў, лічыць, што акцэнт зараз варта рабіць на дапамозе палітвязням і іх сем’ям і фармулюе свае прапановы еўрапейскім парламентарыям і чыноўнікам.
“Па першае, Дэлегацыя па Беларусі ЕП, можа матываваць Еўракамісію выдзяліць рэсурсы ў міжнародны фонд дапамогі палітвязням, створаны па ініцыятыве ўрада Нарвегіі.
Па другое, кожны чалец Дэлегацыі можа стаць хросным для палітвязня, і апекаваць і яго, і яго сям’ю.
Па трэцяе, варта задзейнічаць, створаную ў свой час, інфраструктуру для аздараўлення чарнобыльцаў пад патрэбы палітвязняў і былых дабраахвотнікаў ва Украіне”.

Будзе больш дапамогі - стане меньш праблем, і, адпаведна, зменшыцца градус дыскусіі, перакананы Лябедзька.

Далучайся да нас - робім разам перамены 🤝https://t.me/European_Dialog