أحَبك لچن ما أگدر
أحاچيك ..
وأگضي الوَگت كُله شلون بشلون
وبَس أصرف نَضر لمن ألاگيك
وعلى دَربك تِصد
وترف العَيون .

" هوت روحي
وهوت بس ماهوتها الناس
حچي عيوني سهل
بس جيب الي يفهمه "

مَـدري
نضَحك مَدري نِبچِي مَدري
نرثِي گلوبنَا الما تِرضى
تِحچي ..

وَحشة الدرب من ينمشي بدونچ
لو رايحلي كلشي
ولا ضوة عيونچ ..

خذني يمك
گبل لايخلص صبرنا
ويطفى دم وجوهنا و تطلع صفر .
خذني يمك
گبل لاينحك ذهبها اطباعنا و تطلع صفر .
خذني يمك
گبل لا يم الصفر ينحط صفر .

لتخليني وَحدي منين اعرف الناس ؟!.

ولا بعدَك شِفت رِاحه عِشتِ
جٌندي بحرب ومضيع سلاحه .

أرسم الدنيا بخيالي
وأرسم بروحي امُنيات
وألگه باجر
مثل أمس ماكو اختلاف
أمُنيتي أعيش أيام ما مستعملات .

انا رِدتك ثلج وتطفي هّالنار ،
صِرت جَمره وتزيد النار بيه

بكل ضَياع الروح اريدك
انه ڪل ادروبي احَسهه خطوط إيدك .