#Рост_ҳикматлар **✅ Ҳар билганингни сўзлама, аммо ҳар сўзлаганингни бил!
✍ Юнус Эмро**

❄ Кунингиз хайрли ўтсин!

ROST24.uz | Telegram | Facebook
Instagram | YouTube | Tezkor

"Рост24" дайжести: Ҳафта давомида юз берган энг муҳим ва долзарб янгиликлар

Тошкентда иссиқлик таъминоти нархлари 2 йилда 4 марта оширилади. Лекин бу ҳам етарли эмаслиги айтилмоқда.

Ўзбекистон фуқароси генерал лейтенант Кирилловни ўлдириш иши бўйича қўлга олинди.

Ўзбекистонда эркаклар оталик таътилига чиқиши мумкин

Қашқадарёда ота ва унинг 3 нафар фарзанди ис газидан заҳарланиб вафот этди.

Тошкент вилоятидаги "зоопарк"да шерлар қоровулни еб қўйди

Ўзбекистон иқтисодий комплексидаги 297 нафар раҳбар ишдан олинди.

ROST24.uz | Telegram | Facebook
Instagram | YouTube | Tezkor

⚡️Контракт маблағларини тўлаш муддати узайтирилди

Давлат қабул комиссиясининг тегишли баёни билан 2024/2025 ўқув йилида олий таълим муассасаларининг қуйидаги бакалавриат ҳамда магистратура талабалари учун тўлов-контрактнинг бир йиллик ўқитиш қийматидан 50 фоизини амалга ошириш ва талабалар сафига қабул қилишни расмийлаштиришнинг сўнгги муддати 2024 йил 31 декабрь (шу куни ҳам) этиб белгиланди:

—тўлов-контракт жумладан, табақалаштирилган тўлов-контракт асосида талабаликка тавсия этилган абитуриентлар (1-курслар);

—ўқиши кўчирилган (кўчириб тикланган) ва қайта тиклаган талабалар;

—Қорақалпоғистон Республикасида доимий яшайдиган ҳамда умумий ўрта, ўрта-махсус ва профессионал таълим муассасаларини тамомлаган ёшлар учун ажратилган қўшимча қабул квоталарига талабаликка тавсия этилган абитуриентлар.

Маълумот учун, бу тартиб 2024/2025 ўқув йилида қабул қилинган абитуриентлар учун амал қилади. Иккинчи ва ундан юқори босқич талабалар контрактини тўлаш муддати ОТМ раҳбари томонидан узайтирилиши мумкин.

ROST24.uz | Telegram | Facebook
Instagram | YouTube | Tezkor

⚡️Келин-куёв ис газидан вафот этгани айтилмоқда

Тошкент вилоятининг Пискент туманида бир кун олдин тўйлари бўлиб ўтган келин-куёвнинг ис газидан вафот этгани айтилмоқда.

Хабарга кўра, вафот этгани айтилаётган келин-куёв шу йилнинг 14 декабрь куни турмуш қуришган. Ҳар иккисининг иккинчи турмуши бўлганлиги сабабли, ҳовлида ихчамроқ тўй ўтказилган.

Эртаси куни, яъни 15 декабрда эрталаб эса, улар ётоқхонада ўлик ҳолда топилган, дейилади хабарда.

Ҳозирда суриштирув ишлари бораётганлиги ва бу иш билан Пискент тумани прокуратураси иш юритувчиси шуғулланаётгани айтилмоқда.

Аммо ҳали воқеанинг тўлиқ тафсилоти бўйича расмий ахборот берилмади.

Маълумот учун, аввалроқ йил бошидан буён 82 нафар фуқаро газ офатидан ҳалок бўлгани ҳақида хабар берган эдик.

ROST24.uz | Telegram | Facebook
Instagram | YouTube | Tezkor

*⚡️ Ҳатто шамолга ҳам бардош бера олмаётган янги қурилган уйлар*

Ижтимоий тармоқларда Термиздаги янги қурилган кўпқаватли уйнинг девори шамолда кўчиб тушгани тасвирланган видео тарқалди. Қурилиш ва уй-жой коммунал хўжалиги вазирлиги ахборот хизмати ушбу ҳолатга муносабат билдирди.

Хабарга кўра, Термиз шаҳри "Гулистон" МФЙ ҳудудидаги 5 қаватли 20 хонадонли тураржойнинг ташқи девор ён томонидан 35-40 м2 қисми кучли шамол таъсирида кўчиб тушган.

Ҳозирда буюртмачи-пудратчи ташкилот "Термиз қурилиш индустрия саноат" ИК томонидан муаммони бартараф этиш мақсадида барча керакли қурилиш материаллари олиб келинган ва тегишли ишлар олиб борилмоқда, дейилади хабарда.

Янги қурилган уйлар шамолга ҳам бардош бермаётган бир даврда Қурилиш ва уй-жой коммунал хўжалиги вазирлигининг Қурилиш ва уй-жой коммунал хўжалиги соҳасида назорат қилиш инспекцияси қурилиши битган уйларнинг ертўласидаги фуқаролар томонидан киритилган ўзгартиришларга рейд ўтказиш ***билан овора.

Қурилишни назорат қилиши керак бўлган вазирлик муаммо ижтимоий тармоқларда кўриниш бергандан сўнггина фақат муносабат бериш билан кифояланмоқда.***

ROST24.uz | Telegram | Facebook
Instagram | YouTube | Tezkor

Газ “заправкалар” фаолиятига чеклов киритилади — Энергетика вазирлиги

Энергетика вазирлигиҳаво ҳароратининг кескин пасайиши сабабли метан "заправка"ларига вақтинчалик чеклов қўйилганини расман эълон қилди.

***"Биринчи навбатда аҳоли хонадонлари ҳамда ижтимоий соҳа объектларини (тиббиёт, мактаб, мактабгача таълим, олий таълим муассасалари ва бошқалар) табиий газ билан таъминлаш устувор вазифамиз эканлигини инобатга олиб, ҳудудлардаги маҳаллий ҳокимликлар билан биргаликда ишлаб чиқилган режа-графикларга мувофиқ, истеъмол юқори бўлган айрим ҳудудлардаги автомобилларга газ тўлдириш компрессор шохобчалари (газ заправкалар) фаолиятига қисқа муддатли чеклов киритилиши режалаштирилмоқда.

Бу бўйича вилоятлар ва туманлар ҳокимликлари расмий ахборот манбаларида тегишли тартибда маълумот бериб борилиши йўлга қўйилади,*** — дейилади вазирлик хабарида. 

ROST24.uz | Telegram | Facebook
Instagram | YouTube | Tezkor

⚡️Жанубий Корея президентига чет элга чиқиш тақиқланди

Жанубий Корея Адлия вазирлиги президент Юн Сок Ёлнинг чет элга чиқишини тақиқлади. Бу ҳақда "Yonhap" нашри хабар берди.

Хабарга кўра, Президент Юн Сок Ёл ўтган ҳафта қисқа муддатли ҳарбий ҳолат жорий этгани билан боғлиқ айбловлар билан тергов якунлангунга қадар четга чиқиши тақиқланди.

Тақиқ адлия вазирлиги томонидан юқори мартабали амалдорлар учун коррупция бўйича тергов бошқармаси (CIO), полиция, прокуратура тасдиғи билан расмийлаштирилгани айтилмоқда.

ROST24.uz | Telegram | Facebook
Instagram | YouTube | Tezkor

*⚡️ Россия Башар Асад ва унинг оиласига бошпана берди — ТАСС*

Суриянинг собиқ президенти Башар Асад ва унинг яқинлари аллақачон Москвага етиб борди. Бу ҳақда ТАСС нашри хабар берди.

"Асад ва унинг оиласи Москвага етиб келди. Россия гуманитар нуқтаи назардан келиб чиқиб, уларга бошпана берди”, — дейилади хабарда.

Москва вакиллари Суриянинг қуролли мухолифати вакиллари билан алоқада бўлиб, Россиянинг Суриядаги ҳарбий базалари ва дипломатик муассасалари хавфсизлиги кафолатлангани ҳақида қўшимча қилди.

Хабарга кўра, Россия ҳар доим Сурия инқирозини ҳал қилишда сиёсий ечим излашни қўллаб-қувватлаб келган, шу сабаб Сурия халқи манфаатлари, Россия ва Сурия ўртасидаги икки томонлама муносабатларни ривожлантириш йўлида сиёсий мулоқотни давом эттиришга умид қилмоқда.

Эслатиб ўтамиз аввалроқ Башар Асад ҳокимияти барҳам топгани ҳақида хабар қилган эдик.

ROST24.uz | Telegram | Facebook
Instagram | YouTube | Tezkor

⚡️АҚШ Афғонистонда Қўштепа каналининг қурилишидан хавотирда
Афғонистонда Қўштепа каналининг қурилиши эҳтимолий ҳалокатли оқибатларга олиб келиши мумкин. Бу ҳақда Америка маркази хабар берди.

Мутахассисларнинг фикрича, қурилишни тўхтатишнинг энди иложи йўқ. Қурилиш жараёнида бетонларнинг етишмаслиги сувнинг етарли даражада йўқотилишига олиб келади: юз минглаб куб метр сув ерга сингиб кетиб, тупроқ шўрланади ва буғланади. Бу Марказий Осиёдаги музликларнинг эриши билан бирга минтақа учун экологик, иқтисодий ва ижтимоий хавфларни кучайтиради.

Юқоридаги муаммо юзасидан, Халқаро ҳамжамият зарарни минималлаштириш учун Толибон ҳукуматини канал қуриш жараёнида замонавий технологиялардан фойдаланишга кўндириш лозимлигини таъкидламоқда.

ЮНИСEФ маълумотларига кўра, Қўштепа канал қурилиши Амударёдан сув оқимининг 8-20 фоизини бошқа томонга буриб юборади. Бу жараён Ўзбекистон қишлоқ хўжалигида 250 минг иш ўрни йўқолишига ва мамлакат ялпи ички маҳсулотининг 0,7 фоизга қисқаришига олиб келиши мумкин.

ROST24.uz | Telegram | Facebook
Instagram | YouTube | Tezkor