قانون الترافه

قانون الترافه تقرّه الورود
وتسولف عن صفاته وي البساتين

اذا صار الفجر نستقبل الماي
مثل دله وتسولف وي فناجين

على خدود السنابل تبدي ضحكات
ونسمات الهوى تشم الرياحين

بس ماكو ترف ماشاله عباس
رقه وطيبه بينت بالحياطين

تشيل الرايه كل حيطان البيوت
ويعرگ منها غيره الماي والطين

المسافه ابين چفه ونظرة العين
نهر يروي اليتامه البالصواوين

كبر جاه العطش من راح عباس
شجاه وماخجل من النساوين

الشرب من چفه ردت روحه وارتاح
والفارگو جوده اصبحو ميتين

++++++++++++++++++

ترف حد الندى المايجرح الورده
شمس لو غيرة الله العاشت بخده

اذا يعرگ جبينه يغار جرف الماي
كمر ماكو بسمانه اثنين من عنده

اذا صال وتبختر لاتلومه الناس
زينب شرف الله ولايذة بسده

غطاها برموشه وحجب الها خيال
تتباوع لطوله ورايته وزنده

من خزرة عيونه يروح كل الحيل
خل يكتب وصيته ليوصل لحده

زينب بالشدايد تنخه ياوفاي
صار اسمه يندبه الطايح بشده

حسين وامه فاطم صاح ياعباس
ابد مالكه مثله اليصدگ بوعده

كسر ضهر العطش من ماشرب عباس
شاف الماي خايف للنهر رده

هم شايف نهر صله صلاة الخوف
ساجد يدعي ربه وطالت السجده

رد الماي ماي من ابتسم عباس
وراح الجزر منه ورجعت المده

علي طعمه البطاط

.هوسات...لمولاي القمر ع

عباس المراجل كلها بعلومه
عم الساده ابو الكلفات ونعومه
الشرد من سيفه وكت الحرب مالومه

فارس والحرب فنه
وتر .. ضرباته ماثنه
اسأل بالحرب عنه
ادخيلك يابن البدويه

+++++++++++++++++++

ترباتك يحيدر هايه صولاته
حته الشارد من الحرب مافاته
فدوه تروح كلها اللون ريشاته

اخو العلويه لوكبّر
تظل الگاع ماتفتر
حته الهوى يتعثر
والساتر من خزرة عينه

++++++++++++++++++++

يميزان الكلافه وآية النوماس
يامنجم الغيره وقبلة الاحساس
يلي بحيدر الكرار بس تنقاس

شجاعه وغيره معروفه
الكرامه تلوذ بجفوفه
يقره الحمد ليشوفه
والجنه بطارف جفيته

++++++++++++++++++++

بدر موبالسمه عله الگاع يتمشه
الشمس من تستحي تلوذ بطرف رمشه
جمال عيونه من الحور تتغشه

روحي بحبه معذوره
نور العرش من نوره
فاطم كل مسه ازوره
بالمحشر تطلع بجفوفه

++++++++++++++++++

تتنخه بعزم عباس حته الحور
مو من طين مخلوق الگمر من نور
سبعين الف اشهد ياظهر عاشور

ترجف كلها خلاها
عضيد حسين من جاها
يوم الحشر سواها
لو كبر قامت القيامه

علي طعمه البطاط

ياحادي الظعن

ياحادي الظعن ريّض
أنه امك يكفّاله
اشبع شوف من حسين
وبنياته وأطفاله

يلوموني.... الله اعلم بنيتي
يلوموني... عزيزي وغايتي وصيتي

يگلولي بجيتي هواي مو كافي
الفاگدله عزيز بدمعه شيوافي
لحد هسه عطر جفه على جتافي

تدريني.. يماي بعيني.. فداك سنيني
ويكل اولادي
لو تقبل.. يوالي اتكفل.. أرتب محمل
عفاف الهادي

///////////////////

رايح يابعد هالعين
شلّي بشوفها بفگدك
بعدك عايشه بلا روح
روحي وداعتك عندك

يبعد امك... لأجلك عمري عايشته
يبعد امك... ابني ولايذه ابخته

جبيره بخت آنه حسين داريته
يمه يگلي وانعَد من أهل بيته
بس لكربلا مارحت ماشيته

ناديته.. تغير لوني. .. ييمه اخذوني
اباري الخدّر
حاجيته..يماخذ روحي.. تزيد جروحي
وبعد مااگدر

//////////////

جاهي وشارتي وبختي
يمه وداعتك منك
الله يريدني وادري
لأن كل عمري اخدمنك

يسالفتي... كل عاشور احس لجمه
يسالفتي... وعمري نذزته للخدمه

لايم لايلوم وهذا موبيدي
ام انه يوادم عاشگه وليدي
عينيني يروحي بلوعتي وزيدي

ترحاله.. تموت رجاله.. عطاشى اطفاله
تزيد اللوعه
ويسافر.. ويمر العاشر.. حسافه الحافر
يرض ضلوعه

/////////////////

رايح والدرب لوعات
وعندك بالظعينه اطفال
والعاش بدلال حسين
مايحمل تعب ترحال

اخافنهم... بعد عاشر بلا خيمه
اخافنهم... يتيم يلوذ بيتيمه

والهج بالمصاب وتكتل الونه
حسين وماتردلي وكاطعه الظنه
وأظن تگرب منيتي ومااشوفنه

اليشوفه.. حرام يعوفه... يظل معروفه
مرام وغايه
أيتامه...ونظل خدامه... تلمنه خيامه
وترف الرايه

///////////////////

زينب مو حمل شوغات
هزله وگيد والغربه
واليفگد مثلكم أه
مايندل بعد دربه

تدوركم... وكافل مارجع ليها
تدوركم.. وغربه تعاين اعليها

اذاني الدهر وي فگدك وشلّه
وفراگ الولد يترك الف علّه
فگد حسين ياهالناس شيحمله

لو يدري.. حياتي وقدري.. وسنين وعمري
شفتها بجاله
عاشرته.. عمر خادمته... حنين عرفته
وشهم بفعاله

علي طعمه البطاط
محرم /1443

لا تخاف اعله العقيله من المصايب
انه بت المظهر لكل العجايب

عنده كل هم ينجلي
لا ولي الا علي

//////////////////////////////////////

انه بت الماكو مثله
وماكو مثل إسلامه
حيد وتهابه الفوارس
ما تظل جدامه
بالحرب والساتر الله
من يذب العمامه
سيف ابوي اسمه الفقار
يسولف وي الهامه

الله خالق حيدر لهاي المراتب
والشجاع لذكره تهتز الشوارب

يامراجل هلهلي
لا ولي الا علي

///////////////////////////////////////

يوم حرگوا خيمة الله
ونار كل الحومه
جاني ابوي وماي بيده
ولفني بين هدومه
منه كل عزمي خذيته
وخذت كل علومه
والتعيش بزود حيدر
ماتظل مهضومه

ولو صحت يحسين رد الحيل بيه
لها لسبب وياه جيت الغاضريه

صاح كافل محملي
لاولي الا علي

//////////////////////////////////////

حادي عباس بذلولي
ورايته تغطيني
والجفافي الخضره يمي
بيها گرة عيني
انه ام عون استحاله
محد يبچيني
جنودهم عندي سبايا
ولابشر يسبيني

آنه يم الأغراب مامسموع صوتي
ولبلاد الشام جيت بجاه اخوتي

والنعم منهم هلي
لاولي الا علي

/////////////////////////////////////

عاشر بضيمه وعبرته
وركضت مجبوره
رت الم ايتام اخوتي
ومثلي مامعذوره
احنه اهل بيت الرساله
وعدنه كلمن دوره
عالي عرش الله بسمانه
وجدي راح يزوره

احنه نور النور سر ذات الجلاله
احنه بالدنيا حرام الله وحلاله

والدوه لكل مبتلي
لاولي الا علي

///////////////////////////////////////

احنه من نور الجلاله
وكل بشر مالاحه
حته جِبْرِيل يتعذر خاف
يچوي جناحه
جنه الله وباب بيها
وعد علي مفتاحه
والنكر درب الولايه
مايعرف الراحه

لوردت رد الشمس موصعبه عندي
وآنه اخت عباس وينه الداس حدي

وماادوّر عن ولي
لاولي الا علي

علي طعمه البطاط

تانيني ييمه حسين تانيني
آخر شوفه اشوفنك واسد عيني
اخذ سنيني وياك
شلي بعمري بلياك
آخر شوفه اشوفنك واسد عيني

///////////////
تعنيتك يبعد اهلي
فدوه اتوسلك گلي
وتدري شگد غلاتك

أنذر طولي لسنينك
اخذني افرش صواوينك
وانامن وي بناتك

بلا شوفتك يبن الوصي
ماتسوى دنياي
ياماي وبطبع البدو
يدورون عالماي

متعوده عليكم يمه متعوده
وگلب العاشگك يالغالي شيركده
وشلون اگدر انساك
شلي بعمري بلياك
آخر شوفه اشوفنك واسد عيني

///////////////

ييمه الله خلقني الكم
اغفه بفي عمايمكم
واخدمكم يغالي

ام اعضيدك وادري
هذا الي رفع قدري
بس ايظل سؤالي

العاشت بفي حيدره
ويم العقيله
فگدك يبن سيد الملا
مابيها حيله

يَمن فدوه لضحكتك آنه واولادي
خليني اشمك وآخذ مرادي
كون وكله بحماك
شلي بعمري بلياك
آخر شوفه اشوفنك واسد عيني

//////////////////

اثوبلك ولد ميه
بس كونك ترد ليه
خدمتك عندي غايه

عباس ابني كبرته
غيره وعفه رضعته
وجان گماطه رايه

يايمه من جنت اختنگ
اركض واشمك
متعوده لو هدني المرض
بس الفظ اسمك

يبني العدها مثلك ماتحس هضمه
بختي شكبره من دگلي يايمه
كون اخدمكم هناك
شلي بعمري بلياك
آخر شوفه اشوفنك واسد عيني

///////////////

يوم الحرگوا خيامك
تمنيت احضن ايتامك
واركض للشريعه

وللتل جدمي يتعنه
واعثر من اصعدنه
وتنظرلي الوديعه

تدريها زينب مو حمل
هاي المصيبه
الجانت اميره اعله الخلگ
صارت غريبه

درة حيدره وماتحمل اللوعه
شافت حال اخوها مرضرضه ضلوعه
عمره عاشته ترجاك
شلي بعمري بلياك
آخر شوفه اشوفنك واسد عيني

///////////////

عدل لو باقي عباسك
جان الموت ماجاسك
آيبن الزجيه

بس كونك عدل باقي
فدوه لطولك الساقي
واولادي البقيه

شلون آنه اتنفس هوى
وموسد انته
وخلافك حسين العمر
شنهي ثمرته

ام عباس انا وافديلك عيوني
خادمتك يوالي خل يسموني
دوم اترجه وانخاك
شلي بعمري بلياك
آخر شوفه اشوفنك واسد عيني

علي طعمه البطاط
محرم/1443

لمولاتي ام البنين عليها السلام

ياحادي الظعن

ياحادي الظعن ريّض
أنه امك يكفّاله
اشبع شوف من حسين
وبنياته وأطفاله

يلوموني.... الله اعلم بنيتي
يلوموني... عزيزي وغايتي وصيتي

يگلولي بجيتي هواي مو كافي
الفاگدله عزيز بدمعه شيوافي
لحد هسه عطر جفه على جتافي

تدريني.. يماي بعيني.. فداك سنيني
ويكل اولادي
لو تقبل.. يوالي اتكفل.. أرتب محمل
عفاف الهادي

///////////////////

رايح يابعد هالعين
شلّي بشوفها بفگدك
بعدك عايشه بلا روح
روحي وداعتك عندك

يبعد امك... لأجلك عمري عايشته
يبعد امك... ابني ولايذه ابخته

جبيره بخت آنه حسين داريته
يمه يگلي وانعَد من أهل بيته
بس لكربلا مارحت ماشيته

ناديته.. تغير لوني. .. ييمه اخذوني
اباري الخدّر
حاجيته..يماخذ روحي.. تزيد جروحي
وبعد مااگدر

//////////////

جاهي وشارتي وبختي
يمه وداعتك منك
الله يريدني وادري
لأن كل عمري اخدمنك

يسالفتي... كل عاشور احس لجمه
يسالفتي... وعمري نذزته للخدمه

لايم لايلوم وهذا موبيدي
ام انه يوادم عاشگه وليدي
عينيني يروحي بلوعتي وزيدي

ترحاله.. تموت رجاله.. عطاشى اطفاله
تزيد اللوعه
ويسافر.. ويمر العاشر.. حسافه الحافر
يرض ضلوعه

/////////////////

رايح والدرب لوعات
وعندك بالظعينه اطفال
والعاش بدلال حسين
مايحمل تعب ترحال

اخافنهم... بعد عاشر بلا خيمه
اخافنهم... يتيم يلوذ بيتيمه

والهج بالمصاب وتكتل الونه
حسين وماتردلي وكاطعه الظنه
وأظن تگرب منيتي ومااشوفنه

اليشوفه.. حرام يعوفه... يظل معروفه
مرام وغايه
أيتامه...ونظل خدامه... تلمنه خيامه
وترف الرايه

///////////////////

زينب مو حمل شوغات
هزله وگيد والغربه
واليفگد مثلكم أه
مايندل بعد دربه

تدوركم... وكافل مارجع ليها
تدوركم.. وغربه تعاين اعليها

اذاني الدهر وي فگدك وشلّه
وفراگ الولد يترك الف علّه
فگد حسين ياهالناس شيحمله

لو يدري.. حياتي وقدري.. وسنين وعمري
شفتها بجاله
عاشرته.. عمر خادمته... حنين عرفته
وشهم بفعاله

علي طعمه البطاط
محرم /1443

يم جفون الغافيه
ماكو نسمة عافيه ... يا زهراء

++++++++++++++++

يافاطمه
رحتي ومكانج هذا خالي
يافاطمه
حيدر غريب وماله والي

باب شلته بحيلي
وباب اخذ كل حيلي

گمت افزز روحي گوه
بلكت الصار بحلم
من ألمها الجاب اسمها
تروح روحه ويلچم
ربي واليهضمله حرمه
شلون اعده من الزلم

يم جفون الغافيه
ماكو نسمة عافيه ... يا زهراء

++++++++++++++++++

راح العمر
بعدچ خلص دمعه اعله دمعه
راح العمر
ذاك الوكت وينه شيرجعه

عالمنيه شبيدي
وياج راح وليدي

الالم فرهد عشرتي
والهجر لا ماله حد
أنه بعدج يالحنينه
لا امان ولا سند
الحزن خيم عليه
والفرح عني ابتعد

يم جفون الغافيه
ماكو نسمة عافيه.... يا زهراء

++++++++++++++

أنه انتظر
غير الصبر ماعندي حيله
آنه انتظر
واعرف رجعتچ مستحيله

رحتي من ايديه
عالهجر مابيه

باب اصدله ودمعي يجري
والخشب ماينسأل
لو يجاوب ارد انشده
هم يعيش العافه خل
وينه صوتج دار وحشه
والبعد ماينحمل

يم جفون الغافيه
ماكو نسمة عافيه.... يا زهراء

+++++++++++++++

صار القدر
والموت أخذ من عندي غالي
صار القدر
والباري يعلم شنهي حالي

صارت وعفتيني
بالحلم زوريني

ناس لا خلولي حرمه
ولانفع بيهم بخت
انتي بضعة رحمة الله
ونعمه عالكاع انچفت
جمره واشتعلت يفاطم
خذت عمري وماطفت

يم جفون الغافيه
ماكو نسمة عافيه ... يا زهراء

+++++++++++++++

نار وجمر
تنهب حياتي بيا شريعه
نار وجمر
فوگ الثرى اطيح الوديعه

المثلي نار بداره
وام حسن محتاره

التعنه وداس بيتي
يدري وصاني النبي
وهو يعرف حيدر آنه
مايطب داري اجنبي
رادة الله وهذا أمره
وحب محمد مذهبي

يم جفون الغافيه
ماكو نسمة عافيه.... يا زهراء

علي طعمه البطاط
الفاطميه/1445

الدنيه بعدج مظلمه
أنا علي. يافاطمه

+++++++++++++++++++

ألم باقي العمر ماي
ارش گبرچ يرجواي
ارد للدار زهراء
تمنيت انتي وياي

هسه يم حسين زينب گاعده
يابشر يحمل رحيل الوالده
طفله زينب ياعذاب الفاجده

نيشان الحزن واضح عله رسومي
نحيل من الصبر مستور بهدومي
صارت فاطمه ويومچ گبل يومي

++++++++++++++++++++

شبابج ضمه التراب
وحدٌب ظهر ابو تراب
شفت الغربه بالعين
ساعة حرگوا. الباب

أنه من بعدچ بقيت بحيرتي
الله بس يدري شكبرها مصيبتي
لا لبيتي ولا اكو حرمه لشيبتي

الدنيه خلاف عينج مو معانيها
لا عندي سند لاظل عرف بيها
وداري شلون يازهراء اصد ليها

++++++++++++++++++++

لو اعرف تردين
ابد ماغمض العين
وترد الروح للدار
آيا عملة البين

وآنه ادري الدنيه بعدج رايحه
ساعة التوديع فاطم جارحه
انتي رحتي وأنه أقره الفاتحه

مكسور الجناح وماسكن روعي
ابچي وأيد زينب تمسح دموعي
ريت الباب فاطم كسر ضلوعي

++++++++++++++++++

عمري  بدونچ آهات
حزن بخاطري يبات
صوتج امس  بالدار
بعد مااسمعه هيهات

ادري طيبه  وادري ماتنسيني
فاطمه  بداعة  علي حاچيني
شلون ارد للدار يا ضي عيني

رجعت من الدفن وتراب بيديه
ام  البيت  راحت  مابعد  جيه
وداعة  فاطمه  عالفرگه  مابيه

+++++++++++++++++

كلشي بروحتج هان
ورد الدنيه ذبلان
زهرة خاطري تروح
وباقي بخدها نيشان

ليلة الوحشه علي مو ليله
قاتل الشجعان رايح حيله
زينب بحضني وتشم بالشيله

حرمه وشابه وكل آه. ماتحمل
ياكسر الضلع هذا العمر يكتل
راحت والجفن للموت ظل يهمل

علي طعمه البطاط
الفاطميه 1444هج

عاصمة النور

لولا الوصيةُ
لما دنى منكِ أحدْ

++++++++++++++++++++

جمرٌ ببابي لا يريدُ سلاماً
ياجمرُ صبراً لا أُطيقُ هياماً

هبني دموعاً كي تسامرَ مُقلتي
جفني لفَقْدِ الدّمعِ باتَ حُطاماً

العمرُ عاثَ بهِ الكدرُ
الحزنُ ينزلُ كالمطرْ
بيتُ الهدايةِ والتُّقى
النّارُ تُمطرهُ شررْ

وعلى الزكيةِ
قَزمٌ تعالى واجتهد

++++++++++++++++++

بركانُ نارٍ لا يُفارقُ مهجتي
ذَرْها ضراماً كي أعيشُ ضراماً

زهراءُ ليلُ الوجدِ شاخَ بخاطري
مابُتُّ أعرفُ في الحياةِ مقاماً

تحتَ الثّرى واحسرتي
ها قدْ دفنتُ مودّتي
مِن بعدِ فاطمةَ الهدى
أحيا بِلوعةِ غربتي

تحتَ الوطيةِ
رقدَ المحامي والسندُ

+++++++++++++++++

كانتْ ولازالتْ جليسةَ وحدتي
رحلتْ بعيداً بتُّ لا ألقاها

ماتتْ وأضحى في التّرابِ رُفاتُها
وانا أعيشُ على شذى ذكراها

زهراءُ هَجرُكِ كالقدرِ
ومِنَ المنيّةِ لامفرْ
وبلا نعيمُكِ لاحياةَ
لا مبتغى لا مستقرْ

أهيَ المنيّةُ
ربّاه صبرَكَ والمددْ

+++++++++++++++++++

أحيا بفقدكِ في مواسمِ غُربتي
لا الدّربُ دَربي لا الزّمانُ زماني

يا سرَّ عُمري يا زمانَ صَبابتي
ياجودَ ماءٍ _في الهجيرِ_ سَقاني

القلبُ حزناً لا يَكلْ
جرحُ الحَشا لايندملْ
إن أُخْمِدتْ نارُ المَلا
الوجدُ قهراً يشتعلْ

أنتِ الوفيةُ
والقلبُ غيركِ ماوجدْ

+++++++++++++++++

البابُ أنظرهُ وأكتمُ عَبرتي
النّارُ تُحرِقُهُ ويُحرقُ داري

قومٌ أباحوا الدارَ ويحَ نفوسِهم
لابدَّ مِن يومٍ سيُؤخذُ ثاري

والحالُ إنْ حلَّ الفرجْ
والقائمُ المهديُّ خرجْ
السيفُ موطنهُ الرقابُ
وقلبُ فاطمةَ ابتهجْ

جَرتِ القضيةُ
هذا مِن اللهِ الوعدُ

علي طعمة البطاط
الفاطمية 1444هج