#AccheAkhlaq

Rasool Allah (ﷺ) ne farmaya:

"Mere nazdeek tum me se (dunya me) sab se zyada mehboob aur qayamat ke din mujh se sab se zyada kareeb bethne wale wo log hain jo tum me behtareen ikhlaq wale hain.

Aur mere nazdeek tum me (dunya me) sab se zyada kabil nafrat aur qayamat ke din mujh se door bethne wale wo log hain jo Tharthārūn, Mutashaddiqūn aur Mutafaihiqūn hain."

Sahabah ne arz kiya: "Allah ke Rasool! Hum ne Tharthārūn (batoni) aur Mutashaddiqūn (bina ehtiyaat bolne wale/jo logo ke bare me gair zaruri batein karte hain aur bad-zubani karte hain) ko to jaan liya lekin Mutafaihiqūn kon log hain?"

Aap (ﷺ) ne farmaya: "Taqabbur karne wale."

📚: Jami at-Tirmidhi 2018 | Hasan

Rasool Allah (ﷺ) ne farmaya: "Kya mai tumhein bataun ke mujhe sab se zyada mehboob kon hai aur qayamat ke din kon mere sab se zyada kareeb betha hoga?"

Log khamosh the, to Aap (ﷺ) ne isey do teen baar dohraya. Phir logo ne kaha: "Haan ya Rasool Allah!"

Aap (ﷺ) ne farmaya: "Tum me se jo behtareen kirdaar wala hai."

📚: Al-Adab Al-Mufrad 272 | Sahih

#Duaa

APNI DUAA KA JAWAB HASIL KARNE KA BEHTAREEN TAREEKA HAI 🌤️**

1. Wuzu Kar Ke Soye**

Rasool Allah (ﷺ) ne farmaya:

"Jo shaks Allah ka zikr karta huwa bawazu (wuzu ki halat me) soye phir raat me kisi waqt us ki aankh khule aur Allah se dunia aur aakhirat mai bhalai ka sawaal karey to Allah usey wo zarur dete hain."

📚: Sunan Abi Dawud 5042 | Sahih

2. Is Par Amal Karein Agar Aap Raat Ke Kisi Waqt Jaag Jayein To ⤵️****

Rasool Allah (ﷺ) ne farmaya: "Jo shaks raat ko uthe aur kahe:

لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ، لَهُ الْمُلْكُ، وَلَهُ الْحَمْدُ، وَهُوَ عَلَى كُلِّ شَىْءٍ قَدِيرٌ‏.‏ الْحَمْدُ لِلَّهِ، وَسُبْحَانَ اللَّهِ، وَلاَ إِلَهَ إِلاَّ اللَّهُ، وَاللَّهُ أَكْبَرُ، وَلاَ حَوْلَ وَلاَ قُوَّةَ إِلاَّ بِاللَّهِ‏

[La ilaha illallahu wahdahu la sharika lahu, lahul mulku, walahul hamdu, wa huwa 'ala kulli shai'in qadir. Alhamdulillahi wa subhanallahi wa la ilaha illal lahu, wallahu akbar, wa la hawla wala quwata illa billah || Allah ke siwa koi ibadat ke layak nahi. Wo akela hai Unka koi shareeq nahi. Badshahi Unhi ke liye hai aur tamam tareefein bhi Unhi ke liye hain aur Wo har cheez par qadir hain. Tamam tareefein Allah hi ke liye hain, Allah ki zaat paak hai, Allah Ta'ala ke siwa koi ibadat ke layak nahi aur Allah sab se bada hai, Allah ki madad ke begair naa kisi me gunaho se bachne ki taqat hai naa neki karne ki himmat]

Phir ye padhe: "اللَّهُمَّ اغْفِرْ لِي‏"

[Allahumma ighfir li || Aey Allah, meri maghfirat farmaiye]

Ya koi aur duaa kare to us ki duaa qubool hoti hai aur agar wuzu kar ke namaz padhe to us ki namaz bhi qubool hoti hai."

📚: Sahih Bukhari 1154

#Tawakkul

Is baat me koi shaq naa karen ke Allah aap ko us ke badle behtar dete hain jo Aap ne Allah ki khatir choda tha.

"Agar Allah tumhare dilo me koi bhalai payega to jo kuch tum se le liya gaya hai Wo us se behtar tumhein de dega aur tumhein baksh dega aur Allah bakhshnay wala, bohot rehem karne wala hai."

📚: Qur'an (8:70)

𝘼𝙨𝙨𝙖𝙡𝙖𝙢𝙪𝙖𝙡𝙖𝙞𝙠𝙪𝙢 𝙈𝙚𝙧𝙚 𝙈𝙤𝙢𝙞𝙣 𝘽𝙝𝙖𝙞𝙮𝙤𝙣 𝘼𝙪𝙧 𝘽𝙚𝙝𝙣𝙤 🫶💘🙌

*🔻Ye Un Sabhi Musalmano Ke Liya Jo Sabhi Religions Ke Festivals Badi Khushi Ke Sath Manate Hai.*

*🔻Chunke other religions ke tehwar (festivals) mushrikana fikr par mabni he, isliye Un par mubarak baad Dena goya unke nukta e nazar or Aqeede Ki taaeed he isliye usse bachna chahye. balke mubarak baad dene me kufr ka andesha he.*

*🔻Hamare pyare Nabi se musalmano ne parsiyo Ki tarah basant ke manane Ki ijazat chahi to aap ne ijazat nahi di. -(mishkat bahawala Abu dawud : 1439)*

*🔻PHIR USME GAIR QAUM SE MUSHABAHAT BHI НЕ*

*🔻Suraj nikalne, sar par aane or dubte waqt namaz padhne se mana kiya gaya kyuki ye Suraj Ki puja karne wale or dusri qaumo me ibadat or puja paat ka khususi waqt he. (nasai: 583)*

*🔻To jab islam ko non muslims ke tehwaro se, Yaha tak ke unki ibadato ke time me similarity bhi gawara nahi to unke tehwaro me shirkat kaise jaiz ho sakti he?*

*🔻Baaz log ise mazhabi rawadari samajhte he lekin ye nasamjhi Ki baat hai, rawadari "Mazhab faroshi " ka name nahi, ye to be zamiri Ki baat hogi* ,

*🔻Islam kabhi bhi is baat Ki ijazat nahi deta ke musalman aqeede or Mazhab ke mamle me " Lo... Or... Do" ka rawayya ikhtiyar kare,*

🔻 Jaan lo ke Islam ke tamam ahkam Ki bunyad "ekeshwarwaad or tauheed " par he, Or usme Adna or mamuli darje Ki Lachak ikhtiyar karne Ki gunjaish nahi .

🔻 Isliye kisi Gair Mazhabi Tehwar par mubarak baad Dena, khushi ka izhar karna, usme sharik hona or is tarah ke mushrikana aqeede ke mazhar Julus, Tyohar celebrate karna bilkul jaiz nahi.

#NamazKiFaziliyat

Islam me Namaz ki ehmiyat is qadar hai ke beth kar namaz ka intezar karna bhi Ibadat samjha jata hai.

Rasool Allah (ﷺ) ne farmaya:

"Aur jab tak tum me se koi namaz ka intezar karta hai to wo goya namaz me hi rehta hai."

?: Sahih Bukhari 647