كسر ضلعي يهون كبال الحسين
مفرهد يمه يبني بنــص ميادين
كلت يايمه أمنـــــي يمي عباس
عمت عيني تلكه سهامــه بالعين

اجـــر انفاسي واتذكر
شلون وليــدي مايكدر ... حسين

النفس ماينحمـــل بيه
وليدي رسومه مجويه ... حسين

اضل يمه لــــــو أمشي
شيب وكتي مو رمشي ... حسين

آه الطف نهبني
آه مايرحم ابني
آه الطف نهبني
............................................
بسمـــــار بضلع بس هوه برماح
منين يديره راسه كباله ذبـــــاح
وكفه انه وطحت يايمه يحسين
شلع كلبي ييمه من المهر طـــاح

متت لمن خذو حيدر
وكلبـي بضيمه يتوذر ... حسين

وهوه جم اخـو عافه
كباله ينذبح شـــــافه ... حسين

ومني مـــا سلب احد
وهوه عايله تفرهـــد ... حسين

آه الطف نهبني
آه مايرحم ابني
آه الطف نهبني
............................................
جان بحضني يصحه وليدي وينام
جنت بجفي احضنه وهسه الاسهام
كبل بأسم الله اركض لمــــن يطيح
هسه يطيح حيــــــل تصيح الازلام

طاح وفزعت عياله
وركضو ليهن جماله ... حسين

بناتي فزعوا عليهن
حيره وماهو واليهن ... حسين

يمهن شككو هدمه
منظر خوف الاعمه ... حسين

آه الطف نهبني
آه مايرحم ابني
آه الطف نهبني
.................................................
خلصت روحي وصلو يم الاخيام
شنو شيردون منهـــــم كلهم أيتام
رقيــــــه تصيح بويه تسلبت كوم
زينب عشرة شبجت جايها الشام

بنيتي الحره محتاره
اخوها ضاعت اخباره ... حسين

يعينج الله يبنيـــــتي
وحيده بحيره ضليتي ... حسين

محدبه ياصبر هاشم
محدبه والكمر نايم ... حسين

آه الطف نهبني
آه مايرحم ابني
آه الطف نهبني
...................................................
✍️/ ديار الحساني

اللهم عجل لوليك الفرج...💔

ياخويه جا وين تروح
المثلي عاشت بجروح
لحكولي .. فزعولي .. زينبكم انه بيا حال

ضيم الخرايب لو شام
شحجيلك الماهو ولام
تعبانه .. ياخويه .. فوكاها مربوطه حبال

ها خويه طبينه .. وبحيره ضلينه
سوك وقصــر ماينحمل والهضمه ديوان
عنك يسألوني .. رادو يهضموني
ضحك وحجي واتشمتوا ماعدها خوان

جاهو وضعي ينحمل
جتالك وذيج الهـــزل
بيه تميل وماصفت يالكل شـــي منهم ما سلم

عـــــدك اخت ام الخدر
من عطفك لضيم الشمر
ارجعلي يبن امي متت ارجعلي لو صوره بحلم

(حسين خويه حسين)
.....................................................
يالساكن كبــــال العين
حرموني منك يحسين
لا خوه .. خلوها .. ولا ذكــــره منك وياي

ام عون بس اطلب عون
تشوفوني لو مــا تدرون
عرفونا .. يبن امي .. لا حسبه ضلت لاراي

يبن امي صاحولي ... زينب يكلولي
ماتنحمل اسمي انكشف كــدام الاجناب
انــــه يبعد انه .. من كل شي تعبانه
ودموعي الك ماتنحسب يابعد الاحباب

حاجيني مو محد الي
حاجيني ياريحة هلي
يابعد اهلنه مو سهل هيج انه اضل بـهالوضع

عنـــدي يتامه بركبتي
بيهن احيـــــــر بعلتي
كل خطوه اليه بلا اخو تكسرني وترك بالضلع

(حسين خويه حسين)
...............................................................
اغفـــــه وازفزن وكفه
ذبح وسبــــــي ما كفه
يردوني .. ياخويه .. اتعذب ومـــا ارتاح

فاتني ذيــــــج الايـــام
وياك انه ارسمت احلام
بعيوني .. وبروحي .. تاليها عافاني وراح

حلمي ابقه وياكم .. والمغرب الكاكم
وهم ننجمع كلنه ســـوه ولا صاير الصار
طايح انه شفتك .. والخيل ماخذتك
وتهَدِمَت كل الصور وانــــــه اركض بنار

شحمل بعد كلبي انجوه
زادوني جرح ومــو دوه
كلهن جزن واتحملت ضيم المأسي بلا جـزع

بتك على الراس انحت
سكته و ابــــد ما بينت
يبن امي بتك شافتك ماتت عليك من الوجع

(حسين خويه حسين)
.............................................................
رديتلك بــس شــــــلون
لا حــــــال ضل ولا لون
رديتلك .. بالخوه .. بعد البعـــــــد والايام

تعرفني مــــو متغيره
جا ردت اموت بحيره
رديتلك ... تلكاني .. احجليك شسوه الشام

وللكافل امشيله .. وبحركتي اشكيله
بس خوفي يسألني الكمر ياهي انتي ومنين
هاي انـــه زينبكم ... متغيره اخيتكم
هاي انه زينب بت علي انطــر حيلي نصين

لون العبي بلون الدمه
ومتوني جن لون السمه
هاي التضل بلا اخو تتعب يخويه وتنولي

ميته اني من يوم الطحت
من مهرك وكالو متت
ويوميه اموت بفركتك ياربي صبر بت علي
...........................................................
✍️/ ديار الحساني

#مولاي_مسلم ابن عقيل

يا مقدام ومرجله
وصار بأعظم منزله
ثوب الشهاده الك
يا آيات الزلزلة

يالصعب فهمك يالعمك الكرار
جاي برساله حق وبجفك البتار
محد كبل سيفك يالجنك العباس
يااول الايه و ياقدوة الأنصار

اول بشر سوه العجب
فوك الزلم بالدم شطب
انت السما وكعت الك
من العلي عدك نسب

ا...................................................................
يامن سوه المجرزه
وكلمن لازم منحره
مثل الاسد بالحرب
دخيلك اصلك مفخره

من يحجي تتخورس توكع زلم يمه
جايب جمال حسين والخزره من عمه
بسيف انفطم مسلم من اول صياره
سطرها تحته الروس واتعالى ع القمه

مثل الرعب طب للحرب
حاوطهم وكض الدرب
لزمو سره الكل للذبح
لا ينكدر لا ينغلب

ا..................................................................
ياذا الجود والكرم
والشافك صاح ونعم
ماتنوصف بالحجي
يامن ذا الصدر الاشم

ما ينوصف فعلك ومضحي لجل حسين
من كال اريد ابعث صار وكلت ع العين
ما خوفك لا جيش يالفارس مصلصل
والكوفه كدامك ساطرها بالجفين

يمرجف كلوب العده
واسود وجه كلمن بده
وانغلبو وقامو حرب
ماشافو الحال السده
ا.......................................................................
ماحسبوها ومادرو
وبس للشرده دورو
دخيلك مسلم ياكلف
ولصوب حسين اشرو

ادخيلك يبو الاكبر من مسلم وناره
شايل بخت منك وبخزرته الشاره
دخيلك كضانه الخوف نتغشه كدامه
بطلنا ما نطلع وكلمن لزم داره

شيله البسو كل الزلم
بالكوفه من سوه الردم
يامن يخلصها وتفض
والقاده ردهم للعدم
ا..........................................................................
يارمز الحب والوفه
كر عليهم ما عفه
لا يخطاهم لا يمل
لارد خايب لا كفه

بيك العطش يروه كلش عذب مايك
تنفض شكو باطل وما ترجع برايك
اول نهر عطشان قبل الطفوف شلون
حتى الشمس نزلت تدخل على فيايك

مسلم دخيلك ياكمر
ماوصفك شعر وصور
للماضي ترجع بالحرب
جن حمزه والحيدر عبر
ا...........................................................................
✍️/ ديار الحساني

كتله وياي كوم وكــــــال تعبان .. بويه
كتله شبيك بويه وكال عطشان .. بويه

علي يبني كوم بويه
هاي وادم تنتظر طيــــــــحت ابوك
علي يبني كوم بويه
ادري بويه بحز ركبتك تــــــــــعبوك
علي يبني كوم بويه
كلشي ماخلـــــــــــو عليــه وموتوك
علي يبني كوم بويه
يبو طول الحلو جـــــــــا هم خربوك

اخ يا شلعــــــان كلبي
اتشمتت بيه الغــرب
هـــــو اليفارك وليده
يعيش بالدنيا صعب

..............................................................

اول مره اصيحه ومايــــرد صوت .. نايم
صحته هواي بسمه مجذب الموت .. نايم

علي يبني كوم بويه
ليش نايم ع التراب وحضني ضال
علي يبني كوم بويه
شلون بويه وهذا حالك موش حال
علي يبني كوم بويه
كوم موش هنانه نـــومك ع الرمال
علي يبني كوم بويه
خلي احبـــــك لاتموت اطني مجال

موش نومك هـــذا بويه
شبيك ساكت يالـــحنين
توني جنت اسمع ونينك
هسه لا حـــــس لا ونين
................................................................

حرت شلون اشيله مكطع هواي  .. حيره
كوم ولاتضل بنـــــــــومتك هاي .. حيره

علي يبني كوم بويه
شلون ارد شلون اكلهم علي مات
علي يبني كوم بويه
بويه بعدك ما الي واهس بالحياة
علي يبني كوم بويه
شنهي نيتك ليــش بالصحرا تبات
علي يبني كوم بويه
كـــــــــوم امك منتظرتك والبنات

ضيم جرحك ما احمله
جر جبته اجدامي ليك
ما مصدك هيج اشوفك
جنت اشوفن روحي بيك
.................................................................

خلص جسمه من طعنات الارماح ... بويه
انه ادري اليموت يمـــوت مرتاح ... بويه

علي يبني كوم بويه
روحي طلعت ليش تشلع كلبي بيك
علي يبني كوم بويه
انـــــه ابوك وجاي يمـــــك ارتجيك
علي يبني كوم بويه
ردت امـــــــوت وانت تدفني بديك
علي يبني كوم بويه
موش مـيت واسحل بروحي اجيك

النسمه ماتعبـــــر يبويه
بين نبلات السهـــــــــام
حرت بويه منين اشيلك
راح اعوفنــــــــــك تنام
...................................................................

خلصن ذني السوالف علي مات ... كلبي
اليله مو بالخيمه ع الغبره يبات .. كلبي

علي يبني كوم بويه
خويه زينب ليه لحكـــي وليدي راح
علي يبني كوم بويه
شلته من صدره يخويه وضهره طاح
علي يبني كوم بويه
ورده وتناثر عطــــــــرها بحومه فاح
علي يبني كوم بويه
امشي والتفت احسه بويه صـــــــاح

منين ما ما افرنها عيني
بكتل كتر ميت حنين
وكلبي تعبني يخويه
بكلبي حسرات ونين
..............................................................

:
[ ديار الحســــاني ]

كام ليها الاكبر وشد حيله
بويه عذرا راح ارد العيله

رعد واشتد واغلب الحومه الضلام
طلع بدر حسيــــــــن واعلنها القيام
مـــاكو واحد يحجي وانكف الكلام
لبس القاده وزلمهم شليه

يلهب ويجويها جـــــن زبر الحديد
عيت الحومه وصعد بيها الرعيـــد
يذبح وخلصها ويــــــــرد هم يعيد
واليكابل سيف الاكبر ويله

غيم على الجيش بجناحــه ويميل
مثل جـــــــده يقلع وصاحو دخيل
موش دم العظم منهم ضــل يسيل
حسين واكف بالخيم يدعيله

بكــدر جفه الناس صــارت والجمع
تذيه جـــدامه الجحــافل جن شمع
يغلب الاكبـــــــر نضرهم والسمـــع
صوته يرهب بالحرب ترتيله

عزب الكيعان بركـــــــــــــاب الزلم
والكتايب هوســــــــه بيهم ما يهم
شنهي صاير ياخلك ماكــــــــو علم
الزلمه عدهم للركض ضم حيله

شارب بشارب ربط زلـــــــم الثكال
مايــــدور ناصي بس يهوه الطوال
يعينه الله الشاف الاكبـــــر بالنزال
صاحوا ع حسين خل نشكيله
...................................................
✍️/ ديار الحساني

( ياعليُ الاكبر ياعليُ الاكبر )

غاص عليٌ فــي الوغى 
شبـل حبيب المصطفى
ينادي
انـــي انا شبل الحسين  
وابـــن اميــــر المتقين
ينادي
اضرب ضـــرباً مأسوي 
ضرب غُـــــلام هاشمي
ينادي

وداخيل الله اليوم سوه اسوايه
لا خله خيل ولا جــــــنود برايه
يكضيها كلها اليوم هــــاي الغايه
حيرها المن تركض الشـــــــجايه
.......................................................

جـــــــــاء علينا هائجاً
لم يبقى مـــــنـا واقفاً
هربنا
هذا عليُ ان وصــــــل
الموت يأتــــي بالأجل
هربنا
سيفهُ كــــــــــان صائباً
في الركب ام هو راجلاً
هربنا

لا هذا الاكبر مدري عمــــــه الكافل
يمكنه حيدر مدري شنهي الحاصل
شـــــــو كلها تبتر ما تهمها اعدادنه
شو سيف حيــدر هذا بيده الشايل
.............................................................

كم قأئداً لــــهُ انحنى
فــــي خيبرً ام نينوى
عليٌ
في الميمنة والميسرة
قَدم يــــــــوم الآخرة
عليٌ
في صوته شق الفرات
لم يبقى عــذراً للنجاة
عليٌ

صفين رجعها وعلــي وامجاده
تحتار بينه وبين عمــــه القاده
سواها ضلمه بضهر يوم العاشر
تاهت زلـمنه بدرب جايه وراده
..................................................................

اطلبو هـــــــــدنة للنجات
قد جعل القـــــــادة رفات
الاكبر
ما الذي في الجيش حصل
لم يبقى فيــــــهم من بطل
الاكبر
كم حيرةِ فيـــــــــــــه نرى
هل هــــــــــــــوَ حيدرٌ ترى
الاكبر

شنهي الحصل للجيش مامش جاره
ياهو التلزمه يصيــــــح جايه الغاره
قادها الاكبر نار جــــــــــــــاي اعلينه
والزلــــــــــمه بينه يموت من أفكاره
...........................................................
✍️/ديار الحساني