*Assalamu aleykum.

Sabah əzəmətli bir gündür. O gündə qazananlar var, bir də böyük xeyirlərdən məhrum olanlar.

Çalış ki, qazanlardan olasan, itirənlərdən olmayasan.

Xüsusən dua məsələsində. Sabah il içərisində dua üçün ən əlverişli zamandır, ələlxüsus də Əsr-Məğrib arası. Dilə nə diləyəcəksənsə.

Nə dərdin nə sıxıntın, nə həll edə bilmədiyin məsələn, nə çözə bilmədiyin düyünlərin, nə ödəyə bilmədiyin borcların, nə qurtula bilmədiyin günahların, nə çata bilmədiyin hədəflərin, nə xilas ola bilmədiyin pis vərdiş və xasiyyətlərin varsa, sabah hamısı ilə Allaha yönəl. Sabah yönəlməsən nə zaman yönələcəksən?

Əgər O qəbul etməsə kim qəbul edəcək?!

Əgər Ona ümüd etməsən kimə/nəyə ümid edəcəksən?! Hansı aciz məxluq sənə istədiyini verə bilər ki?!

Bu qədər sıxıntın var. Elə bilirsən günahlarının təsiri yoxdur?! Vallahi ki, var. Sabah onlara görə Allahdan bağışlanma dilə. Sabahki qədər Allah heç vaxt oddan qul azad etmir. Ən çox sabah azad edir. Yalvar, göz yaşı axıt ki, sən də onların sırasına daxil olasan.

Bil ki, O səni əfv etsə - dünya və axirət xeyirləri sənə doğru axın-axın gələcəkdir. Çünki bu gün gəlməyən hər bir xeyirin yolunu günahların bağlayıb.

Neçə insanlar olub ki, ömürlərindən keçən Arafa günlərindəki duaları sayəsində qurtulublar.

Bunu unutma.*

www.senxatirlat.com