🍿የ VIP ቻናላችንን በአነስተኛ ክፍያ በመቀላቀል ሁሉንም ፊልሞችን ማግኘት ትችላላቹ።
🍿 CHANNEL ~> @Wase_Records
🍿 BOT ~> @Wase_Records_Bot
🍿 OWNER ~> @The_hacker_person
🍿 VIP ~> @The_hacker_person
Last updated 3 days, 8 hours ago
አፍሪወርክ ቢዝነሶች እና የግል ቀጣሪዎች ለስራቸው ከሚፈልግዋቸው ፍሪላንሰሮች ፣ ቋሚ ሰራተኞች እንዲሁም የትርፍ ጊዜ ሰራተኞች ጋር በቀጥታ የሚገናኙበት ፕላትፎርም ነው።
አሰሪዎች ስራ ለመልቀቅ @freelanceethbot ይጠቀሙ
Afriwork in English @freelance_ethio
Last updated 1 month, 3 weeks ago
እዚ ላይ ገብታቹ vote አድርጉኝ🙏🙏🙏
እንደ አንድነታችን
አንድ ነው ምክንያቱ ለአብሮነታችን
ለመለያየት ግን ለሆድና ጀርባ
እልፍ ሰበብ አለን ለልዩነት ካባ
...........
በሌት ፍቅር ቀጥፎ ቀን መጾም ማስቀደስ
በተላጠ ቁስል ሚጥሚጣ መነስነስ
በዝምታ ውሎ በበደል መከሰስ
ቢሆንም.....
ስብራቴን ስውር ጉዳትህን እብስ
ውዴ አንጠለል ዝናብ ላይ እናልቅስ።
✍ ተጻፈ በአብዱ የእሙዬ ልጅ
የዛሬ ሶስት አመት ቀጥሬሽ ነበረ
በንፁህ አፍቃሪ ልብ ስላንቺ በኖረ
ትመጣለች እያልኩ መንገድ መንገድ አየሁ
አርፍዳ ነው ብዬ ራሴን አፅናናሁ ስጦታ ገበየሁ
ነገሩ ወዲህ ነዉ ለካ አንቺ ቀርተሻል
ፍቅር እየራበኝ ጥጋብ ወጥሮሻል
ቆይ እኔ የምለው
ያዙኝ ልቀቁኝ ነው ምንድነው መንቀልቀል
ይዤ ለቅሻለው ከንግድባንክ ህንፃ እኔም የከፋኝ ቀን
ብዬ
አምርሬ ዝቼብሽ እንድትመጪ አልሻም
ፍቅር በውድ እንጂ በግድ አያረካም
ደግሞ ይሄን መልክ ይዘሽ ልትኮሪ ያምርሻል
እስኪለመድ ድረስ ስንቴ ፌንት ያስበላል
ስንት መስታወቶች ፊትሽን ሲያዩ ደንግጠው ደቀዋል
ፀጉርሽን አይተሻል
በሽምግልና እንጂ መች በሻጤ ይያዛል
የመሸሹስ ነገር አይወራ ከቶ
ግንባርሽ ወቶ ነው ወይስ ፀጉርሽ ገብቶ
ደሞ ካንቺም ብሶ ቆንጆ ቆንጆ ልጆች መውለድ አስበሻል
ቆይ እስኪ በዚ ፊት ቆንጆ ይወለዳል
ቀጥሬሽ ከቀረሽ
ሸራፋ ሚስት ሁኚ ሸራፋ ባል ይስጥሽ
የምቶልጂውን ልጅ የፊት ጥርስ ይንሳልሽ
እያልኩኝ መራገም አንደበቴ አይፈቅድም
ጨዋ የጨዋ ልጅ ነኝ ስድብ እኔ አላውቅም
ደግሞ
ከ15 ቀን በፊት አዲስ ጉድ ነገርሽኝ
ላገባ ነው አልሽኝ
ከፊል አዘንኩልሽ ከፊልም ጨከንኩኝ
ብርታት እዲሆነኝ በፍቅሬ እንድቶድቂ መመኘት ቀጠልኩኝ
ፍቅሬን ከድተሽዋል ጴጥሮስ ክርስቶስን ሶስቴ እንደከዳው
አለመፈቀሬን እንደምን ልረዳው
እንዴት እሺ ልበል
እንዴትስ ልቀበል
በቀል አያስቡ ሞኝ ያደርጋል ማፍቀር
ይቅር መወሻሸት ይቅር መነቃቀፍ
ይቅር መተቃቀፍ
ይቅር የውሸት እንባ ይቅር መነፋረቅ
አንቺን ደስ ካለሽ ይቅር መነፋፈቅ
አላስገድድሽም
በከፋ ጭካኔ ቆዪም አልልሽም
እኔ ግን ፈራሁኝ
የመጨረሻችን ሊሆን ነው መሰለኝ
ከማግባትሽ በፊት የምልሽ ቃል አለኝ
ከኔ ከበለጠ የወደድሽው ምርጫሽ
ለመታማት እንኳን አይመች አፍንጫሽ
ይደፍጠጥ ይቀበር
ቅልጥምሽ ይሰበር
ልክ እንደ ሽንብራ የተጠቀለለው ከርዳዳ ፀጉርሽ
መላጣ ይሁንልሽ
ጊሽጣ ልጅ ውለጂ
በሰውዬሽ ምክንያት በቶሎ እበጂ
ግን ስለማፈቅርሽ ብዙ እንዳትጎጂ።
✍ ተጻፈ በአብዱ የእሙዬ ልጅ&
ፀጋው
ከየት ነኝ? ምንድነኝ? ጥያቄ
በማንነት ቀውስ ወድቄ
ከመልስ አልባ ባህር ስቀዝፍ ስንሳፈፍ
ቆሽሼ ስፀዳ እየፀዳው ሳድፍ
አንድ እውነት አገኘው
ለጥያቄ ሁሉ መልስ እንደማይኖረው
ሌላኛውም አለ
በጊዜ ወረቀት የተጠቀለለ
ሶስተኛውም ገባኝ
ነገር ግን አሳጣኝ
መድሀኒት ቀምሞ ፈውስ ባይነሳቹም
አንዳንድ እውነታዎች ለልብ አይመቹም።
✍️ ተጻፈ በአብዱ የእሙዬ ልጅ
የሚያውቁሽን ሁሉ ሰዎች ጠይቃለው
እንዴት ነች እላለው
ፈክታለች ይሉኛል አበባ መስላለች
ነጭ ጥለት መስላ ደምቃ ትውላለች
ሳቅ አይጠፋ ከሷ መከፋት የት አውቋት
ግሩም ድንቅ ፍጥረት ህይወት የቀናቻት
ብለው አወጉልኝ አላውቅሽ ይመስል
ምን ብዬ ላስረዳ የህይወትሽን ምስል
የሳቅሽን ትርጉም የጀርባሽን ቁስል
በረጋ ሳቅሽ ውስጥ ያለውን ረብሻ
ቁርጥ የሚመስለው የእብድ ውሻ ንክሻ
ደግሞም ሰምቻለው
እንዴት ነው ትያለሽ
ሰው ትጠይቂያለሽ
እንዴት ነኝ ይሉሻል
ምን ያጫውቱሻል
ከስቶ አዝኖ ጠቁሮ
ህልሙ ተበትኖ አንገት አቀርቅሮ
ተስፋ ይሉት ነገር እንደ ጉም እርቆት
ለነፍሱ ሲታገል የጠጣው ውሀ አንቆት
ወይንስ
ፏ ብሎ ዘንጦ በጌጥ ተሽቀርቅሮ
ለሰው ሰላምታ አይሰጥ ኮርቶ ተጀንኖ
አቤት አረማመድ መራመድ እንደሱ
ምቹ ናት መኝታው ስኬት ናት ትራሱ
ይነግሩሻል አይደል
ሲሉት እንዴት አይቀል
ግን አንቺ አይጠፋሽም
ለሰው ብመሰጥር ከራሴ አልሸሽም
ያው እነሱ እንዳሉት
ልክ እንደተረዱት
አንቺማ ደህና ነሽ እኔም አልከፋኝም
ህመምሽ ህመሜን ፈዋሽ አናገኝም
ውዴ
ሰው በጠፋ ጊዜ ከሰው ከምትሸሺ
እንባሽን አታውጪ ወደ ውስጥ አልቅሺ።
✍ ተጻፈ በአብዱ የእሙዬ ልጅ
ከእለታት አንድ ማታ!
(በእውቀቱ ስዩም)
ነግቶ፥ ተነሳሁኝ ካልጋየ
ከሰገባው የሚመዘዝ ፤ የንጉስ ሰይፍ መስየ
የሚያብረቀርቅ ፊቴን
የተትረፈረፈ ጉልበቴን
ያዝኩና ከቤቴ ወጣሁ
ቡናየን በደስታ ጠጣሁ፤
የማለዳ ቡናየ ጢስ
እንደ ንግስት እሌኒ ደመራ
ወደ ምኞቴ አቅጣጫ ፥ ልቦናየን ሲመራ
ሺህ እቅዶች ነድፌ
ለሺህ ትግል ተሰልፌ
እምነት ኖሮኝ ፤ ቁና ሙሉ ሰናፍጭ ያክል
ከስጋጃ ልቆጥረው፥ የመንገዴን መሰናክል
ለድል ተሰናድቼ
ደረቴን ለመዳልያ፥ ኪሴን ላዱኛ አጭቼ
ጅንን እንዳልኩ፥ እንደኮራሁ
ወደ ኑሮ ተሰማራሁ፥
ከዚያ ትንሽ ቆይቶ
የሰከነው ጎዳና፤ በትርምስ ጨቅይቶ
እንቅፋት ከየቤቱ ፥ እንደ ጥራጊ ወጥቶ
አሳር እና አሳርኛ ፥ በየርምጃው ተሰጥቶ
ሳፊው አየር ተበርዞ
የኑሮ ሰልፍ ረዝሞ፤
ወረፋው ተበውዞ
ደረስሁ ስል እየጀመርሁ
በርምጃየ ጣልቃ መሀል፥ የምቧይ ጡቤን እየከመርሁ
የምችለው ባይሳካ፥ የማልችለውን ሞከርሁ::
ከዚያ መሼ
የተረፈ ተስፋየን ፤ እየቀበርሁ አፈር ምሼ
ድምጤን አጥፍቼ አነባሁ፤
እንደ ሰይፍ ተመዝዤ ፥ እንደ ቀንዳውጣ ገባሁ ::
🍿የ VIP ቻናላችንን በአነስተኛ ክፍያ በመቀላቀል ሁሉንም ፊልሞችን ማግኘት ትችላላቹ።
🍿 CHANNEL ~> @Wase_Records
🍿 BOT ~> @Wase_Records_Bot
🍿 OWNER ~> @The_hacker_person
🍿 VIP ~> @The_hacker_person
Last updated 3 days, 8 hours ago
አፍሪወርክ ቢዝነሶች እና የግል ቀጣሪዎች ለስራቸው ከሚፈልግዋቸው ፍሪላንሰሮች ፣ ቋሚ ሰራተኞች እንዲሁም የትርፍ ጊዜ ሰራተኞች ጋር በቀጥታ የሚገናኙበት ፕላትፎርም ነው።
አሰሪዎች ስራ ለመልቀቅ @freelanceethbot ይጠቀሙ
Afriwork in English @freelance_ethio
Last updated 1 month, 3 weeks ago