عندما نلتقي لن يكون هناك مجال لفراغ بيننا سأحضنك بقدر الايام التي لم اراك فيها ❤️

هـذا المسـاء :
"كُـل صـوت راجيهـو صوتـِك ... كُـلُّ شريـان فيـك وريـدي" ... ?

كانت رسالـة هـذا المسـاء ...
مُمسكـاً بكُـلِّ ذكـرى ، كُـلِّ أملٍ يقـودُ إليهـا .... أمسـك هاتفـهُ وكتبهـا لهـا .
هنـاك ...
ابتسمـت هـي بكل ما أوتيت من قُـدرة ، سألتهـا صديقتهـا :
"ما بالُ عينيـك متسعـاتٌ بحجـم قلبـك "؟
أجابت بابتسامـةٍ لا يشوبهـا زيـف :
"متسعـاتٌ بقـدر سعادتـي ... سعادتـي التي أُرددهـا في كُـلِّ تراويح ... اللهُـمّ هُـو اللهُـمّ قلبـهُ" ?.

من نافـذةٍ تُطلُّ علـى عينيهـا
كان يترقّـب ... يترقّبُ ردهـا الذي يتمنّـى
ف أرسلـت ذات حُـب قلبـاَ بنفسجيـاً لخّص كُـلّ شـئ.

هاتفهـا ليسمـع صوتهـا ، ليتكـئ هنـاك عند همهماتهـا، ليُفـرّق بينهـا وبين والحُـزن ويرمـي بكُلِّ ما أهمـهُ علـى مسامعهـا فيرتدّ مسـروراً مجبـورا .

ساعتـان من أجمـلِ ما حصـل له .
صوتهـا الذي يزيـل كل هـم ، ضحكتهـا التي لا تُنسـى وقلبهـا الذي وسِـع كُـلّ أحلامـه .

أغلـق الخط وأرسـل لهـا :
"الزمـن قاسـي الملامِـح ... وانتِ نـوّارة قصيـدي ... ?"

غفران_تاج_الســر ?

‏"وإني يارب قد وليتك كُل مافي قلبي♥️♥️♥️♥️♥️♥️♥️♥️♥️♥️♥️♥️?"

" وأن يستبدل الله هذه الأحاديث العبثية، بحديث أبدى. "♥️

ما لاقتني دعوة مُحب أصدق من إنو يتمنى يكون جنب حبيبو .. بقدر الأمنيات المُتكومة حتفضل الأمنية الوحيدة البتتقال في أول سجدة .. أول تهنئة .. أول مُباركة عيد.

فكرة إنك حتكون قريب من الشخص البتحبو مُطمنة جدًا .. إحساس إنو مافي مسافة بينكم دا مريح شديد
كم هائل من السعادة بنتابك لمجرد إنك فكرت في شخص بتحبو فكيف لو كنت معاهو؟
في مسلسل ما وراء الطبيعة إتقالت جُملة حلوة شديد :

"‏وعندما أريد إسعاد نفسي .. أتخيلك معي.♥️"

شكل الحياة بعد ما تكونوا سوا حاجة لا بتترسم لا بتتحكي .. شعور بفضل جواك إنت براك حتكون مُتخيل شكلو حيكون عامل كيف.

في ڤيديو مصري لطيف لاقاني .. عروسة صحباتا مصورين ليها تفاصيل عرسها من أول خطوة فكان من أكتر اللحظات الحلوة فترة وجودا مع خطيبا وهم بشطبوا البيت وبشتروا الأثاث وتفاصيل كتيرة إتلخصت في إنها طول الڤيديو كانت بتعاين ليه وبتضحك وبتقول ليه هانت يا أحمد.

من الرسائل المُحببة بالنسبة لي الكتبا كافكا لي ملينا لما قال ليها : "_ثم استلمت رسالتك الرقيقة ، لتعينني على مواجهة الليل ، فالليل يبدو كعدو لي..!))
كم ليالي عديناها خايفين وما مُطمنين وحاسين في شي ناقص لمجرد إننا ما جنب البنحبهم!؟

مصطفى سيد أحمد عندو كوبليه لطيف الناس بترددوا كتير لما يحسوا بالشوق والمسافة تحول بينهم وبين البحبوهم فبكل تلقائيًا بنسمع صحبتنا في كل حافلة ركبناها وشغلوا سيد أحمد بتقول يارب يشغلوا أغنيتي المفضلة ومستعدة تفتح الشات بتاعهم وترسل ليه "إتذكرتك" للمرة الألف كأنها باسويرد بينهم فبقوم هو يرد ليها "ياما شايلك فيني حايم "
أكتر من مرة عملت سكرين للشات دا وختتو ستوري لحد ما نحن بقينا نشغلا ليها
"إنتِ أكيد يوم عرسك حتتزفي بالأغنية دي"

صحبتنا عاملة الإستيت بتاعا
"‏فوق كُل أمنية، أُريدك بِقُربي دائماً..!))
سنتين ما حصل غيرتا .. بتتغير الفصول والسنة وتجي كل أنواع المناسبات وهي لسة عند نفس الأمنية يوم زواجهم غيرت البروفايل بصورتهم وإفتكرتها حتغييرا فما حصل قلت ليها : أخيرًا غيرتي البروفايل عُقبال الحالة برضو.
فكان ردها: للأبد عايزاهو قربي وحتفضل دي الأمنية الوحيدة الما حتتغير ولا حتتبدل.

صحبتنا إتزوجت من سنتين كل ما تجي الساعة 4 بتشيل تلفونا وتتصل ليو "خالد وين إنت!؟" قلت ليها أنا متأكدة إنك بتكوني حافظة إنو هو حيجي 4:10دقايق أو حيكون جنب البيت زي الوقت دا بتتصلي ليه؟
قالت لي والله ما عارفة بس برضو لازم أتصل وصح كلامك بكون عارفة وهو ذاتو بكون عارف إني عارفة بس برد لي كل يوم وحتى مرة قال لي بحس نفسي مهم بالنسبة ليك طول ما إنتِ بتفقديني كدا.

"أن تقع عيناك على من تحب لدقيقتين فقط ، أفضل من محادثة خلف الشاشات لسنة كاملة."
دي كانت الويلبر بتاعت صحبتي .. مُتخيلين إنها بتعاين ليها كم مرة في اليوم؟
لما مسكت تلفونا في يوم عيني وقعت علي الكلام دا أكتر من 10مرات خلال الساعتين القعدناها سوا
قلت ليها:

زولك دا حيجي متين عشان خلفيتك دي جابت لي إكتئاب !؟

ضحكت وقالت لي: أنا لما أقول ليك مُكتئبة تاني ما تقولي لي مالك أظن كدا عرفتي السبب ..؟ خمسة سنة إنتِ قادرة تتخيلي معاي إني ما حشوفوا ولا حلاقي لمدة 5سنة؟

وقتها بس عرفت إنو واحدة من أسباب الحزن إنو العالم كلو في وشك ما عدا الشخص المطلوب حيكون بعيد عنك بُعد السماء والأرض.

على الهامش :
" أتشبثّ بطرفِ كلماتكَ لأنّ طرف قميصك بعيدٌ عن يدي ..!♥️"

_
‏"الروح تميل لمن يُقاسمها التعب والحزن ،
أما في الفرح فكُلُّ الناس أحباب."♥

‏والله ياجماعة الحنيّة بتحلي أي حاجة، وبتهوّن كل حاجة?♥️ .

- ردِدُوا ♡.
• سُبحان اللّٰه .
• الحمدُ للّٰه .
• لا إله إلا اللّٰه .
• اللّٰه أكبَر .
• لا حَول ولا قُوة إلا باللّٰه .

طريقة ختم القرأن في رمضان خلال ( اسبوع )

- الفجر : 5 صفحات
- الظهر : 5 صفحات
- العصر : صفحتان
- المغرب : 7 صفحات
- العشاء : 9 صفحات
- السحور 10 صفحات

‌‏أهلاً بالرّوتين الذي لا يُملّ منه وشعور السّلام في كلّ مكان وأصواتُ الأذان والإيمان، أهلاً رمضان، أعادهُ اللّٰه علينا وعليكُم بالخيرِ واليُمن والبركة، وأعانكُم على عبادتهِ وطاعتهِ ..???

وحدة من الحاجات البتخلي علاقات الصداقة، الزواج و الأخوة تستمر لسنوات طويلة هي مساحة الأمان العظيمة بين الطرفين.
مافي أنا و إنت.
(لكن دائما نحن في جانب واحد نواجه الحياة كلها و نربح).

مهما اختلفنا بنرجع و مافي شي بيتغير.
مهما اتصرفت بشكل مغاير لتوقعات الطرف التاني ف دايما قادر يسمع و يناقش ، مهما كان في ردود مقنعة و مبررات كافية للرأي الأول فالرأي الثاني له أولوية بالقبول .

دا بالإضافة لأنه وحدة من الحاجات اللي بيراهن عليها الطرف المخلص في أي علاقة هو حاجة اسمها " أمان الخفاء ".

الأمان ما من المكشوف بل المخفي تحت طي الظروف.
اللي حتكشفه ليك الأيام لما تختلفوا،تمر بظرف صعب ، تديه ظهرك، أو حتى تفترقوا إنك تكون مطمئن لِمَا لم يُحكىٰ و موقن أن ماخَفِي أجمل و أنقىٰ.

إنه الحياة تمر فتكشف ليك نوايا أطيب فلاتندم علىٰ جهد و لا تتحسر على بذل.

بتحكي زوجة عن زوجها التقليدي اللي ما كان بيعرف يعبر عن مشاعره بالكلام فبتقول :
كنت دايما بلقى عنده محبة حتى لو ما متعمدة، وود حتى لو عمره ما حكاه كشفته حالات الخصام والصلح، و كل مرة مزق صفحة الشجار و لم يطوها بل بدأ من الصفحة الأولىٰ ♥..

أعتقد صدقاً أن كل شعور لم يختبر الأنا و ينتصر عليها لايعول عليه..

اللهم أن يجد الشعور أهله، ألا يخيب ظن المطمئنة، و لا تفاجئ الراجية بصدق علىٰ يقين يُنتزع بالخيبة .