حَبـيت هاليُـوم ♥️♥️

وبهـاليـوم الحـلوو ، أحب أگول الف الف مبروك وعَ الخير للي خلصتوا من السادس رسَمي وحققتوا أحلامكُم وان شاء الله نشوفكُم بأعلى المراتب ، والي مأجل مَواد ويحس فرحته ناقصه ، هم احب أگلك فرحتك تكمل وفوگها زود ، ان شاء الله الدور الثاني اسهل وانتَ گدهها + انا هم…

"الحمـدلله حَتى يبلغ الحـمد مُنتهاه" .

الموت ما يعرف أحد ، لاتضوجون أحد بيوم ويروح منكُم لا سامح الله وتتندمون ، اهتموا راعوا مشاعر الي تحبوهم لا تكسروون بخاطرهم ، ديربالكُم عليهم .

2024/3/30 هاليوم هَد الحيل ?

عُطَـلة نصـف السـنة ♥️*?*** **• باعوا ، شهَر جديد ، وتحدي جديد ، ومِثل ماتشوفون الأيام رڪضت رڪض ، وامتحنه نصف السنة وبقالنـه 4 أشهر حَسب ما صرح الوزير لأن بالسادس امتحاناتنه الوزارية واحتمال تتأجل ، فيَا حبيبي استغل وقتك صَح ، ارتاح يومين ، سَوي ڪلشي تريد ، ابتعد عن الڪُتب نهائياً ، أطلع تونس الععب غيّر جو ، أڪل لان الأغلب هَدر طاقته وظل بدون أڪل خلال هَالفترة ، فأڪيد ضَعف من الإمتحانات ، شدلها حَتى ترجع طاقتك ! ولاتماطل وتگول عندي هواي أيام ! الوقت محَسوب ، لازم تبدي بخُطة دراسية جديـدة مو مال شقة بعد ! حتى تڪمل مَوادك ونوب تبدي تراجع للوزاري ، وبالنسبة لـ نصف السنة ڪانت وسيلة حتى تطّلع عَ النمط الوزاري وتتعلم من أخطائك وبس ، الدرجات الي حَ تجيك ماتقيس مستواك تمام؟

• أحــمـد ،
زين نتقدم لو نرجع نقرا المادة المَاخذيها ؟
باع ، ابداً لا تخلي وراك شيء يعني شلون؟ مثلاً عندك تراڪمات بهالمادة لا تبلش ڪورس ثاني إذا ما مڪملها تمام؟ ، تڪمل ڪل تراڪماتك يَالا تبلش بالفصُول الجديـدة ، لأن اذا تظل تأجل وتگول بعدين أقراهن احتمال ما تقراهن ! لأن خوفك من الوقت يَغدر بيك ! ، فَـ استغل هَالعطلة وڪمل ڪل التراڪمات ونوب من تبدي المَدرسة ابدي ڪورس ثاني ، حتى طَالب الانتساب ڪأنما انتَ وياهم وتبدي وياهم ، أما اذا ڪملتهن من وقت ابدي بالجَديد ولا تنتظر ، وترا مادة الڪورس الثاني قليلة وأسهل بهواي من مادة الڪورس الأول فتخلص لاتخاف ، وفي حَال ما عندك تراڪمات بالمَواد ومضبط ڪلشي فَ ابدي مباشرةً بالڪورس الثاني ، بقت يَمك شوف روحك ، وصَح العطلة قصيرة بس هَمين تحس إنك أنجزت شيء عظيم وخففت عَ روحك ، فَـ ارتاحوا وبعدين بلشوا ، مُوفقين ♥️ .**

#أحــمـد
- @Ah_Za_1

ڪلـهها تهــون ، أيَـام وحَتعـدي .

- 2024/1/29 الإثنيـن ، - إمـتـحــان الـعربـي تــم ، - الأسـئلة ڪــلشسهله ألف الحمـدلله ♥️ .

**حَبايب ، اليوم آخر امتحان نصف سنة نمتحنه ،
فَـ بعد نصف سنـة ماڪو ظل گدامنا الوزاري وبعدهـا تبدي حَياتنا الجَامعـية ، خلونا بالمُهم ، سَهرتوا وتعبَتوا وقريتوا للإمتحان وسَويتوا الي عليڪُم ، هاهيَ على شنو خايفين بعد! خلوا الباقي عَ رب العالمَـين وهيَ تسَهل ،

وأعيد واگول ترا امتحانات نصف السنة مو مقياس! جبت ٧٠ هِنا بالوزاري ١٠٠ صدگني ، ولاتخاف ابداً روح جاوب واڪتب الي تعرفه واضمن النجاح وتعال ارتاح من بَعد هَالتعب والامتحانات والضغوطات وأول ما تطلع تعال بوجهك للبيت حَتى شنو! ماتسمع أي إجابة من الطُلاب ولا تعرف اخطائك وتظل تفڪر! ، وتبقى فرحان بعطلتك ، وبإذن الله الڪل يرجع مجاوب وفرحان ، انتوا گدهها ♥️♥️ .**

- { لا تَحْزَنْ إِنَّ اللَّهَ مَعَنَا } ♥️.