❄️❄️❄️❄️❄️❄️❄️❄️❄️❄️❄️❄️

Дьылҕа мэлдьи эһиэхэ
Дьоро күнү анаатын,
Дьоһун сылаас эҕэрдэ
Дьиэҕитин өрүү сылыттын!
Сайаҕас сарсыарданан,
Үүммүт үтүө күнүнэн!

Тэттик билгэ:

• Бүгүн, ол эбэтэр сэтинньи 2️⃣2️⃣ күнүгэр былыттаах буоллаҕына, ахсынньы 4️⃣ күнүгэр диэри халлаан ичигэс туруохтаах.

• Сэтинньи 2️⃣6️⃣ күнэ: ый бүтүүтүгэр “сэргэ төбөтө сэтэриччи тоҥор тымныыта” түһэр. Аан-даам тымныы түһүө өссө да эрдэ.

• Сэтинньи 2️⃣7️⃣ күнэ: саҥа үүнэр ый туруору тахсыыта – тымныы ый үүммүтүн бэлиэтэ.

• Сэтинньи 2️⃣8️⃣ күнэ: сулустар бачыгырыы, хойуутук чаҕылыҥнастахтарына, халлаан тымныйар.

• Сэтинньи 2️⃣9️⃣ күнэ: соҕурууттан, арҕааттан салгыннаннаҕына – тымныйар. Хотуттан, илинтэн салгыннаннаҕына – тыал-хаар түһэр.

Бүгүн, сэтинньи 21 күнүгэр Национальнай библиотекаҕа Арассыыйа суруйааччыларын уонна Суруналыыстарын сойууһун чилиэнэ, СӨ Бэчээтин туйгуна, бэйиэт, оҕо суруйааччыта, "Далбар хотун" сурунаалга өр сылларга үлэлээбит Ольга Николаевна Корякина-Умсуура "Биэрэ Дабыыдап. Сарбыллыбыт талаан" диэн Саха үөрэхтээх дьахталларыттан биир бастакылара Вера Давыдова туһунан чинчийэр кинигэтэ сүрэхтэннэ.
Бу кинигэ суруйааччы аатын тилиннэрии, айымньыларын үөрэтии, кини оҕоҕо аналлаах айымньыларын нууччалыы тылбаастарын ырытыы суруйаачыларга, иитээччилэргэ, төрүппүттэргэ туһалаах билиини биэриэҕэ.
Ольга Николаевнаны истиҥник эҕэрдэлиибит👏👏👏.

📝📝📝📝📝📝📝📝📝📝📝

Бүгүн, сэтинньи 15 күнүгэр Саха тыйаатырын Алампа саалатыгар, суруналыыс, суруйааччы Зинаида Архипова "КӨС КУТ" диэн саҥа кинигэтин сүрэхтэниитэ буолан ааста.

📕Бу күн ааптарга икки бүк долгутуулаах буолла диэтэхпинэ, бука, алҕаһаабатым буолуо. Тоҕо диэтэххэ, бүгүн Зинаида күн сирин көрбүт күнэ. Инньэ гынан, бар дьонугар, доҕотторугар, сүгүрүйээччилэригэр саҥа кинигэтин билиһиннэрэн дьоһун бэлэх оҥордо. Ону таһынан, норуодунай суруйааччы Елена Слепцова - Куорсуннаах режиссердаан ураты, сонун көстүүнү кэлбит ыалдьыттар бары астыннылар. Оннооҕор "номнуо бүтэ оҕуста дуо?" диэн хомойбут саҥалар кытта иһилиннилэр. Оннук киһи эрэ истэ олоруоҕун курдук алыптаах эйгэ үөскээтэ.
Ааптар "Кыл саха" доҕуһуолунан кэккэ хоһооннорун аахта, эт куолаһынан ыллаан да соһутта. Дьоро киэһэни биир дойдулааҕа, ырыаһыт Милена Борисова ылбаҕай ырыатынан киэргэттэ.

📕Зинаида бу хаһыс да кинигэтэ буолар. Ол эрэн, "КӨС КУТ" атыттартан уратыта диэн, манна киирбит хоһооннор нууччалыы тылбаастара эмиэ таҕыста. Онон ааптар талааныгар сүгүрүйээччилэр кэккэлэрэ хаҥыырыгар саарбахтаабаппыт. Санатар буоллахха, Зинаида "Далбар Хотун" сурунаалга үлэлээбит бас эрэдээктэртэн биирдэстэрэ буолар. Түгэнинэн туһанан, "Сахабэчээт" тэрилтэ уонна "Далбар Хотун" сурунаал кэллэктиибин аатыттан, айар үлэтигэр өрө үүнүүнү, дабайыыны баҕарабыт🌺

🌸🌸🌸🌸🌸🌸🌸🌸🌸🌸🌸🌸

Саха кыргыттара тугу сатаабатахтара баарый? Бу устууларга көстөр кыыс Таня Кривошапкина диэн. Кини Хатаска чааһынай дьиэҕэ олорор. Билигин кырачааннарын көрөн олорор буолан, суши, пицца астаан атыылыыр. Ону таһынан, кэрэ аҥаарга анамматах ураты сатабылы баһылаабыт кыыс оҕото буолар диэтэхпинэ, бука, омуннааһын буолбата буолуо.

🌺🌺🌺🌺🌺🌺🌺🌺🌺🌺🌺🌺

Ол курдук, дьиэтигэр сантехника, уот-күөс чааһын барытын бэйэтэ оҥорор, холбуур эбит. Олус сатабыллаахтык уонна үөрүйэхтик туттан-хаптан үлэлиирин көрөммүн, тус бэйэм сөҕүөппүнэн-сөхтүм. Кыыс-дьахтар бары баһылаабат дьыалата буоллаҕа. Оттон Таня кими да көрдөһө, ааттаһа барбакка, барытын бэйэтэ сып-сап туттан оҥорон кэбиһэр. Кимтэн, хайдах үөрэммитин туһунан ыйытыыбар маннык хоруйдаата:

🌼🌼🌼🌼🌼🌼🌼🌼🌼🌼🌼🌼

"Биһиги бииргэ төрөөбүт биэс кыыспыт, мин ортоку оҕобун. Аҕам уол оҕоҕо баҕаран эбитэ дуу, миигин булка-алка, хотоҥҥо, окко-маска, дьиэ тас үлэтигэр куруук батыһыннара сылдьара. Мин иһит эрэ сууйумаары таһырдьа үөрүүнү кытта ыстанарым. Сибиэһэй салгыҥҥа мас мастыыр, муус киллэрэр, хотон көрөр миэхэ ордук үчүгэй этэ. Ол сатабылым билигин олус туһалыыр. Инникитин маһынан ылсан туран уһанарга үөрэниэхпин, мастарыскыайданыахпын баҕарабын".

🐟🐟🐟Сахаларга урут-уруккуттан үгэс буолан кэлбит муус аннынан балыктааһын – муҥхалааһын саҕаланна. Өбүгэлэрбит балыктыылларыгар эҥин эгэлгэ булт тэриллэринэн тутталлара, оттон үгүстэрэ баччааҥҥа диэри сүппэккэ-симэлийбэккэ үлэни-хамнаһы чэпчэтэн, туһалаан кэллилэр. Бүгүн эһиэхэ муҥха тэриллэрин билиһиннэрэбит.

Ulus.media.ru сайтан

✨"Далбар Хотун" сурунаал саҥа сайтын dalbarhotyn.ru киирэн көрүҥ, сэргээҥ 🙌

📌Саҥа сайпыт техническэй өттүнэн саҥардылынна
📌Тас көстүүтэ, хаартыскалар хаачыстыбалара тубуста
📌Ааҕарга судургу буолла
📌Ааҕааччы суотабай төлөпүөнүнэн көрөрүгэр анаан оҥоһулунна
📌Тас көстүүтэ сурунаалы кытта дьүөрэлэстэ
📌Тахсыбыт матырыйааллары көрдөөн буларга судургу буолла
📌Сурунаал 2022 сылга диэри тахсыбыт нүөмэрдэрэ барыта "Архыыпка" киирдилэр
📌Сурунаал бассаапка уонна телеграмҥа баар бөлөҕөр быһа киириэххэ уонна куар-куод көмөтүнэн суруттарыахха сөп буолла.

👻ҮӨР БУОЛБУТ ИЙЭ👻

Оҕо сылдьан ол-бу араас иччи, сибиэн, абааһы туһунан кэпсээннэртэн куттамматах киһи суоҕа буолуо. Сир түннүгэ таайбыттан ыххайан кэриэтэ итинник түбэлтэлэри кэпсэтэн сордооччубун. Биирдэ манныгы кэпсээбитэ: оччолорго уончалаах уолчаан төрөппүттэрин, убайын кытары тэйиччи тыаҕа отоннуу барбыттар. Киэһэлик урукку үүтээни булан, оһохторун оттон, сирдэрин-уоттарын аһатан, сылайбыт дьон сиэринэн, утуйардыы сыппыттар. Түүн үөһүгэр таайым хабаҕыран таһырдьа көҕүрэттэ тахсыбыт. Сири инчэтэн баран үүтээҥҥэ киирэн иһэн, кэннигэр киһи сөтөллөрүн истибит. Өр толкуйдуу барбакка үүтээҥҥэ сүүрэн киирэн, түргэн үлүгэрдик ааны хатаабыт уонна аҕатын хоонньугар дьылыс гынан хаалбыт. Аҕата ити кэмҥэ уһуктаҕас буолан, киһи сөтөллөрүн эмиэ истибит. Дьэ уонна бүтүннүү кулгаах, харах буолан иһиллии сыппыттар. Били күтүрдэрэ үүтээни тула эргийэ сылдьан тугу эрэ ботугуруу-ботугуруу хаста да ааны тардыалаан баран иһийэн хаалбыт. Сарсыарда тураат саҥата-иҥэтэ суох хомунан дьиэлээбиттэр. Дойдуларын булан дьэ уоскуйбуттар. Ити түбэлтэ умнуллубутун кэннэ аҕалара булчуттарга кэпсээбит. Онно биир кырдьаҕас булчут манныгы сэһэргээбит: урут ааспыт үйэлэргэ биир бириэмэҕэ Саха сиригэр араҥ ыарыыта тура сылдьыбыт. Бу дойдуну эмиэ тумнубатах. Онно биир икки оҕолоох эдэр ыал ыалдьыбыттар. Ол иһин, кинилэри дьонтон ыраах түҥ тыаҕа көһөрбүттэр. Ыаллар син олорбуттар да, ыарыы ыар тыына дьыалатын оҥорбут. Бастаан аҕалара быстыбыт, онтон уон биэстээх уоллара өлбүт. Ийэлэрэ барахсан уончалаах уолун кытары иккиэйэҕин хаалбыттар. Астара-үөллэрэ бүппүт, бүтүннүү баас, ымынах буолбут дьон ханна ыраатыахтарай? Дьахтар маннык эрэйдэнэн өлөртөн саллан, киһилии да көмүллүө суохпут диэн хараастар буолбут. Ол иһин, түүн уола утуйа сыттаҕына, уолун быһаҕынан анньан өлөрөн кэбиспит. Бэйэтэ балаҕаҥҥа киирэн бэйэтигэр тиийиммит. Кэлин аймахтара санаалара буолбакка, сыл курдугунан олоро сылдьыбыт сирдэригэр тиийэн ол дьону кистээбиттэр уонна балаҕаны уоттаан кэбиспиттэр. Сыл-хонук ааспытын кэннэ, бу бултаах-алтаах, балыктаах дойдуга, ол балаҕан чугаһынан булчуттар үүтээн туттубуттар. «Биирдэ эмэ ытаабыт-соҥообут дьахтар биллэн ааһааччы» диэн кэпсииллэр эбит. Бу сырыыга эмиэ кинилэр курдук икки уол оҕолоох ыал отоннуу кэлбиттэрин сэҥээрбитэ буолуо диэн сылыктыыллар. Онтон ыла ити сиргэ сылдьа иликпин диэн таайым кэпсээнин түмүктээбитэ.

"Вконтакте" баар "Иччилээх кэпсээннэр" бөлөхтөн.