شور لحن (( خبر للمخيم))

مولاتي الحوراء ع تشتكي لأبويها واخويها ما جرى على أمها المحنية فاطمة سيدة نساء العالمين ع فتقول

تشتكي لابيها 👇

أجت محنة آلام بـدت محـنة اضلوع
يوسفه امي فاطم گلب منها مشلوع
علي الليله مينام علي الليـله محروگ
گضاه ليله ءآهـات ينشّـف بـالدمـوع

عايش لكن ياوضع....عايش هم ما ينجرع
والدم سايل.. بويه.. بويه.

حرگوا باب ام الحسن....دمعه ولچمات ومحن
ظهرك مايل.. بويه.. بويه.

ألله ايساعدك حامي الحمية
هـاي اللـيلـه محنـية الزچيـة
چبيره يا أبو حـسين الرزيـة..

يا علي يابويه

تشتكي لأمها 👇

بـعـد دفعة الباب سگط محسـن الآل
تغـيـر بـعـد فـگـد ابـو فـاطـمة الحال
وحگ خـالـق السبعه ياناس عصابات
نذلـهـم عـلـنـها (وإن) بـت نـبـي گـال

تنحب املاك السمه .... يمه ولجلچ لاطمه
يا ضي عيني.. يمه.. يمه.

بيت احزانچ والنبي....عگبچ طب بيه اجنبي
گرّب بيني.. يمه.. يمه.

بعد فگدچ يليلي عيب انامه
أمـنيتـي تـرديـلـي بـسـلامـه
وسفه اتضيع منچ لبتسامه...

يازهره يايمه

تشتكي لأخيها الحسن ع 👇

حـرت ياهـوى الهاب حـرت بيـن الأمرين
شفت كـربله هناك شـفت خـويـه شمرين
أويــلاه سـمـعـت الـحـبـيـبـه تـصــيـح آه
شخص دافع الباب شخص ضارب العين

حرت چاشنهي العمل....يخويه ومحسن نزل
عينك شافت.. خويه.. خويه.

صحت بويه ياعلي .... يحيدر ألحگ الي
روحك ماتت.. خويه.. خويه.

گعدنا ومـاكو زهـرتنا الحنـينه
بعد ياهو بحضن دافي يجينه
يخويه وما أظـن ترجـع علينه ....

ياحسن ياخويه

تشتكي لاخيها الحسين ع 👇

وصيتها چانت لطم عـالـوجـنتين
يتامه نعـيش الـعـمر كله يحسين
مثل كسرة امي غـداً تنـكسر راح
يخويه برضيعك يذبحونّه مرتين

أجت أيام السفر .... بدت مرحلة الخطر
گوم احچيلك.. خويه.. خويه.

غداً گالت ننسبي ....يويلي اتظل بس عبي
ينهد حيلك.. خويه.. خويه

يحيلي بكربله اتحين النهاية
علويات بـس نصـبح سبايـة
يروحي وهذا مضمون الحكاية

ياحسين ياخويه

21/10/2024 يوم الأثنين
17/ربيع الاخر 1446 هـ
#الشاعر_الميرزا_محمد_الساعدي

للاستماع للحن القصيدة ((اضغط هناا))

**أبــــــــوذيـــه لــمــولاتــــي الــــزهـــــراء ع

آل الـبـيـت مـاذيـهـم بله امهم
خساره العمر گاضينه بله أمهم
يتامـه عاشوا بحـيره بـألـمـهـم
يسـكـنـهـم فـقـط ذكـر الـزچـيـه

25/10/2024 يوم الجمعه
21/ ربيع الثاني 1446 هــ**#الشاعر_الميرزا_محمد_الساعدي

**أبــــــــوذيـــه لــمــولاتــــي الــــزهـــــراء ع

وحگ من عالم الذر صبح بيده
إذا عـفتـچ اصـيرن أرض بيده
عـزيزه واليكـرهـچ كـون بي داء
بمرض ينـصاب حـد يـوم المـنيه

3/11/2024 يوم الاحد
30/ربيع الاخر 1446 هـ**#الشاعر_الميرزا_محمد_الساعدي

**هـوســـات مــولـــد مـولاتــي زيـنــب ع

بـذرة نـور يعـني النور حـل بيها
لأن رب العرش زيـنـب امسميها
هنياله اليهـني فاطـمـه اعـلـيـهـا
(( وبهذا المولد هنوها ))**

**عزيزه بت علينه وتاج فوگ الراس
ذكرها ام الوفه شرّف جميع الناس
الله ايحبها خله الها املاك السمه حراس
(( واتباهت بيها المعموره ))

أشرقت كل الكواكب سألت املاك السمه
ما الخبر جبريل ناده أجت بضعة فاطمه
أنولدت الحوراء هنوا علـي حماي الحمه
(( طشوها الفرحه بهالليله ))

7/11/2024 يوم الخميس
4/جمادى الاولى 1446 هـ**#الشاعر_الميرزا_محمد_الساعدي

**مولد_مولاتي_زينب_ع

زينب بالشجاعة اتگول حامي الجار
قـدسـية المواقـف كـلـمـة المـخـتـار
مثلها بيـوم مـا صح لا ابـد مـا صـار
(هاليوم انولدت حيوها )

زبور الخوة شفتچ موش حچي اشعار
يوسـف مـن مقامـچ يـبـت حيـدر غـار
نـيّـالـي يــزيـنـب لــو خــدمــتـچ يـوم
بُـرد گـلبـي بـرثـائـچ وبمـحـبـتـچ طـار
(وبمدحچ حليتي ايامي)

فرحان حيدر علي فاطمه ولدت وطن
وحي الرساله ابتهچ وايـام أحمد حلن
زينة أبيها أجـت ساعـات سعدي بـدن
(هسه اصبح معنى الساعاتي)
====================**#الشاعر_الميرزا_محمد_الساعدي

عبد زينب انه والهوه  جنّه
وحبچ من لهيب النار  جُنه

يعشگ الما أمل منه
نهجچ صار الي سُنه
شگد السولفوا عنه
عشگت امن اذكرچ ونه

ربچ نزلچ للمحب   جنه
يعطر الله الذي بالغاضريه
=====================================
#الشاعر_الميرزا_محمد_الساعدي
8/12/2021  الاربعاء

**حسين ابا عبدالله اباعبدالله اباعبدالله
حسين ابا عبدالله اباعبدالله اباعبدالله
===========================
خادم اعتابك نصـيبي مـن عـالـم الـذر اريدك
وفقني اعرفك حبيبي والـزمـني مولايه بيدك

خليني عبد يحسيني
وارزقني طفك هديه

سويني يماي اعيوني
فـي عـالمـك غاضريه

وازرعني اعله بابك ورده
واسگـينـي غيره وحـميه

يامن بديك البسمله وعشگك إلي ماي
علمني مولاي.
ياعالم اگلوب المله بالحب ألـك جـاي
علمني مولاي
والـيذكـرك گلـبه حـلـه ياسيدي بهاي
علمني مولاي

حسين اباعبدالله اباعبدالله اباعبدالله
حسين اباعبدالله اباعبدالله اباعبدالله
============================
ياقـابـل الحر قبولك وانطيني منك علامه
أدريها ثقلت حمولك أذنوبي وآنه بملامه

سولـفتـك حـلـم ياروحي
واتمنه لحظه اويه عينك

نـضراتـك دوه يـالـغـالي
شافيني فدوه الحنينك

محتاجك تطيب اجروحي
خـلـينـي اعيـشـن ونـيـنك

يا سـر إلـٰهي بشوفتك تـنـزاح الهـموم
يل گلبه ملچوم
يل ما عرفتك من صدگ ياسيد الگوم
يل گلبه ملچوم
ياصاحب آهات الدهر وبروحي مرسوم
يل گلبه ملچوم

حسين ابا عبدالله ابا عبدالله ابا عبدالله
حسين اباعبدالله ابا عبدالله اباعبدالله
===========================
حاضر طفوفك يكوني وبصدري حافر فرسهم
نـاذرلك اِرجـع عيوني وبسيفك اعلن أمرهم

يمـسافر لهيب اخيامك
شاعلني جمرة وانوحك

يمعاشر دمـوع الهـجره
نضره عليه ارد اشوفك

يـمـسامِـح يـبـو الحنـيه
إعلگني شمعه بطفوفك

يل مستـقـر بيه عشگ چلماته بستان
يا أحلى إنسان
يانعمه نضراتك رزق يانور الايمان
يا أحلى إنسان
يل غيرتني امحبتك واصبح إلي شان
يا أحلى إنسان

حسين اباعبدالله اباعبدالله اباعبدالله
حسين اباعبدالله اباعبدالله اباعبدالله
===========================
أتمنه احصّل وسامك أقبلني مثل القصيده
يامالكي وكل غرامك أبدمي يجري نشيده

بحساسي لگيتك عايش
يـا درة الله الـثـمـــيــنـه

بانفاسي شهگتك راحه
واسـتقـبـلانـي نبـيـنـه

ياساسي يكحل ايامي
ويـاك اريـد بـسـفيـنـه

يادائم الفضل على كل البريات
ارزقني نضرات
منك خذت خير البشر حتى السماوات
ارزقني نضرات
احسبني جمره بالخيم وانطيني آهات
ارزقني نضرات

حسين اباعبدالله اباعبدالله اباعبدالله
حسين اباعبدالله اباعبدالله اباعبدالله
===========================
28/8/2023. الاثنين**#الشاعر_الميرزا_محمد_الساعدي

**موشح لمولاي الحسن ع

ناحت السبع الشداد الهل مصاب
عزوا جسام الشهم شيخ الشباب
=====================
عظم الله اجرك يجاسم بالجره
والـدمـع للـمجـتبى الليـلة جـره
انقيـم هـذا الـعـزه اليوم الآخره

والحزن للخدمتك صاير خضاب

دارت اعـليه النوايـب والمـحن
والحضرته سيدي انوح بشجن
إلخـيانـه والـغـدر لـيـه اوصـلن

چبده من السم وسف ياحيف ذاب

شلون حال ام الخدر يـوم الهجر
شلون حال حسين گلبه من جمر
الما يـعزي المصطفى مـالـه عـذر

خـل يحـضر للـنبي باچـر جـواب

گوموا لطموا عالصدر يهل العزاء
انّـصبت الليله الفواتـح بـالسـماء
بـيـهـا الــيـعـــزبـون كـل الأنـبياء

كلها تبچـي يا كبـر هـذا الصِواب

باتـت الدمـعه عـلـى خـد الايتـام
كافي زينب من وراچ انوب شام
عـالإمـام المجـتبـى اللـيله سـلام

الله لا يجـعل غـداً دونـه حجاب

ذكره حي سيد شباب اهل الجنان
اليوم منصوب الـعـزاء بكـل مكان
ندعي من الله وعلي راعي الزمان

يظهر ويبدي عصـر يـوم الحساب

غصباً اعله اخشوم ذيچ الحاقده
ويّــه ابـو صـالح انـشـيّـد مرقـده
والزيـاره اتصـيـر بـاچـر حـاشـده

گلب كل شيعي وموالي يُستطاب

12/8/2024.يوم الاثنين
7/صفر الخير 1446 هـ**#الشاعر_الميرزا_محمد_الساعدي

قصائد شهادة مولاي الحسن المجتبى ع مع الألحان فقط اضغط على اسم القصيدة

1.قصيدة فزاعية ((مسموم مولانه))

2.قصيدة شور ((يامولاه))

3.قصيدة اهوازي ((فاتحة سبط النبي))

4.قصيدة نزلة ((حيوا الحسن))

5.قصيدة رئيسية ((الغالي شيرجعه))

6.قصيدة رئيسية ((بعدك نوحي))

7.قصيدة رئيسية ((الزمن غدار))

8.قصيدة موشح ((عزوا جسام))

نسأل الله القبول والسداد
للأستفسار? ((@Mirza_Al_Saadi))

Telegram

الشاعر الميرزا محمد الساعدي

#لمولاي\_الحسن\_المجتبى ع #نزله آويلاه يازينب آويلاه يازينب ===============≈============= مسموم مولانه الحسن أويلاه يازينب بسهام رامين الچفن آويلاه يازينب حگ لو عيوني ينعمن آويلاه يازينب …

موكب **الشيبه الكريمه.. طالع ايعزي الزچيه
الـف هـنـيـاله اليـقـدم.. هـالعزاء بصافي نيه
======================
من طلعنه بهمه صحنه ياعلي و يافاطمه
ويانه طالع لـلعـزيه اليبچي مصباحه دمه
خـدمة الـعـتره يـوآدم بيـها بـاچر مرحمه
هالدرب درب الله واضح يهنـياله اللازمه

موكب العز والكرامه.. يـعـلن بهاي العزيه
الـف هنيـاله اليـقـدم.. هالعزاء بصافي نيه
======================
باچر اتشكره اليشارك زينـب بـيـوم الحشر
مو شرط ويانه حاضر حتى تكتب مَن يمر
والله مولاتي طلعنـه مـو لجل شهره وأجر
للـرضـا نطلب ونـضـره مـنـچ بـيـوم العسر

إدعو وياي بسلامه.. غداً ننصرها القضيه
الف هنـياله اليقدم.. هـالعزاء بصافي نيه
======================
كـلـهـا مـتعـنيه الـعـزاكـم اتـريـد نَـيـل الـغـانـمـه
مـن صـدگ هنـيـالـه هـذا الـتـرضـا عنـه فاطـمه
نـخـدم اصـحـاب المـعـالي شـيبـه لـكـن عـازمـه
ندعي كون اويانه تحضر بت علي حامي الحمه

هاي طلعتنه رساله.. يا عـظم هـاي الـرزيـه
الف هنياله اليـقدم.. هالعزاء بصافي نيه
======================
بهاي الايام الأليمه ندعـي والطـول الدهـر
يمته نسمع أبـو صـالح يـلـه يا وادم ظـهـر
نخدمه بذيـچ الليالي ونكتـب اويـاه القدر
يمته وينادي المنادي دين ابو اليمه انتصر

يـله يصحاب العزيه.. خـدمة الـحـر زينـبـيه
الـف هنـياله اليـقدم.. هالعزاء بصافي نيه
======================
4/8/2024 يوم الاحـد
28/ محرم الحرام 1446 هـ**#الشاعر_الميرزا_محمد_الساعدي
القصيدة بطلب من ملا وسام الگرعاوي

للأستماع للحن القصيدة ((أضغط هناا))