Партиянинг жамиятдаги нуфузини ошириш учун қуйи бўғин етакчиси сиёсий жиҳатдан етук, замон билан ҳамнафас бўлишлари керак. Шу мақсадда жойларда бўлиб ўтаётган ҳисобот-сайлов йиғилишларида БПТ раислигига электоратимиз манфаатларини тўлиқ ҳимоя қилишга қодир, таянч бўғин сафига янги аъзоларни жалб қила оладиган фаол ва ташаббускор етакчиларни сайлашга алоҳида эътибор қаратилмоқда.
ЎзЛиДеП Косонсой туман Кенгаши томонидан “Агробанк” АЖ Косонсонй туман бўлимидаги бошланғич партия ташкилоти ҳисоботи тингланди.
Ҳисобот йиғилишида ЎзЛиДеПнинг стратегик мақсадлари ва партия фаолиятини янада кучайтириш йўллари ҳақида фикр алмашилди ва бошланғич партия ташкилоти аъзолари томонидан амалга оширилган ишлар ва ютуқлар ҳақида батафсил маълумот берилди.
Шунингдек йиғилиш давомида БПТ раиси этиб Турсунова Мадина сайланди.
Якунида БПТ фаоллари томонидан амалга ошириладиган лойиҳалар, ижтимоий тармоқларда ўзаро алоқалар, партиянинг жамоатчиликка хизмат кўрсатишдаги ўрни ва келгусидаги режалари тўғрисида аниқ мақсадлар белгилаб олинди.