السنة الجديدة علي وشك أنها تبدأ والسنة دي خلاص بتودع.. وطبعًا هتشوف بوستات الانجازات والتخطيط كل يوم في الزيادة وتحبط!

ناس كتير هتبدأ خلال الفترة الجاية أنها تنزل الانجازات الخاصة بالسنة دي، وناس تانية هتنزل برضو اهداف وتخطيط للسنة الجديدة.

وإنت تايه وسط كل ده وقاعد تقارن وتقول أنا محققتش حاجة والسنة عدت خلاص ومش هقدر اخطط للسنة الجديدة.

بس انت غلطان يا صديقي، لأنك تقدر تبدأ بداية جديدة مع نفسك خلال الفترة دي وتبدأ تعيد حساباتك من جديد.

- بداية جديدة من حيث اهداف.

- بداية جديدة من حيث قناعات.

- بداية جديدة من حيث أخطاء اتعلمت منها.

- بداية جديدة بشخص مختلف وجديد.

الفرصة لسه قدامك ومعاك..

1. ابدا حدد أهدافك من دلوقتي للسنة الجديدة.

2. لازم أهدافك دي تكون مكتوبة علي ورق قصاد عينك.

3. اكتب كمان الأخطاء والتجارب اللي وقعت فيها السنة دي واتعلمت منها.

4. حط اهداف صغيرة خلال الفترة دي وابدا اختبر نفسك فيها وشوف ايه اللي بيوفقك وبيخليك تعطل.

وزي ما بقول دايمًا ابدأ فورًا وبلاش تنتظر حاجة.. ارسم طريقك بإيدك وأتعلم من اللي فات وتوكل علي الله.

لو وصلت لهنا فايل دا هيساعدك باذن الله 🤍⬇️

https://t.me/osmanwelma3rfe/41

واخيرنا الاكونت عليه شوي مشاكل ممكن نتفاعل علي اخر بوستات علي الاكونت وشكرا ليكوا دائما 🤍

https://www.facebook.com/@osmanfanpag/?mibextid=ZbWKwL

أنا أراك وأنت تتفاعل تفاعلك أعجبني😄 ♥️

إزاي تحدد المهارة اللي عايز تتعلمها؟ 🎯

قبل ما تبدأ رحلتك في اكتساب مهارة جديدة، لازم تسأل نفسك
إيه هي المهارة اللي عايز أتعلمها؟ وليه؟

تحديد المهارة اللي تناسب أهدافك وظروفك هو أول خطوة في التعلم
خلينا نشوف مع بعض إزاي تختار المهارة المناسبة ليك.

1️⃣ اسأل نفسك: ليه عايز تتعلم المهارة دي؟
تحديد السبب وراء تعلم المهارة بيساعدك تختار الصح وتفضل متحمس طول الطريق، هل بتتعلم المهارة دي عشان:

- تطور نفسك في شغلك؟
مثلاً: تحسين مهارات القيادة، تعلم لغة جديدة تساعدك في التواصل مع العملاء، أو تطوير مهارات تقنية زي البرمجة أو التصميم.

- تغير مجال عملك وتبدأ في مجال جديد؟
مثلاً: لو عايز تدخل مجال التسويق الرقمي أو التصميم الجرافيكي، التعلم هنا هيكون نقطة البداية لتغيير مستقبلك المهني.

- تستثمر في نفسك وتحسن حياتك اليومية؟
مش كل التعلم لازم يكون بهدف وظيفي. ممكن تكون عايز تتعلم التصوير الفوتوغرافي، أو حتى الطبخ لتحسين جودة حياتك.

2️⃣ حدد المهارات اللي تناسب أهدافك المهنية
لو هدفك مهني، حدد المهارات المطلوبة في مجالك أو في المجال اللي عايز تدخله، اسأل نفسك:
- إيه المهارات اللي بتزيد قيمتي في شغلي الحالي؟
- إيه المهارات اللي ممكن تخليني أترقى أو أحصل على فرصة أفضل؟
- إيه المهارات اللي مطلوبة في سوق العمل في الوقت الحالي؟

مثال: لو شغلك في مجال التسويق، المهارات المهمة ممكن تكون كتابة المحتوى، تحليل البيانات، أو إدارة الإعلانات.

3️⃣ اختار المهارات اللي تناسب شغفك واهتماماتك
التعلم بيكون أسهل وأمتع لما يكون في حاجة بتحبها، فكر في المهارات اللي تتماشى مع اهتماماتك وشغفك، لما تختار حاجة بتحبها، هتلاقي نفسك مستمتع بالتعلم ومتحمس للتطبيق.

4️⃣ اعرف مستواك الحالي وحدد نقطة البداية
قبل ما تبدأ في تعلم المهارة، قيم مستواك الحالي
- هل إنت مبتدئ تمامًا؟
- ولا عندك فكرة بسيطة عن المهارة؟
ده هيساعدك تختار المصادر والبرامج المناسبة ليك.

مثال: لو عايز تتعلم البرمجة:
لو مبتدئ، ابدأ بلغات سهلة زي Python.
لو عندك خبرة بسيطة، ركز على لغات متقدمة أو مجالات معينة زي تطوير التطبيقات أو الذكاء الاصطناعي.

5️⃣ ابدأ بمهارة صغيرة واتوسع بالتدريج
لو لسه مش عارف تحدد المهارة بالضبط، ابدأ بمهارة صغيرة ليها علاقة بهدفك الكبير، مثلاً:
- لو عايز تدخل مجال التصميم، ابدأ بتعلم أساسيات Photoshop.
- لو عايز تكون مسوق رقمي، ابدأ بمهارة واحدة زي إدارة الإعلانات.
التعلم التدريجي بيساعدك تبني قاعدة قوية تتوسع عليها.

6️⃣ اسأل عن المهارات المطلوبة في السوق
لو هدفك مهني، دور على المهارات اللي عليها طلب في سوق العمل، اقرأ تقارير أو شوف متطلبات الوظائف اللي عايز تقدم عليها، المهارات المطلوبة ممكن تتغير بسرعة، فخليك دايمًا متابع للتطورات.

أمثلة للمهارات المطلوبة حاليًا:
- البرمجة وتطوير التطبيقات.
- تحليل البيانات والذكاء الاصطناعي.
- التصميم الجرافيكي والرسوم المتحركة.
- إدارة وسائل التواصل الاجتماعي.

7️⃣ اكتب قائمة بالمهارات وفلترها 📝
لو عندك أكتر من فكرة، اكتب قائمة بالمهارات اللي ممكن تشتغل عليها. بعد كده:

- اختر المهارة اللي هتفيدك بشكل فوري.
- اختر المهارة اللي تتماشى مع أهدافك وشغفك.
- اختر المهارة اللي ممكن تطبقها بسهولة في حياتك الحالية.

في النهاية، خليك صادق مع نفسك، حدد هدفك، وابدأ بالمهارة اللي تناسب ظروفك وأهدافك

واخيرا لو مهتم بتطوير الذات تابع #عثمان_والمعرفة واستنى كل جديد.

تابعوا البيدج الفترة دي من هنا

وهنا هتلاقي باقي قنوات سوشيال ميديا. https://linktr.ee/mahmoudosmanmedia
لو وصلت هنا تفاعل علي البوست ❤️

🔵 إزاي تختار كورسات أونلاين أو ورش عمل تزود بيها معرفتك وتطور مهاراتك؟

التعلم متاح بسهولة لكل الناس، خصوصًا مع انتشار كورسات الأونلاين وورش العمل
ومع التنوع الكبير اللي موجود، أحيانًا بيكون اختيار الكورس المناسب تحدي
فخلينا نشوف إزاي تختار الكورسات اللي فعلاً تساعدك تتعلم وتطور مهاراتك بشكل فعال.

1️⃣ حدد أهدافك التعليمية 🎯
أول خطوة مهمة هي تحديد هدفك من الكورس. اسأل نفسك:
- إيه المهارة اللي عايز تتعلمها أو تطورها؟
- هل بتدور على مهارة معينة لشغلك الحالي أو علشان توسع خياراتك المستقبلية؟
- هل هدفك احتراف المجال أو بس الحصول على معرفة عامة؟

لما تحدد أهدافك بوضوح، هتقدر تركز على الكورسات اللي فعلاً تحقق لك الأهداف دي بدل ما تضيع وقتك على محتوى مش مفيد ليك.

2️⃣ ابحث عن منصة موثوقة 📚
فيه منصات كتير تقدم كورسات أونلاين، لكن مش كلهم بنفس الجودة، اعرف المنصات اللي لها سمعة كويسة زي:

- منصة Coursera: بيقدم كورسات من جامعات عالمية مثل Harvard وStanford.
- منصة Udemy: مناسب للناس اللي عايزة كورسات متنوعة بأسعار معقولة وفي مجالات مختلفة.
- منصة edX: بيجمع بين جودة التعليم الأكاديمي وتنوع الكورسات.
- منصة LinkedIn Learning: منصة بتقدم محتوى عملي وسهل، وبيكون فيه شهادات معترف بيها تضيف لقيمتك المهنية.

3️⃣ اتأكد من جودة المحتوى 🌟
قبل ما تسجل في أي كورس، ابحث عن تقييمات الناس اللي درسوا الكورس ده قبلك.
- شوف معدل تقييم الكورس على المنصة.
- اقرأ التعليقات لتعرف إذا كان المحتوى فعلاً مفيد، وإذا كان المحاضر بيشرح بشكل واضح وعملي.
-اتأكد إن الكورس بيشمل تطبيقات عملية، لأن التطبيق هو اللي هيثبت المعلومة.

4️⃣ اتأكد من محتوى الكورس ومدى توافقه مع أهدافك 📑
- اقرأ محتوى الكورس وتأكد إنه بيتوافق مع مستوى معرفتك الحالية وأهدافك.
- شوف إذا كان الكورس بيناسب المبتدئين أو الناس اللي عندهم خبرة متوسطة، بعض الكورسات بتكون مكثفة ومتقدمة، فلو إنت مبتدئ ممكن تحس بصعوبة وتضيع الفايدة لو كان مستوى الكورس عالي.

5️⃣ أختار الكورسات اللي بتقدم شهادات معترف بيها 🎓
- لو هدفك من الكورس هو تعزيز السيرة الذاتية أو الحصول على فرص عمل، يبقى اختار كورسات بتقدم شهادات معترف بيها.
- بعض المنصات زي Coursera وedX بتديك شهادات من جامعات عالمية، ودي بتضيف قيمة قوية لسيرتك الذاتية.

6️⃣ جرب الكورسات المجانية قبل المدفوعة 💸
- فيه كورسات مجانية ممتازة على منصات زي Udemy وCoursera، جرب كورسات مجانية الأول لو لسه جديد في مجال معين.
- الكورسات دي هتديك فكرة عامة عن الموضوع، ولو حبيت المجال تقدر تسجل في كورسات مدفوعة بعد كده.

7️⃣ فكر في ورش العمل التفاعلية 👥
- ورش العمل التفاعلية بتديك فرصة تطبق اللي اتعلمته بشكل فوري، وبتكون فيها فرصة أكبر للتفاعل مع المدرب والمشاركين. - ودي مناسبة جداً للناس اللي بتحب التطبيق العملي وبتحتاج دعم مباشر.

8️⃣ اتأكد من وجود متابعة ودعم 📞
- بعض الكورسات بتقدم دعم مباشر من المدرب أو فريق المساعدة، وده بيساعدك لو عندك أي أسئلة أو محتاج توجيه.
- اتأكد من وجود وسائل تواصل مع المدرب أو فريق الدعم، خصوصًا لو كان الكورس في مجال معقد أو محتاج شرح تفصيلي.

9️⃣ راجع الجدول الزمني وشوف إذا كان مرن 🕒
- بعض الكورسات بتكون محددة بجدول زمني ثابت، وده ممكن يكون مشكلة لو جدولك مش ثابت.
- اختار الكورسات اللي بتتيح ليك مرونة في الوقت، عشان تقدر تدرس بوقتك من غير ضغط.

🔴 اختيار الكورس أو ورشة العمل المناسبة بيحتاج شوية بحث وتخطيط، لكن الخطوات دي هتساعدك تضمن إنك تستثمر وقتك وفلوسك في حاجة فعلاً مفيدة ليك.

خليك دايمًا متعلم ومستعد لمواكبة التطورات في مجالك، وافتكر دايمًا إن الاستثمار في نفسك هو أعظم استثمار! 🚀
Invest in your self

لو عايز ازاي تكسر الروتين بتاع يومك من هنا

اخيرا لو مهتم بتطوير الذات تابع هشتاج #عثمان_والمعرفة واستنى كل جديد.

تابع البيدج هيكون عليها محتوي بشكل يومياً من هنا

لو لسة مش مشترك في ال Newsletter
فأنت فايتك كتير!

عبارة عن نشرة دورية أسبوعية (يوم السبت من كل أسبوع) للتحدث عن تطوير الذات والاستثمار في النفس

وعلشان ميفوتكش أي حاجة تاني، أشترك دلوقتي
النيوزليتر بتنزل على لينكدان، تقدر تشترك فيها من خلال الرابط دة
bit.ly/Newsletter-Osman

أخيرا لو مهتم بتطوير الذات تابع هشتاج hashtag#عثمان_والمعرفة واستنى كل جديد.

وهنا هتلاقي كل قنوات سوشيال ميديا

https://linktr.ee/mahmoudosmanmedia

ادعمنا ب ❤️ علشان نكمل في المحتوي 🤍

،"مَن ثبَتَ نبت"

‏لو داومتَ على قراءة ١٠ صفحات يوميًا ستكون المحصلة السنوية 3650 صفحة، بفرض أن الكتاب المتوسط عدد صفحاته 250 صفحة فستقرأ تقريبًا كل سنة 15 كتابًا، وهي كمية جيدة جدًا وستؤثر حتمًا على معارفك وطريقة تفكيرك.

‏لو استمعت كل يومين إلي محاضرة واحدة في فرع من فروع العلم وبفرض أن المحاضرة في المتوسط "ساعة واحدة" فخلال سنة واحدة ستكون قد استمعت إلى 183 محاضرة (ساعة)، سأدع تخيل أثرها على فِكرك عليك.

‏لو صليت كل يوم ثلاث ركعات في الليل، فستكون المحصلة السنوية لعدد ركعات قيام الليل حوالي 1100، تخيل أثرها على قلبك.

لو عقدت العزم كل شهرين أو ثلاثة على مجاهدة نفسك أن تترك ذنبًا معينًا، تركز عليه وتراقب نفسك فيه حتى تطمئن نسبيًا إلى الشفاء منه، بمرور السنوات ستتساقط عنك ذنوب كانت من العادات.

سهل الغازي

وهنا هتلاقي كل قنوات سوشيال ميديا من هنا. التفاعل كالعادة ♥️

دايما عند اي شخص ناجح هتلاقي صفة واحدة بدونها مش هيقدر يوصل أو يحقق حاجة.

"الاستمرار في اي شئ وكل شئ"

يوم مذاكرة واحد فقط مش كفاية عشان تطلع بتقدير مناسب ليك.

يوم واحد مش كفايا عشان تزرع وتبني عادة من اول وجديد وتصبح روتين في حياتك.

يوم واحد مش كفايا عشان تنجح علي اي منصة من منصات السوشيال ميديا لو انت صانع محتوي.

يوم واحد مش كفايا عشان تكتب مقالات تكون مؤثرة ومُلهمة للناس.

في مقولة جميلة بتقول:

«الشجاعة ليست في أن تمتلك القوة علي الاستمرارية.. ولكن أن تستمر عندما لا تمتلك القوة علي ذلك».

فـ مفيش مفر من الاستمرارية لو حابب تنجح وتتميز في مجالك. ♥️?

واخيرنا ممكن أسألك سؤال؟ أنت مش متابعني ليّ على فيسبوك؟

لينك الاكونت من هنا

ولينكد إن عشان اساعدك تطور ذاتك
http://bit.ly/LinkedIn-osman

وهتلاقي الـ Channel بتاعتنا على واتساب ?

https://whatsapp.com/channel/0029Va6aONaFy72BKLDUqb0R

اللاف المتين ❤️

ركز علي استثمارك في نفسك وساعتها الفلوس هيا اللي هتجري وراك مش العكس!

من الأمور المنتشرة في الفترة الأخيرة وبسبب السوشيال ميديا مع الأسف أن الناس بدأت تركز علي النتيجة فقط ومش مهم حاجة تاني!

بمعني اللي بيذاكر بدأ يقصر في المُذاكرة بسبب أنه مركز علي النتيجة وامتي اطلع بتقدير عالي!

اللي بيشتغل مركز علي الترقية الجاية هتكون امتي ومش مركز علي المجهود!

اللي بدأ صناعة محتوي مركز علي الارقام والريتش ومش مركز علي تطوير المحتوي.

اللي بيدور علي وظيفة جديدة هلك نفسه بالمعني الحرفي ونسي أنه يطور من المهارات والخبرات اللي عنده.

دايمًا تركيزك علي النتيجة بيحرمك من الاستثمار في نفسك والتركيز علي السعي والاجتهاد.

وبتلاقي نفسك مرة واحدة عايز توصل بسرعة بغض النظر ازاي وامتي!

عشان كده ابدا ركز من دلوقتي علي الاجتهاد والسعي، ركز علي انك تتعلم مهارات جديدة.

ركز علي انك تكتسب خبرات في المجال بتاعك، ركز علي فكرة إنك تذاكر وتعمل اللي عليك والنتيجة دي بتاعت ربنا.
ركز علي الأسباب اللي تقدر توصل بيها واللي هتتسأل عليها، لكن النتيجة مش في ايدك ولا ايد غيرك دي في ايد ربنا سبحانه وتعالى.

واللي في ايد ربنا عمرك ما هتتسأل عليه أبدًا طالما عملت اللي عليك.
__

ادعمنا بـ (❤️) ومتنساش تحافظ على نفسك يا صديقي واتمني دعمك علي الاكونت من هنا في علشان ريتش في مشاكل الفتره دي بشكركم جدا ♥️

وهنا هتلاقي كل قنوات سوشيال ميديا من هنا

الناس كده كده هتفضل بتتكلم، وتركيزك معاهم مش هيجيبلك حاجة غير التعب النفسي فـ تعمل ايه؟

كلام الناس سواء كنت شخص ناجح أو شخص لسه بيحاول في أمر ما أمر لابد منه ومش هتعرف تغيره بالمرة.

فـ من الأفضل انك تركز علي الأمور اللي تقدر تتحكم فيها وتقدر تغيرها.

كلام الناس حاجة منقدرش نتحكم فيها وانا متفهم ده بيكون قد ايه مؤلم للنفس ومؤذي في بعض الأوقات.

بس صدقني انت محتاج تركز مع نفسك اكتر وتطور منها بدلًا من الانشغال بكلام الناس اللي مش هيخلص بالمناسبة.

اشتغل.. طور من نفسك.. طور من المهارات بتاعتك.. ركز علي مستقبلك وابني خطط لنفسك من جديد.

وارمي كلام الناس ورا ضهرك وتعامل معاه علي أنه جزء من رحلتك ومفيش مفر منه.

واحدة واحده هتلاقي نفسك بالفعل بدأت تنشغل بنفسك وتتجاهل كلام الناس.

لانك هتحطه في المكان المناسب لانك بدأت بالفعل تكون مشغول وعندك أولويات يا صديقي. ♥️

ادعمنا بـ (❤️) ومتنساش تحافظ على نفسك يا صديقي واتمني دعمك علي الاكونت من هنا علشان ريتش في مشاكل الفتره دي بشكركم جدا ♥️

وهنا هتلاقي كل قنوات سوشيال ميديا

خليك دايما عارف انها مش شطارة منك.. ده كرم من عند ربنا سبحانه وتعالى.

بشوف ناس كتير لما بتتكلم عن النجاح الخاص بيها بتنسي وسط كل النجاح ده فضل وكرم ربنا عليهم.

وفي الحقيقة أن احنا مجرد اسباب في النجاح لكن النتيجة والتدبير بتاع ربنا سبحانه وتعالى.

فـ فكرة إنك تنسب النجاح ليك في المقام الأول انت كده بتألف النعمة واتعودت مع الاسف عليها.

وده بسببه ممكن يخسرك كل النعم اللي موجودة في حياتك مرة واحدة وترجع لنقطة الصفر من جديد.

وساعتها هتسال ربنا ليه يارب!! ليه وصلت لنقطة الصفر بعد ما كنت امتلكت كل شيء!!

السبب إنك تعودت علي النعمة ونسبت كل النجاح لنفسك ونسيت توفيق ربنا سبحانه وتعالي.

فـ دايمًا قبل ما تتكلم عن نفسك وعن نجاحك اتكلم عن توفيق ربنا واحمده واشكر فضله عليك باستمرار.

الحمدلله دائمًا وابدًا. ♥️

ادعمنا بـ (❤️) ومتنساش تحافظ على نفسك يا صديقي واتمني دعمك علي الاكونت من هنا علشان ريتش في مشاكل الفتره دي بشكركم جدا ♥️

10 تطبيقات مفيدة للتعلم والمذاكرة.pdf