#Тилак

Қалбим истагандек ёр бўлинг чиндан,
Айтар сўзларимни эшитинг дилдан,
Битта илтимосим бор бугун сиздан,
Иймону тақвода ҳамроҳим бўлинг!

Ҳаёт йўлларида қоқилсам баъзан,
Йўқчилик азоби қилганда алам,
Сабрла мен билан ташлаблар қадам,
Иймону тақвода ҳамроҳим бўлинг!

Синовлари келса бизга АЛЛОҲни,
Ўзидан сўраймиз ёлғиз паноҳни,
Тушда ҳам қилмаймиз энди гуноҳни,
Иймону тақвода ҳамроҳим бўлинг!

Қалбни тирнаганда аламли сўзлар,
Қаҳрла боққанда қаҳрли кўзлар,
Сизга айтмоқликка йўқ ўзга сўзлар,
Иймону тақвода ҳамроҳим бўлинг!

Қувончу шодликлар айласа масрур,
Қалбни машғул қилса дунёвий сурур,
Шу онда АЛЛОҲни эсламоқ зарур,
Иймону тақвода ҳамроҳим бўлинг!

Талаби илмни канда қилмасдан,
Қуръонни ўрганиб тиним билмасдан,
АЛЛОҲни қазоси ўлим келмасдан,
Иймону тақвода ҳамроҳим бўлинг!

Фарзанд тарбияси минг бир машаққат,
Бунга керак экан сабр ва тоқат,
Мен сизга, сиз менга айлаб садоқат,
Иймону тақвода ҳамроҳим бўлинг!

Шайтон солганида қалбимга оғу,
Дунёлар кўзимга бўлса қоронғу,
Ҳолимга мағзунла чекиблар қайғу,
Иймону тақвода ҳамроҳим бўлинг!

Эртаю кечларда бўлиб ёнимда,
Ҳамроҳим бўлдингиз ошу нонимда,
Сиздан илтимосим кетар онимда,
Иймону тақвода ҳамроҳим бўлинг!!!...

© Жасур Ҳасан (2011-йил)

УМИД

Замин ҳолин кўриб ани бепушт деманг,
Харсангтошдан кун келиб бир тоғ туғилар.

Ҳар новдаки кесилса гар қайта униб,
Тун ҳам охир тугал бўлиб кун туғилар.

Ташна эрса ер ёмғир-ла мўл-кўл бўлиб,
Мусибат, дард ортидан бир умид туғилар.

Эрлар ўлиб, тул қолса бу кўҳна замин,
Салоҳиддин янглиғ яна шер туғилар!

#Эркин_ўгирма

https://t.me/tarjumaan
https://t.me/nazm_un