УМИД

Замин ҳолин кўриб ани бепушт деманг,
Харсангтошдан кун келиб бир тоғ туғилар.

Ҳар новдаки кесилса гар қайта униб,
Тун ҳам охир тугал бўлиб кун туғилар.

Ташна эрса ер ёмғир-ла мўл-кўл бўлиб,
Мусибат, дард ортидан бир умид туғилар.

Эрлар ўлиб, тул қолса бу кўҳна замин,
Салоҳиддин янглиғ яна шер туғилар!

#Эркин_ўгирма

https://t.me/tarjumaan
https://t.me/nazm_un

Қайтаман Ўзинга Роббим янгидан,
Бўлурман ҳудди Сен истар кишидек
Умид этарманки қабул айласанг,
Боқий жаннатлару, қийрот яхшилик

Осийликлар қилдим, Сен муҳлат бердинг,
Беркитдинг айбимни, мен эса тондим.
Ахир Сен Роббимсан, Ғофуру Вадуд,
Барча инсонларга меҳрибон – Раҳим

Келдим ҳузурингга кўзда ёш билан,
Алам кўзёшларим тўхтамас ҳеч он.
Дединг оятларда: “ноумид бўлманг“
Кечирсанг шул куни мен учун байрам!

Қайтурман қилганим бари гуноҳдан,
Қабул қил, Рози бўл, неъматларингдан.
Сени севадурман ва шу юпанчим,
Қабул қиладурсан тавбам, эй Карим

Илоҳим, тўхтадим оқар кўзёшим,
Қалбим нола қилар, зор эшигингда,
Гуноҳим каттаю оздир захирам,
Кечиргил, гўзал бир кечиришинг-ла!

Келдим, узоқ йиллар хатолар билан,
Келдим Раҳимлилар Раҳими томон
Келдим ишонч билан, эътиқод билан,
Жами ҳасталикка Сендандир, шифо.

Мағфират сўрайман, кўпдир гуноҳим
Яширгил неки айб урганим қўлим.
Қалбларнинг табиби Ўзинг, Аллоҳим
Ҳидоят нурингла ёришар йўлим!

@nazm_un