Ustozlar oʻrgatdi bizga parvozni

Kanalimizni kuzatuvchilarga ma'lumki hozirda Turkiyaning Antaliya shahridagi Akdeniz universitetida jurnalistika sohasi boʻyicha magistratura bosqichida grand asosida tahsil olmoqdaman. Ammo hozir bular haqida emas, bugungacha bosib oʻtilgan yoʻl va uning sababchilari haqida qisqacha hikoya qilmoqchiman. Faxr bilan aytishim mumkinki bakalavriat bosqichini Oʻrta Osiyoda yagona boʻlgan Oʻzbekiston Jurnalistika va ommaviy axborot kommunikatsiyali universitetida a'lo baholarga tamomladim. Oʻrni kelganda bu dargohda menga ta'lim bergan fidoiy ustozlarim Yulduz Zohidova, Navfal ustoz, Nigora Usmonova, Uljamol Xonnayeva hamda sirtqi taʼlim boʻlimi dekani Nuriddin Jabiyevlarga cheksiz minnatdorchilik bildirmoqchiman. Ayniqsa jurnalistika sohasida mening eng birinchi va eng yaxshi ustozim hisoblanmish Yulduz Zohidovaning pedagogik mahorati va qimmatli maslahatlari evaziga jurnalist sifatida bir muddat zamon.uz internet nashri va 2 yil davomida Sirdaryo telekanalida faoliyat yuritdim. Magistratura uchun grand yutishimda ham Yulduz ustozimning va dekanimiz Nuriddin Jabiyevning kamina hodimingiz haqida yozgan ijobiy tavsiyanomalari salmoqli oʻrin egallaganligi shubhasiz. Bu kabi jannatmakon ustozlarimizning haqqimizga qilgan duolari sababidan ham orzular roʻyobini koʻrgan boʻlsak ne ajab. Bir goʻzal jumla oʻqigandim: Demishlarki ota-onang seni yer yuziga tushishingdagi sababchilar boʻlishsa, ustozlaring sening koʻkka ko'tarilishingga sababchilar boʻlgʻay. Darhaqiqat, ustozlar tufayli parvoz etmoqni oʻrganganimiz rost. Bu kabi fidoiy ustozlari bor dargohning kelgusida ham minglab parvozi yuksak talabalari yetishib chiqishiga ishonchim komil.

Ustozlar oʻrgatdi bizga parvozni,
Ha, ular boʻldilar bizga qo'shpanot.
Robbim, sen ularga koʻrsat e'zozni,
Amal daftariga toʻldir hasanot.

Garchi sen voqifsan, bilguvchidirsan,
Ul zotlar ne desa xizmatga shaymiz.
Har ne qilsak hamki, nomingga qasam,
Ustozlar qarzini uzolmagaymiz.

Ustozlarimizga chuqur ehtirom ila: Dilmurod Boymurod o'g'li. 06.01.2025 y. Antalya. Kepez.

**Telba

Hamma uni oʻzi bilan oʻzi gaplashadigan telba deb o'ylardi. Ammo bilmasdilarki u oʻzi bilan emas har vaqt Robbisi bilan suhbatlashardi. Aslida ham eng yaxshi suhbatdosh Alloh emasmi?!

© Boymurod o'g'li. 06.01.2024 y. Antalya. Kepez**

@Dilmurod_Boymurod_ogli

**Dunyoda gunohlar seniki faqat,
Qolgani, barchasi ilohiy ne'mat.
O'zingniki emas narsalar birla,
Kerilib, kibrga berilma hech vaqt.

© Boymurod o'g'li. 10.01.2022 y.**

@Dilmurod_Boymurod_ogli

**Ko'rganlaring, ko'ringani kabi emas,
Kazo-kazo davralarni qilma havas.
Cho'pon boʻlib, qotgan non yeb yashasang ham,
Yaratganning nazaridan qolmasang bas!

© Boymurod oʻgʻli. 27.02.2024 y.**

@Dilmurod_Boymurod_ogli

#tundalik **Armon

Hech yoʻq bir armoni boʻlar odamning,
Armonsiz qizigʻi bormi olamning.
Doʻstlar, ilk muhabbat menga ham armon,
"Chehrasini koʻrgim kelar ONAMning".

© Boymurod o'g'li. 06.01. 2025-yil. 00:37. Antalya. Kepez**

@Dilmurod_Boymurod_ogli

Bu qolib ketibdi 😁. Lekin Afafning nima deganini oʻzim ham tushunmadim 😁. Arab tili ham chiroyli-ya? Tushunganlar bormi ?🤔****

@Dilmurod_Boymurod_ogli

Turkiyada ham bir nimalarni boshlab yuribmiz😁*😂***

@Dilmurod_Boymurod_ogli

Assalomu alaykum, iloji boʻlsa shu e'lonni tarqatishga yordam bervoringlar.

@Dilmurod_Boymurod_ogli