*⚡️Бекобод тумани Зафар шаҳарчасида яшовчи эр-хотин Россияга ишлагани кетиб, иккита қизини Бўка тумани Чўлабод қишлоғида яшовчи қариндошига ишониб топшириб кетади.*

⚠️Ота-она Россияда ишлаб юрганда уларнинг болалари ҳар куни итдек калтак еб, қийналиб юрарди. Васийликка ишониб берилган аёл шу йил 11 март куни қариндошларининг кичик қизини катта ёғоч бўлакчаси билан калтаклаб, уриб ўлдириб қўйди

Аввалига уриб, баданларини кўкартириб қонатиб ҳузурланиб бўлгач, инграб ётган 7 яшар қизчани жойига олиб кириб ётқизиб қўйган. Ярим тунда ҳам қизчанинг овози босилмаганидан кейин чиқиб яна урган. Охири жимиб қолганидан хавотирланиб тез ёрдам чақирган. Бор-йўқ айби кўчада болаларга қўшилиб озроқ ўйнаган қизалоқ мана шундай тарзда қийнаб ўлдирилди!

‼️Боланинг ота-онаси жанозага ҳам етиб келолмади. Юраги ўпирилиб тушди бечора онасининг. Ваҳший аёл қамоқда, қизча қийналиб ўлди, ота-она Россиядан Ўзбекистонга кейинроқ етиб келди. Бироқ энди уларга бу ҳаёт татийдими? Норасида болани ўлимга юборишгани бир умрлик армон.

📌Қизалоқ жони чиқар пайтида дўхтирга қараб: "Онамга айтинг, мен уни яхши кўраман, синглимни ташлаб Россияга кетмасинлар", дебди. Бу воқеа Бўка ва Бекободни ларзага солди. Одамлар кўз ўнгида содир бўлган ваҳшийлик ёшу қарини йиғлатди.

👉@UnchaMuncha

Фарғонада эркак аёлни бошига тош билан уриб ўлдириб қўйди

Жорий йилнинг 14 февраль куни фуқаро Ш.О.(аёл) Фарғона шаҳар Жўйдам МФЙда жойлашган экин ер майдони четидаги терак дарахтларни кестираётган вақтида, ушбу ер майдонинг собик эгаси фуқаро Э.У. терак дарахтлари унга тегишли эканлиги хусусида жанжаллашиб кетишган.

Жанжал давомида Э.У. Ш.О.нинг бош қисмига тош билан уриб, тан жароҳати етказган. Кўрсатилган биринчи тез-тиббий ёрдамга қарамасдан Ш.О. шифохонада вафот этган.

Тайинланган судга оид тиббий экспертизанинг дастлабки хулосасига кўра, Ш.О.нинг ўлимига бош қисмидан олган оғир тан жароҳатлари сабаб бўлганлиги кўрсатилган.

Мазкур ҳолат юзасидан Э.У.га нисбатан шаҳар прокуратураси томонидан ЖКнинг 97-моддаси 1-қисми билан жиноят иши қўзғатилиб, қамоққа олинган.

👉@UnchaMuncha

*🏗 #Муносабат *Ижтимоий тармоқлар орқали Гулистон шаҳрида қурилаётган объект бўйича эълон қилинган #мурожаат юзасидан қуйидагилар маълум қилинади

Обеъкт жойлашган манзили ва номи: Сирдарё вилояти Гулистон шаҳар “Намуна” МФЙ Бирлашган кўчасида жойлашган "Ёшлар меҳнат гузари" биноси. Лойиҳачи: “Сирдарё вилояти лойиҳа ишлаб чиқариш бошқармаси” МЧЖ. Объект 2022 йил 20-март куни №66-сонли рухсатнома билан “Шаффоф қурилиш" миллий ахборот тизимидан рўйхатидан ўтган, аммо “Қурилишда давлат назорати” миллий ахборот тизими орқали қайта рўйхатдан ўтказилмаган.

Мазкур ҳолат Жиззах вилояти Қурилиш ва уй-жой коммунал хўжалиги соҳасида назорат қилиш инспекцияси ҳамда лойиҳа ташкилоти  мутахассислари томонидан бориб ўрганилганда пудратчи томонидан қурилишда қуйидаги қоидабузарликларга  йўл қўйилганлиги аниқланди:

— обеъктда малакали мутахассис (прораб) мавжуд эмас;
— яширин ишларни гувоҳлаш далолатномалари расмийлаштирилмаган;
— пойдевор ости ишлари учун ф-8 ва акт разбивка ҳужжатлари мавжуд эмас;
— пойдеворнинг бетон ишлари нотекис ва ташқи вертикал гидроизоляция ишлари сифациз бажарилган;
— бинонинг 1-қавати 3-4 ўқлари А ва Б кесишмасида тасдиқланган лойиҳа ҳужжатларида қаватлараро зинапоя ва зинапоя майдончалари ўрни лойиҳа билан келишилмасдан ўзбошимчалик билан бинонинг конструктив ҳолатига ўзгартириш киритилган;
— 3-қаватдаги иккинчи ўқ Б-Б кесишмасидаги қуйилган темир-бетон устунларнинг ўзаро горизонтал ва вертикал ўқлардан 5-6 см қочган;
— бетон учун синов лаборатория хулосалари пудратчи томонидан тақдим этилмади.
Маълумот учун, бугунги кунда мазкур обектда қурилиш ишлари тўхтатилиб, буюртмачига огоҳлантиш хати берилган ҳамда ушбу ноқонуний қурилмани бартараф этиш юзасидан судга даъво аризаси киритилган.

Қурилиш ва уй-жой коммунал хўжалиги вазирлиги ахборот хизмати

*👉*** @UnchaMuncha

Қашқадарёда 300 кг истеъмолга яроқсиз гўшт тўхтатиб қолинди

Қашқадарёда "Умакай" ЙПХ масканидан ўтаётган Cobalt текширилганда, машинада талабга жавоб бермайдиган 300 кг гўшт борлиги аниқланган. Бу ҳақда Бош прокуратура ҳузуридаги департамент хабар берди.

Қайд этилишича, департаментнинг Кўкдала туман бўлими томонидан ЙҲХБ ходимлари билан ҳамкорликда “Умакай” ЙПХ масканида ўтказилган тезкор тадбирда “Қарши-Самарқанд” йўналиши бўйича ҳаракатланиб келаётган Cobalt русумли автотранспорт тўхтатилиб, кўздан кечирилганда, ҳайдовчининг хавфсизлик талабларига жавоб бермайдиган қорамол гўштини олиб кетаётгани аниқланиб, жами 300 кг гўшт ашёвий далил сифатида олинган.

"Мазкур ҳолат юзасидан Жиноят кодексининг 186-моддаси (хавфсизлик талабларига жавоб бермайдиган товарларни ўтказиш мақсадини кўзлаб ишлаб чиқариш, сақлаш, ташиш ёхуд ўтказиш, ишлар бажариш ёки хизматлар кўрсатиш) билан жиноят иши қўзғатилиб, тергов ҳаракатлари ўтказилмоқда", дейилади бу ҳақдаги хабарда.

*👉*** @UnchaMuncha

Rossiyada muhojirlar reyd vaqtida o‘tirgan holda yurishga majburlandi

Yekaterinburgdagi qurilish obyektlarida huquq-tartibot idoralari xodimlari Rossiya migratsiya qonunchiligini “buzganlar” orasida reydlar o‘tkazdi. Reyd haqidagi hisobot o‘ng qanot faollari tomonidan “Yekaterinburg rus hamjamiyati” Telegram kanalida e’lon qilindi. Unga ilova qilingan videodan ma’lum bo‘lishicha, xavfsizlik kuchlari ishchilarni bir qator o‘tirgan holda yurishga majburlagan.

17-yanvar kuni bo‘lib o‘tgan tadbir davomida xavfsizlik kuchlari 150 kishining hujjatini tekshirdi. Ulardan 8 nafari immigratsiya qonunchiligini buzgani aniqlanib, deportatsiya qilinishi kerakligi ta’kidlandi, 4 nafariga esa harbiy ro‘yxatga olish uchun chaqiruv qog‘ozi berildi.

Tekshiruv haqidagi ma’lumotni Ichki ishlar vazirligining Sverdlovsk bosh boshqarmasi matbuot xizmati rahbari Valeriy Gorelix tasdiqladi. Uning so‘zlariga ko‘ra, reyd ko‘p qavatli turar joy binolari qurilishi bo‘yicha bir nechta qurilish obyektlarida o‘tkazilgan. Yakunda politsiya Rossiya Federatsiyasidan deportatsiya qilish uchun 12 ta hujjatlar paketini tuzdi. Uning qo‘shimcha qilishicha, birgina 2023-yilning o‘zida Sverdlovsk politsiyasi 2 586 ta shunday qoidabuzarni aniqlab, hujjatlashtirgan, 2024-yilda esa bunday ishlar viloyatning barcha munitsipalitetlarida davom etmoqda.

IIV matbuot xizmati xabariga ko‘ra, reydda bir qancha huquqni muhofaza qiluvchi idoralar xodimlari, jumladan “Grom” maxsus bo‘linmasi askarlari, IIV viloyat bosh boshqarmasi migratsiya boshqarmasi mutaxassislari, shuningdek, Federal xavfsizlik xizmati xodimlari ishtirok etgan.

Ushbu hodisadan so‘ng Rossiya Inson huquqlari bo‘yicha komissari Tatyana Merzlyakova prokuratura, FXX, Ichki ishlar vazirligi va Yekaterinburg Rossiya Milliy gvardiyasi xodimlari tomonidan o‘tkazilgan reyd va unda muhojirlarning o‘tirgan holda yurishga majburlanishi holatini tekshirmoqchi.

“Hozir nima yuz berganini o‘rganyapman. Bizda muhojirlar huquqlarini himoya qiluvchi mutaxassisimiz bor, lekin u hozirgacha menga hech narsa demadi. Bunga ishonishim qiyin. Bunday bema’nilik bilan shug‘ullanishga vaqtimiz yo‘q”, — dedi Merzlyakova.

U bunday holat Yekaterinburgga xos emasligini ta’kidladi.
Manba: Daryo.uz

https://t.me/UnchaMuncha/85802

Ijtimoiy tarmoqda va qator OAVlarda taxminan 1 yashar go‘dakni ayol shafqatsizlarcha urayotgani, yana bir lavhada esa ana shu bolani ayol bilan erkak yerga ko‘mayotgani tasvirlangan video tarqaldi.

Bolalar ombudsmani mazkur videodagi holatni tegishli prosessual tartibda o‘rganishi uchun huquqni muhofaza qiluvchi organlarga murojaat qildi☑️

Tegishli idoralarning tezkor hamkorligida holat o‘rganilib, videotasvirdagi ma’lumot asosida ayolning shaxsi identifikatsiya qilindi. Aniqlanishicha, bu shaxs Andijon viloyati Jalaquduq tumanida yashovchi 1995-yilda tug‘ilgan A.G. bo‘lib, hozirgi paytda u (2016-yildan beri) Rossiya Federatsiyasining Novosibirsk shahrida turmush o‘rtog‘i B.I. bilan yashab keladi. Shuningdek, videotasvirdagi go‘dak A.G. va B.I.ning 2019-yilda tug‘ilgan farzandi R.X. ekanligi aniqlandi.

Mazkur holat yuzasidan O‘zbekiston Respublikasi Bosh prokuraturasi tegishli so‘roviga asosan Bosh konsulxona hamda Novosibirsk oblasti IIV xodimlari bilan o‘zaro tezkor ma’lumotlar almashinishi natijasida, 19-yanvar kuni B.I va A.G. larBerdyansk shahrida qo’lga olinib, prosessual tartibda hibsga olindilar.

Rossiya Federatsiyasi Tergov Qo‘mitasining Novosibirsk shahri (Oktabrskiy rayoni) tergov boshqarmasi tomonidan A.G. va B.I. ga nisbatan RF JK 117-moddasi (qiynash) bilan jinoyat ishi qo‘zg‘atildi va hozirda tergov harakatlari olib borilmoqda❕

Mazkur jinoyat ishi yurituvi doirasida O‘zbekiston fuqarosi bo‘lgan voyaga yetmagan R.X. manfaatlarini ta’minlash yuzasidan O‘zbekiston Respublikasi Bosh prokuraturasi Rossiya Federatsiyasi tergov qo’mitasi bilan huquqiy hamkorlik choralarini davom ettirmoqda. Bu borada qo‘shimcha ravishda ma’lumot beriladi.

Mazkur holat bo‘yicha Bolalar ombudsmani o‘z kuzatuvini davom ettiradi.

https://t.me/UnchaMuncha/85753

Тошкент шаҳар Яшнобод туманида уч нафар хотинига фарзандлари таъминоти учун алимент тўламай юрган эркак ушланди. Бу ҳақда МИБ ахборот хизмати “Дарё”га хабар берди.

Маълум қилинишича, Мажбурий ижро бюросининг Яшнобод туман бўлимида 3 нафар аёллар фойдасига вояга етмаган 3 нафар фарзандининг моддий таъминоти учун алимент пулларини тўлашдан бўйин товлаб юрган К.С.га нисбатан ижро иши борлиги аниқланган.

Мажбуриятини бажармасдан, алимент пулларини тўлашдан бўйин товлаган отага нисбатан жиноят ишлари бўйича Яшнобод туман судининг қарорига асосан 15 сутка маъмурий қамоқ жазоси белгиланди.

Манба: Daryo.uz

Самарқандда келинига шилқимлик қилган 46 ёшли эркак қамалди

Келини уй ҳовлисида бўлган вақтида эркак унга нисбатан шахвоний шилқимлик қилган. Келин бўлган воқеани эрига айтиб берган.

UzNews.uz'га маълум бўлишича, 46 ёшли эркак 2023 йил 25 декабрь куни соат 18:38 ларда Ургут туман "Тошариқ" маҳалласида жойлашган яшаш уйи олдида келини Х.Р.ни шаъни ва қадр қимматини таҳқирлайдиган, шаҳвоний хусусиятга эга бўлган ҳаракатлар билан шаҳвоний шилқимлик қилган.
Келиннинг айтишича, Ф.Н. турмуш ўртоғининг амакиси бўлган. 25 декабрь куни фарзанди билан яшаш уйи ҳолвисда ўз ишларини қилиб турганида, қайнакаси Ф.Н. жинсий аъзосини шимидан чиқарган ҳолда уларни ҳовлисига кириб келиб, унга шахвоний шилқимлик қилган. Шундан сўнг, келин унга ҳеч нарса демасдан фарзандини олиб уйга кириб, бўлган воқеани турмуш ўртоғига айтган.
Натижада, турмуш ўртоғи билан ўртада келишмовчилик пайдо бўлиб, уни ота онасини уйига ҳайдаб юборган. Жабрланувчи келин Ф.Н. билан ўртада ҳеч қандай муносабат йўқлиги, у нима сабабдан шу ишга қўл урганлигини билмаслиги, Ф.Н. ҳеч бир сабабсиз уни шарманда қилганлиги сабабли қонуний чора кўришни сўраган.
2024 йил январь ойининг 11 куни жиноят ишлари бўйича Ургут туман судида мазкур иш кўриб чиқилган.
Суд қарорига кўра, Ф.Н. МЖтКнинг 41-1-моддаси (шаҳвоний шилқимлик қилиш) 1-қисми билан айбли деб топилган. Унга мазкур модда билан 5 сутка маъмурий қамоқ жазоси тайинланган.
Манба: UzNews.uz

👉 https://t.me/UnchaMuncha/85137

Hello Tashkent, salam Tashkent номли Telegram-канали админларига суд ҳукми ўқилди
Ўтган йили май ойида Telegram'да канал очиб, қиз ва аёлларнинг беҳаё фото ва видеоларини тарқатган шахсларга жазо тайинланди.

2023 йилнинг май ойида ИИВ киберхавфсизлик маркази томонидан Telegram'да Hello Tashkent, salam Tashkent номли гуруҳ ва каналлари ташкил этиб, фуқароларнинг шаъни ва қадр-қимматини камситувчи видео ва фотоларни жойлаштириб келган жиноий гуруҳ қўлга олингани ҳақида хабар бергандик.

Олий суд Матбуот хизмати хабарига кўра, бугун, 11 январь куни жиноят ишлари бўйича Мирзо Улуғбек туман судида қўлга олинганларга нисбатан суд ҳукми ўқилди.
Қўлга олинган шахслар 130-моддаси (порнографик маҳсулотни тайёрлаш, олиб кириш, тарқатиш, реклама қилиш, намойиш этиш) 2-қисми “б” банди, 139-моддаси (туҳмат) 3-қисми “а”, ”г” бандлари, 140-моддаси (ҳақорат қилиш) 2-қисми, 141-3-моддаси (шахснинг шаънини ва қадр-қимматини камситувчи ҳамда инсон ҳаётининг сир тутиладиган томонларини акс эттирувчи маълумотларни ошкор қилиш) 2-қисми “б”, “в” бандлари ва 165-моддаси (товламачилик) 2-қисми “а”, “в” бандлари билан айбдор деб топилган.
Эълон қилинган суд ҳукмига мувофиқ гуруҳ аъзоларига 3 йилдан 7 йилгача муддатга озодликдан маҳрум қилиш жазоси тайинланган.
Қайд этилишича, жиноят воситаси деб топилган “Telegram” мессенжеридаги тегишли каналлар ва аккаунтлар Рақамли технологиялар вазирлиги орқали блокланиши белгиланган.
Жабрланувчиларга жиноят доирасида етказилган моддий ва маънавий зарарларни ундириш масаласида фуқаролик ишларини юритиш тартибида судга мурожаат қилиш ҳуқуқлари борлиги тушунтирилди.
Манба: UzNews.uz

👉 https://t.me/UnchaMuncha/85083

2000 та текин каналларни кориш учун IPTV!

https://t.me/UnchaMuncha/84987