عَزيز العُمر
بَس والله فلس مايسوى
مِن دونچ
وعَزيزة العين
بَس شتفيد اذا ما شافت
عيونچ .

بأحلامّي تجي
هواي يمي وتحجي وياي
وأفز مِن الحَلم بَس
ما اشوفَك .

يالمخليني احِب الدنيا
حِبني اكثر
انا بعُيونك التميت
وجِنت مثل الهوى مطَشر
حَلاتك ماجزتني
منين ماصدلك حِلم يكبر

أذيتني
بگد ما جنت مهتم بيك
ﷲ أكبر ما بگلبك رَحمة
أكتب جريدة مِن العَتب
تالي الليل
وتذلني مِن ترد عَليه بكلمهَ !.

الوَرد يطلع بلجمَاجم لو تجيني
وأقدملَك أعتذاري وانكِساري وكل
حَنينيّ
لو گلت هذا خَطية ويامه گتلك
مِن ادية تروح بس مو مِن إديّة
وياما گتلك شوفتني جنازة امي
مِن ثگل وَجهك عَليّه
اخيراً تريد تعرف بيه شلون
چان جفاك چني مَدد بسَديه
وهَلي مِن حالتي مَلوا
عَدل وتعاملوا عد راسيّ ويّ دفان
وعلى الفاتحة اتفقوا
كل ذَني وللا فَرگاك
انا ماردت أموت عليك
ردت اموت وياك

باچر مِن ترد وتخونَك أحلامَك
ترد تفرش نَدم وأفرشلَك سهامَك
وأتعبَك بالعَتب گد مابروحي
عتاب گد ماخَيبتني لخاطر أمالك .

حَنيّتلَك وادري اليّحن
يبَچي ويمون بسَكتة
مو مال نَتعاتَب بعَد
راح المعاتَب وَكته
ومِن ياهيَّ أبدي؟
بفرّگتك
خليتني معَلعل وأون
ما ضل وجّع ما ضِگته .