كثيرًا ما يشدني هذا الجزء من دعاء النبي ﷺ: ‏"اللَّهُمَّ إنِّي أعُوذُ بكَ مِنَ (العَجْزِ) و(الكَسَلِ)"

‏لماذا العجز والكسل بالذات؟!
‏ثم تأملت في أسباب الفشل كلها؛ فوجدتها لا تخرج عن أمرين:

‏- إما رغبة في العمل بدون قدرة «العجز»
‏- أو قدرة على العمل بدون رغبة «الكسل»

- رحاب حسن
#تيم_زغلولة_هتعلمك

لو كنت نزلت بدري شوية مكناش هنقف في الزحمة دي..

لو فلان كان لحق بدري يعمل العملية مكنش زمانه دلوقتي مات..

لو كنت دخلت الكلية الفلانية بدل الكلية دي كان زماني مبسوط أكتر..

يقول الرسول صلى الله عليه وسلم: ( إن أصابك شيء فلا تقل: لو أني فعلت كان كذا وكذا. ولكن قل: قدر الله وما شاء فعل؛ فإن لو تفتح عمل الشيطان ) رواه مسلم.

كل حاجة في طريقك ليك (إِنَّا كُلَّ شَيْءٍ خَلَقْنَاهُ بِقَدَرٍ)

حياتك مش صدفة، رزقك مش صدفة، معاد موتك مكتوب مهما كان مكانك فين، خلي عندك يقين إن كل حاجة بتفاصيلها في حياتك دي أحسن حاجة ليك حتى لو أنت مش عارف تشوف دا بعينك!

اطمأن بأقدار ربنا ليك وأول ما يحصل حاجة تحسها تقيلة على قلبك ردد "قدر الله وما شاء فعل" لأن أقدار ربنا كلها حكمة ورحمة..

- إسراء خميس
#تيم_زغلولة_هتعلمك

موسم الدراسة بدء يشد من تاني ، ف خليني أفكركم وأفكر نفسي بإن المساعدة اللي هتقدمها لصحابك في الوقت دا سواء ملازم، ريكوردات، ملخصات، هتشرحله شيء مش فاهمه، أو حتي هتقدمله دعم نفسي بكلمتين يخلوه يكمل سكته وطريقه، أغلب الناس بتشتغل ومعندهاش وقت تنزل الجامعه ممكن المعلومة اللي تساعده بيها دي تفرق معاه جدا، وافتكر إن رزقك مكتوبلك ومش هياخده غيرك فمهما كان اللي هتقدمه لغيرك مش هتخليه أحسن منك ولا هياخد من رزقك، صدقني دا ثوابه كبير أوي عند ربنا من باب المساعدة

وافتكر دايما حديث رسول الله صلي الله عليه وسلم :- وَاللهُ فِي عَوْنِ الْعَبْدِ مَا كَانَ الْعَبْدُ فِي عَوْنِ أَخِيه

- إسراء خميس
#تيم_زغلولة_هتعلمك

كل واحد فينا ليه طريقته في التعامل مع مشكلاته

في مننا بيواجهه المشكلات وبيحاول يحلها وأكثر استخداما لطريقة دي الشباب

وفي مننا بيبكي وينهار ويقعد يلوم في دا ودا وأكثرهم إناث

وبنختلف في تصرفاتنا برضو فتلاقي شخص دايما عصبي، وشخص دايما يأكل، وشخص بيهرب للنوم، وشخص بيهرب بقراءة رواية، وشخص متحفز، وشخص بيعمل مشاكل....

كل دي بعض التصرفات اللي بنعملها وقت ما بنواجهه مشكلة وبالتالي المشكلة دي أثرت نفسيًا عليك ممكن تصيبك باكتئاب، او فوبيا أو اضطراب أو.......

ف علشان كدة?

? عاوزين نتكلم عن إزاى نزود من صلابتنا النفسية...؟!
1️⃣ الإيمان بالله: خلى دايما عندك يقين لما تحصل المشكلة إن دة خير ليك وكمان ربنا هيجازيك خيراً على صبرك في المشكلة دي مهما حصل اتأكد إن دة أفضل.

2️⃣ الثقة بالنفس: خليك واثق في نفسك ان هتقدر تعدي، إنك هتحل المشكلة، متوقعش وتبكي وتشوف حد يحللك المشكلة، إنك تلوم الشخص انة سبب دة مش هيحلها، دايما اقف ثابت حل مشكلتك ومتنساش تدى وقتك لحزن بس متأفورش ي زغلول.

3️⃣ العب رياضة: من اكثر الطرق الفعالة لان الرياضة بتاخد الطاقة السلبية اللي عندك وبتصفي ذهنك وبتخليك تقدر تفكر وكمان متبقاش عصبي.

4️⃣ خليك ايجابي: بلاش تبقي سلبي وانا مش هنفع، لا مش هكمل، لا انا فاشل كل دة هيأذيك أنت يا زغلول.

5️⃣ اعمل علاقات واطلب مساعدة لما تحتاج وخلى بالك من حياتك يا زغلول ابسط نفسك ودلعها في وسط حزنك مفيش مانع من انك تاكل حاجه بتحبها أو تقعد مع شخص بتحبه وتضحك وتنسي الدنيا

وفي النهاية خليك هادى اتعامل بعقل وحكمة وبلاش تسرع وتهور يا زغلول.

لياسمين عرفة "ودق"
#تيم_زغلولة_هتعلمك

السلام عليكم ورحمة الله وبركاته ??

أتمنى تكونوا بخير??

?استكمالًا لرحلتنا في تعلم قواعد النحو.

? كتير مننا لما بيجي يعرب كلمه بيوقف عند نقطه هل هي مرفوعة أم منصوبه  أم مجروره.

? مع بعض باذن الله هتعرف ايه هي علامات اعراب الكلمة، بس قبل ما نعرف علامات الاعراب، لازم نعرف إن كلمة عندنا قد تكون اسم، فعل،حرف.

? علامات الإعراب⬇️

? علامات اصلية ( الضمة، الفتحه،الكسره،السكون)
? علامات فرعية( الف، الواو،الياء،النون)

?علامات الرفع في الأسماء و الافعال.

1⃣الضمة ⬅️ وهي علامه اصلية، وهي نوعان:

? الضمة الظاهرة: يكون فيها الرفع في اربع مواضع
⏺ الاسم المفرد:العلم نور.
⏺ جمع نكسير؛الأشجار مثمرة.
⏺ جمع المؤنت السالم:الطالبات من أوقات.
⏺ فعل مضارع صحيح الاخر:تغرد الطيور.

? الضمة المقدره:

⏺ الاسم المرفوع واتصل بيه ياء متكلم:مسجدي في خطر.

⏺ الاسم المقصور:إن الهدي هدي الله.

⏺ الفعل المضارع معتل الاخر:يسعي المؤمن في الخير

2⃣ ثبوت النون: علامه فرعية-تأتي مع الافعال الخمسه
⏺ الطلاب يكتبون الدرس

3⃣ الواو:في جمع المذكر السالم وما يلحق به-الاسماء الستة كذلك

⏺ يزرع الفلاحون القمح. 
⏺ مرت سنو الحرب.
⏺ حضر ذو العلم

4⃣ الالف: في المثنى وما يلحق به.

⏺ الطالبان مجتهدان.

?لو حد محتاج أتكلم في قاعدة مش واضحة ليه أو بيقابله أي مشكلة في النحو يتواصل معايا?

?دمتم بخير?

?منار عمرو ?

#تيم_زغلولة_هتعلمك

إنا لله وإنا إليه راجعون

(كُلُّ نَفْسٍ ذَائِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ ۗ وَمَا الْحَيَاةُ الدُّنْيَا إِلا مَتَاعُ الْغُرُورِ )

وبشر الصابرين الذين إذا أصابتهم مصيبة قالوا إنالله وإناإلیه راجعون

(يا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَّرْضِيَّةً فَادْخُلِي فِي عِبَادِي وَادْخُلِي جَنَّتِي)...

والدة ا. أمورة توفاها الله دعواتكم لها بالرحمة والمغفرة وأن يجعل مرضها شفيع لها يوم القيامة وأن يلهم أهلها الصبر والسلوان ولا أراكم الله مكروه في عزيزٍ لكم

#تيم_زغلولة_هتعلمك

اهتماماتك بتؤثر على حياتك

? محور حياتنا بيدور حول اهتماماتنا.

بمعني⁉️

إن كتير من تصرفاتنا بتعتمد على المحيطين بينا من (أصدقاء، أقارب، أهل....)
بدليل إن صديقك قادر على تغيير معتقدك وتفكيرك وإنك تتأثر بيهم أمر لَآ شُعٌوٌريَ
ولو كان مبدأ صديقك غلط بتبدئي تدور على أدلة تبرر هذا الخطأ

وتقول أمبر غافني☑️:

"إذا كنت تستمد جزءا كبيرا من هويتك من إحدى المجموعات، حتى لو لم تكن بصحبتهم، فأغلب الظن أنك ستتمسك بقيم هذه المجموعة"

في كتير من الاهتمامات اللي قادرة تحول حياتنا للأفضل واللي منهم

1️⃣ الهوايات

1- القراءة ⬅️ القراءة مش بس هواية لا ليها فوائد كتير منهم

•تقوية وظائف الدماغ.
•تحسين الصحة الجسدية.
•تقليل التوتر.
•زيادة قدرة المرء على التعاطف مع الآخرين.
•رفع مستويات السعادة.
•تزويد المعلومات.

2- الرسم⬅️ ومن فوائد الرسم

•التخلص من التوتر والضغط النفسي.
•يستكشف المشاعر على هيئة ورق.
•ويمكن استغلاله للحصول على دخل مالي.

3- التصوير

4- تعلم اللغات:
•تحسن الذاكرة.
•تؤدي الى انفتاح الشخص وزيادة إدراكه لما حوله.

2️⃣ السوشيال ميديا

أغلب وقتنا بيكون في السوشيال واكتسابنا المعلومات بقا أسهل منها يمكن 50%هتغير حياتك لو غيرت اهتماماتك على السوشيال ميديا للأفضل.

• وأول خطوة الناس اللي بتابعهم
يكونوا ذو محتوى علمي .

• ووقتك يقل على السوشيال ميديا، لانه هيكون إدمان.

• التطبيقات اللي مش محتاجها ومش بتستفاد بيها امسحها.

• أعرف أصدقائك على السوشيال وأبعد عن أي صديق سؤء.

• كل فترة وفترة أدخل على الأشخاص اللي بتابعهم واللي ملهوش لازمة الغي المتابعة.

• بلاش أفلام ومسلسلات خليهم بودكاسك.

3️⃣ محيطك

الأشياء المحيطة بنا بتأثر على حياتنا وحالتنا النفسية

↩️تعالى نعرف إزاي نحول بيئتنا للأفضل.
• الورد، والشجر، والألوان بيدوك طاقة إيجابية، أبعد عن الطاقة السلبية.

• خلى جمل تحفيزية دايما قدامك، غير ديكور أوضتك.

• خليك في بيئة مريحة وهادية
بلاش ضوضاء.

• الإضاءة، والروائح، والألوان بيأثروا على مزاجك وحالتك العاطفية.

• تنظيم الوقت بيساعدك على إنتاجية أكثر.

4️⃣ الرياضة: الرياضة ليها أهمية كبيرة جدا واللي لازم تكون في أهتماماتك

•بتحسن الصحة النفسية والجسدية
•تحافظ على لياقة الجسم ورشاقته.
•تعزز الثقة بالنفس.
•تساعدك على التفكير السليم.
•تساعدك على النشاط وعدم الكسل.

5️⃣ الجانب الديني

معتقداتك ومبادئك بتؤثر على اهتماماتك.
•بتزود ثقتك.
•شعورك بالأمن.
•تصحيح عاداتك السيئة.
•إختيار القرار الصحيح.
•تحسن من نفسيتك.

~ ياسمين عرفة"ودق"
#تيم_زغلولة_هتعلمك

?الفاينل قرب❗

كان يا مكان?

امتحانات الفاينل قربت وكنت قلقانة ومن عادتي لما بحس بالقلق والتوتر بروح كافية معين هادي وجميل، بطلب قهوتي وبقفل فوني، وبمسك روايتي اللي كتبتها بقرأها للمرة الألف

وكل مرة بقرئها بحس بالإنجاز والحب ، فجأة شوفت بنوتة بتبكي وطبعًا علشان روح علم النفس اللي جوايا روحت أشوف مالها ⁉️

كانت البنوتة قلقانة لأنها مش ذاكرت كويس وعندها امتحان ومعتش في وقت ومعندهاش أي مصادر تساعدها قررت أنصحها وأنا بنصحها هنا كنت بوجهه الكلام لنفسي

⏳يلا بينا أقولكم نصايح قبل الفاينل ??

1️⃣ ثقتك ويقينك بربنا أهم حاجة إنك تكون واثق إن ربنا كان شايف وعارف بتمر بإية سوا ذاكرت أو لا وهيجبرك وعارف اختيار ربنا دايما أفضل☑️

2️⃣ كل كويس واشرب مية كتير العقل السليم في الجسم السليم

3️⃣ نظم مذاكرتك هقعد على الكتاب طول النهار والليل والإنتاجية قليلة في حين لو نظمت مذاكرتي وفهمت أكتر من حفظ هجمع محصلة كبيرة من المعلومات ممكن تكون (تخطيط، علامات، رموز....) هتساعدك في المذاكرة.

4️⃣ نام كويس مش هكون سهران طول الليل وأنام في الامتحان ي فرحه ست الكل بيك بقا والله وحتى لو منمتش استيعابك للسؤال هيكون بطيء، مش مركز، مش مستوعب أنت فين اصلا....!

5️⃣ خد شاور بارد هيفوقك وهيخليك رايق، نشط، مستوعب، مركز، بتحل باستمتاع.

6️⃣ بلاش قلق وتوتر ي حبايب تخلص منهم
بالاستغفار، بالتسبيح، بالحوقلة، بالصلاة على حبيبنا محمد صلى الله عليه وسلم ♥️

7️⃣ بلاش بلاش بلاش تحبط نفسك انا رايح ومش هحل حاجة أنا فاشل أنا مش نافع
عقلك الباطن بيبدأ يأكدلك دا فعلا قول بصوت عالى هحل إن شاءلله ? أنا قدها?
وكل واحد وليه شعاره.

8️⃣ ساعد أصدقائك عن تجربة حقيقي
لو ليك صديق مش عارف باب معين، مسألة معينة مش فاهمها اشرحها ليه حقيقي مش هيستفاد هو وبس لا هتأكد معلومتك ولو جت في الامتحان هتفتكرها بجانب الثواب.

9️⃣ أبدأ يومك من أوله بيكون فيه خير وبركة.

0️⃣1️⃣ متنساش الأدعية.

?أدعية للمذاكرة وعند الامتحان?

?️ عند بداية المذاكرة: اللهم إني أسألك فهم النبيين وحفظ المرسلين والملائكة المقربين، اللهم اجعل ألستنا عامرة بذكرك وقلوبنا بخشيتك وأسرارنا بطاعتك إنك على ماتشاء قدير.

?️ عند نهاية المذاكرة: اللهم إني أستودعك ما قرأت وما فهمت وما حفظت فرده إليّ عند حاجتي إليه إنك على كل شيء قدير.

?️ عند التوجه للامتحان: اللهم إني توكلت عليك وفوضت أمري إليك لا ملجأ ولا منجى إلا إليك.

?️ عند دخول الامتحان: "رب أدخلني مدخل صدق وأخرجني مخرج صدق واجعل لي من لدنك سلطانا نصيرا".

?️ عند بداية الإجابة: "رب اشرح لي صدري ويسر لي أمري واحلل عقدة من لساني يفقهوا قولي" باسم الله الفتاح اللهم لا سهل إلا ماجعلته سهلا يا أرحم الراحمين.

?️ عند تعسر الإجابة: لا إله إلا أنت سبحانك إني كنت من الظالمين، يا حي يا قيوم برحمتك أستغيث، رب إني مسني الضر وأنت أرحم الراحمين.

?️ عند نسيان الإجابة: اللهم يا جامع الناس ليوم لا ريب فيه ردّ عليّ ضالتي.

?️ بعدالانتهاء من الإجابة: الحمد لله الذي هدانا لهذا وما كنا لنهتدي لولا أن هدانا الله. اللهم استجب لنا و وفقنا لما تحبه وترضاه.

متنسوش تدعولي أنا ومنى وكل التيم بالنجاح والتوفيق ولكم بالمثل يا رفاق .

ل_ياسمين عرفة "ودق".
#تيم_زغلولة هتعلمك.

شعار المرحلة: يا هالات سودا يا درجات سودا??

فترة الامتحانات من أصعب الفترات اللي بتمر علينا كل سنة ما بين القلق والتوتر والبكاء المستمر على الأجزاء المتراكمة من المواد ودعواتك التي فيها إلحاح أن يجبرك الله ويعطيك القوة على الاستمرار لن تخيب بإذن الله??

﴿فَصَبْرٌ جَمِيلٌ ۖ عَسَى اللَّهُ أَنْ يَأْتِيَنِي بِهِمْ جَمِيعًا﴾

- لا تنسوني من صالح دعائكم بالنجاح والتوفيق والبركة في الوقت ولكم بالمثل وأكثر يا رفاق?

~ منى محمد