اماه يافاطمة اماه
اماه يافاطمة اماه

صوت ضلعج يدوي بيه
يمه زهره رحتي امن اديه
كومي فدوة وحني عليه
مالي غيرج ها يالزجيه

ابونه الماكسر مكسور يمه يريدج اويانه
امنهد ماوسدج لليوم عاش ابغربة احزانه
ويانه جن شمس بالبيت وصارت ظلمة دنيانه

اماه يافاطمه اماه

الماتت امه يموت بحنينه
اخلافج إضلم كلشي علينه
وحشه صارت يمه المدينه
خلاف عينج زينب حزينه

ماينطب ييمه البيت ردي وشوفي احزانه
انسى اتخيلج بالدار واطب للحجره لهفانه
ومثل الفاز من كابوس افز من ماكو ويانه

اماه يافاطمة اماه
اماه يافاطمة اماه

ايتام فاطم صار اسمنه
ردي فدوة الطاغي هضمنه
اغراب يمه احتل وطنه
اغتالج انتي ونزل دمعنه

وطن يافاطمة حضنج واجه البسمار كـ المحتل
فلان الي اجه كتال من النبي مايخجل
تدفعينه ويرد اردود امي ابيا ذنب تقتل

اماه يافاطمة اماه

سودة يمه كل النواية
ماي انتي واحنه ضماية
الدنيا بعدج تركض وراية
وتكتل اهلي واحنه سباية

قنفذ واحد مأذيج والف قنفذ اليسبيني
حماية لذتي خلف الباب وانا منهو اليحميني
عطاشى ونركض ابصحراء وادور على اليرويني

اماه يافاطمة اماه

الشاعر
عباس حسن الحلفي

(استشهاد الامام الجواد عليه السلام)

ابسطح دارك بقيت اتلث ليالي
ولاواحد وصل يمك يغالي
ابسطح دارك

اتلث ليالي مثل جدنا بالشمس باقي رميه
ارتاح بوية الموت راحة للخذو عمته سبيه
شاب بعدك ياحسافه اخذتك مني المنيه

ضليت اتناطر فزعة من الخوان
وزينب هم تانت من جوها العدوان
وجسم حسين اموذر بالطف عريان

وفوكة الخيل تسحك ماتبالي
ولاواحد وصل يمك يغالي

الهادي بوية انا واريدك وين رايح هالمسيه
مو قليل البينه صاير لجن ماعدنه رقيه
ماكو واحد مس خيالك مااجتك اعوجيه

ماضل واكف فوكك بوية الجتال
رغم السم بس سالم نعشك ينشال
ابصدرك ماضل يسحك ذاك الخيال

صوت اضلوعه جدنه هواي عالي
ولاواحد وصل يمك يغالي
ابسطح دارك

ماكو واحد مر عليه وشاله احجارة ورماني
موقف انا اتذكريته هدني يابوية وعماني
بيوم عالتل عمتي نادت فزعو ياهاشم سباني

زينب طلعت بوية اتحامي النسوان
واطفي الماخوذة ابذيج النيران
خل نلطم حركو فوكاها الصيوان

طلعت من خدرها عمتي تالي
ولاواحد وصل يمك يغالي

اعله السطح ضليت بوية مو مثل قصة سبيها
ديرة تشمرها اعله ديرة وضلت اتشاكف بديها
حجار وسياط ال امية وعينهم صارت عليها

طبت ديوان وغربة اهواي الناس
المنيمها ماطالع صوت الانفاس
طلعت ونشافت من طاح العباس

دمعاتك على زينب تلالي
ولاواحد وصل يمك يغالي
ابسطح دارك

ماعفتلي غير عِمه ودمعه ونياح ومصيبة
المهدي يورثهن اخلافي باجر ويعله نحيبة
يظهر ودمعاته حمرة وياخذ ابثار الغريبة

ينبش كبر الحركو دار ام حسين
ويصلبهم ويرجع حق اهل الدين
ويطلب ثار الكطعو منه الجفين

كمر مهدينه ويتمم هلالي
ولاواحد وصل يمك يغالي
ابسطح دارك

عباس حسن الحلفي
٢٠٢٢/٦/٩

(الامام الصادق عليه السلام)

لو ما علمك وفضلك بالاسلام
جا لسه بجهلنا ونعبد اصنام
تسمينه اعله اسمك جعفرية
ولو ماانت جا عفنه القضية

العـلم يم بـاب علـمك واگـف يدورلة فيـة
بالعلم جاهدت خصمك بالادلة الواقعية
بالمودة عشت عمرك بس عليهم صرت اذية

ادلتك من السيف امر واشد بعد
علمهم يرجواي نزل علمك صعد
امامك حبيبي ولاواحد صمد

اجيال بعلمك اتعلمت مو جيل
نعم ربيتنه وصاحب فضل حيل
الفضل لله عـلى عتـرة نبية
ولو ماانت جا عفنه القضية

ابعلمك اتفيض المجرة علمك اكبر من خيالي
المايعرف اصل الوضوء يناقشك مولاي تالي (ابو حنيفة)
جابر ولو ما افضالك ياهو اليجيبة اعله بالي

اليناقش اصولك اصوله من الغجر
حبيبي علومك ميُصفها الشعر
نعيش اعله فضلك الى يوم الحشر

الارض والكون كله وكطرة الماي
الك بيهن فضل مولاي مولاي
علمك إلنه هو اكبر هدية
ولو ماانت جا عفنه القضية

دارك ابكل المراحل علمت كل البريه
بالعلم ينوصف بيتك من البيوت الغنيه
لهل سبب شبت ابيتك نار الأحقاد الدنيه

حسيني بعلومك ثرت ثورة عِلم
ولاگدرو عليك ولاحتى بحلم
امامي دليلك مثل ضربة سهم

علمك بالمعادن فاض عالناس
ذهب صار الحجر بيدك ينوماس
فرقتنه اعله اسمك صادقية
ولو ماانت جا عفنه القضية

من الحسين امتدادك بيه انشأت المدارس
والشعائر انت اصلها انت اسست المجالس
تحضر بمجلس عزائك سيدي حتى النوارس

دموعك على حسين ولانشفن ابد
متهتم ب اليشوف النقد والما نقد
جزع گلبك اعليه ولالحظة برد

اليخلي بگلبه خيمه شله بالناس
وانت بگلبك امخلين عباس
امتدادك سيدي امن الغاضرية
ولو ماانت جاعفنه القضية

مهدت للمهدي شيعة تنتظر ساعه ظهورة
امنيه كل گلب شائق ينصره ويشوف نورة
الشكر لله عليكم كلمن ادة فوگ دورة

امــن اول خـلقـنـه نطـيـنـاكـم وعـد
على الموت نضل دوم خدم الكم عهد
وعلينه ابو حسين ونبي الله شهد

نذرتو ارواحكم كلها لجلنه
يضل للموت وياكم عهدنه
بأدلتك نسحك بهل الناصبيه
ولو ماانت جاعفنه القضيه

الخادم
عباس حسن الحلفي

هذا الموت عالباب
وعندي اوياكم اعتاب
ماتحتار مثلي العدها خوان
جرحي يريدكم دفان دفان
..............................................

ردت منكم تجوني لو بالاحلام
سمعت الوينهم مرتين بالشام
الكتلوني الشماته اهواي يحجون
جاوين الاهل جاوين الازلام

وين اهلجن
اكثر كلمه نسمعها من الناس
وين اهلجن
هاي الكتلت الحرة يعباس
وين اهلجن
يسئلونه عليك ونصد للراس

صحت ومناطرة اجواب
شوكت يلفوني الاحباب
الجنازة اتريد ياعباس عوان
جرحي يريدكم دفان دفان
..............................................

ليش اتأخرت من دخلت النوگ
انا المفروض ميته ابطبت السوگ
امنهد ماعرفو اسمي وانا ياموت
انتظرتك لحظة لحظة وگلبي محروگ

الدنيا دارت
مضرب جان خدري لكل الامثال
الدنيا دارت
غصب ياموت نمشي ويا الارجال
الدنيا دارت
من اجفوف اخوتي لجتف الاحبال

شح ياموتي الاحسان
اخذني لهلي الاحنان
الوكت صار اويا زينب حيل خوان
جرحي يريدكم دفان دفان
..............................................

اعيوني الفاكدة ماتقبل اتنام
اخاف تشوف خيل ابنص الأحلام
حوافرهم اوكاح اوداسن حسين
لحد ما بالجسد ماضلن اعضام

موتي راحة
شفت خيل ورماح وسوط وسهام
موتي راحة
شبعت امن السبي اهوال والآم
موتي راحة
اعله زينبكم صفت تامر الخدام

اغص يخواني بالماي
من اذكر ارباي
من الطف لهسه جفني سهران
جرحي يريدكم دفان دفان
..............................................

مات الموت لمن سمع بلواي
مثل فرت الرحة فرتني دنياي
ياهاشم عجيبة شلون ترضون
بت هاشم غريبة اوفاكدة الراي

موتي يفزع
انتظرته هواي ليه موتي يفزع
موتي يفزع
لو عباس اخوي الليلة يرجع
موتي يفزع
هيج الله وگبل لا شمس تطلع

من شافوني شمات
من عدها الخدر مات
زينبكم صفت مابين عدوان
جرحي يريدكم دفان دفان

تمت
عباس حسن الحلفي

مولاي الرضا عندما سمع خبر وفاة اخيه القاسم

.........................
واقاسماه واقاسماه

جا غير اليموت ايريد هله يصيرون دفانه
غصه اتصير فوك الموت لو مايلكه خوانه
مالطمن خواته اعليه مات ابغربه احزانه
تأسينه بمصاب حسين جدي هواي بجانه

انكسر ظهري هو هالواحد
صافي السريرة العابد الزاهد
يذكرني جان ابريحة الوالد

واقاسماه واقاسماه واقاسماه
................................................

ابرغم ماجان عني ابعيد بس اتخيله وياي
نبجي احنه بشهر عاشور على الضلو بلايه فياي
من زغرة يحب هالدور ويوزع بالمجالس ماي
مايشرب ابد والله وعلى العباس يبجي هواي

من عندي راح وزادت الآمي
ماشوفه بعد اشلون گدامي
جيت الرزق يجيني بحلامي

واقاسماه واقاسماه واقاسماه
................................................

هاضمته الخطيه هواي عاش ابنص غرب ويلاه
همه ايشيب الرضعان من طوس وسمعت الاه
من كثر البجي والنوح القاسم تبجي دم عيناه
يمشي بروحة عن الناس ويصيح بحسرته جداه

راح امن اديه خلي ياروحي
ذبحته الغربه وصار مذبوحي
ذكراه ويلي اتهيج اجروحي

واقاسماه واقاسماه واقاسماه
................................................

هدت حيلي بنته تكول القاسم هم اله جيه؟
وبجن كل العلاوي ابصوت وتذكرنا سبي رقيه
حضنت ابنيتة بأحضاني وتشمشم ريحته بيه
من كثر البجي والشوك ذبلت اشويه اشويه

بوجهي الفرح قفلها بيبانه
ابجي عليه وعيوني ذبلانه
هالبت يرد لو ساعة ويانه

واقاسماه واقاسماه واقاسماه
................................................

مثل جدنا انكسر ظهري لمن طيح الخيمه
مع فارق مصيبتهم زينب ركضت ابهيمه
ماعدنا سبي ولاسوط مات ابنص اهل شيمه
بس حسين ضل عريان اه ياغربته وضيمه

حسين عاري هو واصحابه
جوه الشمس وتلجمة الترابه
الدفنو اخوي اعزازه واحبابه

واقاسماه واقاسماه واقاسماه

تمت

عباس حسن الحلفي

ماكلك شكد طاحن ادموع
لمن سمعنه صوت الضلوع
من الضلع والكسر والباب
مابيه يشيل اتراب ابو تراب

مدري اكلك
مدري اضمها
وانا مامتعودة اضم عنك يروحي
خاف اسولف
خاف اجرحك
وانت عايش بيه وامگلب اجروحي

صفحة صفحة امن البداية كلبتهن بالدمة
ابتدن من سم محمد ولحد مقتل فاطمة
ياعلي يابعد عيني الصبر مفتاح الضمة

بعدي تعيش الدنيا مهضوم
امسابك اعليك اتصير الهموم
راس المصايب دافع الباب
مابيه يشيل اتراب ابو تراب

............
عيني حمرة
ابخدي سطرة
وخايفة اكسر خاطرك ضميت خدي
من عصرني
مارحمني
حيل وبكل قوته طكني وهذا حدي

هذا حدي الدنيا بعدي تنعصر بيها عصر
ياعلي امن الصار بينه اتعلم ايوب الصبر
الدنيا ماترتاح بيها وهذا مو اخر كسر

ماخلوني اعيش اوياك الايام
فركنه العدو ويجمعنه بالشام
يجمعنه حتى يسبي الاحباب
مابيه يشيل اتراب ابو تراب

...............
تدري بيه
شگد احبك
جوة خدي خلي ياحيدر عباتك
حتى اشمها
من افگدك
الله وحدة ياعلي يعرف غلاتك

راح اعوفك مو بدية ياعلي ارجو العفو
انت سري وانا سرك واكتشف سرنه العدو
حضني بير ونشف مايه وانگطع منه الدفو

عالمغتسل لو تمر يمناك
ماريد تبجي هواي عيناك
بصواب ضلعي گلبك انصاب
مابيه يشيل اتراب ابو تراب

.................
وياك حيدر
اخذ ثوبي
بنتي فزت ياعلي وتريد حضني
عوف كلشي
حتى گبري
بنتي ماتعرف تنام اله اعله متني

سورة الكوثر يحيدر من تطب اقراها
انطيها ثوبي وخلها تنعى ياعلي وانخاها
عدها ونه لو تونها اتموت انت اوياها

زينب تضل ابيت الاحزان
لحد ماتفارگ كل الاخوان
گلبك بعد مايحمل اعتاب
مابيه يشيل اتراب ابو تراب
................

عباس حسن الحلفي

عليمن جاي تبجون
عليكم تعمه العيون
عليمن ؟؟

باجر تصبح داركم خليه
ويبجي الي ماباجي ابد عليه
راح امشي مااترك فقط وصيه
وموضوعي باجر ينكلب قضيه

عصروني خلف الباب
قد بانو لي اصحاب
وحقيقتُهم اغراب

عصروني ورا الباب وضرب طاحو عليه
تذكر ياعلي من جنت اضم وجهي ب اديه

ضلعي ياعلي يهون
كون انتم تسلمون
عليمن ؟

تتهامس الوادم عليكم باجر
يكولون عصروها ولا من ناصر
الله واكبر ياعلي شكد صابر
يسمع شماته من هذاك الكافر

انا من احرقتُ الدار
قالو بعض الاشرار
اوكان عليها خمار؟؟

مو طبره التكتلك ياعلي تكتلك شماته
علي ميت ولكن مظهر اخلافي حياته

عليه ما يحزنون
وبحزانك يشمتون
عليمن ؟؟

يمه حسن نزل ايدك امن اضلوعك
ويمي تكرب خل انشف ادموعك
بسم جعده باجر تنتجل ها يبني
وبغضا بحيدر يمه تطفى اشموعك

ماراعو بعدي امام
مالك ف الموت سلام
نعشُك يُرمى ب سهام

جبدك بالطشت يبني تذبه شهل مصيبه
واليسمع مصابك مايبطل من نحيبه

مواجه مايكدرون
غدر بيكم يغدرون
عليمن ؟؟

يحسين تبجي عليه جا والعاشر
وبسماري يمه ضلع واحد كاسر
يبني وضلوعك تنسحك بالحافر
عريان تبقى ابلا خيم لاناصر

ياولدي يا قربان
طفلُك يذبح عطشان
ويُطاف بِه بلدان

محسن والرضيع شكد تشابه بل قضيه
لكن طفلي ماكطعوله راسه وضل رميه

ابراسك من يذبحون
امنيتي تعمه العيون
عليمن ؟

فضه افزعتلي بيوم ذيج العصرة
وكلما اذكر زينب ابجي ابحسرة
طاحت امن التل واخنكتني العبرة
الماطكها راح ايطك اخوها ابصدرة

زينب مابين رجال
من لم يُرى منها خيال
ربطو يدها بحبال

الماشايف خيالج شافج وكلج سبيه
تمنيت انسبي وياج وعلي تنشد اديه

سبيه وبيها يمشون
ابمتنها اشكد يضربون
عليمن ؟؟

عباس حسن الحلفي

طاح وطاحت بالحيرة
طاح وماضلت غيرة
طاح وشافتها الديرة الما شايفها الجار

لو كيدو خدرنه ابسوك وانجر
تجي كل العشيرة تريد تثأر
بس زينب غصب بالشام تفتر
ويجرون الحبل وام عون تعثر

وين الموت الياخذني
وين اشرد من حزني
وين امشي بيا هيمه وانسى اعليها شصار

يوادم زينب اخذوها سبيه
وشافتها الخلگ وعيون آميه
ولبن الماله ابو راحت هديه
يريت المر عليها يمر عليه

ليش ضلت وحدها
ليش كافل ماعدها
ليش زينب مايمها اخوان ولا نغار

عزيزة بنيتي تلعب ويا الازغار
ولو اذاها واحد ليه تندار
بس عندي سؤال وبيه محتار
رقيه المن مشت من شبو النار

الشوك ماكل رجليها
الشوك حيل مأذيها
الشوك وين موديها وضاعت من النار

مثل فرت الرحة فرتها الايام
من افراك امها لطبت الشام
شافت كلشي بس ماشافت النوم
اخاف تشوف سوط ابنص الاحلام

الشام وين امويدها
الشام ابسوطة املاكيها
الشام خيرهم والله يشمر اعليها احجار