《朗屏縱火》

大家好，我地係Black Bloc
中電表面打住政治中立嘅旗號，實際上，中電一早已經佈局大灣區，同唔同嘅中資公司展開合作，其非執行主席更加揚言支持國安法嘅實施以達致香港嘅繁榮穩定。

因此，我地於7月1前夕，實行我地嘅計劃，但中電並唔係我地主要嘅目標，而我地嘅真正目的亦已經達到，恕未能奉告。

透過呢次行動，我地希望大家可以見證兩樣野。

第一，我地，只要未死，永不退場，作為香港民族嘅先驅，行動將會不斷升級，同時想大家知道，每個組織都必須擁有行動力。

第二，敵人並非堅不可摧，反之尤如骨牌，只要一塊冧咗，其他將會兵敗如山倒，儘管敵人已經壟斷媒體，有能力蒙騙大眾，但係仍然阻唔到我地既出現。

我亦在此呼籲 ，唔好再期望有人可以代你去抗爭，要諗下自己仲可以點樣為香港作戰，所有以香港民族自居嘅人，成為反抗既一份子 。

為光復之路鞠躬盡瘁
以矢名為新時代鋪路
星星之火 可以燎原

先烈之血，主義之花
義士英魂，無以為報
吾輩定當承先賢之志，續燃革命之火

《2021.6.12 錄音》

大家好，我係blackbloc嘅阿勇
兩年過去，好多人話：抗爭已死，有人話係因為疫情，有人話係因為國安法，抗爭行動一少，我地就好似進退失據，底線一而再再而三，因爲唔同原因後退，港共每行前一步，我地就退後一步。

限聚令嘅出現，香港人屌住接受，推行強制檢測，香港人屌住配合，甚至封區，香港人都只係屌政府飯盒難食。他日強制打針，電話卡實名制，政治審查一再變本加厲，好快我地就連屌，都冇得再屌。

作為同路人，我好明白，唔係唔想再堅持、唔係唔想再做嘢，而只係大家無咩機會可以喺街頭再聚。直到前幾日六四，我哋睇到香港人仲未放棄，雖然只係形式上嘅表態，但係我地唔再盲目認為國安法通過就係世界未日，唔再因為限聚令而怯懦。仍然有手足願意挺身而出，高呼「香港獨立，時代革命」

蘊釀咗一年有多，我哋聯合咗一班本土同海外嘅手足，以矢名為代號，身先士卒喺五月尾重燃咗第一個反抗嘅火頭，行動目的唔單止係增加港共管治成本，重要嘅係想喚醒番大家抗爭嘅信念，徹底衝破所謂法律嘅枷鎖，需知對獨裁者而言，我地嘅存在本身已經係犯罪。

港共以法律作為政治工具逼害香港人，好多同路人都承受緊唔合理嘅過長刑期，相信大家都有目共睹，大家同時要記得，納粹黨當日都係依法咁逼害猶太人，中共當年64都係依法咁殺害北京嘅市民同學生。

獨裁者嘅本質，就係要我地不經思考，盲目遵重權威，用唔公平嘅制度，不公義嘅法律條文黎奴役我地。

2019年，我哋喺街頭無名同行
2021年，我地同樣並肩

永不妥協，各位仍然堅持嘅海內外兄弟、手足，希望你哋可以揾返19年嘅初衷同勇氣
行出黎，用唔同形式嘅實際行動一齊對抗極權

用行動表態，立投名狀，成為矢名
星星之火，可以燎原

我係BlackBloc 嘅U仔
流亡異鄉咁耐，我成日都不斷諗，香港人應該點行下一步，其實唔同路線，唔同方向已經有好多有能力嘅社會賢達去講，去做。但係有個領域，我一路都擺唔低嘅，就係建一立支屬於香港民族嘅武裝組織。

有啲人可能會話，咩年代阿？仲講武力？而家全部都係玩經濟侵略，文化侵略。無可否認，其他路線有時可能比武力更有成本效益，但係我相信，721, 831受難市民，當時腦裡面諗嘅，係希望有批自己人出黎打走面前傷害佢地嘅敵人，畢竟你同土匪講法律，講道德，講文化係無意義，佢地聽得明嘅只有拳頭。

其實無論去到幾有錢，文化軟實力輪出有幾勁都好，權力最終都係體現喺，到底你可以動用到幾大程度嘅武裝力量。喺絕對嘅武力壓制下，人民嘅意願，道德良知，法治精神都係軟弱無力，因為所有制度，法規最終都係要由武力去執行，講白啲，大家驚嘅唔係超長嘅刑期，不公義嘅審訊，而係知道港共真係有能力捉你番去受刑，而賦予佢呢個能力嘅，就係港共嘅武裝組織，香港警察。從來，擋喺爭取自由民主道路上面最大嘅障礙，就係獨裁政權嘅武裝力量。

我明白而家優先要做嘅，係宣揚，團結同埋延續香港民族，但係長遠而言，建立武裝組織係必須要做。發展武力，唔係妄想中短期可以同港共中共武裝力量正面交鋒，而係為咗提高佢地鎮壓我地嘅成本，靠不斷拖延時間黎慢慢縮短敵我雙方差距，甚至可以喺某啲情況拎到甜頭，俾香港人知道，敵人其實唔係打唔贏，佢地都係有弱點嘅。

建立武裝力量，同獨立其實係相輔相成，如果你認同香港獨立係我地嘅唯一出路，咁就唔應該再停留喺討論利弊，討論可行性嘅層面，大家應該討論點樣建立，喺邊建立，甚至着手籌備建立。我相信現階段無人能夠俾到確實嘅時間表，路線圖出黎，成件事好似好虛咁，但係其實咁樣同我地追求民族自主可嘗唔係一樣呢？

最後我希望香港民族自由富足，所有流亡同胞他朝重歸故土

香港獨立，民族自強
光復香港，時代革命

鑑於近日黑群義工出現種種問題，有唔少人黎問我地與此事件是否相關，所以我地依家作出澄清

首先Blackbloc 與 黑群義工並無任何關係，只係名字相近。

而我地無一早澄清，有以下原因：

1. 本身我地嘅角色係前線抗爭者，就算早已流亡，仍然與黑群義工南轅北轍，以為大家能夠辨識。

2.唔想與該團隊繼續爭論個名依啲毫無意義嘅問題。

依度同大家講聲唔好意思，咁遲先黎澄清，希望大家唔好再誤會我地同騙徒有關連。最後，呃錢就唔好用BlackBloc依個名，影衰哂BlackBloc本來嘅意義。