(Лев Толстойнинг «Тирилиш» асаридан таъсирланиб ёзилган)

1. Теварак чанг босган кўзимда,
   Тўхтовсиз айланар ҳаётим.
   Нурафшон самовот юзида
   Соялар соладир ҳавотир.

Муҳаббат – илоҳий эҳтирос
Вужудим қаърида намоён.
Толеъим нақадар беқиёс – 
Жисмимни айламас ҳимоя.

Ўнгимда ўтмиш ва келажак,
Сочларим сочилар ҳар ёнга.
Панжара ортидан капалак
Талпиниб бормоқда осмонга. 

Покликка келтириб мадҳия
Янграйди дилинда маросим.
Чунки, у ҳаммадан бахтиёр – 
Кўксида озодлик ҳавоси.

1. Хаёлотга чўккан одамлар
   Ўтиб борар дунё ахтариб.
   Гоҳи томчи бўлиб, қадамлаб,
   Ёғилади нигоҳлар ғариб.

Бир ёнда халқ, бир ён – томоша,
Бир ёнда бахт, бир томон ғашлик.
Бир ёнда тахт – пойи кўзёши –
Аср оша(р) ҳар ён чалкашлик.

Жамилалик оғир мусибат
Термулса гар ғаразли ўйлар;
Жар солади оғир мусиқа
Соф, самимий севгини куйлаб…

Эй, муҳтарам ва олий жаноб!
Юзланмоққа ижозат этинг:
Чорламангиз нигоҳлар аро,
Ва умрбод мени унутинг…

2021

Саҳар. Майин сабо. Иссиқ нон иси,
Девори нураган торгина ҳовли.
Ўзига чорлайди болалик ҳисси,
Кўнгилда пинҳона ёшлик хаёли.

Истеҳзона кулиб ўтди соатлар,
Йиллар қафасида кўмилди ёшлик.
Мана, катта шаҳар, онамдан хатлар,
(Онамнинг кўзида кўрмадим шодлик).

2017

Ilk sheʼrlarimdan...

Гўзал ШАРИПОВА

@Feruzshoh_Nematullayev ??

Гўзал ШАРИПОBA

https://youtu.be/Bl1l-NEvCFA?si=NfbUDTNMF0VjFlhO

? Audiodrama
? Erkin A'zam
? "Anoyining jaydari olmasi"
? Hikoya
? 23,0 MB
⏰ Vaqti: 00:50:01
⏯ Qismlar: 1 ta

️? ️@audio_kitobxona

https://sunoai.ai/music/1984decb074c432488a8863e61ecfe2b