نعي عن لسان حال الكاظم ع -؛-؛؛-؛---_- ينادي ابن جعفر وين الاحباب اليه ردت تحضر الغياب يامن يخبر هلي الاطياب -؛-؛--- من السجن مهدوم حيلي اتمنه انه وليدي يجيلي يمد ايدي ويغمضلي عيني -؛-؛--؛-؛ الرضا اوليدي من يخبره بحالي يشيعه الصار واجره بالسجن خل وضعي…

هوسه للسيده زينب عليها السلام تطلب من الامام الحسن الحضور لقبرها

اون المجتبى والروح لهفانه

اجيتك للبيقيع وحيل تعبانه

خويه حوطو كبري الخوانه

واجيتك انتخيك تكوم ويانه

الهوسه

تنخيت اخوتي. كبري يحرسونه

والعدوان خافنهم يهدمونه

خدر زينب اختكم لا تعوفونه

نخيت حسين والعباس للعونه

هاي عصابتي لعباس مرهونه

يا يوم السبي خافن يعيدونه

((تحزم يالمسموم تحزم زينب كوم   تعناها))

أم زينب السعداوي

https://t.me/almosoy2

هوسات للسيده زينب عليها السلام

وكف عباس عاليمنه وشال الرايه بيمينه

وحسينج على الميسر لكبرج ما متيهينه

واجه الأكبر ووياه جسام وي مسلم محوطينه

(وراية عباس عليها شلون اطيح الكبه)

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
؛؛؛؛؛؛؛؛؛؛؛؛؛؛؛؛؛؛؛؛؛؛؛؛
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

زينب واكفه تصلي لمن راحت زلزوار

اشتمت ريحة الجنه هبت وسط صحن الدار

التفتت شافته حيدر اجاها والدمع مدرار

كلها بويه لا تحيرين. اجيت وبيدي ذو الفقار

((شحده اليوصل كبرج. ذو الفقار اليفنيها))

أم زينب السعداوي

https://t.me/almosoy2

هلت
علينه الزهره هذا اليوم هلت
وورود ازهرت والاقمار هلت
من الفرحه خديجه الدمع هلت
تنادي ياهلا ببنتي الزجيه

ام زينب السعداوي
https://t.me/almosoy2

وفاة ام البنين ع

جنازه تريد أهلها  خل يشيلوها
والربت ولد جاليش ماجوها

وين أولادها هليوم ناسيها
امهم على الكاع ومامشيعيها
خل عباس واخوانه التواريها
ليش جنازة امهم ما يدفنوها

جا ياهو الي يفزع للكمر عباس
خل يحضر يشيل الربته عالراس
تستاهل الحره يفزع النوماس
َما ينهض بسرعه وأمه يلفوهاا

من ماتت تصيح حسين اندبنك
ردتك تنزلني بالكبر بيدك
لحد الموت يبني ابقه اذكرنك
كون اعزازها رادت يشيعوهاا

ماعدها بنيه التبجي عليها
بس زينب وماتت من بواجيها
ياهي البالعزه تعدل تعازيها
كون احبابها الليل يجازوها

هاي ام البنين الماتت من الضيم
ماعدها اليواسيها بوكت  الهَم
ياهو العاش عمره كله متألم
مثلها ما مره صبرت وجازوها

ام زينب السعداوي /ناصريه
https://t.me/almosoy2

طور حزين لام البنين عليها السلام
تنعى اولادها وقت المنيه

ردتكم بس تجوني. . ييمه تودعوني
  حان الوداع.  حان الوداع

تحضروني ردت يولادي هليله
يجعفر نعشي على چتافك تشيله
يعبدالله يعون ترابي تهيله
يعباس انه اريدك
تنزل النعش بيدك
حان الوداع.   حان الوداع

انه يمكم يبعد الروح اطالبكم
تجون الليله يولادي ردت منكم
تشيلون النعش لومتت من يمكم
على نعشي تصيحون
ييمه وحيل تبجون
حان الوداع.   حان الوداع

ردتكم للكبر يولادي تدروني
تاليها بكبرتي وحدي عفتوني
اصيح بصوت يمه وما سمعتوني
عجب طول سفركم
عليه وانه امكم
حان الوداع.   حان الوداع

عيني ادور على احبابها الليله
وجفني مانشف والمدمع يسيله
على فراش المنيه روحي نحيله
ادير العين وحدي
واصيحن وين ولدي
حان الوداع.   حان الوداع

يعباس احضر وي اخوانك الليله
اريدنك تجي والمدمع تسيله
لو جتني المنيه ترابي تهيله
منو ايمدلي اديه
يسبع الغاضريه
حان الوداع.   حان الوداع

يشيلون الجنازه عندي كلت اولاد
كلت عباس يحضرني وابو السجاد
لچن كل الاعزاز الليله عني بعاد
ردتكم يالاطايب
تجون وي الكرايب
حان الوداع.   حان الوداع

ام زينب السعداوي

https://t.me/almosoy2

نعي للزهراء عليها السلام

شيوجعج يمه وتونين
فجعيتي كلبي لا تلوجين
انه حايره والدمعه بالعين

تلوجين وانه خايفه عليج
عن المنيه وين اوديج
وانه تراني معلمه عليج

انه اسايلج رديلي الاجواب
يالغاليه ويااغلى الاحباب
تعوفيني بهظمه شنهي الاسباب

فراكج كلف لامانحمله
عكبج تره نشوف النذله
نبجي عليج الليل كله

اليوم اصبحت مكسور كلبي
ومن الحزن ماشوف دربي
على دهري ييمه صار عتبي

لو رحتي جاياهو الييه
وياهو اليحط عينه عليه
فكدج كلف شيسوي بيه

على ايامي وياكم حنت الروح
اذكر زماني ويعتلي النوح
بكلبي تراني مسطره جروح

عنج بعد شتكول روحي
الفركه يم حسن زيدت نوحي
عليج اليوم كله صار نوحي

احاجيج بس ردي عليه
عندج بقت هاي البنيه
ماكلتي. بنيتي. خطيه
لو تدرين يمه شصار بيه

احنيت الظهر واجريت الدموع
كلبي على فكدج حيل مفجوع
احس ضلعي انكسر وي كسر الضلوع

شماله الوكت كلش دهاني
طگني على الهامه وعماني
اصرخ واون من غير اواني

عنت عليه ملاكة امي
ومن ضيم كلبي كبر همي
عليها يبعد الروح هظمي

ام زينب السعداوي

https://t.me/almosoy2

كل الناس تتباجه على مصابه
ناره بالكلب ياناس لهابه

يومك يهظم الدلال ويمرده

مفجوعين صعبه عليننه هالشده

احبابك نايحه والصبر يتعده

كلها مامصدكه صاير اغيابه

ام زينب السعداوي

صعب اغيابه والشيعه ياذيها

سيدها رحل والدمعه تجريها

ابن الزهره شال وعافه اراضيها

عليه مأتم الليله نصبت احبابه

✍️ام نور الزهراء الزينبيه

شهيد ولا نخاف اعليك سيدنه

رحت يم الأنصار وغبت من عدنه

نضحي أرواح للأسلام عاهدنه

وكل امريكه واسرائيل ما هابه

ام رافد العسكري

يومك يهظم الشيعه يقايدنه

خلصو بلقتل ياوسفه سادتنه

على الهامه بحزن خلوها لطمتنه

بگلبنه مثل جده صاير صوابه

✍? الحجيه ام علي

ياهيبه جنت يمخوف إسرائيل

بعد ياهو اليرده للعدو من يعيل

يالمخلي عدو الله يصيح الويل

كل شيعة علي هاليوم مرتابه

ام رافد العسكري

شايل يازعيم وبطل من يومه

نصرالله انفگد والناس مهدومه

مثلومه الديانه اليوم مثلومه

بلايه وداع عايفنه وغلگ بابه

زمــــ✍?ــن حاتم الربيعي

بلايه وداع عايفنه نون اليوم

ملجوم الكلب لمصابه هل مالوم

وعدوانه علينه بكل وكت اتحوم

اضهر يبو صالح طول غيابه

ام روكان الشمري

مجموعة شاعرات ناعيات الطف

https://t.me/almosoy2