Odamlar ikki xil bo'ladi: dardingni aytsang tushunadigan, aytmasang ham tushunadigan.

Ovut meni, ovutgil meni,
Yolg'on dil xunidan to'yganman, degil,
Sochlarim kuylagan barmoqlaring-la
Shodlikmi, baxtmidi suyganman, degil.

Ovut, zardoblari chayqalgan qalbim,
Ertaning haqqidan kechganman, deb ayt.
Ismim aytolmagan o'lim bo'g'zidan,
Haqorat zanjirin yechganman, deb ayt.

Men bu tun yetimman samoga, yerga,
Binafshalar kular bunchalar o'jar.
Hayqir, sevaman, de, toki, dunyoning,
Ko'zlari ko'r bo'lsin, quloqlari kar.

Ovut, og'ushingda to'lg'ongan daryo
Senga singib ketsin telba-yu dalli,
Mensiz ochilajak gullar kulgusin
Bir lahza his etib olay aqalli.

Ovut meni, ovutgil meni,
Tongacha ruhingda qilayin safar,
Shunday ovutgilki, yoshlarim kulsin,
G'amlarim kulsin,
Erta sensiz o'tguvchi damlarim kulsin,
Parvonasi kuygan sha'mlarim kulsin,
Ovut meni, ovutgil meni,
Bizniki de, faqat bizniki -
Jannatdan o'g'irlab olgan bu sahar.

Ovut meni, ovutgil meni...

Halima Ahmad

@chaqir_tikanak

"Oydin tunlar" da ham oltita tun bor edi, axir.

Hali kechilmagan kechuvday mubham,
Hali sho'ng'ilmagan ummonday sirli,
Hali yozilmagan she'rdayin bekam
Bir yo'lga tushardim, yaralar bitsa...

Najmiddin Ermatov

Birinchi Qor bilan?

**Izhorga loyiq vaqt vidoga ketdi,
Gadodan olganim gadoga ketdi,
Tan yerga ketdi, jon samoga ketdi,
Men sening yoningga keldim, sevgilim.

Ko'nglimiz Vomiqdir, Uzroga qochgay,
Shayximiz San'ondek tarsoga qochgay,
Xudoyim quvgan qul Xudoga qochgay,
Men sening yoningga keldim, Sevgilim!

Mansur Jumayev**

@chaqir_tikanak

Seni izlab to'rt taraf chopmoq azob,
O, faqat qalbdan Seni topmoq azob.

Usmon Azim

@chaqir_tikanak

Ҳа, осонликча эришилган нарсанинг қадри йўқ, сени ҳаммадан кўра кўпроқ ардоқлайдиган, тушунадиган одамларни ҳам...

Чанг босиб кетасан хотирларимда,
Кулгумла поклайман тасаввур ичра.
Ҳуркак нигоҳларим сийламоқ учун
Тўсатдан учра!

Атай ўйламайман истиҳолада,
Аммо, кўзларимга чизилган аксинг.
Ҳиргойи қиламан –
совуқ хонада
Қаҳва ифорининг буғланар рақси.

Мени ром этмайди кунларнинг бўйи
Дераза ортида чизилган сурат.
Бошимни елкангга жойлаган кўйи
оламда бир тасвир жонланиб юрар.

Сесканиб тўкилар шаффоф манзара,
Ҳаёни ер тизган кипригим чимдир.
Гўё,
Эски филмларнинг тасмаларидек
Ўйимни кузати-иб ўтирар кимдир.

Кимдирни уйғотган соғинч муҳташам,
Келар-у
дийдорга айлайди каманд.
Ва айтиб чиқаман эрталабгача
Кўзингда кўзимни кўрсатганга ҳамд!

Yo'lin yo'qotsa, odam muhabbatga suyangay,
G'ussaga botsa, odam muhabbatga suyangay...