Ուկրաինա-ՆԱՏՕ խորհուրդն արտակարգ նիստ է հրավիրել ռուսական «Օրեշնիկ» հիպերձայնային հրթիռի հարվածի հետ կապված

Կիևի պահանջով նոյեմբերի 26-ին Բրյուսելուն Ուկրաինա-ՆԱՏՕ խորհուրդն արտակարգ նիստ է հրավիրել, որի ընթացքում քննարկվելու են Դնեպրում Ուկրաինայի պաշտպանական-արդյունաբերության համալիրի դեմ ռուսական նոր հրթիռի հարվածի հետևանքները։ Այս մասին հայտնում է Agence France-Presse-ը՝ վկայակոչելով իր դիվանագիտական ​​աղբյուրներին։

Հիշեցնենք, որ երեկ՝ նոյեմբերի 21-ին, ՌԴ նախագահ Վլադիմիր Պուտինը հանդես էր եկել տեղաուղերձով, որում նշել էր, որ ի պատասխան ամերիկյան և բրիտանական հեռահար սպառազինությունների կիրառման, Ռուսաստանի զինված ուժերը միջին հեռահարության նորագույն «Օրեշնիկ» հիպերձայնային հրթիռներով հարվածել են Ուկրաինայի ռազմարդյունաբերական համալիրի օբյեկտներից մեկին։

Պենտագոնը հայտարարել է, որ Մոսկվան Վաշինգտոնին նախապես ծանուցել է առանց միջուկային մարտագլխիկի բալիստիկ հրթիռի արձակման մասին։

Ռուս-ուկրաինական հակամարտության հետ կապված ՄԱԿ-ը հանդես է եկել հրատապ կոչով

ՄԱԿ-ը ռուս-ուկրաինական հակամարտության կողմերին կոչ է անում շտապ քայլեր ձեռնարկել էսկալացիան կանխելու համար։ Այս մասին հայտարարել է ՄԱԿ գլխավոր քարտուղարի պաշտոնական ներկայացուցիչ Ստեֆան Դյուժարիկը։

«Կոչ ենք անում, որ կողմերը շտապ քայլեր ձեռնարկեն էսկալացիան կանխելու ուղղությամբ, հարվածներ չհասցնեն քաղաքացիական ենթակառուցվածքներին և կրիտիկական նշանակության օբյեկտներին»,- ասել է նա։

Հիշեցնենք, որ Ուկրաինան արևմտյան երկրների կողմից տրամադրված հեռահար հրթիռներով ու նրանց թույլտվությամբ հարվածներ է հասցրել Ռուսաստանի տարածքներին։

Այդ հարվածներից հետո ՌԴ նախագահ Վլադիմիր Պուտինը հանդես է եկել հատուկ ուղերձով, նշելով, որ Ռուսաստանը Արևմտյան երկրներին կհասցնի վճռական ու հայելային պատասխան։

Ում է բաժին հասնելու Նարեկ Զեյնալյանի պաշտոնը․ «Հրապարակ»

Նարեկ Զեյնալյանի՝ մանդատից հրաժարվելուց հետո թափուր է մնալու նաեւ նրա զբաղեցրած ԱԺ առողջապահության մշտական հանձնաժողովի նախագահի պաշտոնը։ Չնայած Զեյնալյանի հրաժարականի դիմումը դեռ չի հաստատվելնա 15 օրում կարող է այն հետ վերցնել, սակայն այս օրերին ՔՊ\-ում արդեն բուռն քննարկումներ են ընթանում, թե ում է բաժին հասնելու այդ բաղձալի պաշտոնը ծառայողական մեքենայով, աշխատավարձի հավելումով հանդերձ։ ՔՊ-ում կատակում են, որ հանուն արդարության Փաշինյանն այդ պաշտոնում պետք է նշանակի Լուսինե Բադալյանին՝ Լուլուին, որը նույն հանձնաժողովի նախագահի տեղակալն է եւ ամենածանրն է տանում Զեյնալյանի հեռանալը, անգամ լուրեր էին պտտվում, թե կարող է մանդատը դնել։ Բայց դա անհավանական է, քանի որ նախկին հաղորդավարն այժմ բացառիկ շանս ունի՝ ԱԺ հանձնաժողովի նախագահ դառնալու կամ ինչ-որ ժամանակ այդ պարտականությունները կատարելու։

Ըստ ԱԺ կանոնակարգ օրենքի․ «Մշտական հանձնաժողովի նախագահի բացակայության կամ պաշտոնը թափուր լինելու դեպքում նրան փոխարինում է տեղակալը, իսկ դրա անհնարինության դեպքում՝ հանձնաժողովի կողմից որոշված անդամը»։ Հիշեցնենք, որ այս հանձնաժողովում ՔՊ-ական «սաստավը», կարելի է ասել, ամենաանորակն է, կազմում են Լուլուն, Փաշինյանի աներձագ Հրաչ Հակոբյանը, Էմմա Պալյանը եւ բարձրագույնի դիպլոմ չունեցող, նախկին բուժքույր Հռիփսիմե Հունանյանը։ Իհարկե, օրենքը չի պարտադրում, որ հենց կազմից պետք է նախագահը լինի։

Աբխազիայի նախագահ Ասլան Բժանիան հրաժարական է ներկայացրել, հայտնում են տեղական լրատվամիջոցները

Կառավարության շենքի դիմացի կանգառը ապամոնտաժել են

Մարդիկ տրանսպորտ նստելու համար ստիպված են լինելու շատ երկար քայլել, մինչև հասնեն առաջիկա կանգառ

ԱԱԾ-ն պետք է երեկ Փաշինյանին ձերբակալեր՝ հռչակագրի մասին իր հակապետական հայտարարության համար

Երեկ Ազգային ժողովում Նիկոլ Փաշինյանն Անկախության հռչակագրի մասին հակապետական հայտարարություն արեց, որին պետք է հաջորդեր դատախազության, ԱԱԾ-ի միջնորդությունը՝ ձերբակալելու նրան։ Անկախության հռչակագիրը Հայաստանի 3-րդ Հանրապետության ծննդականն է, նրա ասածը դավաճանություն է մեր պետական շահերի նկատմամբ։ Այս մասին 24News-ին տված հարցազրույցում ասաց ԱԺ «Հայաստան» խմբակցության պատգամավոր Լիլիթ Գալստյանը։

Մանրամասները՝ տեսանյութում։

https://www.youtube.com/watch?v=hlPcv0ZyXOo

Առաջիկա ամիսներին Եվրոպական հանձնաժողովը ՀՀ-ին կներկայացնի վիզաների ազատականացման ծրագիրը

Առաջիկա ամիսներին Եվրոպական հանձնաժողովը Հայաստանի Հանրապետությանը կներկայացնի վիզաների ազատականացման գործողությունների ծրագիրը։ Այս մասին ասել է ՆԳՆ միգրացիայի և քաղաքացիության ծառայույթյան պետ Արմեն Ղազարյանը՝ անդրադառնալով ՀՀ-ԵՄ մուտքի արտոնագրերի ազատականացման մեկնարկի գործընթացին։

«Մինչ այդ ԵՄ-ն այդ փաստաթղթից ներկայացրել է 8 երկրի, որոնց հետ տարվել են բանակցություններ, և ազատակացվել է վիզային ռեժիմը։ Գործողությունների ծրագրերը հիմնականում բաղկացած են չորս հիմնական ուղղություններից՝ տվյալների պաշտպանության, այդ թվում՝ կենսաչափական տվյալների պաշտպանություն և փաստաթղթերի անվտանգություն, միգրացիայի կառավարում և ապաստան, սահմանների կառավարում, հանրային անվտանգություն և հանցավորության դեմ պայքար, հիմնարար ազատություններ և արտաքին չափումներ»,- ասել է Ղազարյանը:

Ջրառատ գյուղի տներից մեկում խոշոր հրդեհ է տեղի ունեցել, որի հետևանքով փրկարարները տանը հայտնաբերել են 1953 թվականի ծնված քաղաքացու դին։ Հայտարարվել է հրդեհի բարդության «Թիվ 3» աստիճան․ դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից ևս երկու մարտական հաշվարկ և Փրկարարական ուժերի վարչության հրդեհաշիջման և փրկարարական աշխատանքների կազմակերպման բաժնի հերթապահ խումբը:

Նոր Խարբերդում սպանել են 17-ամյա երիտասարդին

Երեկ՝ նոյեմբերի 8-ին, սպանություն է տեղի ունեցել Արարատի մարզում։ Տեղեկություններ են ստացվել, որ Նոր Խարբերդ 6-րդ փողոցում վիճաբանություն, ծեծկռտուք և դանակահարություն է տեղի ունցել, որի հետևանքով 1 հոգի տեղափոխվել է «Մասիս» բժշկական կենտրոն, որտեզ գիտակցության չգալով մահացել է։ Այս մասին գրում է Shamshyan.com-ը։

Ոստիկանները պարզել են, որ մահացածը Արարատի մարզի Նոր Խարբերդի բնակիչ 17-ամյա Դավիթ Տ․-ն է։

Ոստիկաններն ու քննիչները պարզել են նաև, որ ժամը 22։00-ի սահմաններում Նոր Խարբերդ գյուղի 4-րդ և 5-րդ փողոցների հատման վայրում՝ գերեզմանոցների մոտ, վիճաբանություն և ծեծկռտուք է տեղի ունեցել մի կողմից մահացած Դավիթ Պ․-ի, վերջինս ընկեր, Արարատի մարզի բնակիչ 16-ամյա Գոռ Գ․-ի, իսկ մյուս կողմից Երևանի բնակիչ 22-ամյա Հարություն Ա․-ի, Արարատի մարզի բնակիչներ 28-ամյա Գևորգ Բ․-ի, 25-ամյա Արմեն Բ․-ի և 21-ամյա Աշոտ Գ․-ի հետ, որի ընթացքում էլ Դավիթ Տ․-ն ստացել է կյանքի հետ անհամատեղելի մարմնական վնասվածք և ծայրահեղ ծանր վիճակում տեղափոխվել է «Մասիս» բժշկական կենտրոն։

ԱՄՆ-ն ի՞նչ նոր զինատեսակներ է փոխանցելու Ուկրաինային

ԱՄՆ-ն Ուկրաինային 425 մլն դոլարի ռազմական օգնության նոր փաթեթ է հատկացրել։ Այս մասին հայտարարել է երկրի պաշտպանության նախարարությունը:

Ինչպես նշում Է Պենտագոնը, այդ հատկացումն արդեն 69-րդն է 2021 թվականի օգոստոսից ի վեր։ Օգնության նոր փաթեթի շրջանակներում Ուկրաինան լրացուցիչ հնարավորություններ կստանա անվտանգության և պաշտպանության ոլորտում առավել սուր կարիքները բավարարելու համար, ներառյալ օդային սպառնալիքների որսման համակարգերը, հրթիռային և հրետանային համակարգերի համար զինամթերքը, զրահապատ մեքենաները և հակատանկային զենքերը:

Մասնավորապես, փաթեթը ներառում է զինամթերք զենիթահրթիռային համալիրների համար, Stinger հրթիռներ, անօդաչու համակարգերին հակազդելու համար սարքավորումներ և զինամթերք, ավիացիոն զինամթերք, 155 մմ և 105 մմ տրամաչափի հրետանային արկեր և մի շարք այլ սպառազինություններ:

Մանրամասները՝ տեսանյութում։