سوال: ہندؤں کو دیوالی کی مبارک باد  دینی چاہیے یا نہیں؟ نیز یہ بھی راہ نمائی فرما دیں کہ ان کی طرف سے دیوالی کی خوشی میں بھیجی گئی مٹھائی کھانا جائز ہے یا نہیں؟ جواب: کسی مسلمان کے لیے ہندؤوں کی ہولی، دیوالی یا ان کے کسی اور مذہبی تہوار کے موقع پر اس کی مبارک…

١/٢
مولانا مودودی کے بارے میں اکابرین کی رائے

سوال:
مولانا مودودی کی تفسیر تفہیم القرآن کے پہلےایڈیشن اور آج کے ایڈیشن میں واضح فرق نظر آرہا ہے، کیا مولانا مودودی کے نظریات شرعی لحاظ سے درست تھے یا نہیں؟

جواب:
ہمارے اکابر نے مولانا مودودی صاحب کو راہِ حق سے ہٹا ہوا اور اسلاف سے خلاف رائے رکھنے والاشخص قرار دیا ہے؛ کیوں کہ موصوف کی عبارات اور تحریرات میں جابجا انبیاءِ کرام علیہم الصلاۃ والسلام، صحابہ کرام رضوان اللہ تعالی عنہم اجمعین پر تنقید کی گئی ہے، مولانا مودودی سے متعلق ہمارے اکابرین کی رائے مندرجہ ذیل ہے:

سابق مفتی اعظم پاکستان حضرت مولانا مفتی ولی حسن ٹونکی صاحب رحمہ اللہ ایک سوال کے جواب میں تحریر فرماتے ہیں:

"مودودی لوگ اگر مودودی صاحب کے اَفکار و خیالات سے اس طرح متفق ہیں کہ تصوف جو کہ تزکیہ و اِحسان کا دوسرا نام ہے، اس کے منکر ہیں، انبیاءِ کرام علیہم السلام مثلًا: حضرت داؤد و حضرت یونس علیہما السلام، اسی طرح سنتِ رسول (علی صاحبہا الصلاۃ و السلام) اور صحابہ کرام رضی اللہ عنہم کے حق میں اَدب کا انداز نہیں ہے، بلکہ العیاذ باللہ تنقید کا انداز ہے، علاوہ ازیں علماءِ امت حضرات علماءِ دیوبند جو اپنے زمانہ میں چراغِ ہدایت تھے اور اب بھی ان کی تعلیمات مینارۂ نور ہیں، کے بارے میں تنقیص کا انداز ہے، اس کے علاوہ ائمہ مجتہدین میں سے کسی امام کی تقلید نہیں ہے، اس لیے فقہی انتشار ہے، جس کے نقصانات ظاہر ہیں، اتباعِ ہویٰ جس کا نتیجہ ظاہر ہے، اس مودودیوں کو گم راہ ہی کہا جاسکتا ہے۔ مذکورہ بالا خیالات والے شخص کو مستقل امام نہیں بنانا چاہیے۔ فقط واللہ اعلم

کتبہ: ولی حسن ٹونکی، بتاریخ: 2/2/ 1404 "

دوسرے سوال کے جواب میں تحریر فرماتے ہیں:

"مودودی صاحب کی مندرجہ بالا تفسیر غلط ہے، انبیاءِ کرام علیہم السلام معصوم ہیں، اللہ تعالیٰ اپنے خاص بندوں پر بھی کہیں عتاب کا معاملہ کرتے ہیں، لیکن ہم پر فرض ہے کہ ان خاصانِ خدا اور انبیاءِ کرام علیہم السلام کا ادب و احترام اور ان کی نبوت و رسالت پر ایمان سے سرشار رہیں، ان حضرات کی جناب میں گستاخی اور توہین انسان کو ایمان جیسی نعمت سے محروم کردیتی ہے۔ فقط واللہ اعلم

کتبہ: ولی حسن ٹونکی، بتاریخ: 12/ 1/ 1402 "

مفتی احمد الرحمٰن صاحب رحمہ اللہ ایک سوال کے جواب میں تحریر فرماتے ہیں:

"مولانا مودودی پر علماء نے کفر کا فتویٰ نہیں لگایا، البتہ ان کی تحریر میں بے شمار ایسی گم راہ کن باتیں پائی جاتی ہیں جو سراسر اسلام کے خلاف ہیں، اور علماءِ فن نے اس کی گرفت کی ہے، اور علماء پر یہ ذمہ داری عائد ہوتی ہے کہ مودودی کی گم راہیوں سے عامۃ المسلمین کو آگاہ کریں۔ فقط واللہ اعلم

کتبہ: احمد الرحمٰن غفرلہ"

ایک اور سوال کے جواب میں تحریر فرماتے ہیں:

"مودودی صاحب کی تحریروں اور کتابوں میں بے شمار باتیں اہلِ حق کے مسلک کے خلاف موجود ہیں، مثلًا: انہوں نے عصمتِ انبیاء کو مجروح کیا، صحابہ کرام کی شان میں بے ادبی اور گستاخی کی، ان کی طرف ایسی غلط باتیں منسوب کیں جن سے ان کا دامن پاک ہے، اور ایسے الزامات عائد کیے ہیں جن کو معمولی درجہ کا انسان بھی برداشت نہیں کرسکتا، یہی وجہ ہے کہ اس قسم کی بے شمار تحریروں کی وجہ سے علماءِ کرام نے مودودی صاحب کو گم راہ قرار دیا ہے، اور تحریر و تقریر میں عوام الناس کو اس فتنے سے آگاہ کیا "فقط واللہ اعلم

کتبہ: احمد الرحمٰن غفرلہ، بتاریخ: 5/ 20/ 1390

مفتی محمد عبدالسلام چاٹگامی صاحب دامت برکاتہم العالیہ ایک سوال کے جواب میں تحریر فرماتے ہیں:

"واضح رہے کہ مولانا مودودی صاحب نے انبیاءِ کرام علیہم السلام کی عصمت پر جو حملہ کیا ہے اور صحابہ کرام علیہم الرضوان کی عدالت پر جو زہر افشانیاں کی ہیں، ان کی وجہ سے مودودی صاحب راہِ حق اور امتِ مسلمہ کے متفقہ مذاہب سے ہٹے ہوئے، گم راہی کی راہ پر گامزن تھے، اس لیے اکابر اور محققین علماء نے ان پر گم راہ ہونے کا فتویٰ تو دیا ہے، مگر کفر کا فتویٰ کسی نے نہیں دیا، لہٰذا اس وقت جو ان کے پیروکار ہیں، ان کا بھی یہی حکم ہے، الا یہ کہ وہ مودودی صاحب کے گم راہ کن خیالات سے توبہ کرلیں۔"

کتبہ: محمد عبدالسلام عفا اللہ عنہ ، بتاریخ: 29/ 4/ 1403

مزید مطالعہ کے لیے حجۃ الاسلام مولانا حسین احمد مدنی رحمہ اللہ (المتوفی: 1957ء) کی تحریر وکتاب "مودودی دستور وعقائد کی حقیقت" کا مطالعہ کیا جاسکتا ہے...

(جاری ہے)

https://t.me/Ahledil

مودودی صاحب کے عقائد اور ان کا حکم سوال: مودودی کے عقائد کیا تھے اور کیا ان کا عقیدہ انہیں کفر تک پہنچا دیتا ہے؟ جواب: تکفیرِ مسلم کا مسئلہ بہت اہم اور نازک ہے، حضرت امام اعظم رحمہ اللہ کا قول ہے کہ: اگر کسی کے قول میں ۹۹/ احتمالات کفر کے پائے جائیں اور…