ГАЯЗ ИСХАКЫЙ МИРАСЫН ӨЙРӘНҮ ҺӘМ ТАТАР ТЕЛЕН ҮСТЕРҮ ҮЗӘГЕНЕҢ РӘСМИ БЕЛДЕРҮЕ

Хөрмәтле милләттәшләр, дуслар, фикердәшләр!

Бүген, 23 февраль, татар милли лидеры, бөек фикер иясе Гаяз Исхакый туган көндә, без Гаяз Исхакый мирасын өйрәнү һәм татар телен үстерү үзәгенең публика эшчәнлеген башлап җибәрүен рәсми рәвештә игълан итәбез.

Телеграм-каналыбыз – үзәкнең рәсми мәгълүмат чыганагы булачак, без монда татар милләте өчен мөһим яңалыклар, тикшеренүләр, инициативалар һәм уртак проектлар белән бүлешәчәкбез.

Исхакый Үзәге 2018 елда ук оештырылган булса да, бүгенгә кадәр ул җәмәгатьчелеккә билгеле түгел иде. Ләкин хәзер ачык эшчәнлек башлау вакыты җитте.

ҮЗӘКНЕҢ МАКСАТЛАРЫ:
📌 Гаяз Исхакый мирасын халыкка кайтару, аның фикерләрен популярлаштыру.
📌 Татар телен саклау һәм үстерү, җәмгыятьтә аның ролен ныгыту.
📌 Татар халкы өчен мөһим милли инициативаларны яклау һәм үстерү.
📌 Татарларның милли үзаңын күтәрүгә ярдәм итү.
📌 Татар халкының хокукларын һәм законлы мәнфәгатьләрен яклау.

ҮЗӘКНЕ КЕМ ҖИТӘКЛИ?
Исхакый Үзәге президенты – татар милли хәрәкәте лидерларының берсе, журналист һәм җәмәгать эшлеклесе Наил Нәбиуллин.

Кушылыгыз!
Без сезне Телеграм-каналыбызда каршы алырга шат. Язылыгыз, яңалыкларны күзәтеп барыгыз, безнең эшчәнлектә катнашыгыз, Исхакый Үзәгенә кушылыгыз!

Бары тик бердәм булганда гына без татар халкы, аның теле, мәдәнияте һәм киләчәге өчен зур уңышларга ирешә алачакбыз!

Алга, татар милләте!

Бик көчле шигырь. укыгыз әле.

Кайтмадылар...

Төрекләрнең атасы бар. Безнең
Кайталмады шул ул халкына.
Ата сатучылар аз булмады
Ватан таккан мәсләк хакына.

Мәсләкләре өчен аталарны
Диварларга терәп аттылар,
Гулакларга ябып череттеләр,
"Дошман" исемнәре тактылар...

"Ата" берәү иде һәм ул ата
Кызганмады һичбер баласын,
Милләт аталары себер китте,
Җәсәд итте себер даласын.

Үксез милләт балалары ул чор
Күп кимерде кыен күсәген,
Ятимләнгән саен милләтемнең
Түбәнәя торды түшәме...

Баш хакына милләт аталары
Котылдылар качып чит җиргә.
Өмет белән гомер сөрде алар
"Бер кайтырбыз"диеп "хөр илгә".

"Хөр ватанга кайтам" диеп алар
Җан аттылар, акыл куйдылар.
Максатларның хакы кыйммәт иде,
Туганнарын, нәселен җуйдылар.

Кайтмадылар... Кендек каны тамган
Туфрак җәсәдләрен күммәде.
Милләт кенә түгел, ятим калды
Милләт атасының теләге.

...Ата сүзе кайтты чорлар аша
Бер амәнәт булып ватанга:
Милләт рухы булган аталарны
Кайтарырга вакыт татарга!

Фәнил Гыйләҗев

#ГаязИсхакый150

isxaki.com

Хөрмәтле милләттәшләр!

2025 елның 23 февралендә, 13:00 сәгатьтә, Казанның тарихи "Күл буе" (Апанай) мәдрәсәсендә бөек мәгърифәтче, милләт юлбашчысы
Гаяз Исхакыйга багышланган күргәзмә ачыла!

Бу күргәзмәдә сез Гаяз Исхакыйның тормыш юлы, көрәш юнәлешләре һәм мирасы белән таныша аласыз. Милли рухны күтәрүче бу чарада Гаяз Исхакый исемендәге эксклюзив картон стаканнарның тәкъдим ителеше дә узачак!

✨ Чара кысаларында:
✔️ Милли мирасыбызны чагылдырган уникаль экспозиция
✔️ Гаяз Исхакыйга багышланган презентация
✔️ Йөрәкләргә җылылык өстәүче кайнар чәй һәм мини-фуршет
✔️ Татар дөньясын берләштерүче аралашу мизгелләре

Күргәзмә 2025 елның 1 сентябренә кадәр дәвам итәчәк.
🕰 Эш вакыты: сишәмбе, җомга – 13:00-17:00
📍 Адрес: Казан шәһәре, Шиһабетдин Мәрҗани урамы, 28 йорт

Татарның бөек шәхесен искә алу һәм милли рухны яңарту өчен сезне күргәзмә ачылышында көтеп калабыз!
Килегез, тарихыбызны барлыйк, киләчәгебезне бергә төзик! ✨

https://www.youtube.com/watch?v=OivXCYltf9Y

Телеграмны Татарча кулланыгыз!
Моның өчен сылтама буенча гына күчү кирәк!

Используйте телеграм на татарском языке. Нужно лишь перейти по ссылке:
https://t.me/setlanguage/tatar

"Безнең халык элеккеге гасырларда гына зур халык булып, хәзер банкрот булган милләт түгел. Без – һаман шул ук Чыңгызлар, шул ук Тимурлар, шул ук Олуг Мөхәммәдләрнең угыллары, шул ук Сөембикәләрнең кызлары. Нинди авырлык эчендә ниләр кылдык дип, дуст-дошман арасында күкрәген киермәкче була. Бу теләк – хәзерге көндә һәммә милләтчебезнең гомуми теләгедер. Ләкин теләкнең гәүдәләнеп җитеп бер милли барлык булып чыгуы гына каладыр. " - Гаяз Исхакый

СЪЕЗДЛАР АЛДЫНДА

Бу көнге номер гəзитəмездə бердəн ике съездның игъланы басыладыр1. Берсе – Бөтенрусия мөселманнарының съезды, икенчесе – мөгаллим, мөгаллимəлəр съезды. Боларның икесе дə – безнең мəдəни, сəяси тормышымызда бик зур урын тоткан ике бүлегемезнең съездларыдыр. Боларның икесенең дə иткəн мөзакəрəлəре2 бөтен Русия мөселманнары өчен фəүкылгадə3 əһəмиятледер. Боларның икесенең дə чыгарган карарлары Русия мөселманнарының хəятларына, бөтен тамырларына кадəр тəэсир итəчəк карарлардыр. Шуның өчен бу ике съездга да зур дикъкать белəн хəзерлəнү, зур көч белəн кушылу – əһле булган һəр мөслим, мөслимəнең бурычыдыр, вазифасыдыр.

Иң əүвəл мөслимəлəр съездын алыйк: моның никадəр зур икəнен, бу съездның никадəр əһəмиятле икəнен сөйлəп торасы бармы? Бар шул. Бу никадəр бəдиһи1 булса да, сөйлəп торасы бар шул. Һəркемгə мəгълүм: безнең төрек-татар хатыны һичбер вакыт изелеп, кол булып тормаган. Безнең бабайларымыз, Урал елгасын үтеп, атларын йөздереп, Иделне кичеп, Аурупага аяк басканда, Аурупадагы бөтен халыкларга үзлəренең баһадирлыкларын танытканда, алар белəн бергə безнең əбилəремез дə бар иде. Безнең батыр бабаларымызның янында, бер адым калмаенча, алар да хəрəкəт итəлəр иде. Карпат таулары йомры тояклы төрек атының аяк астында тапталганда, Балкан таулары төрек угланнарының сукмаклары белəн бизəклəнгəндə, саф башында безнең хатыннарымыз, кызларымыз да бергə иде. Искиткеч баһадирлык белəн үзенең флагын күтəрер өчен никадəр тырышса да, рус гаскəре аяк эзен күрмəгəн Маҗарстанда төрек байрагы җилбердəгəндə, төрек-татар хатыны ире, угылы белəн бергə иде.

Русиянең бөтен вилаятьлəрен татар гаскəре билəгəн чагында, Русиянең бөтен əтрафында татар кануны хөкемен йөреткəндə, татар-төрек хатыны ире белəн бергə иде.
мәкаләнең дәвамын сайтыбыздан укый аласыз:
https://isxaki.com/2022/11/24/syezd_arasinda/

Янмасада кульязмалар,
Җирдә сәләт ятмасада
Бик озакка югалдыгыз,
Халык кояшы батмасада..

Сәбәпләрен аңлау кыен
Башлап йөрәк ярасыннан
Чын дөреслек өскә чыгар,
Күп фикерләр арасыннан.

Тук яшәгән ваемсызлар,
Аңлый алмас хәлегезне
Вак хөкемәт сакчылары,
Таптасада тәнегезне.

Туры сүзнең җәберләре,
Бик аяныч тойгы, беләм!
Туган илне югалтуны,
Тиңләр идем кайгы белән.

Иң мөһиме Сез кайттыгыз,
Күп шикләрне таратырга
Җан өретер әсәрләрдә,
Халык өчен җан атырга.

Остазбикә, Зөләйхагыз,
Телдән-телгә яшәрәләр
Ул Сөннәтче Бабайны да
Укып күзләр яшьләнәләр.

Мин аларны барлаганда,
Күңелемдә кыллар үрәм
Сәер сәләтләр артыннан,
Сезне бөек итеп күрәм.

Рөстәм Сафин.

Гаяз Исхакый турында шигырьләр сайтыбызда җыелган.
https://isxaki.com/2020/08/27/гаяз-исхакыйга/