Шу олимани яхшилаб таниб олинглар! Тез орада Ўзбекистонга бориб, талабаларни Ҳонгконг университетларида ўқишга чорламоқчи.

Бугун инглиз тилида биринчи шеъримни ёздим. Ва узоқ йиғиларимни Сенга бағишладим, Аллоҳим!
Бу мумкинмиди? Ҳатто орзу ҳам қилиб бўлмасдику икки - уч йил аввал. “ Бу тилни ўрганишга менинг умрим етмайди” демаганмидим фарзандларимнинг инглиз тили устозига. Ҳақиқатдан бугун мен учун тарихий кун бўлди. Ва бу кунга келишимга сабабчи инсон бугун Ҳонгконгда!
“ Опа, Сизга ишонаман, сиз эплайсиз”, деган эдилар, Аъзамжон.
Не чоғли эпладим, ҳали билмайман.
Аммо, билганим, шеър ёзаётганимда, шу тилда йиғлаётган эдим…

14.03.2024 йил.

Биламан, чет элга саёҳат қилишни ҳамма ёқтиради. Сиз ҳам Аъзам Обидовнинг Mitti Koʻprik каналини кузатинг ва орзуларингизга шу канал қанот бўлса ажаб эмас….

Хосият Рустамова

@xosiyat_rustamova

Бу ердаги дунёга машҳур, бой - бадавлат фирма ё компанияга тегишли на бирор савдо дўкони, на бирор халқнинг миллий тамадихонаси, на бирор иш офиси шу китоб дўконидан катта эмас. Атайлаб бу масканга шунчалар кенг- мўл жой ажратишган. Чунки, бу ерда бошқа нарсаларга қараганда китобга эҳтиёж кучли. Йўқса, бунинг ўрнини аллақачон чойхонами, майхонами, бир нарса эгалларди.
Бошқа жойга қараганда ҳам, бош адоғи кўз илғамас шу савдо мажмуида одам гавжум. Ўзгача руҳий хотиржамлик, ақл, тафаккур кучини ҳис қиласиз. Дунёни асраб қолиш, одамга одамийликни қайтариш учун илоҳий бир сир ёки нур таралаётгандай бўлади. Бу дунё ҳам, одамзот ҳам ўз бошига ўзи етмасин, урушу жанжаллар заминни тавбасига тўйдирмаслиги учун бундай ёруғ масканларнинг борлиги яхши. Демак, одамзотнинг руҳи ҳали ўлмаган. Дунё "емакхона"дан иборат эмас,
Жаҳоннинг барча зўр адибларини китоблари шу ерда. Шунинг учун ҳам бу масканда дунёнинг турли миллатига мансуб кишиларни учратасиз. Ҳа, шунинг учун ҳам Каула - Лумпур шаҳри ўзининг энг яхши, кўримли, гўзал, ифтихор саналган қисми - “Эгизак"лар бағридан китобга, адабиётга жой ажратган. Демак, китоблар бор жойда, жаҳоннинг яхши одамлари бирлашади.
Ўқиётган, фикрлаётган миллатни эса енгиб бўлмайди.

23.11.2023. Малайзия

Фақат … фақат, сен бизга, манови ортимиздан келаётган қардошларимизга:
“Мен ўлмаганман!”,-- деб айт!
"Ўлмаганман! ”, -- де!

1.10.2023 йил.