Major Minds Meet Event
قائمة الوصول السريع :
1- المدرسة العليا للإعلام الالى.
2-المدرسة الوطنية المتعددة تقنيات.
3-المدرسة الوطنية العليا للأنظمة المستقلة.
4-معهد الهندسة الكهربائية و الإلكترونيك ببومرداس.
5-المدرسة الوطنية العليا للذكاء الإصطناعي.
6-المدرسة العليا للرياضيات مع eureka.
7-المدرسة الوطنية العليا لتكنولوجيا النانو.
8-إعلام الي نظام LMD .
9-المدرسة العليا للرياضيات .
10-المدرسة الوطنية العليا للتكنولوجيات المتقدمة**.

اضغط على الأسم و ستنتقل الى الصوتية.
أنصحكم بقراءة الرسالة الصغيرة الموجودة فوق كل صوتية.
الصوتيات ربما تكون طويلة لكن كل ثانية بلا شك لها قيمة كبيرة خاصة للمتحصلين على الباكالوريا وعليهم تحديد مسار حياتهم القادم فهذه فترة حساسة جدا.**

سلام سلام
ان شاء الله تكونو بخير كامل ??
علابالي ما بقاش للباك بزاف
ذي درتها العام لي فات
و فيها روابط بزاف ملاح اذا درتو يومين فالانجليزية بجدية رح تتمكنوا منها
تقدرو فقط تشوفو (المصفوفة الشاملة)
https://drive.google.com/file/d/1D0EtoHe01l2ZF6MDBe_41i5mg6W-1nqB/view

المهم لي خصاتو حاجة و لا يسقسي عادي
علابالي راني غايبة مي حازم أكيد راه متهلي فيكم
بالتوفيق ?

طريقة دراسة الانجليزية للوقت المتبقي و لعلامة ممتازة بإذن الله:
لازم تعرفوا الانجليزية مقسمة لثلاثة أقسام
1دراسة النص و الفهم
2القراما
3الفقرة
أولا أسئلة النص:
ذا يتعلق بزاف بفهم النص لازم تكون فاهم النص باش تخيروا هو و ذا هو العامل لي يخليك تخير السيجي✅️
باش تعرفوا تخيروا لازم يكون عندك باقاج مليح نتع كلمات و تكتاسبوه عن طريق حل كمية مليحة من السيجيات (بكالوريا الانجليزية) حاليا حلو باليوتيوب شغل ديرو مثلا حل باك2019 و الفيديو لي يخرجلكم ادخلو فيه و البروف رح يشرح الكلمات و نت تديهم و جرب تشدوهم و ديما هاكا و مبعد جربو تحلو وحدكم
و قبل هاكا جيبو تجميعية كلمات لكل وحدة و ابقاو تقراو فيهم شحال من مرة باش تشدوهم
(جيبوهم من كتاب الأستاذ ناصر منصوري)
كملنا مع النص نروحو للجزء الثاني

ثانيا القواعد:
تقراوهم فالقسم أولا و يلا ما شديتوهمش بيا تروحو لليوتيوب الأستاذ لي عجبكم تقراو معاه شخصيا يعجبني منصوري و منصوري هم الفور✅️
الدروس كامل تلقاهم هنايا (المصفوفة الشاملة لكل الدروس) مع تطبيقات و الله ذي لقيتها بعد الباك بلو و فادتني بزاااااف و الله هايلة هااايلة???

ثالثا الفقرة:
أولا و الحاجة لي تفرق و عليهم زوج نقاطي شكل الفقرة لازم تفرقوا بين

Essay
Paragraph
و غيرهم صاحبتي خدمت كلش برفكت كيما انا بالصح شكل البرقراف خطأ نحاولها زوج دات 17.5 و انا 19.5 تلقاوهم فاليوتيوب حاطينهم كامل الأساتذة و شوفوهم عند منصوري كالعادة و تلقاهم في كتابو
صينو ليكم هاذي فيها كلش و مام من كتاب منصوري (كيفية انشاء فقرة+أمثلة لفقرات)
الفقرة ننصحكم تختاروا الأولى بيسك يمدولكم مساعدات انا كتبت بيهم مي درت تعابير ملاح و عرفت نوضفهم
يعني يلا درتوا : (شكل الفقرة صحيح+كتبتو فالموضوع+الجحم صحيح) رح تضمنو 4 نقاطي بلا والو

نورمامو قتلكم كلش و درت الروابط و كلش
ما نسحقش واحد يجيب تحت 16 ?⛏️ و الله ني سيريو
القراما تقراو=جيبو و ساهلة بزاف
النص ديرو شا قتلكم جيبو✅️
الفقرة هي الاسهل الا طبقتو شا قتلكم
ايا بالتوفيق و اي إضافة و لا سؤال ابعثولي

السلام عليكم و رحمة الله ?
اليكم درس مفصل مع تمارين تطبيقية في وحدة الاعداد المركبة , سيفيد الجميع سواء لي هذاوين بدا يقراها ولا لي حاب يراجع.
بالتوفيق ?

السلام عليكم و رحمة الله
قمت بجمع بعض مواضيع اللغة العربية من مصادر مختلفة( حوالي 15 موضوع ) + البكالوريات السابقة , ان شاء الله يفيدكم للمراجعة و تحسين المستوى
https://drive.google.com/file/d/1pJqikrwzDZwqdbCYRQuCIWwJm2h9lk_u/view?usp=drivesdk