#RUHIYAT **الْغَفُورُ
AL-G'AFUR

📝        Munojot 

Yo G'AFUR, ko'pmi yo og'ir gunohim,
Bilarman, yetgaydir Senga har ohim.

Mag'firat qilarsan men bechorani,
Uyatdan, g'aflatdan yuzi qorani.

Sonlardan ko'p erur gunohim mening,
Cheksiz mag'firating bor erur Sening.

Iymon-u ixlosni saqlab pok, omon,
Ba'zan pinhon gunoh qilganim zamon,

Tez tavba qilsam-u, etmasam takror,
Va tinmayin aytsam ko'p-ko'p istig'for,

Afv etib gunohim, meni oqlarsan,
Qayta qilmoqlikdan yana saqlarsan.

Yo G'AFUR, kechirmoq garchi Senga xos,
Menga ham ozroq ber, iymonimga mos.

G'ururdan boshimni ko'tarmay baland,
Nafsim bilan bo'lmay ovora-yu band,

Uzrin aytmaganning holin bilayin,
O'rniga men o'zim tavba qilayin.

Mening qancha pinhon do'st-dushmanim bor,
Ortimdan pichog'in sanchishga tayyor...

Kutar qachon bo'lar deya sharmisor,
Menga balo yog'ib, bo'lsam xor-u zor,

Ular xursandchilik qilgaydir izhor...
Men ular uchun ham aytay istig'for...

Baski, Sen bilgaysan xolisligimni,
Kibr-u havolardan olisligimni.

Qalbimni hamisha chin tavbaga bur,
Yo Alloh, yo Tavvob, yo Haqq, yo G'afur!

Insof ber ko'ksida dog'i borlarga,
Iymon ber iymonsiz qalbi torlarga.

Barchamiz ojiz bir bandangmiz, xolos,
Shaytonning sharridan aylagil xalos.

G'afuru Rohiymsan tavba qilganga,
Tanho ilohliging chindan bilganga.

Iymon ahlin barin qilgil mag'firat,
Qalblarimiz poklab, nasib et Jannat!*🕊*Shahobiddin Odil✍@Shahobiddin_Odil

#РУҲИЯТ
الْغَفُورُ
**АЛ-ҒАФУР

📝        Муножот 

Ё ҒАФУР, кўпми ё оғир гуноҳим,
Биларман, етгайдир Сенга ҳар оҳим.

Мағфират қиларсан мен бечорани,
Уятдан, ғафлатдан юзи қорани.

Сонлардан кўп эрур гуноҳим менинг,
Чексиз мағфиратинг бор эрур Сенинг.

Иймон-у ихлосни сақлаб пок, омон,
Баъзан пинҳон гуноҳ қилганим замон,

Тез тавба қилсам-у, этмасам такрор,
Ва тинмайин айтсам кўп-кўп истиғфор,

Афв этиб гуноҳим, мени оқларсан,
Қайта қилмоқликдан яна сақларсан.

Ё ҒАФУР, кечирмоқ гарчи Сенга хос,
Менга ҳам озроқ бер, иймонимга мос.

Ғурурдан бошимни кўтармай баланд,
Нафсим билан бўлмай овора-ю банд,

Узрин айтмаганнинг ҳолин билайин,
Ўрнига мен ўзим тавба қилайин.

Менинг қанча пинҳон дўст-душманим бор,
Ортимдан пичоғин санчишга тайёр...

Кутар қачон бўлар дея шармисор,
Менга бало ёғиб, бўлсам хор-у зор,

Улар хурсандчилик қилгайдир изҳор...
Мен улар учун ҳам айтай истиғфор...

Баски, Сен билгайсан холислигимни,
Кибр-у ҳаволардан олислигимни.

Қалбимни ҳамиша чин тавбага бур,
Ё Аллоҳ, ё Таввоб, ё Ҳаққ, ё Ғафур!

Инсоф бер кўксида доғи борларга,
Иймон бер иймонсиз қалби торларга.

Барчамиз ожиз бир бандангмиз, холос,
Шайтоннинг шарридан айлагил халос.

Ғафуру Роҳиймсан тавба қилганга,
Танҳо илоҳлигинг чиндан билганга.

Иймон аҳлин барин қилгил мағфират,
Қалбларимиз поклаб, насиб эт Жаннат!

🕊Шаҳобиддин Одил✍**@Shahobiddin_Odil

#RUHIYAT *📝*✨* *O'ZIMGA...*✨* Men o'zim bilaman barcha aybimni,
So'zlarimga qancha bersam hamki zeb,
Ko'mir xursand bo'lar ko'rsa qalbimni,
"Men oqroq ekanman bundan ko'ra", deb.

🕊Shahobiddin Odil✍**@Shahobiddin_Odil

#RUHIYAT

*📝* IYMON

"Shodlik o‘tar,–derlar,–ey sodda odam,
Hayotga bog‘lanma, foniydir ul ham".
Aytganlari rostdir, ey, do‘stim, ishon,
O‘tkinchidir hatto ko‘rganing har g‘am.

Bulutning ortidan nur sochar quyosh,
Ko‘z ravshan tortadir oqqach sho‘rtang yosh.
Shirinmi, achchiqmi, o‘tgan o‘tadir,
Boqiy faqat iymon–yengilmas bardosh...

🕊Shahobiddin Odil✍****@Shahobiddin_Odil

#РУҲИЯТ

📝 ИЙМОН

"Шодлик ўтар,–дерлар,–эй содда одам,
Ҳаётга боғланма, фонийдир ул ҳам".
Айтганлари ростдир, эй, дўстим, ишон,
Ўткинчидир ҳатто кўрганинг ҳар ғам.

Булутнинг ортидан нур сочар қуёш,
Кўз равшан тортадир оққач шўртанг ёш.
Ширинми, аччиқми, ўтган ўтадир,
Боқий фақат иймон–енгилмас бардош...

🕊Шаҳобиддин Одил✍

@Shahobiddin_Odil

#RUHIYAT *📝 🍃*🍃🍃

Yo Robbim, yo Alloh, yo Haqq, yo Jabbor,
Ojizligim Senga qilayin izhor:
Dunyoni tushunmay ko‘p isyon qildim,
Gunohkor bandangni kechir, yo Gʻaffor!

🕊Shahobiddin Odil✍****@Shahobiddin_Odil

#RUHIYAT *📝* PUL

Yaralgandan yemishi go‘sht, ichmishi qon,
U tufayli chappasiga ketdi zamon.
Ko‘plarni yer qa’riga ko‘mgan ul qotil,
Hayhot, yer yuzida ardoqli hamon.1975y. 🕊Shahobiddin Odil✍****@Shahobiddin_Odil

#РУҲИЯТ *📝* ПУЛ

Яралгандан емиши гўшт, ичмиши қон,
У туфайли чаппасига кетди замон.
Кўпларни ер қаърига кўмган ул қотил,
Ҳайҳот, ер юзида ардоқли ҳамон.1975й. 🕊Шаҳобиддин Одил✍****@Shahobiddin_Odil

#RUHIYAT *📝* RAMAZON

Ramazonlar aytib keldim, ramazon,
Eshigingiz oching, bormi bir ehson?
Aqcha-paqcha kerak emas, hatto non,
Mehringizdan biroz bering tog‘ajon.

Ramazonlar aytib keldim, ramazon,
Shirin so‘zga gado bo‘ldim–sargardon.
Sadaqa ham bo‘lsa, mayli, mehringiz,
Shirin so‘zning sadaqasi bo‘lsin jon!

🕊Shahobiddin Odil✍****@Shahobiddin_Odil

#RUHIYAT *📝* MUNOJOT

Daraxtlar barchasi bo‘lsalar qalam,
Va suvlar siyohga aylansalar ham,
Tinmay yozilsa-da, ko‘rinmas oxir,
Allohning so‘zlari hech bo‘lmas tamom.("Luqmon" surasi, 27-oyat ma’nolaridan biri) Yuztadan qoldirdi ammo bir kitob,
Inson-u jinlarga yagona xitob,
Eng yengil shariat ayladi joriy,
Undan oshig‘ini qilmaydi hisob.

Dunyo va oxirat mayog‘idir u,
Har ikki olamda hamrohdir mangu.
Qalbingga joylasang ham amal qilsang,
To abad ko‘rmassan na g‘am, na qayg‘u.

Yo Robbim, madad ber, quvvat et ato,
Buyurgan yo‘lingda qilmayin xato,
Kaloming ko‘ksimga joylagin O‘zing,
Bir on, bir daqiqa unutmay hatto.

Kitobing yo‘limni yoritsin hamon,
Amalim Kalomga mos bo‘lsin har on.
So‘nggi dam nasib et yana shahodat,
Jannatda tilovat qilayin Qur’on.

🕊Shahobiddin Odil✍****@Shahobiddin_Odil