#РУҲИЯТ *📝* Munojot

Rasululloh, sizni sevamanmi man?
Sevsam-da, qo‘rqaman katta da’vodan.
Sizga salovotlar yo‘llab tursam ham,
Nafsim poklolmadim kibru havodan.

Sizni sevaman deb she’rlar o‘qigan,
Muhabbatdan tinmay loflar to‘qigan
Munofiq kimsalar ko‘pdir dunyoda,
Yuzlab kitoblardan oz-moz "cho‘qigan".

Xulqini so‘rasang, misli shaytondir.
Amal yo‘q yo chala, kibri osmondir.
Dars berar mujtahid ustozlarga ham–
Iymonsiz kimsaga iymon osondir.

Badaxloq kimsalar bag‘rimni tilar,
Ular merosxo‘rlik da’vosin qilar.
Tinmayin lof urib amalsiz ishqdan,
O‘zlarin go‘yoki payg‘ambar bilar.

Sevaman deyishga men qildim hayo,
Amalim o‘zimga bo‘lganchun ayon.
Sharmanda qilmoqchun Qiyomat kuni,
Qani u, desalar, qocharman qayon?

Menga Rasulingni chin sevdir, Robbim!
Qalbimga to‘ldirgin muhabbat lim-lim!
Shunchalar sevdirki, o‘zni unutay,
Hattoki, nafsimni topmasin o‘lim!

Farzlarni sevdirgin,
vojibni sevdir,
Rasuling sunnatin qilayin odat.
Joynamoz ustida jonimni oldir,
Oxirgi kalomim bo‘lsin shahodat.

*🕊Shahobiddin Odil✍***@Shahobiddin_Odil

#РУҲИЯТ *📝* Муножот

Расулуллоҳ, сизни севаманми ман?
Севсам-да, қўрқаман катта даъводан.
Сизга саловотлар йўллаб турсам ҳам,
Нафсим поклолмадим кибру ҳаводан.

Сизни севаман деб шеърлар ўқиган,
Муҳаббатдан тинмай лофлар тўқиган
Мунофиқ кимсалар кўпдир дунёда,
Юзлаб китоблардан оз-моз "чўқиган".

Хулқини сўрасанг, мисли шайтондир.
Амал йўқ ё чала, кибри осмондир.
Дарс берар мужтаҳид устозларга ҳам–
Иймонсиз кимсага иймон осондир.

Бадахлоқ кимсалар бағримни тилар,
Улар меросхўрлик даъвосин қилар.
Тинмайин лоф уриб амалсиз ишқдан,
Ўзларин гўёки пайғамбар билар.

Севаман дейишга мен қилдим ҳаё,
Амалим ўзимга бўлганчун аён.
Шарманда қилмоқчун Қиёмат куни,
Қани у, десалар, қочарман қаён?

Менга Расулингни чин севдир, Роббим!
Қалбимга тўлдиргин муҳаббат лим-лим!
Шунчалар севдирки, ўзни унутай,
Ҳаттоки, нафсимни топмасин ўлим!

Фарзларни севдиргин,
вожибни севдир,
Расулинг суннатин қилайин одат.
Жойнамоз устида жонимни олдир,
Охирги каломим бўлсин шаҳодат.

🕊Шаҳобиддин Одил**✍**

@Shahobiddin_Odil

#RUHIYAT *📝*Bismillaahir-
Rohmaаnir-Rohiym

Laa ilaaha illalloh,
Sendan o‘zga yo‘q iloh!
Faqat bir isming Alloh,
Barchadan O‘zing ogoh.

Ma’budi Haqqsen O‘zing,
Mangu barhaqsen O‘zing!
Bizdan lozim ibodat,
Senga toat–saodat!

Ar-Rohman  ham O‘zingdir,
Borliq bitta So‘zingdir:
"Bo‘l" deding, bo‘ldi olam,
Yo‘q yerdan borliq, odam.

Rahmating to‘lib-toshgan,
Bori borliqdan oshgan.
Ulashib zarra bir nur,
Olamni qilding masrur.

Rizq Sendan, shafqat Sendan,
Har holga toqat Sendan.
Rahmdil bo‘lgay inson,
Gar yetsa Sendan nishon.

Rohiym Zot ham Sendursan,
O‘z-O‘zingga tengdirsan.
Zot Yagona, isming ko‘p,
Barcha isming xo‘bdan xo‘b.

Mo‘minlik najot yo‘li,
Tanho Rohiym Zot yo‘li.
O‘zga yo‘l bari botil,
Havas qilmaydir oqil.

🕊Shahobiddin Odil✍**@Shahobiddin_Odil

#РУҲИЯТ *📝*Бисмиллааҳир-
Роҳмаанир-Роҳийм

Лаа илааҳа иллаллоҳ,
Сендан ўзга йўқ илоҳ!
Фақат бир исминг Аллоҳ,
Барчадан Ўзинг огоҳ.

Маъбуди Ҳаққсен Ўзинг,
Мангу барҳақсен Ўзинг!
Биздан лозим ибодат,
Сенга тоат–саодат!

Ар-Роҳман ҳам Ўзингдир,
Борлиқ битта Сўзингдир:
"Бўл" дединг, бўлди олам,
Йўқ ердан борлиқ, одам.

Раҳматинг тўлиб-тошган,
Бори борлиқдан ошган.
Улашиб зарра бир нур,
Оламни қилдинг масрур.

Ризқ Сендан, шафқат Сендан,
Ҳар ҳолга тоқат Сендан.
Раҳмдил бўлгай инсон,
Гар етса Сендан нишон.

Роҳийм Зот ҳам Сендурсан,
Ўз-Ўзингга тенгдирсан.
Зот Ягона, исминг кўп,
Барча исминг хўбдан хўб.

Мўминлик нажот йўли,
Танҳо Роҳийм Зот йўли.
Ўзга йўл бари ботил,
Ҳавас қилмайдир оқил.*🕊*Шаҳобиддин Одил✍**@Shahobiddin_Odil

#ҲАДИС

Муоз розияллоҳу анҳудан ривоят қилинади: «Расулуллоҳ соллаллоҳу алайҳи васаллам менинг қўлларимдан ушлаб:
«Эй Муоз, Аллоҳга қасамки, мен сени яхши кўраман ва сенга ҳар намоз сўнгида:

اللَّهُمَّ أَعِنِّي عَلَى ذِكْرِكَ وَشُكْرِكَ وَحُسْنِ عِبَادَتِكَ

«Аллоҳумма аъинний ъалаа зикрика ва шукрика ва ҳусни ъибаадатик»ни айтишни тавсия қиламан», дедилар».

Маъноси: "Аллоҳим, Сени зикр этишда, Сенга шукр қилишда ва ибодатингни гўзал бажаришда менга ёрдам бер**".
(Абу Довуд ва Насоий ривояти)

@Shahobiddin_Odil

#RUHIYAT *📝* VASIYLA

O‘zimni go‘yoki taqvodor bilib,
Duo qilay desam vasiyla* qilib,

Bir solih amalim topa olmadim,
Pinhon ayblarimni yopa olmadim...

Robbimdan uyaldim har gunohimdan,
Hattoki, hilvatda chekkan ohimdan.

Garchi ko‘rinishim bir avliyodek,
Barcha amallarim go‘yo riyodek.

Qo‘rqib ketdim butkul vahima bosib,
Sal qolsa, o‘zimni qo‘yardim osib...

Iymonim asradi qilmoqdan gunoh,
So‘ng solih bir do‘stdan izladim panoh.

Na sodiq Do‘st topmay, na Solih, hayron–
Orzularim sindi, qalb bo‘ldi vayron...

Koshki, bu kunlarni ko‘rmasam edi,
Yolg‘iz O‘zingdirsan umidim endi...

Men Seni Robbim deb bilganim haqdir,
Roziman boshimga ne qilsang taqdir.

Senga qulligimdan qilgum iftixor!
Iloho, "bandam" de meni ham bir bor...

———
*vasiyla–ko‘p ma’noli so‘z. Bir ma’nosi–"vosita",
"vosita qilish", "biror iltimosini aytish uchun kimnidir yoki nimanidir o‘rtaga qo‘yib "mana shuning hurmatidan..." deb iltijo qilish, so‘rash...

🕊Shahobiddin Odil✍****@Shahobiddin_Odil