كَعده
هذا مو ضلع انكسر من فاطمه
هذا اول  انقلاب  اعله  السمه
هالصراع اعله الزعامه    وانقلاب اعله الامامه
هذا مو ضلع انكسر من فاطمه

اعله يا صوت الحقيقه وبين الحق من سرابه
كسر ضلع الزهرة يومه كشف كل زيف الصحابه
وباب حيدر باب الله شلون ويحركَون بابه
وبس فاطمة وي الولي    وكَفت والدموع اتهلي
وصارت فدائيه العلي    وجم صحابي الكشف نابه

ارواح صبخه وما تحب عطر الورد
وخلصوا  اعمارهم  حقد  بحقد
وللغدر بانت علامه    وانقلاب اعله الامامه
هذا مو ضلع انكسر من فاطمه

ناس عاميها طمعها ودينها بس بلسنها
اسلامها اللي يصرفلها وعالنميمه مربيه اذنها
بلله هاي شلون وادم علي ما خلصان منها
وادم تحير كل عقل     اطباعها اتشيب الطفل
اتنصب عجل تعبد عجل   اسأل التاريخ عنها

دينها اتعرضه بمزادات الرخص
الباع  دينه  هذا  يشعر  بالنقص
يخطط يكبر العمامه    وانقلاب اعله الامامه
هذا مو ضلع انكسر من فاطمه

وادم تحرف الحقيقه وللجهل صارت مدارس
وبيها عاهات بطبعها وعقده عدها من النوارس
بالرياء افنت عمرها ودينها دين المحابس
كلا والف كلا لمن    يشعل حطب يشعل فتن
وفدوه العمر لم الحسن    والله حي اهل المجالس

الله حي النفسه طيبه وطاهره
ومبتعد  عن  الفتن  والثرثره
الفتنه تاليها الندامه    وانقلاب اعله الامامه
هذا مو ضلع انكسر من فاطمه

فاطمه ام ابيها فاطمه ويا فخر ابوها
لا همز لا لمز جانت لا نميمه ويعرفوها
وكون بخلاق الزجيه انشوف كل اليخدموها
فاطمه الرحمه الواسعه    وللخُلق اكبر جامعه
بت النبي ومتواضعه    هذا كله ويظلموها

راضيه ومرضيه جانت والكَلب
ابيض وكله سلم ما بي حرب
اعليها شو قامت قيامه    وانقلاب اعله الامامه
هذا مو ضلع انكسر من فاطمه

اثمنطعش عام الزجيه انعرفت بكل العوالم
وبيهم ايعيشون ميه لجن مو مثل الاوادم
الهمه بطنه وما يفكر هذا من صنف البهائم
آل النبي منهج وعي    واللي مثقف يندعي
وينقد لطمتي ومدمعي    آنه للزهراء خادم

حزني عالزهراء هذا ومدمعي
هو هذا اكبر دليل اعله الوعي
ودينهم دين الملامه    وانقلاب اعله اللامامه
هذا مو ضلع انكسر من فاطمه

المصيبة

آه يا فكَد الزجيه هدم للكرار حيله
قالع الباب ونعشها علي ما يكَدر يشيله
وآخ يحسين وهضمته وآخ يا جرح العقيله
مظلومه ماتت فاطمه
وغسلها حماي الحمه
وشاف الضلوع مهشمه
تشيعت وبليل اظلم فاطمه البضعه النجيبه

نسألكم الدعاء
منتظر العبادي

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇

https://t.me/Abas747

مقدمة
يا زهراء يا زهراء
يا زهراء يا زهراء

يا** بضعة نبي الرحمة    شحلاهه بجالج الخدمه
ومنهو اليكَدر يعوفج    وانتي النعمه والنعمه
الهوه هذا الهوه جذاب    انتي الريه والنسمه
النِفَس لو ما يمر بسمج    يا زهراء ما شمه

يا زهراء يا زهراء
يا زهراء يا زهراء

بعد**ني بخدمتج ولهان    أنه الفاديج كل عمره
شحلاهه من يسألوني    واكَلهم خادم الزهره
أنه بلياج ما اسوه    واسمي بجالج شكبره
أنه المذنب اليتمنه    تحضر فاطمة بكَبره

يا زهراء يا زهراء
يا زهراء يا زهراء

خلي**ني اعله بابج دوم    يا مولاتي خليني
واذا ضيعتج آنه بيوم    ما ظنج تضيعيني
واخاف انسه مصابج ذات    يالزهراء  ذكريني
وخلها تجيبني بكل حين    دمعاتي وتوديني

يا زهراء يا زهراء
يا زهراء يا زهراء

يال**زهرة ومصاب حسين    لماصب حسين ما ناسي
نعم شدهتني الايام    ومصايب شيبت راسي
لجن مالي اهل لا ناس    هيج يكَلي احساسي
واردلكم طفل ضايع    انتم اهلي وناسي

يا زهراء يا زهراء
يا زهراء يا زهراء

الد**نيا ديرة الاوهام    وجم مسكين بيها انغر
ويمولاتي اعله مجلسكم    جم مغرور يتكبر
وهذوله احنه اعله فطرتنه    نكَله فاطمة تحضر
بمجالسنه ويخيعونه    التسجله فضه لو قمبر

يا زهراء يا زهراء
يا زهراء يا زهراء

نسأ**ل الله بجاهج    ان يحسن عواقبنه
ونبقه وياج منعوفج    ولا فكر اليخربنه
احنه الماكو النه ابيوت    فقره وفاطمة تحبنه
احنه بيوتنه الهيئآت    هاي وكل مواكبنه

يا زهراء يا زهراء
يا زهراء يا زهراء

نسأ**لكم الدعاء
منتظر العبادي

گعده

من فجر الاسلام اوحي المعراج
دور كل زمن بيّ تلكَه حجاج
الماضي يترجمه الحاضر    وشوف بعين امس باجر
دور كل زمن بيّ تلكَه حجاج

من بدايات الخليقه بكل زمان من الاوائل
هالصراع اتشوفه قائم بين حق وبين باطل
وشوف جم عالم وزاهد ينقتل بفكار جاهل
من يوم ضلع الطاهره ومن يوم طبرة حيدره
خل يدري كلمن ما دره تنطبر لو صرت عادل

وشوف اول قساوه واول ارهاب
من گالوا وان وي دفعة الباب
وصار الگبل ما صاير وشوف بعين امس باجر
دور كل زمن بيّ تلكَه حجاج

هواي ناس تعيش ظلمه والضوه يعمي نظرها
وتترك الشجره المثمره وتزرع بصبخه فكرها
عايشه بشكل الاوادم وبالصدكَ ركبوا ظهرها
العاقل بشاره يفتهم    وما تعله عين اعله النجم
يموت الجهل يحيه العلم   اويلها العاشت ابشرها

ناس الطبعت واتوالي شيطان
لا تحجي بعد بحقوق الانسان
والله يعين كل صابر    وشوف بعين امس باجر
دور كل زمن بيّ تلكَه حجاج

الغرب انسانيه عدها السمع ليصدكَ الحجوله
روح شوف بغزه شوف شلون قتلوها الطفوله
وشوف لبنان وجرحها وطفل مات بدللوله
ونصر الله عاين قاتله وشوف الفرق وتأمله
وين اللغو من البسمله وللبطل تحله البطوله

ومو كلمن يقتله السيف مقتول
هارون اندثر بس عاش بهلول
خالد يبقه كل طاهِر وشوف بعين امس باجر
دور كل زمن بيّ تلكَه حجاج

كلا كلا للمذله هذا صوت الرافضيه
وكلا كلا للعروبه.. للعروبه الاجنبيه
ونعم للحوزه الشريفه ويعله صوت المرجعيه
بقادتنه احنه ننتصر    وشاهد يظل جرف النصر
ولا عذر للماله عذر    الما فزع من طاح اخيه

وصوت النجف صاح وراد فزاع
وفزعتكم تشيم عفيه يسباع
بيكم هالوطن عامر    وشوف بعين امس باجر
دور كل زمن بيّ تلكَه حجاج

احنه في مرحله خطره نريد يتوحد حجينه
مرحلة حرب الافكار ولازم انحرك وعينه
الطايح اسم الله نكَله وما نعوفه لا نعينه
واهل التآمر والخدع    واهل الضلاله والبدع
يرفضها كل المجتمع    حتى ما تجرأ علينه

احنه اتباع حيدر واحنه الاسياد
ونرفض كل فكر بيّ صورة الحاد
انجاهد نبقه وانغامر    وشوف بعين امس باجر
دور كل زمن بيّ تلكَه حجاج

المصيبة
نبقه خدام ابو اليمه وفاطمة البضعه الشهيده
احنه ذوله العابسيه وما نساوم عالعقيده
احنه واحدنه يضحي ويسكَي كَاعه بدم وريده
وما نبتعد عن فاطمه
ولا عن علي حامي الحمه
حبنه بدمانه نترجمه
احنه خدام الزجيه واحنه عشاكَ الشهاده

نسألكم الدعاء
منتظر العبادي

كَعده

والنزل بيك القرآنيا هادي الامه
مثلك ما مر بينه انسانيا هادي الامه
بيك الوحي يتبرك ومحرابه جان بصدرك
يا هادي ألامه

يا رسول الله محمد منهو مثلك جان زاهد
انته بس انته النعرفك تستحق جلمة القائد
لان متواضع وصادق وجنت تعمل ما تواعد
وبخلاقك الدين اكتمل وتشافي للناس العلل
وتزرع بالكَلوب الامل وللرعية جنت والد

انته الطلعت شكَد ناسمن ذيج الظلمه
لاجن ما تنظف ارجاسمن ذيج الظمه
والكَالوا عنك ابتر فدوه يروحون القمبر
يا هادي الامه

بس دولتك هيه دوله لان للفقره تداعي
لان تنزل للرعيه وصرت مصلح اجتماعي
لان ما تهمل الغربه وبس لهل بيتك تراعي
للفقره جنت انته ولي بشوفتك همهم ينجلي
ولوا بعدوا اتودي علي الهم باخلاص ساعي

خليت بروس الايتاممن جفك بصمه
بالعشره ومو بالابهاممن جفك بصمه
تلبسهم كَبل عيالك وخي عونه العاش بجالك
يا هادي الامه

انته ميزان العداله انته مصداق الهدايه
انته منتخبك الباري بلايه تثقيف ودعايه
ولذلك جنت قائد لكن بلايه حمايه
تفكَد جنت ما تنفكَد وشكَد جنت تبذل جهد
وبعمالك الخيره تجد لجل الله ومو الغايه

جنت بجانب كل مظلوموما ترضه بظلمه
وما ظل بوجودك محروموما ترضه بظلمه
انته اول وآخل حاكم ما صافح جفك ظالم
يا هادي الامه

ما عشت عيشة ترافه ومتخذ دينك وسيله
وما تفرق بين ناسك وجانت اطباعك نبيله
الك اقربهم المؤمن ومو ابن ذيج القبيله
وجان الدليل بحكمتك اذن بلال بأمتك
وصَله اخلاصه الغايتك والتضده أمست ذليله

دستورك اقدس دستورللمؤمن حرمه
وصوتك يبقه النفخ السورللمؤمن حرمه
جآ شنهو باجر عذره الكاسر ضلع من الزهره
يا هادي الامه

كونت مجتمع واعي ورحمه انته اعله البريه
وما ملكت اقصور واصبح شعبك القصرك ضحيه
تطي للمسكيـــــــن حكَـــه كَبل لا تطي الزجيه
رحمه انته نزلت عالبشر لاجن فلا فاد بعمر
عكَبك يبوا القاسم غدر بالوصي حامي الحميه

باعوا حيدر بالخطابيا لمصلح همه
والدفعوا عالزهره الباب يا لمصلح همه
الجانت تسمه اصحابك غدروا حيدر بغيابك
يا هادي الامه

ظلموا العتره بغيابك وتبعت الناس لضلاله
ومن عكَب عينك الوادم فكَدت الحكَ والعداله
وشعلوا النار بحطبهم وعتنوا بيت الرساله
وكسروا ضلع من فاطمه
وظلموا علي حامي الحمه
ونكروا رسالات السمه
وابعدوا يا لهادي عنك وما مشوا همه اعله دربك

نسألكم الدعاء
منتظر العبادي

مهلاً مهلاً يا يزيد !
فلا تطُشَّ جهلاً

أ لمْ تقُلْ لك زينبُ (عليها السلام) :
وهل رأيكَ الا فَنَد ، وأيامُك الا عدد !
يوم ينادي المُنادي :
قد جاءَ يومُ الأربعينْ
الا رحمة الله على الخالدين
وصاح صوت العاشقينْ
( نأتيك زحفاً سيدي يا حُسين )

قُمْ قُمْ يا يزيد
كِدْ كيدَك ، وأسعَ سعيك
فواللهِ لا تمحو آثارَ زوارَ الحسينْ

أ منَ العدلِ يا أبنَ الطُلقاء
تخلدُ انت ويموتُ الحسين ؟!
فواللهِ ما فريتَ الا عمرك !
وما جنيتَ الا موتك !

ولئن جرّني خلودُ الحسينِ لِمُخاطبتك !
إنّي لأستصغرُ قدرك ، واستعظمُ تقريعك ، واستكبرُ توبيخَك

نَمْ ضريرَ العينِ يا يزيد !
ففي كلِّ خطوةٍ لِزوّارِ الحسين
أنت تموتُ… ويحيا الحسين !

منتظر العبادي

كَعده
احذر يخادم وانتبه كلش زين
وشوف انته وي حسين لو ضد حسين
لا ما يدور مظهر رايد حسين الجوهر
احذر يخادم وانتبه كلش زين
**
خيمة الخدمه العظيمه بيها جم عابس تربه
وبيها جم جون النعرفه لجننه لحسين حبه
هو هيج حسين رايد كون خادم صافي كَلبه
وما رايد اكَلوب الحقد رايد كَلب كله ورد
وما نفترق لا نتحد او ويه كل حر النه توبه

وعاين العابس خدمته جان شلون
لا من حبيب اتحسس ولا من جون
وشكَال هذا المنبر رايد حسين الجوهر
احذر يخادم وانتبه كلش زين
**
حسين ثورة وعي رايد وفكر يفضح كل اميه
حتى ما ينسحكَ صدره بالأفكار الاعوجيه
وكون كل خادم يخدمه يصير للخادم تجيه
خادم لخادم موعظه ويطفي نيران الغضه
وبلسانه ميحط قارضه ويظل بس يكَرض بخيه

احذر من السان الفتن والثرثار
ميطفي نار ايحط حطب فوكَ النار
احذر يخادم احذر رايد حسين الجوهر
احذر يخادم وانتبه كلش زين
**
خادم حسين التواضع والاخلاص ايصير شانه
والموفق ما يجذب ولا يذب يم كلشي اذانه
وموش يم طكَت الصاي ايروح لا هذا مكانه
للغلط لا تنكَل رِجل وبالطين بالك تنسحل
كرمك ربك بالعقل اويله كلمن عقله هانه

ما اريد اسقط لا اريد التصحيح
الخادم ننبها بالغلط من ايطيح
وبذني بالك تعثر رايد حسين الجوهر
احذر يخادم وانتبه كلش زين
**
خادم حسين الحقيقي السانه ما يربه اعله غيبه
ولا يحط موكب ويخدم البلربه متروس جيبه
هذا مجلس للأنظاف البيه عيب انعرف عيبه
لا يجي وينصب موكبه بدشداشه سوده مرتبه
التارس اجيوبه من الربه هاي يا وادم مصيبه

اوجوه الربه ما الها عدنه تقدير
بعشرة محرم تخدم وتاي اتطير
كَل للمرابي يخسر رايد حسين الجوهر
احذر يخادم انتبه كلش زين
**
اتظل مجالسنه ابيه وبيها ما نقبل سياسي
احنه ذوله اهل المنابر شجابها النه اهل الكراسي
الجَوَع الناس وظلمها شجابه لحسين شيواسي
مرفوض ما نستقبله والهله بس لهل الهله
احنه العشكَنه كربله وعشكَه للقصر الرآسي

نستقبله شلون السياسي النصاب
والمرجعيه بوجهه سدت كل باب
يخدعنه ابد ما يكَدر رايد حسين الجوهر
احذر يخادم وانتبه كلش زين

المصيبة
هاي خدمتنه الشريفه بالرزق فاضت علينه
رزق بيها الله رزقنه وبالحمد مرفوعه ادينه
ربنه ديم النعمه النه الخدمه لآخر نفس بينه
نبقه خدم لم الحسن
تغيرنه هيهات الفتن
لآخر رمق حد الجفن
وآه يحسين ومصابه هذا كل خادم شعاره

نسألكم الدعاء
منتظر العبادي

للامام السجاد ( عليه السلام )

مليان هموم كَلبي ومالوم
آ يالمظلوم آ يالمظلوم
آ يالمظلوم

آنه العليل اللي عشت عكَبك بلا روح
بيوم الشفت فوكَ الرمح راسك يمذبوح
ومن كربله كَلبي نهضم ومحمل اجروح
وشتولد اجروح الزمن بس مدمع ونوح

مليان اجروح ياجرح الروح
بجرحك ملجوم آ يالمظلوم
آ يالمظلوم

بيا محنه ابدي بيا جرح وبيا مصيبه
بنار الضمه نار الخيم ذيج الهيبه
لو جثتك بويه البقت بالطف سليبه
لو بالخدر وام الخدر صارت غريبه

لو بالأيتام لو درب الشام
اشرح يا يوم آيا لمظلوم
آ يالمظلوم

بعيوني شفت الفاجعة شفت الحوافر
تسحكَ على صدرك لجن صبرك يكابر
وهَشمت منك جم ضلع بس انته صابر
صابر جنت وآنه جنت بالعيلة حاير

صبرك عاناك لو نار اضماك
ما تطفه ادوم آيا لمظلوم
آ يالمظلوم

شفت المحن من الزمن بالغضارية
بنص الكَلب نار الخيم ظلت سرية
واشجم جرح يكبر على دمعة رقية
واشجم يتيمه تشتمت جم فاطمية

وكَبال العين يا بويه حسين
صدرك مهشوم آيا لمظلوم
آ يالمظلوم

بكَلبي جرح ينزف هضم وبعيني دمعات
ترسم ضعن لهل الخدر والتحدي شمات
واعله الخدر شفت الحرم دمعتها حسرات
وحامي الضعن راسه برمح ويون بالآهات

وبهذا الراس غيرة عباس
ون ومهضوم آيا لمظلوم
آ يالمظلوم

بعيني صور من ما شفت من ذيج الأيام
من كربله امتد الجرح حد طبت الشام
وسوط الذي تارك اثر بمتون الأيتام
يراويني كل دمعة طفل ويهيج الآلام

وانتم غياب آ يالأحباب
منكم محروم آيا لمظلوم
آ يالمظلوم

نسألكم الدعاء
منتظر العبادي

كَعده
للامام السجاد ( عليه السلام )

السجاد طالع باليتامه
ينشر مفاهيم الامامه
طالع بآل النبي يتظاهر ومو سبي
السجاد طالع باليتامه
**
طالع السجاد ثائر اعله الظلم بأكبر مسيره
بالعقيله وباليتامه طالع يثبت شعيره
واللي ينظر غير نظره يكَول عن زينب اسيره
كل واعي لمن ينسئل يجاوب بتحكيم العقل
وسط الخيم فوكَ الهزل هيه زينب تبقه اميره

السجاد انطه العمته اشاره
وتوجه القصر الاماره
بهل موكب الزينبي يتظاهر ومو سبي
السجاد طالع باليتامه
**
طالع بزينب وزينب لبوه من حامي الحميه
يعني كل خطوه بمشيهم يطيح عرش من آل اميه
وعالظلم طوفان جانت دمعة الطفله رقيه
طوفان هادر عالظلم هالدمعه وتغير حكم
ذوله الهواشم عالخصم حته دمعتهم قضيه

عالظلم واصحاب الجريمه
اتظاهرت اول يتيمه
ومدمعها عالناصبي يتظاهر ومو سبي
السجاد طالع باليتامه
**
ايعيد للامه وعيها وما تظل بالإنتكاسه
وما تظل ياهو اليجيها اتلبسه تيجان القداسه
وما تصفكَ للنهبها اتنفخه واتكبرله راسه
اليوم الوضع يشبه امس او وين الذي ياخذ درس
من الماضي ويميز الرجس اليعرف الحكَ عرف ناسه

والباطل من الحكَ نميزه
من ينحل المظلوم لغزه
وعاين على الطالبي يتظاهر ومو سبي
السجاد طالع باليتامه
**
ابو الباقر رغم جرحه ما طبكَ عالظلم جفنه
واحنه باكَتنه الكراسي وجنه لا شفنه وسمعنه
ومحد يطور وضعنه كَالوا انطور حزبنه
ملعون يا ذاك الحزب ومسكين صار المنتخب
وعدونه بس طلعت جذب واشنكض من الوعدنه

خداعه جذابه الكراسي
ومسكين من يمدح سياسي
وبعياله شوف الابي يتظاهر ومو سبي
السجاد طالع باليتامه
**
رادنه السجاد ننهض عاليبوكَ ويبني جامع
وما نهوس للخليفه وهو حكَنه بجيبه ضايع
وراد ما نرفع شعار الما يشبع بطن جايع
وما نكسر انجبر الكسر واهل الصريفه اعله القصر
لابد تثور وتنتصر ويسمع الما جان سامع

وتنتصر اصحاب الصريفه
اعله اهل القصور المو نضيفه
ويقلامها اتأدبي يتظاهر ومو سبي
السجاد طالع باليتامه

ابو الباقر خلص عمره وجمر الخيام بدليله
عين تبجي اعله ابو اليمه وعين تبجي اعله العقيله
ولو ذكر عبد الله ضامي عالجفن دمعه يسيله
بعيونه شاف الفاجعه
شاف الحسين بمصرعه
بيا حال لمن ودعه
عالرمح عاين الراسه وعالترب جثته سليبه
**
نسألكم الدعاء
منتظر العبادي