5/1 -「和理行之不要水貨辦年貨」資訊發佈區 pinned «另外為左提高我地今次活動籌辦嘅透明度，我地都整理左一個timeline flow 去記錄我地做嘅每一步同每一個區議員嘅回應同行動，令各位都可以知道成件事係點發生，從而都可以監察活動同區議員! https://docs.google.com/spreadsheets/d/1KUw_DaoTlEHiOhnO3Gy2y3BncOftxqyqWag-QENpgtY/edit?usp=sharing»

1月5號上水遊行之總結和對區議員的感想和建議:

首先要感謝呢10,000位手足連上水區咁偏遠咁高風險嘅地方遊行都肯參加，我哋一班街坊搞手知道今次遊行始終未能做到完美收尾，感到萬分抱歉。我哋一眾已經盡咗能力尋找糾察，同做好事前安排，希望確保各遊行人士嘅安全，奈何警賊完全推翻事前傾好嘅部署，我哋深感無奈同憤怒。

———————————————

但經過今次活動籌辦嘅過程，我哋都想對各新上任區議員作少少comments 同 suggestions，希望係新一屆未來4年可以為北區帶黎新氣象，而唔係失望嘅4年。

先恭喜本土派區議員得到今屆北區區議會主席位置，作為本土派嘅我哋都對呢個消息感到開心。今日1月7號第一次區議會開會已過，我哋都可以講返自己小小嘅不滿同心聲。

我哋一班人本身無經驗、無政治Connection、每個人都有自己工作在身，想搞活動遊行只好尋求區議員嘅幫助，亦都希望籍今次活動俾人睇到北區人嘅團結。

我哋本身各聯絡素人(北區連線) 同民主黨，希望尋找幫忙同合作空間，奈何事與願違，最終只能得到民主黨嘅支援，素人對我哋嘅態度並無想像中積極，對呢點我哋稍為失望。

以下內容可能會令你覺得我哋係到分化，但係每一句都係我哋心聲，希望可以係新一屆區議會開始階段比班素人知道問題並改善，減低下屆保皇狗死灰復燃嘅機會。

對素人之意見:

係呢到想先多謝蔣晏正議員同陳梓峰議員肯積極回覆我哋。

1. 我哋作為街坊同居民，我哋重視嘅係區議員對我哋嘅態度同積極性。但係係尋求協助嘅其間我哋試過WhatsApp 同 Facebook inbox message ，但係多次得到「已讀不回」嘅情況，或者等數日追問下先有回覆同時從未主動聯絡我哋，我哋覺得係極之唔尊重我哋嘅，亦都比我哋感受唔到一個區議員對街坊應該有嘅態度。

呢一點實在令我哋一眾失望，因為當我哋聯絡民主黨同新同盟議員嘅時候佢哋嘅回覆都好快同俾到積極嘅感覺我哋。

我哋唔係期望區議員一定要幫我哋，但最基本嘅回應都未能做到，其實幾失望。雖然唔想咁講，但我哋覺得素人可以係呢方面學習泛民點處理對街坊關係同日後改善。

1. 我們得知素人因為要與民主黨競逐一區議會正副主席一事所以不建議參與太多我哋揾民主黨舉辦嘅地區遊行。

我哋反而認為區議會裹面嘅權力鬥爭並唔應該要求街坊考慮和體諒，區議員應該放地區問題同街坊意見為主，做好對市民嘅公關，咁先係對未來4年發展本土根基嘅重中之重。我哋亦都希望未來4年嘅區議會唔會係互相鬥爭，至少唔係係呢一刻互鬥。

希望素人可以虛心聆聽我哋嘅意見，唔好成為你哋口中所謂「尊貴」嘅議員。
———————————————
最後多謝林子琼議員對是次遊行嘅積極幫助，佢係今次籌備工作都有積極參與，我哋對佢表示謝意。希望佢可以繼續參與地區工作同服務社區。

( 重申: 我哋並唔係民主黨打手，老實講我哋都對民主黨唔係特別有好感，呢次可能係佢哋為立法會選舉嘅一次宣傳活動，但係今次活動佢哋確實幫助再我哋不少，呢個都係事實。)
———————————————
希望我哋今次可以做到一個帶頭作用，其他社區都可以有更多地區活動，打好本土派嘅地區根基。

光復香港，時代革命

每一個地區都有責任。

此為本channel 最後一個Message ，再次多謝各位手足。

5/1 -「和理行之不要水貨辦年貨」資訊發佈區 pinned «我地最不滿既係開會時deal好： 1.防暴裝警員只會佈於遊行路線兩條街外 2.隨遊行隊伍之警員只會係普通軍裝，胡椒噴霧都唔會渣係手 點知我地整個遊行路線佈滿綠色物體，個個揸哂長槍，連指揮官都換埋，我地打比pprb，對方話：我都唔知 雖然警察信唔過唔係岩岩知，但和理非遊行都濫捕真係好仆街！»

我地最不滿既係開會時deal好：
1.防暴裝警員只會佈於遊行路線兩條街外
2.隨遊行隊伍之警員只會係普通軍裝，胡椒噴霧都唔會渣係手

點知我地整個遊行路線佈滿綠色物體，個個揸哂長槍，連指揮官都換埋，我地打比pprb，對方話：我都唔知

雖然警察信唔過唔係岩岩知，但和理非遊行都濫捕真係好仆街！

然而隊頭一過終點並到達上水新都商場後，根本冇比市民時間同路線離開！
你論上廣，上中及其樓梯，彩園橋同新豐路都封左，係無任何裝修甚至衝突既情況下進行濫捕！

1453 遊行已經到終點宣布結束，隊尾未行完 易於遊行終點嗌口號

#公眾安全情報 #各區情況整合

1619更新

北區（民防等級：3️⃣注意）
?防暴及速龍於上水中心外進行圍捕，多人被制服，曾舉藍旗。
?上水中心內亦有民眾被警員制服，曾施放胡椒噴霧。

1615 一號花園重狗，唔好過去

1544 #上水 中心拉1人 #AM9959
(求圖同更多資料‼️）

各位請跟從糾察指示離開