دمعة حناني
ستري وأماني
ياملاذي وضي العيون
نبضة دليلي
خلي وخليلي
ياهيامي ولآخر جنون

بالحب اضل.. هايم
وبيه العشك...دايم....... من العفاف

عمر اليحب... ليله
يترس وفه... حيله ..... لآخر مطاف

جندي وتراجع فشل
غيره تارسني وامل
فدوه لحروفه العمر
ديني وبحبه اكتمل

____

كلشي لكيته
ولمن هويته
عطر حضره روحي تفوح
روحه وجماله
ماكو وصاله
وبغرامه حلوه الجروح

شيب العشك.... لجله
وكل ماكثر .....يحله .... هذا المشيب

حب كربله ....البيه
هذا الرزق .....نيه ......لرض الغريب

خطوه لو بيها عثرت
يعني ياكلبي ضعت
دكها ثايه ولا تزل
لو الف موته المتت

*____

قبلة غر*امي
ياحب امامي
كلبي يمه طير ويطير
عشك السوالف
شيخ الطوايف
اشهد أنا مغرم اسير

عنه اللذي. ...ضايع
موت وقهر ....شابع.. من الزمان

رد بندم....وشكي
حالك اله ...وبجي.....كله الحنان

يم عتابه توسله
بالدموع السايله
نضره منك يالحنين
ويامهيج كربله
*_

يا سر نجا*تي
كلشي بحياتي
روحي تلكه مثله يوين
منجي الحياره
وفزعة غياره
رحمة الله يعني حسين

دربي عشك ...حزنه
ومثل الشهد ...جنه..........معنى الجمال

عايش على.....خيره
اهوا واحب ....غيره.....هاي المحال

غيره مايهوه الكلب
ضوه بعيون الدرب
ومثله ماالكه بشر
ميت يحل الصعب
__
✍️**هشام امين المالكي

(جرح الندامه)

حان الندم ياروحي
هلي الدمه لجروحي
عيني وجفت غاليها
لاون هده ولا نوحي

عن محبوبي ذنبي.خذاني
كلش وسفه الغرني زماني
عيونه البيهن شوك اماني

كل الجره بهذا العمر
ليه كصدت ارد أعتذر
شايل ذنب شابك ذنب
دمعي يهل عالخد جمر...
__
كلهن ندم ايامي
ضاع التعب وحلامي
شلي بعمر من دونه
عمري وفده للضامي

كلبي يلجم نوحه ونحيبه
وروحي ضلت كلش غريبه
وبيه كبرت ذيج المصيبه...

فزز كلب من الوهم
وليله اليمر حسره وألم
يقضة حلم عمر المضى
خل يحترك حرك الخيم
____
كلشي نجرح بحساسي
من زغرت يم ناسي
عايف نبض دلالي
ريتي وعطر انفاسي

تارس روحي بهم الليالي
كلش متعب اصبح يحالي
جرحي خضر حتى بخيالي..

بعمر الورد جرحي يون
بيه حزن مو كل حزن
حزني حسين عنه بعدت
كلبي نكسر كسرة غصن
_
صوب الجرح وديني
تبجي الك خل عيني
وغرك دمع عالخيمه
وخل العطش يجويني

خلص حيلي جرح الندامه
نوحي يشبه نوح الحمامه
دمعي يرسم عالخد هيامه

ضايع ضوه منه ردت
بدون الحسين اتيتمت
نبض الكلب يتوسله
بعمر الورد وشيبت
____
✍️هشام امين المالكي

بدئت رحلة مولاتي العقيله زينب صلوات الله وسلامه عليها

(دم الحيود)

كد المشي ذبلانه لرسوم
حارك خيمهن يمهن يحوم
حرم ومكيده ويه رضعان
ولتعثر بيهن شلون تكوم

حبل بديهن مشدود
ولتعثر الضب يزود
راحن سبي العلويات
ولموت يفتر حاصود

محتركه أطراف العبي
الموت اهون من سبي
ياديره يمشن مادرن
وحدااي زينب اجنبي

السلام على زينب الغريبه
----------------------------------------
راحن سبايه وراح الحسين
كل خطوه يمشن دارن العين
وين الهواشم زينب تصيح
بلكت يجونه اهلنه عدلين

لادمعه ضلت لاحيل
يزينب الممشه طويل
رمله حلمها مذبوح
وحسين داسته الخيل

بالهيمه غافي الضهر
لايمه في ولا ستر
يجوي يزينب الرمل
وحسين ضلعه منكسر

السلام على..زينب الغريبه
--------------------------------++

بلطف نعاوي وخرطت خدود
ومثل السواجي دم الحيود...
طلعن خيمهن حفه وركاض
من رد عليهن خالي الجود

عالهامه طشن تراب
رقيه طاحت بالباب
ولبابه صاحت عباس
ماي وتبدت الاحباب

ضلت وحيده ياخلك
زينب جفنها ماطبك
نوم الخرابه بس هضم
ولجبيره لحسين نسحك

السلام على..زينب الغريبه
----------------------------------
مشن وعليهن جلجل الليل
بديهن الحبل منضب حيل
فوك الهزيله طبن الشام
هضيمه الوادم بيهن تعيل

مارحمت زينب الشام
متعوبه جا غير تنام
ايعين كلبج يم عون
هلال وحرك خيام

ياكلبي يوجع الحجي
مالت عليمن تنتجي
اخت الكمر ماتت هضم
وبخدها اثار البجي

السلام على..زينب الغريبه

_
✍️** هشام امين المالكي

#قصائد_محرم
#ليلة_العاشر

مولاتي العقيله زينب عند استشهاد مولاي الحسين صلوات الله وسلامه عليهم خرجت من الخيام وهيه تقول اخي حسين اخي حسين..عندما وصلت ورئت مافعلته الحوافر بجسد الحسين صلوات الله عليه.... وهيه تقول

يافي حياتي وكل دلالي
جوه الحوافر يا حلالي
يافركة عيونك يخويه
حد ماحنه فكدك خيالي

يمفرهد أبين الخيل ..
جا بيش المك ياهيل
ياخويه چلچل الليل ..

رديت الك من الفجر كبل السبي
كبل الدمع لاينفضح يم اجنبي

كسرة ضهر يافركتك ماتنحمل
رديت الك بلكي نفس بيك وعدل
__
ويه الدمع ينزف دليلي
كالو متت وتبده حيلي
أعثر وكوم بجف رقيه
جنت انتضر خويه تجيلي

شلون ياروح شلون
محد بقالج يم عون
اعمي لخوتج لعيون

ماضل دمع كد البجي جبيرة عمر
كلش صعب روحي بأخو من تنكسر

لمدلله بفي ديرتي بعزكم جنت
بين الزلم من الركض خويه عثرت
*__

م*ن الخيم ركض اجيتك
يابو علي مفرهد لكيتك
ياجرح أشده وبيك اداوي
عفتك يخويه وماخذيتك

جا ليش هيجي ياماي...
لحسين يضل بله فياي...
حوافر بصدره هواي.....

بين الغرب ماتنجبر يمصيبتي
طرف العبي بيهن حرك من خيمتي

يمك ردت خويه اضل موتي سوه
يلغمضت صعبه تشم روحي الهوا

*_

يا*ديرتي وحشه وغريبه
بس الدمع ضل ونحيبه
تهضم اميره وعالهزيله
بالجف حبل هاي المصيبه

اكعد يخويه يحسين
عاين حال النساوين..
غرك دمعهن العين

بين الخلك فوك الهزل هايه اتهضم
صوط الشمر موش اللحم لاح العضم

يافركتك دم الدمع لبجيته لك
طف كربله مامش خيم راحو هلك.

*__

✍*️هشام امين المالكي

#قصائد_محرم
#اليله_التاسعه
مولاتي ليلى عن ولدها الأكبر صلوات الله عليهم

فارك عيني وراح
تارس كلبي جراح
اكضي الليل نياح....يوليدي

مر يفراكك حيل
كل ما مرني الليل
دمع العين يسيل.....يوليدي

رد يوليدي وشوف الحال
يكسر خاطر دمعي السال
حسنك فارك عيني وراح
قوس ضهري اعليك ومال

لمك كلب كلش تعب
راح النضر منها نسلب
بين الغرب خير انهب

علي يبني علي.....
___
كلبي شكد مهموم
ولا مر عيني النوم
طولك يمي يحوم....يوليدي

ذابح روحي الشوك
صوتي نبح مطبوك
تبجي لحالي النوك....يوليدي

هجرك نبله وكلبي نصاب
وسومر لوني وكلش ذاب
عايف حضني الاكبر ليش
ونايم غادي بحضن تراب

راح السهر يبني الولد
ضاع الربه وهز المهد
باكي العمر شلي بعد

علي يبني علي ......
/////////////////////////////

عميه اعليك العين.
ميت ذخر حسين.
مأخذ روحي لوين... يوليدي

ضلت وحشه الدار
يبني بحالي شصار..
كلبي اعليك حتار ..يوليدي

يبني بهيمه الليله تبات
وكاسر ضهر العلويات
سافر كلبي وعايف غاد
ذيج عيونك يالحلوات

عالخد دمع كلشي رسم
خيل وضلع نار وخيم
وصرخة نحر من الالم

///////////////////////////

روحي اعليك رماد
طايح يبني الغاد
عنك صرنه بعاد..... يوليدي

تارس روحي جروح
خلص حيلي النوح
رد يبني المذبوح .. يوليدي

ايدي اعله الخد ونطر ذاك
طولك يرجع وتلكاك
ومسح ثوبك من تراب
كون نموت وليدي وياك

مثل الجمر من يشتعل
يبني الهجر ماينحمل
كلساع افز ابني عدل

*_

✍️*هشام امين المالكي

#قصائد_محرم
#الليله_الثامنه مولاتي رمله عن ولدها القاسم صلوات الله عليهم.

الحنه طاحت امنيدي
ناديت سملله يوليدي.
يلطولك كشخة ولايه
فرحتي انت ياعيدي

يمصيبتي.... شمعك طفه وبزني الكلب
هل الدمع..... كوه الجدم يمشي الدرب

تعال.. ووطفي الكلب ناره
تعال..عفتني بجرحي محتاره
تعال..عالخد دمعتي تجاره

يايمه ياقاسم...يايمه
____ينسمه وهاجرت ريتي
بس الحزن صفه ابيتي
الحجره ضلمه يوليدي
ذبحوها شمعة ومنيتي

طولي نحنه .... طش الخبر ها منذبح
ليش رحلت..... .. بيه عفت اكبر جرح

تعال ..يتارس كلبي حنيه
تعال..عليك عيوني معميه
تعال.. ينسمه مفارك الريه

يايمه ياقاسم.....يايمه
*___

غ*ريبه وتخنك الديره
جروحك كلش جبيره
عيوني الدربك اربيه
بدونك امك بحيره

كلبي نكسر.......يبني الولد.ضاع الربه
ليل اليمر..........اشتاك الك متعذبه

اصيح..يفيي المنذبح وينه
اصيح..عالباكت الترب عينه
اصيح..يوليدي عنك مشينه
_____

يوليدي من ينشدوني
تجاوب دمعة عيوني
بلحومه عرسه سويته
احضنه وعنه يبعدوني

بين الشمس......بين الترب خد الورد
يبني صحت .... لمك ترد لو ما ترد

تعال..ييمه مصيبتي جبيره
تعال..يلفكدك حيرته حيره
تعال..يحزنك تارس الديره
___يماخذ حيلي وسنيني
هجرك ينشمي يجويني
شلون الورد يدفنونه
لزكيته من دمع عيني

طولك ضوه..... كبال النضر يبني يشع
هسه صبحت....بس غربتي وهل الدمع

تعال..بجفوني الحزن لاله
تعال..انضرها حالتي حاله
تعال...دمعتي يبني هماله
____
✍️هشام امين المالكي

#قصائد_محرم
#الليله_السابعه... لشجاعة مولاي ابا الفضل العباس عليه السلام

ياهله بهيبة عمامه ياهله .

طر المعسكر صوبين
كفو يربات الحسين..ينشمي وحيل معدل

كفو يا زلمه ياحيد
خزرته تموت البعيد...منه العده تتختل

كمر كمر... لمن برز يعدل بلعمامه
كمر كمر.. ولكابله يحسبهن ايامه
كمر كمر...هيبة علي ولرافع الهامه

ياهله بهيبة عمامه ياهله...
___

ويل البرزله عباس
مايبقه عالمتن راس...سبحه وخرزها مطشر

قأىدهم يصيح ادخيل
راوانه عباس الويل..... يتراجف خله العسكر.

كفو كفو.... ضب الرسن لمن سمع عيله
كفو كفو.... كاسر رحي هذيج الكحيله
كفو كفو.... من الكمر ولكابله ويله

ياهله بهيبة عمامه ياهله...
___
الغيره لبراسه تفور.... فراهم فر الناعور
بيهم خبط ماي الشط

كفو يبو عيون وساع....يلخاسف بيهم الكاع
ليك البرز يتخربط

نزل نزل... من الفرس ياطبته صلاله
نزل نزل . ليهم غضب ويدور بخاله
رجع رجع ...صوب الخيم وجابه بعكاله

ياهله بهيبة عمامه ياهله
*__

كو*م العده ضل محتار...يمكن برز ذو الفقار
من زغرة شمرة حيدر

خله العده بستعداد .كفو يربات الجواد
وبسيفه ضل يتخير

برز برز.... يشبه لبوه بشمرته اوزوده
برز برز.... وبهامته يلخضره مشدوده
برز برز....و الماخلف كل بيهن وعوده

ياهله بهيبة عمامه ياهله

*_

✍️*هشام امين المالكي

#قصائد_محرم
#الليله_الخامسه
لسان حال مولاتي حميده صلوات الله عليها .عند فراق والدها

رايح يبويه والحزن فت الدليل...
رايح يبويه والدمع ماخله حيل..

شلون بيه بروحتك
ارجع عليه مروتك
الروح بويه بعازتك ...

ليه تعال وشوف حالي
لمن تفارك عيني غالي
تكبر جروحي وكل ونيني
زغيره ومحني ياخيالي

مصيبه....الله وكبر هل مصيبه
مصيبه....وحيده ضليت وغريبه
مصيبه....يجرح دليلي يانحيبه

___
رايح يبويه.ولغرب بيدي تكود
رايح يبويه ولحميده ماتعود

دمعتي عالخد سايله
أشبه رقيه بكربله
أنا الجنت لمدلله.....

عن النضر يابويه غايب
من الدمع ياجفني ذايب
طفله وتفارك حضن ابوها
عليها تلتم المصايب

عذابي.. .عنك يبويه من خذوني
عذابي ...رحيلك العامي عيوني
عذابي... دمع البجيته غير لوني
*_

را*يح يبويه.كلي بعدك وين اروح
رايح يبويه وعايف بكلبي الجروح

متبدي ياعطر الورد
الموقف يفت الجبد
رايح ابوي ومايرد..

مر الهجر مابيه حيله
الموتي احسب ليله ليله
من الدلال اعله الخرابه
عليله وتواسي بعليله

يروحي ..ابجي يروحي الحنونه
يروحي...حبيبج مغمض عيونه
يروحي.. غربه بقينه ومايجونه
____

رايح يبويه ولعطش ذبل شفاي
رايح يبويه كلبي كاسر وكفاي

ينايم بحر التراب
اكعد وشوف العذاب
المر عليه كلبي ذاب

مامش حميده بسلامه
يبويه ليلي شلون أنامه
روحي تريدك مر عليه
جرح الكلب ينزف هيامه

دمعتي...لاهيه بردت لاجروحي
دمعتي...تهل تطيح وياها روحي
دمعتي...عالخد ونيني ونوحي
___
✍️هشام زياره المالكي

#قصائد_محرم
#الليله_الرابعه_مولاتي_ام_البنين_عليها_السلام

العين تربي عالضعن
ريع الكلب عني مشه
يمدري بجفوني دمع
يمدري عيني مغوشه
ياروحي الكل ارحلو
ياروحي المن عايشه

طر الصحاري ياتعب المهد
وصيتي صيرو الزينب سند.
فيو عليها من حر الشمس
باجر تضل خيمها بلا وتد

يلرحتو الديرة الغرب
طريتو صوبين الكلب
يسنين تعبي ورجوتي
لفراك يولادي صعب
*__

يحسين* يمه من رحت
فتيت يبني مهجتي
كل مايطر فيه العصر
تكبر عليه مصيبتي
يبني العليله بعازتك
يادمعي غرك شيلتي

هديت حيلي يبني من رحت
كد مااناطر ضعنك سومرت
ضعنك عليه يبني من مشه
تاهت حياتي بالمشي عثرت

خليه داري ومضلمه
بدموعي تمسح فاطمه
تكلي يايمه الصبر
وانا ادري بيها مهشمه
*__

درب ال*سلامه ياضعن.
معزتك تشبه النفس
أبالي تجبل كل مسه
اللمه وكعدت الامس.
ادريك يوليدي عطشت
لمك كلب كلش يحس

ضعن القداسه باجر ينسبي
من الشمس ترجع حمره العبي
لحسين ماكو باجر بس حرم
والحادي اليمشي بيهن اجنبي

زينب سوالفها نهر
ايديها بيدين الكمر
عن ديرتي لمن مشت
مكسوره ردت الضهر

*_____

ال*عين ضلمه بلا ضوه
عن النضر من كوطرو
يبجي الكلب وكت المسه
أحبابه عنه تأخرو
ايدي عله خدي وانتضر
ليه الولد ماسيرو

جفو دليلي ياضي الصبح
وشلون اداوي بروح الجرح
ماي وتبده شيلمه الضعن
لحسين باجر رأسه عالرمح

باجر حرمنه بلا وطن
باجر ركض يتعثرن
لو بيهن تعيل العده
بناتك بيمن ينتخن..
__
✍️هشام امين المالكي

#قصائد_محرم
#محرم_الليله_الثالثه
مولاتي العليله وهيه تخطاب مولاي الحسين صلوات الله عليهم

لوطر صباحي ابدي بنياحي حضنك اريده
ضاعت حياتي.من جف خواتي صارت بعيده
بويه بضعنكم.اقره بحزنكم.ابطو عله هيده

حزنك يقره.دموع الفقره.وليل ايتام.
الفارك عينه..وضي سكينه شلون ينام
كسرة ضهري كل اليجري كون اوهام

بابا.بابا..عن نضرهن لاتسافر
يبقه كلبي ولله حاير
لوني يشبه الكناطر.

بابا بابا...فدوه ارجع فدوه ليه
وين اروح المغربيه
وحدي اضل بلا رقيه

____
يمتى تجيني ذبلت سنيني.لشوفة رقيه
ومرت ليالي.المنكم يغالي المامر عليه..
روحي نحيله دمعي الأسيله يجوي اديه

كلش صعبه .جروح الغربه ..تريد الحيل
ليفز جرحه....الشوك يذبحه. بتالي الليل.
كلبي توذر ..دمع الأكبر ..شفته يسيل

بابا بابا..روحي حنت لضعينه
تدري بيه شكد حنينه
.طولي ليش مفاركينه

بابا بابا.. ليلي دونك ما انامه
وني ليكم ون حمامه
كلبي يجرح ياهيامه
*__

ن*وح وملامه. حزني علامه.بعيني يلالي
ذايب حناني عطرك جفاني لجرح الليالي
اركض اكلمه ...ثوبك وشمه. وينك يغالي

لاطيف المر. كلبي توذر .من لفراك
كل المغرب راسي يشيب.من اشتاك
درت عيونك. وانا بدونك. لوني نباك

بابا بابا..راسي شيب من بطيتو
عن غربتي شسولفيتو
.ميته باجر لو اجيتو

بابا بابا..موتي اهون من عذابي
.ودمعي بلل كل ثيابي
.ياهو اليجبر مصابي
*_

خل*ص يحيلي .وذايب دليلي...وحشه بدونك
نوحي مصابي .جرحي وعذابي..شوك العيونك
روحي عليله....دمعي الاسيله ..لممشه ضعونك

جرح البيه .اعله الحنيه. وذاك الليل..
اضلم بيتي .مفارك ريتي.عطر الهيل..
يجرح لوني .من عفتوني..ضكت الويل

بابا بابا ..أنا لبجالك اميره
حيرة كلبي هسه حيره
عمري يسنينه كصيره

بابا..رسمي ذايب وصفاتي
اخر حجايه المماتي.
كلبي مشتاك الخواتي
&___
✍️هشام امين المالكي