عسى لي معك عمرٍ حاضره ماهو مثل ماضيه
كثر ما عاش قلبي في رجاك ومات من خوفه

أحس بقربك بـ أُلفه وأشوفك لي أعز أغراب
‏عجزت أفهم متاهات المشاعر بينك وبيني

قلبي تلوّع بـ المواجع لين ما جوفه فضا
دايم مشاعرنا سجينه في صدور أحرارها

‏تمادي وإن نويتي ذبحتي ما للبرا مردود
‏تحلويت المنيّة وأحتضنت السيف والسيّاف

‏تخيلتك مسارح شوق و إحساسك ولّه جمهور
‏و هقيت إني بلحظة شاعرك وعيونك أتباعي

‏انت ما انت الغالي اللي لا رحل يتلاه غالي
‏وانت ما انت الغايب اللي غيبته نقدر عليها

أنت تدري عن غلاتك وعلمي فيك زين
‏ما لقيت إلا قصيدي عليك أوصله

‏مرحبا بك والمشاعر لو تشوف اقصاها
‏تدري ان جيتك عندي ماهي بـ عاديه

أنت الشعور اللي ما قد حسيت فيه
وأنت الكلام اللي ما قد قلته لأحد