- Rejim Tofiq Yaqubludan nəyin qisasını alır?
- Qadın jurnalistlərin kütləvi həbsi nəyin əlamətidir?
- İnsanların məhkəmələrin önünə toplanmasına belə imkan verməyən, AXCP üzvlərinin həbsini daha da artıran rejim Azərbaycanla Belarus və Türkmənistan arasındakı son fərqləri də aradan qaldırır?

https://www.youtube.com/live/tKPt3BhGWjs?si=Z8vhqh3kfOWIBcVJ

Dəhşətli statistikadır. Azərbaycan kişilərinin yarıdan çoxu (50.4 faizi) pensiya yaşına (65 yaş) çatmadan dünyasını dəyişir. Xroniki işsizlik, yoxsulluq, kirayə xərcləri, yüksək bank faizləri, uşaq pulu olmadan uşaq böyütmək çətinliyi, borc tapa bilməmək, dərman, ərzaq ala bilməmək, evi qızdıra bilməmək xəcaləti kişilərin ömründən kəsir. Millətin genefondu məhv olur. İnsan həyatından qiymətli nə var? İnsan həyatını da puç edir indiki hakimiyyət. Bir dəstə adam isə heç nəyə baxmadan rejimə yaltaqlanmağa davam edir. Ölkəmiz və xalqımız çox ağır zamanlardan keçir.

Qardaş Türkiyədə baş vermiş böyük faciəyə görə çox üzüldüm. Bolu bölgəsində oteldə baş vermiş yanğın nəticəsində 66 nəfər həyatını itirib, daha 51 nəfər xəsarət alıb. Türkiyədə matəm elan olunub. Baş verən faciə ilə bağlı qardaş ölkəyə və xalqına dərin hüznlə baş sağlığı verirəm. Faciə nəticəsində ölənlərə Allahdan rəhmət, doğmalarına səbr, xəsarət alanlara şəfa diləyirəm.

https://youtu.be/GMQ0gufK2_w?feature=shared

20 Yanvar xalqımızın kütləvi qəhrəmanlıq günü!
20 Yanvar Sovet imperiyasının azadlıq mübarizəsinə qalxmış Bakını yenidən işğal etdiyi gün!
20 Yanvar xalqımızın müstəqillik uğrunda mübarizəsinin zirvəsi!
20 Yanvar Azərbaycan xalqının məğlubedilməzliyinin, yenilməz ruhunun təntənəsi!
Şəhidlərimizi hörmətlə anırıq, onlara Allahdan rəhmət diləyirik!

İmişlidəki etiraz xalqın İlham Əliyevə xəbərdarlığıdır.

Tofiq Yaqubludan məhkəməyə sürpriz müraciət və yeni ifşalar.

https://www.youtube.com/live/tvgEsRNbMIY?feature=shared

Kuba ABŞ-la razılaşma əsasında 553 nəfər siyasi məhbusu azad edəcək. Kuba rejimi bu qərarı ABŞ prezidenti Baydenin Kubanı terroru müdafiə edən dövlətlər siyahısından çıxarmasına cavab olaraq atacaq. Kuba rəsmiləri bildiriblər ki, onlar 20 yanvarda Baydenin səlahiyyət müddəti başa çatanadək 553 nəfər siyasi məhbusun azad edilməsini təmin edəcəklər.

İlham Əliyevin anti-Qərb ritorikasını gücləndirdiyi bir vaxtda dünyanın ən repressiv və qəddar rejimləri ABŞ və Aİ ilə dialoqu bərpa etmək üçün siyasi məhbusları azad edb, rejimlərini nisbətən də olsa, yumşaldırlar.

Kubadan əvvəl Belarus diktatoru Lukaşenko da siyasi məhbusların tədricən azad edilməsi prosesinə başlayıb. Lukaşenko son 4 ayda 6 əfv fərmanı ilə 180 nəfərə yaxın siyasi məhbusu azad edib.

İlham Əliyev isə həbs olunmuş gənc və təqsirsiz insanların cəzalarını daha da sərtləşdirir. İlham Əliyev bu siyasi kursla bir az da hakimiyyətdə qalsa, Azərbaycandakı repressiyaları müqayisə etməyə dünyada ölkə tapa bilməyəcəyik. Tək adam hakimiyyətinin Rəsulzadə yurdunu gətirib çıxardığı indiki acınacaqlı vəziyyət çox üzücü və utancvericidir.