Rejimin xarici dövlətlərə və çeşidli "oyun"lara xərclədiyi, ölkədən çıxardığı milyardlar əslində kimindir?

Siz heç dünyada elə bir hökumət görmüsüzmü ki, qısa müddətdə 35 min iş yerini bağlatması ilə fəxr etsin? Azərbaycan hakimiyyətinin təmsilçisi fəxrlə bildirir ki, hökumətin gördüyü tədbirlər nəticəsində taksilərin sayı 70 mindən 35 minə düşüb. Başqa sözlə, dünənə qədər taksi sürücüsü kimi evinə çörək qazanan 35 min nəfər də işsizlər və yoxsullar ordusuna qoşulub. Azərbaycan hakimiyyəti xalqı bir heç saydığına görədir ki, ictimaiyyətin qarşısına çıxıb "biz məqsədyönlü iş apararaq 35 min iş yerini bağlatmışıq" deyə bilir. Xalqa meydan oxumaq daha necə olur ki?

https://www.youtube.com/live/Qssz8YWH_Hk?si=ARsjJS-SX2blaGb7

YouTube

YAP siyahı böhranı,Ukrayna- yeni sınaq, Çinlə birgə haraya?Fransanı dağıdırıq? Ə. Kərimli ilə söhbət

► ► ÖDƏNİŞSİZ ABUNƏ OLUN ► http://bit.ly/2WtEQMG ► ► BİZƏ DƏSTƏK ÜÇÜN ÖDƏNİŞLİ ABUNƏ OLUN ► http://tinyurl.com/mr3ajcyz ► ► Patreon ► https://www.patreon.com/azsaat ► ► Bitcoin hesabı ► 1Mza8925anq8KSxMiEeVHnEBRBU6LFoZXf ► ► Təkliflər, Şikayət…

AXCP Ali Məclisi müzakirələrdən sonra qərar verdi:
Ölkədə 300 nəfərdən artıq siyasi məhbusun hələ də azad edilmədiyini, sərbəst toplaşmaq azadlığının qadağan edildiyini, seçki komissiyalarının hakimiyyətin tam nəzarətində olduğunu, səsvermə və səslərin sayılması prosesinə nəzarətin mümkün olmadığını, azad mətbuatın məhv edildiyini, seçkilərin müstəqil yerli müşahidəçilər tərəfindən monitorinqinə imkan verilmədiyini, azad rəqabət və seçki mühitinin olmadığını nəzərə alaraq 1 sentyabr 2024 -cü il tarixinə təyin olunmuş Milli Məclisə növbədənkənar seçki boykot edilsin.
Qərar yekdilliklə qəbul olundu.

AXCP Ali Məclisi həmçinin 3 ay ərzində AXCP-nin növbədənkənar qurultayının çağırılması haqqında da qərar verdi. Qurultayı hazırlamaq üçün 21 nəfərdən ibarət təşkilat komitəsi yaratdı.

Siyasi partiyalar haqqında yeni qanun hökumətə siyasi partiyaların işlərinə qarışmaq üçün əlavə səlahiyyətlər verib. Ədliyyə Nazirliyi rəhbərliyi AXCP-yə məktub göndərərək partiya nizamnaməsinin Siyasi partiyalar haqqında qanunun tələblərinə uyğunlaşdırılmasını istəyib.
AXCP Ali Məclisi hakimiyyətə "AXCP Siyasi partiyalar haqqında qanunu pozur" bəhanəsini verməmək üçün partiyanın növbədənkənar qurultayını çağırmaq qərarı verdi. AXCP-nin yeni nizamnaməsi növbədənkənar qurultayda qəbul olunacaq.

Dəfələrlə müraciət edilməsinə baxmayaraq hakimiyyət yenicə qəbul etdiyi Siyasi partiyalar haqqında qanunu da pozaraq, Ali Məclisin iclasının keçirilməsi üçün uyğun zal ayırmadı. Məcbur olub Ali Məclis iclasını üzvlərimizin birinin həyətində keçirdik. Təkcə bu fakt da ölkədə rəqabət və seçki mühitinin olmadığını sübut edir.

https://www.youtube.com/live/JsVVObm0iVs?si=oRruF5kJ0XjfhGYL

YouTube

Seçki, yoxsa seçki şousu? F-16-lar Ukraynada! Əliyevin BRİKS avantürası. Əli Kərimli ilə müzakirə

► ► ÖDƏNİŞSİZ ABUNƏ OLUN ► http://bit.ly/2WtEQMG ► ► BİZƏ DƏSTƏK ÜÇÜN ÖDƏNİŞLİ ABUNƏ OLUN ► http://tinyurl.com/mr3ajcyz ► ► Patreon ► https://www.patreon.com/azsaat ► ► Bitcoin hesabı ► 1Mza8925anq8KSxMiEeVHnEBRBU6LFoZXf ► ► Təkliflər, Şikayət…

Benzinin, dizel yanacağının, nəqliyyatda gediş - gəlişin, dərmanların qiymətini, vergiləri, rüsumları, cərimələri artırmaqla azərbaycanlılardan qəpik - qəpik, manat - manat topla, sonra da 2 milyard dolları Pakistana sərmayə adı ilə yerləşdir. Pakistana hörmətimiz, sayğımız var. Ancaq bu ölkənin 3 milyon insanı işsizdir. 2.6 milyon uşağına uşaq pulu verilmir, 1.2 milyon təqaüdçünün pensiya yaşı hər il artırılır. 100 mindən artıq əlil müavinatdan məhrum edilib, bu ölkənin qəhrəman qaziləri çarəsizlikdən kütləvi şəkildə intihar edir. Bu ölkənin artıq milyardları varsa, bu ölkəyə yatırılmalı, yeni iş yerləri açılmalı, xalqın sosial müdafiəsi gücləndirilməlidir. Azərbaycanın pullarının xeyrini heç olmasa azacıq da bu ölkənin vətəndaşları görməlidir. Nə vaxta qədər xalq bu ölkənin yalnız cəfasını, bir qrup korrupsioner də səfasını çəkəcək?

Bu gün xalqımızın cəsur qızı, siyasi məhbus Sevinc Vaqifqızının doğum günüdür. Dostları həbs edildikdən sonra Sevinc xanım Avropada qalaraq da rejimlə mübarizə apara bilərdi. Ancaq o, rejimə meydan oxumağı seçdi. Avropadan birbaşa Azərbaycanın həbsxanasına gəldi. Həbsxanada da "dinc oturmadı". Orada hüquqları pozulan qadın məhbusların sözçüsü oldu. Onların problemlərini ictimailəşdirib, həllinə kömək etdi. Sevinc xanımın iştirakı ilə keçirilən hər bir məhkəmə prosesi də Azərbaycan hakimiyyətinin və məhkəmə heyətinin ifşası ilə nəticələnir.
Sevinc xanımı doğum günü münasibətilə ürəkdən təbrik edirəm. Haqq etdiyi azadlığa tezliklə qovuşmasını arzulayıram.

https://www.youtube.com/live/nQEpwtU9Uu8?si=oxfAFe_7iUUwKVUW

YouTube

Azərbaycan Rusiya və Çin arasında. İranda seçki, Azərbaycanda işgəncə! Əli Kərimli ilə müzakirə

► ► ÖDƏNİŞSİZ ABUNƏ OLUN ► http://bit.ly/2WtEQMG ► ► BİZƏ DƏSTƏK ÜÇÜN ÖDƏNİŞLİ ABUNƏ OLUN ► http://tinyurl.com/mr3ajcyz ► ► Patreon ► https://www.patreon.com/azsaat ► ► Bitcoin hesabı ► 1Mza8925anq8KSxMiEeVHnEBRBU6LFoZXf ► ► Təkliflər, Şikayət…

https://youtu.be/3ZmPcATI8Y0?si=Bo1bLgFKsjRpk0p2

YouTube

Əli Kərimli: "Azərbaycanda müxalifət əzilib".

Toplum TV AXCP sədri Əli Kərimli ilə müsahibəni təqdim edir.

Paradoksa baxın. İlham Əliyevin müttəfiqi Rusiya işğal olunmuş kəndlərimizi bizə qaytardığına görə Paşinyanı devirmək istəyir. Bu necə müttəfiqlikdir. Siz daha əvvəllər belə müttəfiqlik görmüsüzmü, eşitmisizmi?

Aydındır ki, Rusiya bir neçə ildir Paşinyanı devirmək istəyir. İndiyə qədər də onu devirmək üçün N qədər saxta bəhanədən istifadə etməyə çalışıb. Ancaq budəfəki kampaniya öz həyasızlığı ilə fərqlənir. Rusiya bütün 5-ci kalonunu səfərbər edib. Keçmiş hərbçilər, indiki hərbçilər (belələri də var), erməni kilsəsi, diasporanın xəstə nümayəndələri, Köçəryan - Sarkisyan klanı "Vətən əldən getdi" deyib özünü öldürür. Keçmiş prezident, vaxtilə erməni xalqının inqilabla devirdiyi, Xocalı qatili Sarkisyan özü şəxsən mitinqlərə gəlir, Paşinyanı istefaya çağırır. Ümumerməni katalikosu da Paşinyanı istefaya çağırır. Bir dəstə yolları bağlayır, başqa dəstə İrəvanın mərkəzində mitinq edir, daha başqa bir dəstə hərbçiləri etiraz edən mitinqçilərlə birləşdirməyə çalışır.

Bəs nə olub ki, bu saxta vətənpərvərlər özlərini öldürür? Faktiki olaraq heç nə. Paşinyan Ermənistanın olan heç nəyi bizə verməyib. Hər zaman Azərbaycan torpağı olmuş, xəritələrdə də hər zaman Azərbaycan torpağı kimi göstərilmiş, Qazax rayonunun Ermənistanın işğal etdiyi 4 kəndini sahibinə qaytarıb.

Bilirsiz, bütün bu baş verənlərin arasında ən əcayibi - hətta İlham Əliyevin müttəfiqi Rusiyanın öz 5-ci kalonu vasitəsilə Azərbaycan torpaqlarını özünə qaytaranları "xəyanətkar" elan etməsindən də məntiqsiz, əcayib olan nədir? Azərbaycan dövlətinin televiziyası kimi özünü təqdim edən, İlham Əliyevin şəxsi ruporu olan AzTV-nin Rusiyanın Paşinyanı devirmək cəhdlərinə informasiya dəstəyi verməsi. Bu, bütün prosesin ən əcayib həlqəsidir və ölkəmizi kimlərin hansı təfəkkürlə idarə etdiyini çox aydın nümayiş etdirir.