Qachonki tilimizdan yot so‘zlar chiqib ketmas ekan, qachonki sof o‘zbek tilida gapirganlarga taajjublanib qaramas ekanmiz. Bayram o‘shanda tatiydi.

👉KitobHouse👈

Hattoki o‘zimizdan ham qizg‘anadigan sirlarimiz bor

Yordamingiz juda muhim 🔥

Telegram va instagramda online kitob sotadigan kanallarni bilsangiz iltimos izohda yozib qoldiring.

Kanaldagi obunachilar soni muhim emas, faol bo‘lsa yetarli.

Minnatdorman 😁

Koʻcha, avtobus yoki metroda telefon ovozini baland qilib gaplashadigan darajada befarosat boʻlmang

#rivojlanish 📈

Nimalar oʻrganilyapti?💰 Marketing Oʻzim oʻqiyotgan kursdan tashqari har kuni marketingga oid kanallarni oʻqib boraman. Youtubeda tekin darslar, ma’lumotlar juda koʻp ulardan samarali foydalansangiz anchagina bilimga ega boʻlasiz. Ayniqsa kreativ olingan reklamalarni muntazam kuzatib borish yangi gʻoyalar kelishiga zamin yaratadi.

💻 Qoʻshimcha bilimlar Shugʻullanayotgan sohangizga yaqin jarayonlarni muntazam kuzatib boring. Sizga qoʻshimcha qulayliklar keltirishi mumkin boʻlgan va sohangizga kiritsangiz samarali yechimlar beradigan vositalar chiqib qoladi. Yaqinda Nocode atamasiga duch kelib qoldim, atama atrofidagi ma’lumotlarni koʻrib chiqishni boshladim. Buyogʻi, Evrika!!!

Nocodeda dasturlashni oʻrganmay turib, maxsus saytlar orqali oʻzingizga qulay sayt yoki telefon dasturini yaratib olishingiz mumkin. Bu xuddi video montaj qilish yoki photoshopda dizayn tayyorlashga oʻxshaydi😎

Demak, biznes boshqaruvi uchun kichik sayt yaratib koʻrsak boʻladi yoki oʻzim xohlagandek oʻqigan kitoblarimni hisobotini yozib boruvchi dastur📖

💭 Til oʻrganish

Eng koʻp oyogʻimdan urayotgani til bilmasligim. Katta ma’lumotlar manbai ingliz yoki rus tilida. Sohadagi yangiliklar ham yetib kelguncha yillar yoʻqotiladi. Til oʻrganishga jiddiy kirishib, bahorgacha oʻzimga kerakli darajaga chiqib olishim zarur.

📜 Oʻqish va yozish Har kuni 1 sahifa boʻlsa ham 📚 kitob oʻqishni odat qilish lozim, bu kun davomidagi charchoqlar chiqarishga va yana yangi gʻoyalar kelishiga sabab boʻladi.

Yozish esa insonda fikrlash qobiliyatini rivojlantiradi, yozayotgan odam oʻylaydi, fikrlaydi, tafakkur qiladi🧐 Oʻqiganlaringizdan xulosalarni, kuningiz qanday oʻtganini, rejalarni yoki shunchaki yozish mumkin. Kunlik 📝kundalik yuritishni ham odat tusiga kiritgan yaxshi. Bu kechagi siz bilan bugungi yoki kelajakdagi sizdagi farqni ham namoyon qiladi.

Buguningiz kechagidan 1%ga boʻlsa ham yaxshi oʻtsin.

👉KitobHouse👈

#fikr 🤔

Bezaksiz til Ayamning dadalari otam yomon ish qilib qoʻysak “Qilgan ishlaring attorni qutisida yoʻq”, deb urishib berardilar. “Attor” kim ekan deb rosa oʻylardim. Xuddiki sehrgar, qutisini ochsa ichidan hamma narsa kelib chiqadigan koʻrinishda tasavvur qilardim 🧳 Buni nimaga esladim?

Bir tilda 3000-4000 ta soʻz oʻrgansa bemalol koʻchada muloqot qilib, yoʻlini topib ketadigan darajada boʻladi deyiladi. Afsuski, oʻzbek tilida ham shu darajadan yuqorilay olmayapmiz 😔 Tilimizda ishlatiladigan ibora, oʻxshatish, qochirimlar, eng achinarlisi soʻzlar yoʻqolib ketyapti.

Agar biror kishi oʻxshatish bilan gapirsa ajablanib qaraymiz yoki kitob koʻp oʻqiydi-da deb qoʻyamiz 🤭 Oʻz tilimizning ustidan kulamiz. Balki oʻzbek adabiyotini shuning uchun ham oʻqish kerakdir. Oʻtgan yili Togʻay Murod kitoblarini oʻqiganimda sof oʻzbekcha gaplaridan rohatlangandim.

Tarjima kitoblarda ham ahvol shu, hatto oʻquvchining talabi ham sayozlashib boryapti. Soʻzlarni rang-barangligidan nolib qolishadi. Yangi soʻz oʻrganishga, ozgina izlanishga erinchoqlik qilishadi. Muloqotda qoʻllash esa boshqa masala. Oʻz oyogʻimizga oʻzimiz bolta uryapmiz.

Til millatni oʻzligini saqlab qolishdagi eng birlamchi vositadir.

Muloqotda iboralardan foydalanasizmi?

✨Attor - upa-elik, turli dorvorlar, xushbo'y narsalar va shu kabilar bilan savdo qiladigan shaxs, do'kondor.

👉KitobHouse👈

Shu kitoblar uchun tanlov tashkil qilish fikri kelyapti 🥳

#haqida

Bookbloggerlar orasida eng erinchoq va dangasasi o‘zim bo‘lsam kerak. Blog uchun deyarli post yozmay qo‘ydim. Kitoblar haqida esa gap bo‘lishi mumkin emas. To‘g‘ri yo‘lga qaytish kerak.

Umuman blog balki shaxsiy hayotda ham o‘zgarishlarni amalga oshirmasam «comfort zone»ga juda o‘rganib qoldim. Bir maromda oylikdan oylikkacha yashab yurish yaxshi. Lekin umrda biror rang qolmaydi. Doimo yangiliklar, o‘zgarishlar oqimida bo‘lish esa bizga kuch beradi. Shunday ekan bugundan boshlab «O‘zimdan o‘zimga» degan chellenj boshladim.

«O‘zimdan o‘zimga» nima degani? Hozirgi Ilhomga ishlov berish va yanada kuchliroq qilish. Har tomonlama o‘zgarishga erishish. Jismoniy, aqliy, moliyaviy, karyera va boshqa salohiyatlarni shakllantirib borish asosiy maqsadim. Har kuni kechalari shiftga tikilib o‘ylaydigan orzu va maqsadlarga erishish uchun hozirgi Ilhomni yaxshi ma’noda qurbon qilib O‘zlikni topish.

Inson atrofdagilar va oilasi uchun biror ishni amalga oshirishi uchun avvalo o‘zi kuchli inson bo‘lishi kerak. Yaxshi farzand, yaxshi turmush o‘rtoq, yaxshi do‘st, yaxshi hamkasb sifatida namoyon bo‘lishingiz uchun ham o‘zingizni o‘zgartiring. Ular sizni hech qanday manfaatsiz qabul qilishlari mumkin, ammo o‘zingizning ko‘nglingizdagi g‘ashlik ketmaydi. Faqat ichingizdagi men uchun javobgarlikni his qilsangiz o‘zgara olasiz.

Yana o‘zimda shakllantirishim kerak bo‘lgan narsa «yo‘q» deya olish. Ko‘ngil bo‘shlik qilib, ko‘p holatlarda «yo‘q» deyishga tortinaman. O‘ylab ko‘rsam, shu sabab vaqtim, quvvatim, daromadim va asablarimni yo‘qotganman. Sizni o‘zingizdan boshqa hech kim tushunmaydi. Vaqtingiz yo‘qmi? Arzonmi? Hozir muhim emasmi? Ortiqcha yukmi? «Yo‘q» deyish kerak.

«KitobHouse» asosan kitob va unga oid post uchun mo‘ljallangan blog, o‘z holicha qoldirishga qaror qildim, chunki men uchun farzand kabi aziz. «O‘zimdan o‘zimga» nomli kanal ochdim. Unda kunlik chellenj natijalarini, ish yoki shaxsiy hayotdagi o‘zgarishlarni yozib boraman. Bu ham avvalo o‘zim uchun, qo‘shilish esa ixtiyoringizda. Kanal men uchun bir tarix o‘laroq qoladi. 2024-yil 9-oktyabrdagi Ilhom 3, 6, 9 oydan, 1 yildan keyin kim bo‘lganligini belgilovchi kanal. Kanalda kunlik natijalar jadvali har kuni to‘ldirib boriladi.

Xullas, davom etamiz...

👉KitobHouse👈