((( يخيمات)))

يخيمات ... باجر ليش تحتركن يخيمات
انه لوحدي وعندي يتيمات
عوفنه جدم زينب يجمرات

------//------

باجر ولايبقى لي أخو بين الغرب وحيده
باجر وراي اشكد ركض للمشرعه البعيده
آلزم طفل يركض طفل صوة ارتوه على أيده
احمل رقيه من الجمر خولي يطك حميده

يالعيون .. جف أجناب تنسطرن يالعيون
باجر وين تنظمن يالمتون
عكب الكمر حدايه اليكرهون

------//------

باجر اشوف الماشفت كل عمري وحياتي
باجر ترى رماد الخيم سجادتي لصلاتي
باجر يضل سوط الشمر يندل متن بناتي
معناها لو جابو حبل ماضل ولي لخواتي

يموتون ... باجر كل هلج زينب يموتون
ناس بهلت دموعج يشمتون
زينب وليه نوليها يصيحون

------//------

باجر آميراة الخلك تشبع بجي وشماته
وكفهن كبال الكمر زجر ويطك خواته
باجر ترى حسين العصر مايلحك لصلاته
فوك الترب ومايجي يشوف لجرة لبناته

يالخوان ... باجر عازه عازتكم يالخوان
وانتم رؤوس ماعندكم ياوليان
بين الخيل زينبكم يالحنان

------//------

باجر تهد خيل وزلم تحرك خيم علينه
يطرش وجه شمر الضحك ويتشمت بجينه
وادم فلا عدهم رحم ونتشاكف بأدينه
باجر ولاعباس اكو لو فزعت يجينه

يعباس ... نصيح ومايرد لينه
يعباس
توكف بينه وبيني شكثر ناس
الجيش طلعت عينه ينوماس

------//------

باجر تفر كل الحرم بين الغرب هظيمه
ويذبحنه ميمون الولي من يصهل الظليمه
بالحومه كل حافر فرس كاسر ظلع يتيمه
ورأس الحسين يصب دمه من لحيته الكريمه

الأيتام ... من جرح الحبل تنحب اليتام
بعد شضامه لزينب يالايام
عكب الخدر المسلب بعد شام

------//------

الرادود عمار الكناني
الشاعر علي عويز الشويلي

القصيدة: طايح بين خياله

اجذب عيني وادري حسين طايح بين خياله
ثلت ايام ظل عريان محد بالجذب شاله
اگعد لو عذر يحسين لا توصل الهل حاله يحسين بتراب اتنام جا گلب اختك شحاله

الماسح براسي وگمت امسح لحيته

ركضت بهذا عمري عليك ادور بالجثث وينه
ولا ميت عبرته حسين ما فكيتهن عينه
كثر ما بيك سحگت خيل تيهتك يبو سكينه
لگيناك وخذانه الليل گد ما بيك لمينه

تارسه الهيمه هدومك بالحوافر

زينب لا تگلي حسين بس اشرلي اسمعنك
من گد ما جنت عطشان حار اسمي طلع منك
شني بعز السموم اتبات وانته الفي رغم ونك
ابونه حسين لو موجود جا دنه الشمس عنك

فياي لحسيني سويت بعباتي

خذن صدرك سهام وجيت گتله شلونك وسلم
يقنعني يريد يگول انه بخير وتبسم
ولا شيبه بقت بحسين ما صابغها لون الدم
اول خير فوگ الگاع واول نعمه ما تلم

الباقي جا وينه مو كله لگيته

? القصيدة: مجمر دليلي
? أداء: مسلم الوائلي
? كلمات: حسن الترابي
~~~~
يحسين اجيتك محترگ..مجمر دليلي من العشگ
بعيوني شايل كربله..ومعزب بصدري السحگ
حسين يا أبا عبدالله..حسين يا أبا عبدالله
~~~~
ساجيني حزنك ونصلب شفه اعله بيبان العطش
يرسملي طولك عالترب بحوافر الخيل انفرش
شلون بحصيره تنجمع ماكو اعله گد طولك نعش
هم لموا من الداستك لو ضاعن بليل اهدعش

ما بارحت حزنك يوم..ولا لاگت عليه هدوم
كل عمري خلص كربله..وغربة بنات مدللة
حسين يا أبا عبدالله..حسين يا أبا عبدالله
~~~~
كل خطوة تگضي من الدرب نتسامر بعين الدمع
سولفلي عنك بالسحگ راح بسنابكهم ضلع
بعيونك مكابر عطش يلمنذبح ذبحت شمع
من ثوبي وياك استحي عريان أشوفك منصرع

يحسين يا حزن الله..مسلوب ثوبك غفله
من ثوبك المسلوب أمس..يبدي الستر يابو الشمس
حسين يا أبا عبدالله..حسين يا أبا عبدالله
~~~~
وازه السمه من علرمح راسك يبن حيدر صعد
بدم شيبته توضه العرش والقبلة عيونك سجد
بس انت يحسين وجذب يشمخ نخل عالگاع ابد
من عينك لحد عينك ومامش وره عيونك بعد

راسك بلرماح يبات..ويسگي بضواه النجمات
بس انت بعيوني العشگ..والباقي غربه اعله الصدگ
حسين يا أبا عبدالله..حسين يا أبا عبدالله
~~~~
من غربة ضنونك بدت كل المواسم والسفر
ليل وحزن يشرب حزن والغربه لجمات وسهر
شما يمحل بروحي العشگ يسگيني من عندك مطر
وذكر عطش گلبك وحن ولتم رذاذ اعله نحر

ماي اعله گلبك ياريت..اتبده كون تمنيت
بلكي الله تبره من الضمه..وعيونك أتلم السمه
حسين يا أبا عبدالله..حسين يا أبا عبدالله
~~~~
يمتد علينه فيايك ونلتم حدر في العشگ
بعيوني اعرف طولك مطشر حدر خيل السحگ
ياخذني يحسين الهظم وهجر صحبتي واحترگ
كل ما شفت ماي السبيل اعله الدرب حيل اختنگ

عطشان وبلايه فياي..عمت عيني وانه أشرب ماي
منومني بفياي الخيم..ومنوم بگلبك سهم
حسين يا أبا عبدالله..حسين يا أبا عبدالله
°°°°°°°°°°°°°°°°°°°°°°°°°°°°°°°°°°°°°°

#بندرية

هنا يمن سرتو بضعنه
اعله الجثث مرونه
خل نمر نودع اهلنه
وخلهم يودعونه
❉❉----------❉❉-----?-----❉❉----------❉❉

خل نمر بالساده اهلنه وللفحل ودوني
ارد اسولفله اعله ضيمي وارد اراوي امتوني
يابو فاضل شتموني خلافك وبچوني
ترضه غيرتكم يخوتي ويه العده تخلونه

❉❉----------❉❉-----?-----❉❉----------❉❉

واصبح المصباح الاگشر والهزل جابوهه
حشمت زينب باهلهه والاهل ماجوهه
ليش وحدهه العزيزة بلا ولي تخلوهه
للضعن يراد والي اووادم يبارونه

❉❉----------❉❉-----?-----❉❉----------❉❉

حيرة ام الحزن زينب بالعليل وحالته
شلون يالعباس بيها وابن اخوه ورجبته
وركبت وفزت الناگه وطاح هوه وعمته
وتالي بسياط وسبيه عداكم تولوهه

❉❉----------❉❉-----?-----❉❉----------❉❉

حنت الناگه اعله حالي وعاينتلي بلا ولي
صاحت اعله النوگ هونچ هاي زينب بت علي
مالها اخوان بضعنها ولا كفيل بمحملي
ولاولي يباري لخواته وينشد اعله ضعونها

❉❉----------❉❉-----?-----❉❉----------❉❉

وحنت ام جاسم لجاسم وعله ذيچ الذكريات
وذكراها الطف بابنها والعرس والامنيات
تالي عريس المنايه بفرحة الميدان مات
عادة العريس اخوته بحنته يزفونه

❉❉----------❉❉-----?-----❉❉----------❉❉

وتالي من فوگ المحامل ودعت ذيچ الحيود
وحزني مافارگني ساعه ونوحي وهدومي السود
من عگب عزي ودلالي مچتفه بذيج القيود
عايله وخوان ماهم والعده يمشوهه

❉❉----------❉❉-----?-----❉❉----------❉❉

يامره الشافت خيمهه خلاف عزها تفرهدت
ياهي ضاگت مثلي لوعة وياهي مثلي تشتمت
انه ذيچ الهاشمية العگب ابو اليمه انسبت
والوكت ما انصفاني شوف وكتي شلونه
❉❉----------❉❉-----?-----❉❉----------❉❉
۞اداء:- ملا صادق الجابري
۞الشاعر:-
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

القصيدة: طايح بين خياله

اجذب عيني وادري حسين طايح بين خياله
ثلت ايام ظل عريان محد بالجذب شاله
اگعد لو عذر يحسين لا توصل الهل حاله يحسين بتراب اتنام جا گلب اختك شحاله

الماسح براسي وگمت امسح لحيته

ركضت بهذا عمري عليك ادور بالجثث وينه
ولا ميت عبرته حسين ما فكيتهن عينه
كثر ما بيك سحگت خيل تيهتك يبو سكينه
لگيناك وخذانه الليل گد ما بيك لمينه

تارسه الهيمه هدومك بالحوافر

زينب لا تگلي حسين بس اشرلي اسمعنك
من گد ما جنت عطشان حار اسمي طلع منك
شني بعز السموم اتبات وانته الفي رغم ونك
ابونه حسين لو موجود جا دنه الشمس عنك

فياي لحسيني سويت بعباتي

خذن صدرك سهام وجيت گتله شلونك وسلم
يقنعني يريد يگول انه بخير وتبسم
ولا شيبه بقت بحسين ما صابغها لون الدم
اول خير فوگ الگاع واول نعمه ما تلم

الباقي جا وينه مو كله لگيته

اسمع ونه بالمجلس
جنها ونة الزهرة
.......
اسمع ونه اولوعه
انه امك المفجوعه
روحي اعليك مصدوعه
تكله ياحبيبي اوتجذب الحسره
......
يبني اويابعد روحي
لسه ابصدري احروحي
مسيرك زيده النوحي
رايح وين يبني سفرة الكشره
.....
رايح وين يعيوني
ادري اوصادكه اضنوني
من توصل يفجعوني
يذبحونك ييمه اوتضل علغبره
.......
مسيرك وين يالغالي
تضل اختك بلا والي
وانه منشده بالي
ما اكدر اشوفن زينب اميسره
......
يبني ادموعي اسيلنها
واجروحي اشدنها
روحي بيش اصبرنها
اشوفن جثتك علغبره متوذره
......
اه يحسين يوليدي
يبني شوفتك عيدي
اكل الروحي بس هيدي
يوم الكاك يبني جنت منتظره
......
بس اشلون اشوفنك
يبني اشلون اعرفنك
ماسالم عضومنك
حته اضلوع صدرك يبني متكسره
......
شفته اوصحت يايمه
راسي اخضبته من دمه
مصابك يمه اشعظمه
ابكل مجلس اطبله ابونه وبعبره
......