‏يا حبيبي ما عرفتك بـ وجهٍ مستعار
‏و اكثر العشاق لعّابه و متحيّله

‏شفتك بـ عين المودّة و عين الاعتبار
‏و انت غصنٍ لا طرقْه النسيم يميّله

‏والله إنك اجمل من اللي تلّفت و استذار
‏و اجمل من اللي عقول العرب متخيّله .

‏ابتسم ماكني اللي من شقى الايام شاقي
‏وابتسامات الحزين اشد واقسى من دموعه

‏ليت كسرة خاطري في ساعدي ولافي ساقي
‏المظاهر زايفه والناس في الناس مخدوعه.

- عويد النجود .

ِ

غاب عنّي والوله خلاه عندي في غيابه
‏مادرى إن فرقاه نار ولا درى إن لاماه جنّه

‏ياوجودي وجد من صفّق على ماضي شبابه
‏بان شيبه والسنين اللّي يبيهن خالفنّه

‏غرّته خضر السنين وراح عمره ما درى به
‏غررّنه وأرفعنّه لين سج و حولنّه

‏وياوجودي وجد عودٍ لا عيال ولا قرابه
‏ماجداه إلا يونّ ويردف الونّه بـ ونّه .

- سلطان الهاجري .